የማህበረሰብ አቀፍ የጤና መድህን አገልግሎት

===የማህበረሰብ አቀፍ የጤና መድህን አገልግሎት ማህበረሰቡ ለህክምና የሚያወጣውን ከፍተኛ ወጪ በማስቀረት የዜጎችን የኑሮ ጫና የቀነሰ በመሆኑን በትኩረት መስራት እንደሚገባ ተገለፀ።

ጥር 19/2018 ዓም

በጉራጌ ዞን የእዣ ወረዳ ጤና ጥበቃ ፅ/ቤት በወረዳ ማዐጤመ አፈፃፀም ከባለድርሻ አካላት ጋር ገምግሟል።

የእዣ ወረዳ ዋና አስተዳዳሪ አቶ ዘውዱ ዱላ እንዳሉት የማህበረሰብ አቀፍ የጤና መድህን አገልግሎት ማህበረሰቡ ለህክምና የሚያወጣውን ከፍተኛ ወጪ በማስቀረት የዜጎችን የኑሮ ጫና የቀነሰ በመሆኑን በትኩረት መስራት ይገባል ።

በዘንድሮ አመት ከማጤመ ጋር ተያይዞ ስራዎች ቢሰሩም አሁንም ጉለት እንዳለ የጠቆሙት አቶ ዘውዱ ማጤመን ከፋይዳ መታወቂያ ጋር አስተሳስሮ በመስራት የማጤመ ተጠቃሚ አባላቶች የፋይዳ መታወቂያ ተጠቃሚ መሆን ይጠበቅባቸዋልም ብለዋል።

በቀጣይም እንደ ወረዳው በቀበሌዎች ተለዩ ጉለት ቶሎ በማረም በአፋጣኝ ማህበረሰቡ በትኩረት መስራት እንዳለበትም አቶ ዘውዱ አስገንዝበዋል።

የእዣ ወረዳ ጤና ጥበቃ ፅ/ቤት ሀላፊ አቶ መሀመድ ሰኢድ በበኩላቸው ፍትሀዊና ቀልጣፋ የጤና አገልግሎት ለመስጠት ሁሉም ማህበረሰብ የማህበረሰብ አቀፍ ጤና መድህን ተጠቃሚ እንዲሆን በትኩረት መሰራት የሚጠይቅ ነውም ብለዋል።

እንደ ወረዳው የማዐጤመ አፈጻጸምና የጤና አገልግሎት አሰጣጥ የተለያዩ ስራዎች መሰራታቸውን የጠቆሙት ሀላፊው ይሁን እንጂ በዘርፉ የሚፈለገው ውጤት እንዲመዘገብ በቁርጠኝነት ፡ በቅንጅትና በሀላፊነት መስራት ያስፈልጋል ብለዋል።

በቀጣይም በዘርፉን ውጤታማ ለማድረግ አባላት በማፍራት ፡ ያልተመለሱ ገንዘቦች እንዲመለሱ በማድረግ ከዚህ በፊት የነበሩ ጉድለቶች በማረምና ጥንካሬዎችን በማስቀጠል ጤናው የተጠበቀ አምራች ዜጋ መፍጠር ይገባል ብለዋል።

ተሳታፊዎች በሰጡት አስተያየትም ማህበረሰቡ የማጤመ ተጠቃሚ በመደረጉ ጤናውን በአግባቡ እንዲጠብቅ ያስቻለው በመሆኑ በዘርፉ ያሉትን ጉለቶች በማረም ህብረተሰቡ ተጠቃሚ እንዲሆን በተጠያቂነት መንፈስ መስራት ይገባልም ብለዋል።

የኢትዮጵያ ንግድ ባንክ አገና ቅርንጫ እዣ ወረዳ ለአርሶአደሮች የግብርና ብድር አገልግሎት ላይ ለባለድርሻ አካላት ግንዛቤ ሰጠ ።

====የኢትዮጵያ ንግድ ባንክ አገና ቅርንጫ እዣ ወረዳ ለአርሶአደሮች የግብርና ብድር አገልግሎት ላይ ለባለድርሻ አካላት ግንዛቤ ሰጠ ።

የኢትዮጵያ ንግድ ባንክ ለባለአነስተኛ ይዞታና ለተደራጁ አርሶ አደሮች የሚሰጥ የግብርና ብድር አገልግሎት በወረዳ ደረጃ ለማስጀመር የፊርማ ስነ ስርአት መከናወኑን ይታወቃል ።

በዛሬው እለትም የኢትዮጵያ ንግድ ባንክ እዣ ወረዳ ለአርሶአደሮች የግብርና ብድር አገልግሎት ላይ ለባለድርሻ አካላት ግንዛቤ ሰጥቷል ።

የኢትዮጵያ ንግድ ባንክ ተወካይ እትእንዳሉት፥ ንግድ ባንክ አዳዲስ አገልግሎቶችን በመተግበር ቀልጣፋና አስተማማኝ አገልግሎት እየሰጠ ነው ብለዋል።

የፋይናንስ አገልግሎት ተደራሽነትና አካታችነትን ይበልጥ ለማሳደግም በትኩረት እየተሰራ መሆኑን ገልጸው፤ በተለይም ለግብርና ዘርፍ የሚሰጠውን የብድር አገልግሎት ለማስፋትና ለማጠናከር ትኩረት ተደርጓል ብለዋል።

ባንኩ ለአርሶ አደሮች የግብርና ስራዎችን ለማሳደግ ልዩ የብድር አገልግሎት ማስጀመሩ የገጠር ኢኮኖሚ ዕድገትን ለማሳደግ ያስችላል ነው ያሉት።

