ተፈጥሮአዊ የሆኑ የቱሪስት መዳረሻ ስፍራዎች ለጎብኚዎች መቹ ማድረግ እንደሚገባ ተገለፀ።

ተፈጥሮአዊ የሆኑ የቱሪስት መዳረሻ ስፍራዎች ለጎብኚዎች መቹ ማድረግ እንደሚገባ ተገለፀ።

መጋቢት 7/2018 ዓ.ም ( አገና )

የእዣ ወረዳ ባህል-ቱሪዝም ጽ/ቤት እና የሶርገረፋ የሀገርህን እውቅ ክብብ ተማሪዎች የፎቅራ ፏፏቴ ጎበኙ።

የእዣ ወረዳ ባህል-ቱሪዝም ፅ/ቤት ሀላፊ አቶ በለጠ ሳህሌ እዣ ወረዳ የበርካታ ታሪካዊና ተፈጥሮአዊ የሆኑ የቱሪስት መዳረሻ ስፍራዎች ባለቤት መሆኗን ገልፀው እንደ ወረዳው በተለያዩ መንገዶች የማስተዋወቅና ለጉብኝት መቹ የማድረግ ስራ እየተሰራ ይገኛል ብለዋል።

አክለውም እንደ ሀገር ከፍተኛ ትኩረት ከተሰጣቸው ጉዳዮች አንዱ የሆነው የቱሪዝም ዘርፉ መሆኑ ገልፀው ተማሪዎች ይህን አውቃችሁ የተፈጥሮ ቅርሶቻቹ መጠበቅ እና ማወቅ እንዳለባቸው አሳስበዋል።

እንደ ወረዳው ያሉን ምቹ ሁኔታዎች በመጠቀም የቱሪስት መዳረሻ ስፍራዎችን በማልማትእና የአገልግሎት ሰጪ ተቋማት ደረጃቸውን በማሳደግ በዘርፉ የሚፈለገውን ውጤት እንዲመዘገብ በትኩረት መስራት ይገባልም ብለዋል።

የት/ቤቱ የሀገርህን እውቅ ክበብ አስተባባሪ መምህር እንዳለ እንደገለፁት ተማሪዎች አካባቢያቸው ያሉ የተፈጥሮ ቅርሶች ማወቅ እንዳለባቸው ገልፀው

በዚህም ተማሪዎች እቅድ በማውጣት በወረዳው ያሉ የተለያዩ የተፈጥሮ እና ሰው ሰራሽ ቅርሶቻችን ማውቅ እና ለቀጣይ ትውልድ በመንከባከብ ማስቀጠል እንዳለብን አሳስበዋል ።

ፎቅራ ፏፏቴ የሚገኘው በጉራጌ ዞን እዣ ወረዳ ዋሳማር ቀበሌ ሲሆን ከዞኑ ዋና ከተማ ወልቂጤ በ45 ኪ.ሜ እና ከወረዳችን ዋና ከተማ አገና በ3 ኪ.ሚ ርቀት ላይ ይገኛል።

ፏፏቴው በስተምስራቅ አቅጣጫ ከዋናው አስፋልት መንገድ ትንሽ ገባ ብሎ ያገኙታል። ፏፏቴው ቁመቱ 35 ሜትር እና ጎኑ ደግሞ እስከ 12 ሜትር ቦታ ይሸፍናል። ቦታው ከመሰህብነቱ በመተጨማሪ መስህብ የሚያስብለው ጋራና ሸንተረሩ የጎበኞች ቀልብ ይሰባሉ ቦታው የተለያዩ ዝርያዎች እና የዱር እንስሳቶችም ይገኙበታል።

=======ጥር 13/2017 ዓ.ም

የጉራጌ ማህበረሰብ ነቖ የልጃገረዶች በዓል ቀን በማልማትና በማስተዋወቅ የቱሪዝም መዳረሻ ለማድረግ በሚደረገው ጥረት ሁሉም የበኩሉን ድርሻ እንዲወጣ የጉራጌ ዞን ባህል ቱሪዝም መምሪያ ኃላፊ ወይዘሮ መሰረት አመርጋ ጠየቁ።

ነቖ የልጃገረዶች በዓል ቀን በጉራጌ ዞን እዣ ወረዳ በጉየና የስዋ ቀበሌ ዞናዊ የማስጀመሪያ ፕሮግራም በተለያዩ ዝግጅቶች በድምቀት ተከብሯል።

ነቖ (ኧረቘ) በጉራጌ ማህበረሰብ ዘንድ በጥር ወር ላይ ወይም ገና በዋለ እስከ 15ኛው ቀን ባሉት ጊዜያት በሴት ልጃገረዶች የሚዘወተር ባህላዊ በዓል ነው።

የጉራጌ ዞን ባህል ቱሪዝም መምሪያ ኃላፊ ወይዘሮ መሰረት አመርጋ እንዳሉት መምሪው ከዞኑ አስተዳደር እና በየደረጃው ከሚገኙ ባለድርሻ አካላት ጋር በመቀናጀት የጉራጌ ማህበረሰብ የልጃገረዶች በዓል ነቖ ከማልማትና ከማስተዋወቅ ባሻገር የገቢ ምንጭ ለማድረግ እየሰራ ነው።

የጉራጌ ማህበረሰብ ከጥንት ጀምሮ ለሴቶች ይሰጠው ለነበረው ክብርና ዴሞክራሲያዊ አመለካከት ነቖ አና አንትሮሸት የመሳሰሉ ሁነቶች ማሳያዎች ናቸው ያሉት ወይዘሮ መሰረት መሰል እሴቶች በማልማትና በማስተዋወቅ የቱሪዝም መዳረሻ እንዲሆኑ እየተሰራ እንደሚገኝ ተናግረዋል።

