በጉራጌ ዞን የእዣ ወረዳ የ2016 በጀት ዓመት የ6 ወር የአመራር የብቃት ማረጋገጫ የምዘና ከትላንትና ጀምሮ ዛሬም ተጠናክሮ ቀጥሏል ።

============================

በጉራጌ ዞን የእዣ ወረዳ የ2016 በጀት ዓመት የ6 ወር የአመራር የብቃት ማረጋገጫ የምዘና ከትላንትና ጀምሮ ዛሬም ተጠናክሮ ቀጥሏል ።

በዚህ ምዘና መድረክ የፓርቲና የመንግስት ስራዎች የ6ወር አፈፃፀም ግምገማ ለአመራሩ ምዘና ውጤት የሚሰጥበት መሆኑን የተገለፀ ሲሆን ምዘናው የፓርቲና የመንግስት ተግባራት የተፈፀሙበት አግባብን በመገምገም አመራሩ ለቀጣይ የፓርቲና የመንግስት ስራዎች ራሱን በደንብ እንዲያዘጋጅ አቅም የሚፈጥር እንደሆነም ተጠቁሟል።

በቀጣይም የፓርቲና የመንግስት ስራዎችን አፈፃፀም መሰረት በማድረግ አመራሩ ያለበትን ቁመና የሚለካበት መሆኑንና ለተግባር አፈፃፀም ማነቆ የሆኑ ችግሮች ተለይተው የመፍትሄ አቅጣጫ የሚሰጥባቸው መሆኑንም ተመላክቷል።

በጉራጌ ዞን እዣ ወረዳ እና አገና ከተማ አስተዳደር የጥምቀት በዓል ሀይማኖታዊ ስርዓት በጠበቅ መልኩ በተለያዩ አድባራት በሰላምና በደማቅ ሁኔታ ተከብሯል።

========================

በጉራጌ ዞን እዣ ወረዳ እና አገና ከተማ አስተዳደር የጥምቀት በዓል ሀይማኖታዊ ስርዓት በጠበቅ መልኩ በተለያዩ አድባራት በሰላምና በደማቅ ሁኔታ ተከብሯል።

የአገና ከተማ አስተዳደር ከንቲባ አቶ ሀብቴ ዘርጋ በጥምቀተ ባህር ተገኝተው ለህዝበ ክርስቲያኑ የበአሉ መልዕክት ባስተላለፉበት ወቅት እንደገለጹት የጥምቀት በዓል በዩኔስኮ በማይዳሰስ ቅርስነት የተመዘገበ ሀይማኖታዊ በዓል በመሆኑ ይህንን ቅርስ ተንከባክቦ በመጠበቅና ለአለም ይበልጥ በማስተዋወቅ የቱሪዝም ሀብትነቱን ማሳደግ ይገባል።

ከንቲባው አያይዘውም ህዝበ ክርስቲያኑ በዓሉ ሲያከብር የተቸገሩትን በመርዳት፣ የተራቡትን በማብላት፣ የተጠሙትን በማጠጣት በፈጣሪ ዘንድ የተወደደና ማህበራዊ ግዴታ እየተወጣን ሊሆን እንደሚገባ ገልጸው ህብረተሰቡ በዓሉ በሰላም ተጀምሮ እስኪጠናቀቅ የአከባቢውን ጸጥታ ነቅቶ መጠበቅ አለበት ብለዋል።

በጉራጌ ሀገረ ስብከት የእዣ ወረዳ ቤተክህነት ተወካይና የድረሬ ቅዱስ ገብርኤል ገዳመ ወደብር አስተዳዳሪ መልአከ ፀሀይ ተንሳይ ስራ እንዳሉት የበዓሉ ዋና አላማ ጌታ ኢየሱስ ክርስቶስ ከገሊላ ተነስቶ ወደ ዮርዳኖስ በመውረድ በቅዱስ ዮሐንስ እጅ በመጠመቅ የአዳም ልጆች የእዳ ደብዳቤያቸውን የቀደደበትና ህዝበ ክርስቲያኑ የመንፈስ ቅዱስ ልጅነት ያገኙበት በአል ነው ብለዋል።

በመሆኑም ህዝበ ክርስቲያኑ ጽድቅ ሊፈጽምና በጽድቅ ሊመላለስ ይገባል ብለዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።