በአገልግሎቱ የእርሻ መሬት ያላቸው፣ በኩታገጠም በቡድን የተደራጁ፣ በባንኩ 6 ወርና ከዚያ በላይ የቆጠቡ፣ በሰብል ልማት፣ በአትክልትና ፍራፍሬ፣ በወተትና ወተት ተዋጽኦ እንዲሁም በእንስሳት ሀብት ልማት የተሰማሩ አርሶ አደሮች ተጠቃሚ ይሆናሉ ተብሏል።

የግብርናው ዘርፍ ለሃገራዊ የኢኮኖሚ ዕድገት ያለውን ፋይዳ

የግብርናው ዘርፍ ለሃገራዊ የኢኮኖሚ ዕድገት ያለውን ፋይዳ በመረዳት ያልተነኩ እምቅ አቅማችንን በመጠቀም እና በተለየ መንገድ በመስራት ምርትና ምርታማነታችንን ማሳደግ እንደሚገባ ተገለፀ።

ቀን19/05/2018

በጉራጌ ዞን እዣ ወረዳ “የተቀናጀ የግብርና ልማት ጥረት ለቤተሰብ ስኬት” በሚል መሪ ቃል የ2018 የበልግ የተቀናጀ የግብርና ልማት ስራዎች የንቅናቄ መድረክ ተካሄደ።

የእዣ ወረዳ ዋና አስተዳዳሪ አቶ ዘውዱ ዱላ እንዳሉት የግብርናው ዘርፍ ለአገራዊ ኢኮኖሚያዊ ዕድገትና ድህነትን በመቀነስ ረገድ ባለው ወሳኝ ምክንያት ከፍተኛ ትኩረት የሚሰጠው ዘርፍ መሆኑን ገልፀው።

በወረዳችን የምግብና ስነ ምግብ ዋስትናን በማረጋገጥ የገቢ ምርትን በመተካት የውጪ ምርትን በአይነት በብዛት በማሳደግ ለግብርና ኢንዱስትሪው በቂ ምርት በማምረት እና የስራ እድል ፈጠራን በማስፋፋት የምግብ ሉአላዊነትን በማረጋገጥ እና ድህነትን ማሸነፍ እንደሚገባ አስገንዝበው።

የተገኙ ውጤቶች ሳያዘናጉን ያልተሰሩ ስራዎች ላይ በማተኮር እንዲሁም ከመሬት አያያዝ አኳያ ያልተነኩ እምቅ አቅሞች መኖሯቸውንና እነዚህ እምቅ አቅሞችን በተለይ የመንገድ ተጠቅመን ሀገራችንን ማበልፀግና እንደሚገባ አሳስበው።

ይህህንንም ተግባር በማጠናከር የአርሶ-አደሮችን ገቢ ማሳደግ የተጠናከረ ጥልቅ ድጋፍ እና ክትትል በማድረግ እንዲሁም ማነቆችን በመለየትና በመፍታት የአርሶአደሩ ምርታማነት ማሳደግ እንደሚገባና ሁሉም ባለድርሻ አካላት ለዚህ ስራ የድርሻውን እንዲወጣ መልዕክት አስተላልፈዋል።

የእዣ ወረዳ ግብርና ጽ/ቤት ሀላፊ አቶ መቻል ተሰማ በበኩላቸው በወረዳችን በሁሉም ቀበሌዎች ማበረሰባችን ከጠባቂነትና ጥገኝነት እንዲላቀቅ በርካታ የውይይት መድረኮች በመፍጠር ህዝቡን የማንቃት ስራዎች መሰራቱን አስታውሰው።

የተለያዩ ሀገር አቀፍ በክልል የታወጁ በወረዳ ደረጃ ልዩ ትኩረት ሊደረግባቸው የሚገቡ ኢኒሼቲቮችን ተግባራዊ በማድረግ ላይ የተሰራ መሆኑን እና ከነዚህ የተገኙ ውጤቶች መካከል የሰብል ልማት ዘርፍ የተፈጥሮ ሃብት ልማትና ጥበቃ እንዲሁም በእንስሳት ምርትና ምርታማነት ማሳደግ መቻሉን ገልጸው ።

በበልግ የተቀናጀ ግብርና ልማት ዋና ዋና ግቦችን ያስቀመጡ ሲሆን የተፋሰስ ልማትን 9850 ሄክታር ማልማት የአረንጓዴ አሻራ ችግኝ 9.5 ሚሊዮን የአግሮ ፎረስትሪ ችግኝ ማዘጋጀት የበልግ ሰብል ምርት 8,750.5 በማልማት 2,325,252 ኩ/ል ምርት የቡናና ቅመማ ቅመም ማሳ ሽፋን ማሳደግ።

የሌማት ትሩፋት 259 መንደሮችን በመመስረት 271.7 ቶን ማምረት እንዲሁም 31 ሚሊዮን ብር ለ300 አርሶ-አደሮች የብድር ተጠቃሚ ማድረግ እና ሌሎች ተያያዣ አጀንዳዎችን ያቀረቡ ሲሆን።

ግብርናን ለመለወጥ በተለያዩ ዋና ዋና ማነቆችና አጀንዳዎች ላይ ጥልቀት ያለው ውይይትና ምክክር በማድረግ የመፍትሄ አቅጣጫ በማስቀመጥ መድረኩ ተጠናቋል ሲል የዘገበው የእዣ ወረዳ መንግስት ኮሙኒኬሽን ጉዳዮች ጽህፈት ቤት ነው።