የነቖ በዓል ለማህበረሰቡ ማህበራዊና ኢኮኖሚያዊ ፋይዳው ከፍተኛ መሆኑን የገለጹት ወይዘሮ መሰረት ሴት ልጃገረዶች ነጻነታቸው በማወጅ ማህበራዊ ትስስር የሚያጠናክሩበት በዓል ነው ያሉት።

ለበዓሉ ከታህሳስ ወር ጀምሮ ቅድመ ዝግጅት እንደሚደረግ ያነሱት ኃላፊዋ ለዚህም ሴት ልጃገረዶች ቤት ለቤት እየዞሩ ከቤተሰብ እስከ አካባቢ ነዎሪዎች ገንዘብን ጨምሮ በአይነት የገብስ የአተር እና ሌሎች ስጦታዎች ተበርክቶላቸው በበአሉ መጨረሻ እየበሉና እየጠጡ እየጨፈሩ የሚደሰቱበት በዓል መሆኑን አስረድተዋል።

ይህ ባህላዊ የልጃገረዶች በዓል ይዘቱን ተጠብቆ ለትውልድ ተሻጋሪ እንዲሆን ከማድረግ ባሻገር የቱሪዝም መዳረሻ ለማድረግ ሁሉም የበኩሉን ድርሻ እንዲወጣም አመላክተዋል።

የእዣ ወረዳ ዋና አስተዳዳሪ አቶ ዘውዱ ዱላ በበኩላቸው የልጃገረዶች በዓል ባህላዊ እሴቱና ትውፊቱ ጠብቆ ከትውልድ ትውልድ እንዲተላለፍ ለማድረግ የወረዳው መንግስት ባለፉት አመታት ተቀዛቅዞ የነበረውን ይህ እሴት እንዲያንሰራራ በርካታ ስራዎች እየሰራ ይገኛል ብለዋል።

ባህል የአንድን ማህበረሰብ ማህበራዊ፣ አስተዳደራዊና ኢኮኖሚያዊ ጉዳዮች የሚገለጽበት መሳሪያ ነው ያሉት አቶ ዘውዱ የማህበረሰቡ ባህሎችን በተገቢው በመጠቀም በመንከባከብና በማሳደግ የማህበረሰቡን ሁለንተናዊ ተጠቃሚነት ለማረጋገጥ ሁሉም ባለድርሻ አካላት ኃላፊነታቸውን እንዲወጡ አስገንዝበዋል።

የወረዳው ባህል ቱሪዝም ጽህፈት ቤት ኃላፊ ወይዘሮ የሺነሽ ተካ እንዳሉት በጉራጌ ማህበረሰብ ዘንድ ነቖ ሴት ልጃገረዶች ነጻነታቸውን የሚያውጁበት፣ ደስታቸውን የሚገልጹበትና የእርስ በእርስ ማህበራዊ መስተጋብራቸውን የሚያጠናክሩበት በዓል ነው።

የጉራጌ ማህበረሰብ ነቖን ጨምሮ የበርካታ እሴቶች ባለቤት መሆኑ ያነሱት ኃላፊው እነዚህን ማህበራዊ መስተጋብርና ኢኮኖሚ ጠቀሜታ እንዲኖራቸው እየተሰራ እንደሚገኝ ጠቁመው መሰል እሴቶችን ከመጥፋት በመታደግ እንዲለሙና እንዲተዋወቁ በሚደረገው ጥረት ሁሉም የበኩሉን ድርሻ እንዲወጣ ጠይቀዋል።

በበዓሉ የተሳታፉ ሴት ልጃገረዶች እናቶች በዓሉ ከተጋረጠበት መፋዘዝ ወጥቶ በድምቀት መከበሩ ደስታ እንደፈጠረባቸው ተናግሯል ።

በዓሉ እንዲያንሰራራ መንግስት ለሚደረገው ጥረት አመስግነው በቀጣይ እሴቱ እንዲለማና እንዲተዋወቅ በማድረግ እንዲሁም የማህበረሰቡ ማህራዊና ኢኮኖሚያዊ ተጠቃሚነት እንዲያጎለብት ሁሉም የሚመለከታቸው አካላት በትኩረት እንዲሰሩም ጠይቀዋል።

ነቖ ወይንም የልጃገረዶች በዓል ቀን በጉራጌ ዞን እዣ ወረዳ በጉየና የስዋ ቀበሌ የማስጀመሪያ ፕሮግራም እየተካሄደ ይገኛል።

=======ነቖ ወይንም የልጃገረዶች በዓል ቀን በጉራጌ ዞን እዣ ወረዳ በጉየና የስዋ ቀበሌ የማስጀመሪያ ፕሮግራም እየተካሄደ ይገኛል።

ነቖ (ኧረቘ) በጉራጌ ማህበረሰብ ዘንድ በጥር ወር ላይ ወይም ገና በዋለ እስከ 15ኛው ቀን ባሉት ጊዜያት በሴት ልጃገረዶች የሚዘወተር ባህላዊ የበዓል አይነት ነው።

በዓሉም ሴት ልጃገረዶች ነጻነታቸውን የሚያውጁበትና ደስታቸውን የሚገልጹበት በዓል ነው።

በበዓሉ ወቅት ልጃገረዶች ተሰባስበው በየቤቱ እየዞሩ ልክ እንደ አበባዮሽ በአይነትና ገንዘብ ይሰበስባሉ፣ ሁሉም የሚያስፈልጉ ቁሳቁሶችና ምግብ ከተዘጋጀ በኋላ ከአካባቢው በአንዷ ልጃገረድ ቤት በማደር የተለያዩ ምግቦችን በማዘጋጀት እየጨፈሩና እየበሉ ያድራሉ፡፡

