በጉራጌ ዞን የእዣ ወረዳ ግብርና ልማት ፅ/ቤት አዘጋጅነት የመስክ በዓል ተከብሯል

በግብርናው ዘርፍ የሚሰሩ ምርጥ ተግባራቶች በማስፋፋት የአርሶአደሩ ምርትና ምርታማነት እንዲጨምር በትጋት መስራት እንደሚገባ ተገለፀ ።

በጉራጌ ዞን የእዣ ወረዳ ግብርና ልማት ፅ/ቤት አዘጋጅነት የመስክ በዓል ተከብሯል ።

የእዣ ወረዳ ዋና አስተዳዳሪ አቶ ዘውዱ ዱላ በዚሁ ወቅት እንዳሉት የግብርናው ሴክተር ዋና አላማ የግብርና ስነ-ምግብ ዋስትና ማረጋገጥ ፡ ለግብርና ኢንዱስትሪዎች በቂ ምርት ማምረት ፡ የስራ እድል ፈጠራ ማስፋፋት ፡ ድህነትን ማሸነፍ በመሆኑ በልዩ ትኩረት መምራት ይጠይቃል ።

በዘርፉ የሚጠበቅ ውጤት ለማሳካት የተነደፉት ሀገራዊ ፖሊሲዎችና ስትራቴጂዎች እውን ለማድረግ እንደ ወረዳው በርካታ ስራዎች እየተሰሩ ነው ያሉት ዋና አስዳዳሪው ሆኖም በተፈለገው ልክ ውጤታማ ከማድረግ አንፃር አሁንም ጠንካራ ስራ ይጠይቃል ብለዋል።

በቀጣይ በዛሬው እለት በጉብኝቱ የታዩ አስተማሪ ተግባራቶች በሁሉም የቀበሌ አካባቢዎች በማስፋፋት የአርሶአደሩ ምርትና ምርታማነት ለማረጋገጥ በትጋት መሰራት እንደሚያስፈልግም አቶ ዘውዱ አሳስበዋል ።

የእዣ ወረዳ ግብርና ልማት ፅ/ቤት ሀላፊ አቶ መቻል ተሰማ በበኩላቸው የ2017 ምርት ዘመን እንደ ወዳው ግብርናው የሚገኝበት አፈፃፀም ደረጃ በመስክ ለመገምገምና የቀጣይ አቅጣጫዎች ለማስቀመጥና ድክመቶችን ለማረምና ምርጥ ተሞክሮዎችን ለማስፋት ይህ የመስክ በዓል መካሄዱንም ጠቁመዋል።

በጉብኝቱም በመኸር ከተሸፈነው 6435 ሄ/ር አመታዊ ሰብሎች ውስጥ በኩታገጠም የለማው የገብስ ማሳ በአንበሊ ቀበሌ ፡ የጤፍ ማሳ በሸህረሞ ቀበሌ ፡ በመኸር የለማ የነጭ ሽንኩርት ማሳ በቦዠባር ቀበሌ ፡ እንዲሁም የ30-40-30 ፕሮግራም የፍራፍሬ ልማት ስራዎች በየስራይ ቀበሌ የጉብኝቱ አካል መሆናቸውንም ሀላፊው ጨምረው ተናግረዋል ።

በዚህ ጉብኝትም በርካታ ልምዶች የተቀሰሙበት ሲሆን በቀጣይ ወቅታዊ የሆኑ የግብርና ስራዎች ለአብነት ፡ የሰብል አሰባሰብ ፡ የበጋ መስኖ ልማት ስራ ፡ የበልግ እርሻ ዝግጅት ፡ የዝርያ ማሻሻያ ስራ ፡ የተለያዩ የቡና ፡ የፍራፍሬ ፡ የደንና የመኖ ችግኞች እንክብካቤ የማድረግ ስራዎች ተጠናክረው እንዲቀጥሉም አቶ መቻል መልዕክት አስተላልፈዋል።

ተሳታፊዎቹም በሰጡት አስተያየትም በዛሬው በተመለከቱት የግብርና ልማት ስራዎች ከተሰራ እጅግ ውጤት ማምጣትና ተጠቃሚ መሆን እንደሚቻል በተጨባጭ ያዩበት እንደሆነ ገልፀው በቀጣይ በየአካቢአቸው ተሞክሮውን ለማስፋት ጥረት እንደሚያደርጉም ተናግረዋል።