የነቖ በዓል በጥር ወር የሚከበር ሲሆን ከታህሳስ ወር ጀምሮ ለበዓሉ የሚሆን ቅድመ ዝግጅት ተጀምሮ ክትፎ፣ ቆሎ፣ በሶ፣ ቦርዴና ሌሎችም ባህላዊ ምግቦች ዝግጅቶች ይደረጋል። ልጃገረዶቹ ከሚያደርጉት ዝግጅት ባለፈ በዓሉ በድምቀት እንዲከበር ወላጆቻቸው አስፈላጊውን እገዛ ያደርጉላቸዋል።

ይህ የልጃገረዶች በዓል በዞኑ በየአመቱ በድምቀት እየተከበረ እንደሚገኝና የዘንድሮ የነቖ የልጃገረዶች በዓል ከዛሬ ጀምሮ እስከ ጥር ወር መጨረሻ ድረስ በልዩ ድምቀት እየተከበረ ተጠናክሮ እንደሚቀጥል ተገልጿል።

በበዓሉም የእዣ ወረዳ ዋና አስተዳዳሪ አቶ ዘውዱ ዱላ፣ የወረዳው የመንግስት ዋና ተጠሪ አቶ ተሾመ ስራኒ፣ የወረዳው ባህል ቱሪዝም ጽህፈት ቤት ኃላፊ ወይዘሮ የሺነሽ ተካና ሌሎችም የዞንና የወረዳው የስራ ኃላፊዎች፣ የአካባቢው ነዋሪዎች ተገኝተዋል።

ዘንድሮ ለ19ኛ የኢትዮጵያ ብሔሮች ብሔረሰቦችና ህዝቦች ቀን

ዘንድሮ ለ19ኛ ጊዜ የሚከበረው የኢትዮጵያ ብሔሮች ብሔረሰቦችና ህዝቦች ቀን በዓል በሀገራችን ከሚገኙ ከሁሉም ክልሎችና ከሁለቱ ከተማ አስተዳደሮች የተወጣጡ እንግዶች በደቡብ ኢትዮጵያ ክልል አርባምንጭ ከተማ ለመታደም ዝግጅታቸውን አጠናቀው በጉዞ ላይ ይገኛሉ።

ህዳር 25/2017 ዓም

በዚህ ታላቁ ክብረ በዓል የጉራጌ የባህል ቡድን በማዕከላዊ ኢትዮጵያ ከሚገኙ ወንድምና እህት ከሆኑ ብሄር ብሄረሰቦችና ህዝቦች በጋራ በመሆን የማዕከላዊ ኢትዮጵያ ክልላዊ መንግስት መቀመጫ በሆነችው ሆሳዕና ከተማ ላይ የአደባባይ የባህል ትርዒት አሳይተዋል።

የክልሉ ከፍተኛ የስራ ሃላፊዎች የእንኳን ደህና መጣችሁ መልእክታቸውን በማስተላለፍ በቀጣይ አርባ ምንጭ ከተማ ላይ በሃገር አቀፍ ደረጃ በሚከበረው 19ኛው የብሄር ብሄረሰቦችና ህዝቦች በዓል በወንድማማችነትና በእህታታማችነት እንዲሁም በአብሮነት በሰላም አክብረው እንዲመለሱ መልካም ምኞታቸውን ገልጸዋል።

‹ያጋ ቃዋ››- የጉራጌ ማህበረሰብ የቡና ሥነ-ሥርዓት

‹ያጋ ቃዋ››- የጉራጌ ማህበረሰብ የቡና ሥነ-ሥርዓት

============================

የጉራጌ ማህበረሰብ ማኅበራዊ ግንኙነታቸውን ከሚያቀራርብላቸው ወይም ከሚያጠነክርላቸው መልካም እሴቶች መካከል ‹‹ያጋ ቃዋ›› የሚሉት የቡና አጠጣጥ ሥነ ሥርዓት አንዱ ነው፡፡

የጉራጌ ማኅበረሰብ ካለበት ቀዬ አቅራቢያ ከሚገኙ ጎረቤቶቹ ከሦስት እስከ ስድስት አባላት በመሆን ቃዋ (ቡና) ይጠጣሉ፡፡

የቡና አፈላል ሒደቱ የሚከናወነው ተራ በተራ ነው፡፡ ዛሬ በአንዱ አባ ወራ ቤት ከተፈላ ሌላ ጊዜ ደግሞ ተራውን ጠብቆ በሌላኛው አባወራ ቤት ይፈላል፡፡

ይህ ዓይነቱ የቡና አጠጣጥ ሥነ ሥርዓት “ያጋ ቃዋ” በመባል ይታወቃል፡፡ ጠዋት ላይ የሚካሄደው የቡና አጠጣጥ ሥነ ሥርዓት ያጋ ቃዋ ሲባል መሸት ሲል ተጠራርተው የሚጠጡት ቡና ደግም ዊጔር ቃዋ (ሸንጎ ቡና) ተብሎ ይጠራል፡፡

ያጋ ቃዋ እጅግ በጣም ተወዳጅ የሆነ የቡና አጠጣጥ ሥነ ሥርዓት ነው። ሰዎችን እርስ በርስ የሚያገናኝና የሚያዋድድ፣ የሚያፋቅርና የሚያስተሳስብ ስለሆነ ጉራጌዎች ለያጋ ቃዋ ልዩ ትኩረት ይሰጡታል፡፡

ባለተረኛዋ እማወራ ሌሊት ወፎች ከመንጫጫታቸው በፊት አስቀድማ በመነሳት ‹‹ቦሄ ያትየደርሄ ጔታ ቦሄ አወሬ›› (ሰላም ያሳደርከኝ አምላክ ሰላም አውለኝ) በማለት ለአምላኳ ምሥጋና ካቀረበች በኋላ ተጣጥባ ቡና የማፍላት ዝግጅቷን ትጀምራለች፡፡

የቡና አቆላሉ ሥነ ሥርዓቱ ሌላ ትዕይንት ይፈጥራል፡፡ ቡናው ይታጠባል፣ ይቆላል፣ ይወቀጣል፡፡ ከቀርከሃ የሚዘጋጀው ባህላዊ የቡና መቁያ ማንቁሬት ተብሎ ይጠራል፡፡

ባህላዊ የቡና መቁያ ምጣድ፣ ምዳድ ሲባል ባህላዊ የቡና መውቀጫ ደግሞ ዳንጋሳ (ሙቀጫ) ተብሎ ይጠራል፡፡ በሸክላ የተሠራ ባህላዊ ቡና የሚፈላበት መሣሪያ ጀበን (ጀበና) በመባል ይታወቃል፡፡ ጀበናው እሳት ላይ የሚጣድበት በሸክላ የተሠራ ደግሞ ጎንዝየ (ጉልቻ) ተብሎ ይጠራል፡፡ ቡናው ሲቆላ ምጣዱ ላይ ይወዛል፡፡

የቡናው መዓዛ አካባቢውን ሲያውደው ሰውነት ላይ አንዳች ስሜት በመፍጠር አፍ አውጥቶ ከሩቅ ኑ ቡና ጠጡ ብሎ ይጣራል፡፡

ጉራጌዎች ቡና በሚጠጡበት ሰዓት ቤት ያፈራውን የቡና ቁርስ ያቀርባሉ፡፡ ብዙ ጊዜ ቆሎ፣ አተርና ባቄላ የመሳሰሉ ጥራጥሬዎች በብዛት ይዘወተራል፡፡ እንደ ወቅቱ ሁኔታ ድንችም ቡና ቁርስ ላይ ይቀርባል፡፡

ጉራጌዎች ፆም ወይም የፆም ወቅት ካልሆነ በስተቀር ቡና በቅቤ ነው የሚጠጡት፡፡ የቅቤ ቡና መጠጣት የሰውነት እርካታ ከመስጠቱም በላይ ፍቱን መድኃኒት ነው ብለው ያስባሉ፡፡

ብዙ ጊዜ ቡና ውስጥ ተደርጎ የሚጠጣ ቡና በቅመማ ቅመም የተዘጋጀ ያልተነጠረ (ጥሬ) ቅቤ ነው፡፡ ይህ ዓይነቱ ቅቤ ኡፋ ይባላል፡፡ በነገራችን ላይ ጉራጌዎች ባህላዊ የሆነ የቅቤ አዘገጃጀት ዘዴ አላቸው፡፡ በቅመማ ቅመም ታሽቶ የተዘጋጀ ቅቤ ከምግብ ጋር ተሠርቶ ሲበላ እጅግ ከመጣፈጡ የተነሳ ጣት ያስቆረጥማል፡፡

ጉራጌዎች የሚያፈሉት ቡና ይጣፍጣል፡፡ የቅቤ ቡናቸው እጅግ ተመራጭ ነው፡፡ አባወራው ቡና ወደ ተጠራበት ቤት ከመሄዱ በፊት ፈረስ፣ አህያ ወይም የሚያርስበት በሬ ካለው አስቀድሞ ወደ መስክ ያሰማራል፡፡

እማወራዋም የወተት ላም እቤቷ ካለች ወተቷን ካለበች በኋላ ነው ወደ ተረኛዋ ቡና አፍዩ ቤት የምታመራው፡፡ በጉራጌዎች የምትታለብ ላም ‹ኤብ ራም› ይባላል፡፡

ኤብ ማለት ወተት ማለት ሲሆን ራም ደግሞ ላም ነው፡፡ ያጋ ቃዋ ጠጪ አባላት በተረኛ ቤት ይሰባሰባሉ፤ አምሽቶ ያነጋን አምላክ ይመስገን ቀኑም በሰላም ያውለን እያሉ የከበረ ሰላምታቸውን ይለዋወጣሉ፡፡ ጎረቤታሞቹ ሲገናኙ ጨዋታው ይደራል፡፡