በጉብኝቱም የወረዳው አመራሮች ፡ የወረዳና ቀበሌ ባለሙያዎች ፡ የቀበሌ ሊቀመናብርትና ሌሎችም ባለድርሻ አካላት ተሳታፊ ሆነዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።

የእዣ ወረዳ ግብርና ልማት ጽ/ቤት የ2016 መስኖ ልማትን በማስመልከት ለባለሙያዎች የክህሎት ስልጠና ሰጠ ፡፡

=================================

ጥቅምት 14/2016 ዓም
የእዣ ወረዳ ግብርና ልማት ጽ/ቤት የ2016 መስኖ ልማትን በማስመልከት ለባለሙያዎች የክህሎት ስልጠና ሰጠ ፡፡

ስልጠናው በተሰጠበት ወቅት የእዣ ወረዳ ግብርና ልማት ፅ/ት ሀላፊ አቶ መቻል ተሰማ እንደገለፁት ይህ በተግባር የተደገፈው የክህሎት ስልጠና በባለፈው ዓመት መስኖ ልማት አፈፃፀም የታዩ የአፈፃፀም ክፍተቶችን የሚያርምና የነበሩትን መልካም ተሞክሮዎችን ለማስቀጠል የሚረዳ መሆኑን ገልፀዋል።

በወረዳው አርሶ አደሩ ባለፉት አመታት የሚታይበትን የአመለካከት ፡የግንዛቤና የክህሎት ክፍተቶች እንዲሞላ የተለያዩ ጥረቶች በማድረግ ከሌላ ጊዜ በተለየ መልኩ የተቀናጀ ስራ መስራት የሚጠይቅበት ወቅት እኖደሆነም ሀላፊው አመላክተዋል።

የፅ/ቤቱ ምክትል ሀላፊ አቶ ተካ ወርቁ በበኩላቸው በዘንድሮ መስኖ ልማትም በዓምና ደረጃ የተስተዋሉትን የአፈፃፀም ጉድለቶች በመለየትና እንዲታረሙ በማድረግ ያሉትን የውሃ አማራጮችን አሟጦ በመጠቀም በተጨባጭ የአርሶ አደሩን የማምረት አቅም ለማሳደግ በተለይም ባለሙያው ሀላፊነቱ ሊወጣ ይገባልም ብለዋል።

በእለቱም ከመስኖ ልማት በተጨማሪ በእንስሳት እርባታ ዘርፍም በሚመለከታቸው የስራ ሀላፊዎች ስልጠና ተሰቷል።

በ2016 ዓም መስኖ ልማት አብዛኛው አርሶአደር ተሳታፊ በማድረግ እና አሁን ያለው የኑሮ ውድነት ጫና ለመቋቋም ከሌላ ጊዜ በተለየ መልኩ ርብርብ እንደሚያደርጉም በክህሎት ስልጠናው ወቅት ያነጋገርናቸው ባለሙያዎች በአስተያየታቸው ተናግረዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።

የማህበረሰብ አቀፍ ጤና መድህን አገልግሎት ጥራትና ተደራሽነት ለማሻሻል የእዣ ወረዳ ጤና ጥበቃ ፅ/ቤት ከወልቂጤ ዩኒቨርስቲ ስፔሻላይዝድ ሆስፒታል እና ከአጣጥ ሆስፒታል ውል መፈፀሙን ተገለፀ ።