ሽማግሌዎች ጨዋታቸውን ያደሩታል፡፡ ቡናቸውን እየጠጡ ያወጋሉ፡፡

አምባ ደን

አምባ ደን

አምባ ደን የሚገኘው በዌራ ደባነ ቀበሌ ሲሆን, ከዞኑ ዋና ከተማ ከወልቂጤ በ44 ኪ.ሜ እና ከወረዳው ዋና ከተማ አገና በ2 ኪ.ሜ ርቀት ላይ በስተምስራቅ አቅጣጫ በአስፓልት ዳር ላይ ይገኛል፡፡ የደኑ ስፋት 200 ሄክታር መሬት ይሸፍናል፡፡ ይህ ደን እጅግ በጣም ጥቅጥቅ ያለ እና ነፋሻማ የአየር ንብረት ያለበት, የቱሪስት ቀልብ የሚስብ ተፈጥሮአዊ ደን ነው፡፡ ደኑ በውስጡ በርካታ የሆኑ የእጽዋት ዝርያዎች, አእዋፋቶች እና ብርቅዬ የሆኑ የዱር እንስሳቶች ይገኙበታል፡፡ ከእነዚህም የዱር እንስሳቶች አሳማ፣ ጉሬዛ፣ ዝንጀሮ፣ ጅብ፣ ጦጣ እና ሌሎችንም የዱር እንስሳቶች ይገኙበታል፡፡ ሌላኛው ለደኑ ትልቅ ውበት ሰጥቶት የሚገኝ የመጌቻ ወንዝ አጠገቡ ይገኛል፡፡ አምባ ደን በቀበሌው ህብረተሰብ ተጠብቆ የሚኖር ደን ነው፡፡ ደኑ ሚጠብቀው እንኳን አዋቂው, ሽማግሌው ብቻ ሳይሆን ህጻናቶችም ጭምር ልዩ ትኩረት ሰጥተውት እንደሚጠበቅ መረጃዎች ይጠቁማሉ፡፡ ከዚህ ደን ውስጥ አንድ እንጨት ሲቆርጥ ቢገኝ እንኳን በቀበሌው ማህበረሰብ በባህላዊ መተዳደሪያ ደንብ መሰረት እንደሚቀጣ ነው፡፡ በደኑ ውስጥ በርካታ የሆኑ የዕፅዋት ዝርያዎች ይገኙበታል፡፡ ከእነዚህም እድሜ ጠገብ የሆኑ የሀበሻ ጽድ, ዝግባ እና ቀርከሀዎች ናቸው፡፡ ነገር ግን ቀርከሀ በአሁን ወቅት እየጠፋ መምጣቱ መረጃዎች ይጠቁማሉ፡፡ እንግዲህ ውድ አንባቢያን ይህን እጅግ አስደናቂ እና የቱሪስት ቀልብ የሚስብ የተፈጥፎ ጥቅጥቅ ደን መጥታችሁ እንድትጎበኙት መልዕክታችን እናስተላልፋለን፡፡

በእዣ ወረዳ ዉስጥ የሚገኙ ዉብና ማራኪ ፏፏቴዎች

የጉድድየ ፏፏቴ

የጉድድየ ፏፏቴ በጉራጌ ዞን በእዣ ወረዳ ከሚገኙ የቱሪስት መስህቦች አንዱ ሲሆን የሚገኘው በእዣ ወረዳ ዌራደባነ ቀበሌ ከዞን ዋና ከተማ ወልቂጤ 48 ኪ.ሜ ከወረዳው ዋና ከተማ አገና 6 ኪ.ሜ ከዋናው መንገድ በ3ኪ.ሜ ርቀት ላይ ከዋናው መንገድ ወደ ደቡብ ገባ ብሎ ይገኛል፡፡ ይህ ፏፏቴ ከሌሎች በወረዳችን ካሉ በርካታ ፏፏቴዎች ለየት የሚያደርገው ውሃው የሚፈሰው ከትልቅ ክብ የሆነ የድንጋይ ጉድጓድ ገብቶ የሚፈስ ስለሆነ ልዩ ውበትና ድምቀት ይሰጠዋል የፏፏቴው ርዝመት ቢያንስ እስከ 5 ሜትር ርዝመትና እስከ 7 ሜትር ስፋት ያለው ሲሆን ሌላው በፏፏቴው አከባቢ በርካታ የሆኑ የእፅዋት፣ የእንስሳትና የአዕዋፋት ዝርያዎች ይገኛሉ፡፡ በአከባቢው የሚገኙ የእፅዋትና የአዕዋፋት ድምፅ ልዩና መንፈስን የሚያድስ ተሰጥኦ አለው፡፡ በዙሪያው ካሉት እፅዋቶች መካከል የፅድ፣ የቀርከሀ፣ የባህር ዛፍ፣የግራር ዛፍ እና ሌሎችም ይገኙበታል፡፡ እናም ይህ ውብና ማራኪ ቦታ መጥታችሁ እንድትጎበኙ ስንል ጥሪያችንን እናስተላልፋለን፡፡

የገነማር ፏፏቴ

ገነማር ፏፏቴ በማእከላዊ ኢትዮጽያ ክልል በጉራጌ ዞን በእዣ ወረዳ በቆጠር ቀበሌ ልዩ ስሙ የበሰራር በሚባል የልማት ቡድን የሚገኝ ሲሆን ከዞኑ ዋና ከተማ ማለትም ከወልቂጤ 54 ኪ.ሜ ከወረዳው ዋና ከተማ አገና በ12 ኪ.ሜ እንዲሁም ከዋናው ፒስታ መንገድ ቆጠር በ4 ኪ.ሜ ርቀት ላይ ገባ ብሎ የሚገኝ ልዩና ድንቅ ፏፏቴ ነው፡፡ ይህንን ፏፏቴ በአራቱም አቅጣጫ የሚያዋስኑ ቀበሌዎች መሀል ላይ የሚገኝ ሲሆን አዋሳኝ በምስራቅ ሻመነ ቀበሌ በምዕራብ ዋሳማር ቀበሌ በሰሜን ቆጠር ቀበሌ እና በደቡብ የዋራውያ ልማት ቡድን መሀከል ላይ የሚገኝ ነው፡፡ ይህንን ድንቅ ፏፏቴ ቁመቱ ከአንድ መቶ ሜትር በላይ ርዝመት ያለው ሲሆን የፏፏቴውም የውሀ መጠን በጣም ከፍተኛ እና የተለያዩ የሁለት ወንዞች ድምር ውጤት ነው፡፡ ከፏፏቴው ጋር አብረው የሚገኙበት የተለያዩ የዱር እንስሶች እና የእፅዋት ዝርያዎች ይገኛሉ፡፡ ከእነዚህም መካከል ጅብ፣ ጦጣ፣ ጉሬዛ እና ሌሎችም የዱር እንስሶች ይገኙበታል፡፡ ከእፅዋት ዝርያዎች መካከል የቀርከሀ፣ የተለያዩ የጽድ ዝርያዎች፣ የባህርዛፍ እና ሌሎችም የእፅዋት አይነቶች ተጠቃሽ ናቸው፡፡ እናም ይህ ድንቅ እና ውብ የሆነ የተለያዩ ተፈጥሮዎችን አዋህዶ የያዘ ስፍራ እንድትጎበኙ ግብዣችን ነው፡፡

የጉራጌ ዞን ባህል ቱሪዝም መምሪያ ከጉራጌ ዞን ሳይንስና ኢንፎርሜሽን ቴክኖሎጂ መምሪያ ጋር በመተባበር የጉራጊኛ ቋንቋና ባህል ሊያሳድግ የሚያስችል  አፕልኬሽን አስመረቀ።

========================

መጋቢት 5/2016 ዓ/ም
የጉራጌ ዞን ባህል ቱሪዝም መምሪያ ከጉራጌ ዞን ሳይንስና ኢንፎርሜሽን ቴክኖሎጂ መምሪያ ጋር በመተባበር የጉራጊኛ ቋንቋና ባህል ሊያሳድግ የሚያስችል  አፕልኬሽን አስመረቀ።

የጉራጊኛ ቋንቋ በማልማትና በማሳደግ የስራና የሚዲያ ቋንቋ ለማድረግ በትኩረት እንደሚሰራ የጉራጌ ዞን ዋና አስተዳዳሪ አቶ ላጫ ጋሩማ ገለጹ።

ጉራጌ ዞን ዋና አስተዳዳሪ አቶ ላጫ ጋሩማ በምረቃ ፕሮግራሙ ተገኝተው እንዳሉት የጉራጌ ማህበረሰብ የራሱ ባህል፣ማንነት፣ወግ፣እሴት ያለው ሲሆን ያለው ቋንቋ ከማሳደግና ባህሉን በደንብ እንዲተዋወቅ ከማድረግ አንጻር ውስንነቶች የነበሩ ሲሆን ይህንን በቁጭት መስራት ያስፈልጋል ብለዋል።

የጉራጊኛ ቋንቋ ማሳደግ የህልውና ጉዳይ ነው ያሉት አቶ ላጫ የአሰራርና የህግ ማዕቀፍ በመዘጋጀት፣በዞን ምክር ቤት እንዲፀድቅ በማድረግ የስራ ቋንቋ እንዲሆንና የጉራጊኛ ቋንቋ በ1ኛ ክፍል የተጀመሩው የመማር ማስተማር ስራ እስከ ዩኒቨርሲቲ ድረስ ትምህርት እንዲሰጥበት ከወልቂጤ ዩኒቨርሲቲ ጋር በመሆ ስራ እየተሠራ ይገኛል ብለዋል ።

የጉራጌ ዞን ባህል ቱሪዝም መምሪያ ኃላፊ ወ/ሮ መሰረት አመርጋ እንዳሉት ዘመኑ የደረሰበት የቴክኖሎጂ ዘመን ለመድረስ የጉራጊኛ ቋንቋ ለማሳደግ ጉራጊኛ፣አማሪኛና እንግሊዘኛ መዝገበ ቃላቶች የያዘ አፕልኬሽን ነው ዛሬ በይፋ መመረቁን የገለጹት።

ይህ የበለጸገው የጉራጊኛ አፕልኬሽን ጸሀፊዎች፣ተመራማሪዎች፣አጥኚዎችና ማንኛውም አካል መረጃን በቀላሉ እንዲያገኝ፣ቋንቋው እንዲያድግ እንዲሁም ስለ ጉራጌ ባህልና ቋንቋ ሙሉ እውቀት እንዲኖረው ከፍተኛ ሚና አለው ብለዋል።

ጉራጌ ባህሉ፣ቋንቋው ታሪኩ እንዳያድግና እንዳይተዋወቅ የሚፈልጉ ከፋፋይ አካላት እንዳሉ ያስገነዘቡት ወ/ሮ መሰረት በቀጣይ ግን ቋንቋው እንደ ሌሎች ቋንቋዎች እንዲያድግ ከሚመለከታቸው የመንግስት ተቋማት፣ተራዶ ድርጅቶችና ከሙህራን ጋር ተቀናጀተው እንደሚሰሩ አስታውቀዋል።

የጉራጌ ዞን ሳይንስና ኢንፎርሜሽን ቴክኖሎጂ መምሪያ ኃላፊ አቶ ደምስ ገብሬ በበኩላቸው ሲስተሞችን በማልማትና በተቋማት ጥቅም ላይ ማዋል በዚህ ዘመን አማራጭ የሌለው የቴክኖሎጂ ትሩፋት ሲሆን እነዚህም ስራን ያቀላሉ፣ጊዜንና ወጪን ይቆጥባሉ ነው ያሉት።

አቶ ደምስ አክለውም ይህ አፕልኬሽን የጉራጊኛ ቋንቋና ባህል ከመጥፋትና ከብረዛ ለመጠበቅ በሚደረገው ጥረት በቴክኖሎጂ ለማገዝና በትምህርት ቤት የተጀመረው የጉራጊኛ ቋንቋ ተማሪዎች በትርጉም እንዳይቸገሩ ከፍተኛ ጥቅም እንዳለው አብራርተዋል።

በመድረኩ የተሳተፉ አካላት እንዳሉት የጉራጊኛ ቋንቋ እንዲያድግና የስራ ቋንቋ እንዲሆን በምክር ቤት ጸድቆ የህግ ማቀፍ እንዲኖረው መደረግ እንዳለበትና ባለድርሻ አካላት ተቀናጅተው  መስራት ይኖርባቸዋል ብለዋል ።