****************************

የማህበረሰብ አቀፍ ጤና መድህን አገልግሎት ጥራትና ተደራሽነት ለማሻሻል የእዣ ወረዳ ጤና ጥበቃ ፅ/ቤት ከወልቂጤ ዩኒቨርስቲ ስፔሻላይዝድ ሆስፒታል እና ከአጣጥ ሆስፒታል ውል መፈፀሙን ተገለፀ ።
የእዣ ወረዳ ጤና ጥበቃ ፅ/ቤት ሀላፊ አቶ መሀመድ ሰይድ እንደገለፁት በወረዳው ማህበረሰቡ በጤናው ዘርፍ በህመሙ ልክ የህክምና አገልግሎት እንዲያገኝ የማህበረሰብ አቀፍ ጤና መድህን አገልግሎት ተጠቃሚ እንዲሆን በትኩረት እየተሰራ ይገኛል ።
በመሆኑም የማህበረሰብ አቀፍ ጤና መድህን አገልግሎት ጥራትና ተደራሽነት ለማሻሻል የእዣ ወረዳ ጤና ጥበቃ ፅ/ቤት ከወልቂጤ ዩኒቨርስቲ ስፔሻላይዝድ ሆስፒታል እና ከአጣጥ ሆስፒታል ውል መፈፀሙን ሀላፊ ገልፀዋል ።
የስምምነቱ ዋና አላማ የማዐጤመ ቤተሰቦችና አባላት በጤና አገልግሎት ያለምን እንግልት መጠቀም እንዲችሉ ነው ያሉት አቶ መሀመድ በዚህም ውል ከምርመራ ወይንም ማማከር አገልግሎት ጀምሮ ትኝቶ እስከመታከምና በርካታ የህክምና አይነቶች ማህበረሰቡ በነፃ መታከም የሚችልበት እድል እንደሆነም አብራርተዋል ።
ማህበረሰቡም ይህንኑ በመገንዘብ የአገልግሎቱ ተጠቃሚ ሊሆን ይገባል ያሉት ሀላፊው እንደ ወረዳ የማዐጤመ ተጠቃሚዎች ሽፋን ወደ 100 % ለማድረስ በሚደረገው ጥረት በወቅቱ በማደስና አባል በመሆን የእድሉ ተጠቃሚ መሆን እንደሚገባውም መልዕክት አስተላልፈዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

በጉራጌ ዞን የእናቶች ቀን (አንትሮሽት) በተለያዩ ዝግጅቶች በድምቀት እየተከበረ ይገኛል።

በጉራጌ ዞን የእናቶች ቀን (አንትሮሽት) በተለያዩ ዝግጅቶች በድምቀት እየተከበረ ይገኛል።

የእናቶች ቀን (አንትሮሽት) በየዓመቱ በጥር ወር እናቶች ለትውልድ ቀጣይነት፣ ለሀገር ሰላምና ልማት መረጋገጥ ላበረከቱት ወደር የሌለው አስተዋጽኦዋቸው ከስራ ነጻ ሆነው በባሎቻቸውና በልጆቻቸው የተለያዩ ስጦታ በማበርከት እንክብካቤ ይደረግላቸዋል።

አንትሮሽት በጉራጌ ብሄረሰብ ዘንድ ፈረንጆች “ማዘር ዴይ” ብለው እንደሚያከብሩት ለረጅም ዘመናት ሲከበር እንደነበር የተለያዩ መረጃዎች ይጠቁማሉ።

በፕሮግራሙ የክልል፣ የጉራጌ ዞን፣ የምስራቅ ጉራጌ ዞን፣ የወልቂጤ ዩኒቨርስቲና የወረዳ የስራ ኃላፊዎች እንዲሁም የኦቢኤን ሆርን ኦፍ አፍሪካ ቴሌቪዥን ስራ አስኪያጅ የሀገር ሽማግሌዎች፣ የሀይማኖት አባቶች፣ እናቶችና ጥሪ የተደረገላቸው እንግዶች በተገኙበት በጉመር ወረዳ አበኬ ቀበሌ ላይ እየተከበረ ይገኛል።

በሀገሪቱ ያጋጠመውን የትምህርት ስብራት ለመጠገን ህብረተሰቡ በትምህርት ስራ ላይ የሚያደርገውን ሁለንተናዊ ድጋፍ ተጠናክሮ ሊቀጥል እንደሚገባ የማዕከላዊ ኢትዮጵያ ክልል የህዝብ ተወካዮች ምክር ቤት ዋና አፈ ጉባኤ ክብርት ወ/ሮ ፋጤ ስርሞሎ ገለጹ፡፡