ልጆች በአፍ መፍቻ ቋንቋቸው መማራቸው፣ጉራጊኛ የሚዲያ ቋንቋ መደረጉ እና መሰል አይነት በቴክኖሎጂ ተደግፎ እንዲያድግ እየተሰሩ ያሉ ስራዎች እንዲጠናከሩ ያስታወቁት ሀሳብ ሰጪዎቹ የጉራጊኛ ቋንቋ ተናጋሪው ከራሱ ጀምሮ ጉራጊኛ በማውራት ቋንቋውን ማሳደግ እንዳለበት አስገንዘበዋል።

በመጨረሻም ለስራው ውጤታማነት አስተዋጽኦ ላደረጉ አካላትና ተቋማት የእውቅና ሽልማት በመስጠት መድረኩ ተጠናቋል ።

የጉራጌ ብሄረሰብ መገለጫ የሆኑ የጉራጊኛ ቋንቋ : የባህል እሴቶችና ሀገር በቀል እውቀቶችን ለትውልድ እንዲተላለፉ መላው ማህበረሰብ ሀላፊነቱ ሊወጣ እንደሚገባ በጉራጌ ዞን የእዣ ወረዳ ባህልና ቱሪዝም ፅ/ቤት ገለፀ ።

*==============================*

የጉራጌ ብሄረሰብ መገለጫ የሆኑ የጉራጊኛ ቋንቋ : የባህል እሴቶችና ሀገር በቀል እውቀቶችን ለትውልድ እንዲተላለፉ መላው ማህበረሰብ ሀላፊነቱ ሊወጣ እንደሚገባ በጉራጌ ዞን የእዣ ወረዳ ባህልና ቱሪዝም ፅ/ቤት ገለፀ ።
ፅ/ቤቱ በቱሪስት አገልግሎት ሰጪ ተቋማት እና በጉራጌ ብሄረሰብ ባህል ፡ ቋንቋና ሌሎችም እሴቶች ማጠናከር ላይ ትኩረት ያደረገ ለባለድርሻ አካላት ሰጥቷል ።
በእለቱም የእዣ ወረዳ አስተዳደር ፅ/ቤት ሀላፊ አቶ ይርጋለም ብዛ እንደገለፁት አንድ ቋንቋ ወይንም ባህል ሊያድግና ለቀጣይ ትውልድ ሊሸጋገር የሚችለው የዚህ ማህበረሰብ ውስጥ የሚገኝ የህብረተሰብ ክፍል በተለያዩ ማህበራዊ ጉዳዮች ወቅት ቋንቋውን ወይንም ባህሉን እራሱ ተናግሮ ለሌሌች ማስተዋወቅ ሲችል ነው ።
ለዚህም ስኬታማነት በዚህ ስልጠና የተሳተፉት ታዋቂ ሽማግሌዎች ፡ ተጠሪ መምህራንና ርዕሰ መምህራን የጉራጌ ብሄረሰብ መገለጫ የሆኑትን አኩሪ እሴቶች እንዲተዋወቁና ለትውልድ ተሻጋሪ እንዲሆኑ የድርሻቸው መወጣት እንዳለባቸውም አቶ ይርጋለም አስገንዝበዋል ።
ሌላው በወረዳችን ብሎም በሀገራችን ተስፋፍቶ የሚገኘው ድህነትና ስራአጥነት ለማስወገድ ከሚቻልባቸው ዋና ዋና መንገዶች አንዱ የሆነው የቱሪዝም ኢንዱስትሪ ልማት እንዲስፋፋ ማድረግ ተጠቃሽ ነው ያሉት አቶ ይርጋለም ህብረተሰቡ ከዚህ ዘርፍ ከኢኮኖሚ ተጠቃሚ እንዲሆን ማድረግ የሚቻለው ለቱሪስቱ ደረጃቸው የጠበቁ የመስተንግዶ አገልግሎት ሰጪ ተቋማት ባለቤቶች ሀላፊነት መወጣት እንደሚኖርባቸውም መልዕክት አስተላልፈዋል ።
የእዣ ወረዳ ባህል ቱሪዝም ፅ/ቤት ሀላፊ ወ/ሮ የሺተካ እንደገለፁት የጉራጊኛ ቋንቋ ብሎም ሌሎች እሴቶቻችን በትውልዱ የተሻለ ደረጃ ለጥቅም እንዲውሉ ከፍተኛ ሚና መጫወት ከሚችሉ ተቋማት አንዱ ትምህርት ቤቶች ተጠቃሾች መሆናቸው ገልፀው ለዚህም ክበባቶች በማጠናከርና የጉራጊኛ የቋንቋ ቀን በየሳምንቱ በማወጅ ተማሪዎች በዚህ ቋንቋ ብቻ የሚግባቡት ሂደቱ ተጠናክሮ መቀጠል አለበት ።
እነዚህ የብሄረሰቡ መገለጫ የሆኑት የባህል እሴቶችና ሀገር በቀል እውቀቶች ተጠቅሞ ለትውልድ እንዲተላለፉ ሁሉም ሀላፊነቱ መወጣት እንደሚገባ የገለፁት ወ/ሮ የሺ በተለይም ቀድሞ ማህበረሰቡ ሲጠቀምባቸው የቆዩ ውብና ቀልብ ሳቢ የነበሩትን የሰርግ ስነ-ስርዓት ፡ የቤት አሰራር ፡ የጀፎሮ አጠባበቅ ፡ ባህላዊ የዳኝነት ስነ-ስርዓትና ሀገር በቀል እውቀቶችን በመጠበቅና ለትውልድ እንዲተላወፉ ሁሉም የድርሻው ሊወጣ ይገባልም ብለዋል ።
ከዚህ በተጨማሪ እንደ ወረዳው የሚገኙ አገልግሎት ሰጪ ተቋማት ከሚመለከታቸው ባለድርሻ አካላት ጋር የጥራት ደረጃቸውና የአገልግሎት አሰጣጣቸው ለማሻሻል የድጋፍና ክትትል ስራ እየተሰራ ያለው ስራ ተጠናክሮ እንደሚቀጥልም ወ/የሺ ተካ ገልፀዋል ።
በፅ/ቤቱ የቱ/አ/ሰ/ተ/ ዋና ስራ ሂደት አስተባባሪ የሆኑት አቶ አብረሃም መላኩ የስልጠናው ሰነድ ያቀረቡ ሲሆን የጉራጌ ብሄረሰብ መገለጫ የሆኑትን የተለያዩ አኩሪ እሴቶች እንዲተዋወቁ እንዲጠቅሙና ከትውልድ ወደ ትውልድ እዲሸጋገሩ ፅ/ቤቱ የድርሻውን እየተወጣ ቢሆንም አሁን ከዞን ጀምሮ በተደራጀና በተጠናከረ መልኩ የብሄረሰቡ እሴቶች ወደሚፈለጉበት ደረጃ እንዲደርሱ ከማድረግ አንፃር ቀሪ ስራዎች ይጠይቃል ብለዋል ።
የቱሪስት አገልግሎት ሰጪ ተቋማት ማሟላት ከሚገባቸው ጉዳዮች መካከል የህንፃው ስነ-ውበት ማራኪና ሳቢ መሆኑን ፡ የተሟላ የንፅህናና የመፀዳጃ ቤቶች እንዲኖር ማድረግ ፡ የሰራተኛች አለባበስና ሥነ ምግባር እንዲኖራቸው ማድረግ የመግቢያ ቦታዎች ምቹና ንፅህናቸው የጠበቁ መሆን እንዳለባቸውንና የመሳሰሉት ተጠቃሾች መሆናቸውንም በሰነዱ አመላክተዋል ።
ተሳታፊዎቹም በሰጡት አስተያየትም ፅ/ቤቱ እነዚህን እሴቶች እንዲጠናከሩ እያደረገውን ያለው ስራ ከሚመለከታቸው አካላት ጋር አጠናክሮ መቀጠል እንዳለበትና የቱሪስት አገልግሎት ሰጪ ተቋማት የአገልግሎ አሰጣጥ ደረጃው ለማሻሻል ከስልጠናው ብዙ ግንዛቤ ያገኙ በመሆኑ በቀጣይ የድርሻቸውን እንደሚወጡም ተናግረዋል።
በስልጠናው መጨረሻም ግንባር ቀደም የቱሪስት አገልግሎት ሰጪ ተቋማት የማበረታቻ ሰርተፊኬት ተሰጥቷቸዋል ሲል የዘገበው የወረዳው መንግስት ኮሚኒኬሽን ጉዳዮች ፅ/ቤት ነው።

፨፨የጀበን አኸዳ፨፨

=========================

፨፨የጀበን አኸዳ፨፨
አዶት በጀፎረ ትትረህብ ባዘራ፤
ኔኸ ግባ ትብር የሣሬ ጀበን ኖራ።
ገረድ ቲፎጅያ ኧርች ቲያገወረ፣
ጀበን አኸረዌ አበሩሥ ያትኸረ።
ተገብያ ተትምርቴ ተብኸ የህር ቲቸኒ ተጎቼ፣ ቅጭና ቤ ይፈካ ቃዋ በጀበን ባጎቼ።
አዶት ተረሣችም በሡቢ ቅረረ፣
አቁመቆመችምታ ወህታም የህር ዉሣ፣
ጀበና ኦናችምታ ባመከረቸዉ..
ኧጨም የህር ቆቀሣ፣
ተብድልብሥ ደኔ ተፉረ ያዥምታነ..
ተግድየ ሟን ይትረሣ።
በቤደን በኮርም የቆነዊ ቃዋ፣
አበሩሥ ቲትባና አሻሽኸማ ቲኸረ..
ናማጂ ቶረጀ ጀበን ጠበጠም ቲቸን..
ቤትም ሠብምሁታ እማትጊ ይኸር ገደር።
በቹቻ በፈቀት በጀጋር የህር በቤት፣
ኧሻም ይብር ጀበን የሥቢሣም የወነት።
ቅረረ ነሣምታ ገፓት የገተረ ተጀበን… ይርቅቃር የሣና ቤነረ።
ቲያዢ ፎረታ ይመሥር ገበና ፣
በደን ጠቀረምታ አፍያ ፌነት ሣና፣
ፈጠረም ትትቃዉ ይትከፈት ኤነና።
ተትምርቴ ቲገዌ ጬት አመነም ገራ፣
ጀበን ባናሠዊ ኧድያ ሟን ይበራ።
ሸረትም ቤረህዉ አትቃር ቤነም ሣፍራ፤
እሀ የሆነኳ ጀበን ቲያወሬ….
ቤት ይመሥር ምሽራ።
በሙራ ቦኸምያ በብኸ ባዠመነ፣
ሠብ በርማጀ ይደምድ ጀበን አህር ኤነ።
በምጃቻ ቲያወራ ዌም ቲሟሽ ቲሽካክት፣
ጀበን ያሠፐረ ነረዌ በምሥ ተምሽት።
ቃዋ አፎጠርኳም ገነዘም የትሠፐረ፣
የግርጀበን ይኸር ዌም ያጋቻ ኤብ ገረ።
ቃዋ ቢያትየንሥ አደበሠም ቢኸራ፣
ቅብ ኤኖቃር ቢኸር ቅብ ቢኾሬ ተጨራ፣
ጀበን የታመረዉ ያዊ ቃር ኤኸራ።
አቸ የጀበን ቃረ በጉራጌ ሸመነ፣
አኸዳታ ብዘዉ….ብዘመዳ ንኽነ።
የጀበን አኸዳ አብዲ ጉመር