================================

በሀገሪቱ ያጋጠመውን የትምህርት ስብራት ለመጠገን ህብረተሰቡ በትምህርት ስራ ላይ የሚያደርገውን ሁለንተናዊ ድጋፍ ተጠናክሮ ሊቀጥል እንደሚገባ የማዕከላዊ ኢትዮጵያ ክልል የህዝብ ተወካዮች ምክር ቤት ዋና አፈ ጉባኤ ክብርት ወ/ሮ ፋጤ ስርሞሎ ገለጹ፡፡
በጉራጌ ዞን እዣ ወረዳ የቆጠር ገድራ 1ኛና 2ኛ ደረጃ ት/ቤት 50ኛ ዓመት የወርቅ ኢዩቤልዩ በዓል በተለያዩ ዝግጅቶች በድምቀት ተከብሯል፡፡
በትምህርት ቤቱ ከ20 ሚሊዮን ብር በላይ ወጪ የተደረገባቸው አዳዲስ የመማሪያ ክፍሎች፣ የመምህራን መኖሪያ ቤቶች ግንባታና ነባር የመማሪ ክፍሎች እድሳት በማጠናቀቅ ተመርቆ ለአገልግሎት በቅተዋል፡፡
የማዕከላዊ ኢትዮጵያ ክልል የህዝብ ተወካዮች ምክር ቤት ዋና አፈ- ጉባኤ ክብርት ወ/ሮ ፋጤ ስርሞሎ በፕሮግራሙ ላይ እንዳሉት ትምህርት የአዓለም ስርዓት መቆጣጠሪያ መሳሪያ በመሆኑም የህብረተሰቡ እድገት መሻሻል፣ የተሟላ ስብዕና ያላቸው ዜጎች ለመፍጠር፣ ፈጣን የኢኮኖሚ ልማት ለማስመዝገብና የሰለጠነ የፖለቲካ ስርዓት ለመገንባት ሚናው ከፍተኛ ነው፡፡
ክልሉ ከተመሰረተ አጭር ጊዜ ቢሆንም በሀገሪቱ ያጋጠመውን የትምህርት ስብራት ለመጠገን የሚያስችሉ የትምህርት ግብዓትና መሰረተ ልማት የማሻሻል ስራ በመንግስትና በህብረተሰብ ተሳትፎ በከፍተኛ ደረጃ እየተከናወነ እንደሚገኝ ክብርት አፈ ጉባኤዋ ገልጸዋል፡፡
በሀገሪቱ ያጋጠመውን የትምህርት ስብራት ለመጠገን በአይነቱ ልዩ የሆነ ትምህርት ለትውልድ በሚል የተዘጋጀው የንቅናቄ ስራ ህብረተሰቡ በማሳተፍ በግንባር ቀደምትነት ከፈጸሙ የክልሉ አካባቢዎች አንዱ የጉራጌ ዞን መሆኑን ክብርት አፈ ጉባኤ ወ/ሮ ፋጤ ስርሞሎ ገልጸዋል፡፡
የጉራጌ ዞን ዋና አስተዳዳሪ አቶ ላጫ ጋሩማ በመድረኩ ላይ እንደገለጹት ትምህርት የሀገር መለወጫ መሳሪያ መሆኑን በመገንዘብ ባለፉት ሀምሳ አመታት ባለሀብቱንና የአከባቢው ህብረተሰብ በመተባበር የቆጠር አንደኛና ሁለተኛ ደረጃ ትምህርት ቤት ለማሻሻል የተከናወኑ የልማት ስራዎች የሚደነቁ ናቸው፡፡
በትምህርት ቤቱ ደረጃቸውን የጠበቁ የመምህራን መኖሪያ ቤቶች፣ ቤተ-መጽሃፍት፣ ቤተ-ሙከራ፣ የመማሪያ ክፍሎችና ሌሎች መሰረተ ልማቶች የተማሉ በመሆናቸው ከዞኑ አልፎ በክልል ደረጃ ሞዴል ሊሆን የሚያስችሉ ስራዎችን መሰራታቸውን ዋና አስተዳዳሪው ተናግረዋል፡፡
ህብረተሰቡ በአግባቡ በአካባቢው ልማት በማሳተፍ ከፍተኛ የልማት ስራዎች ያለመንግስት እርዳታ ማከናወን እንደሚቻል በቆጠር ገድራ ትምህርት ቤት የተከናወኑ የልማት ስራዎች አይነተኛ ማሳያ መሆናቸውን አቶ ላጫ ጋሩማ ገልጸዋል፡፡
በዞኑ የትምህርት ጥራት ለማሻሻል በርካታ ተግባራት በመከናወን ላይ መሆናቸውን የገለጹት ዋና አስተዳዳሪው በተለይ ህጻናት በአፍ መፍቻ የጉራጊኛ ቋንቋ እንዲማሩ አበረታች ስራ በመከናወን ላይ ይገኛል፡፡ በዚህም የጉራጊኛ ቋንቋ የትምህርትና የስራ ቋንቋ ለማድረግ ከፍተኛ ጥረት እየተደረገ ነው፡፡
የእዣ ወረዳ ዋና አስተዳዳሪ አቶ ዘውዱ ዱላ በበኩላቸው በወረዳው የመንግስትና የህብረተሰቡ አቅም በማስተባበር በርካታ የልማት ስራዎች የተከናወኑ ሲሆን የትምህርት ልማት ስራ ለማጠናከር ያለመንግስት ድጋፍ 42 አንደኛና ሁለተኛ ደረጃ ትምህርት ቤቶች በመገንባት የትምህርት ቁሳቁስና መሰረተ ልማቶች በማሟላት ለትውድል በማስተላለፍ አርዓያነት ያላቸው ስራዎች መከናወናቸውን አብራርተዋል፡፡
በትምህርት ቤቱ ከ20 ሚሊዮን ብር በላይ ወጪ የተደረገባቸው አዳዲስ የመማሪያ ክፍሎች፣ የምህራን መኖሪያ ቤቶች ግንባታና ነባር የመማሪ ክፍሎች እድሳት በማጠናቀቅ ተመርቆ ለአገልግሎት እየሰጡ መሆናቸውን ዋና አስተዳዳሪው ገልጸዋል፡፡
የበዓሉ ተሳታፊ የድሞ ተማሪዎች በሰጡት አስተያየት የቆጠር ገድራ አንደኛና ሁለተኛ ደረጃ ት/ቤት ባለፉት ሀምሳ አመታት ሀገራቸውን በተለያዩ የሙያ ዘርፎች በማገልገል ላይ የሚገኙ በርካታ ምሁራን ያፈራ የሀገር ባለውለታ መሆኑን ተናግረዋል፡፡
አክለውም በቀጣይ ትምህርት ቤቱ እውቀት ያላቸው በሀገር ደረጃ ተወዳዳሪ ተማሪዎች እንዲያፈራ አስፈላጊውን ድጋፍ የማድረግ ስራ አጠናክረው እንደሚቀጥሉ አስተያየታቸውን ሰጥተዋል፡፡

በጉራጌ ዞን እዣ ወረዳ የቆጠር ገድራ 1ኛና 2ኛ ደረጃ ት/ቤት 50ኛ ዓመት የወርቅ ኢዩቤልዩ በዓል በተለያዩ ዝግጅቶች በድምቀት እየተከበረ ይገኛል።

===================================
በጉራጌ ዞን እዣ ወረዳ የቆጠር ገድራ 1ኛና 2ኛ ደረጃ ት/ቤት 50ኛ ዓመት የወርቅ ኢዩቤልዩ በዓል በተለያዩ ዝግጅቶች በድምቀት እየተከበረ ይገኛል።
በትምህርት ቤቱ ከ20 ሚሊዮን ብር በላይ በሆነ ወጪ የተለያዩ አዳዲስ ግንባታዎችና ነባር ክፍሎች እድሳት ተካሂዶ ለምረቃ በቅተዋል።
በፕሮግራሙ ላይ የማዕከላዊ ኢትዮጵያ ክልል የህዝብ ተወካዮች ምክር ቤት ዋና አፈ ጉባኤ ክብርት ወ/ሮ ፋጤ ሱርሞሎ፣ በምክትል ርዕሰ መስተዳድር ማዕረግ የመሰረተ ልማት ክላስተር አስተባባሪና የትራንስፓርትና የመንገድ ልማት ቢሮ ኃላፊ ዶ/ር መሀመድ ኑሪዬ፣ የውጭ ጉዳይ ሚኒስቴር ሚኒስትር ዴኤታ አምባሳደር ምስጋናኑ አርጋ፣ የክልል፣ የዞንና የወረዳ ከፍተኛ የስራ ኃላፊዎች እንዲሁም ሌሎች ጥሪ የተደረገላቸው እንግዶች እየተሳተፉ ይገኛሉ ተብሎ ይጠበቃል ።

ለእናቶች ፈጥኖ ደራሽ ተሽከርካሪ

============================

ለእናቶች ፈጥኖ ደራሽ ተሽከርካሪ
እናቶች በትራንስፖርት እጥረት ሳቢያ የሚደርስባቸው ችግር ስመለከት እረፍት ነስቶኝ ነበር። ወጣት የፈጠራ ባለቤት ተማሪ አብድልሀፊዝ ጸጋዬ
የጉራጌ ማህበረሰብ በርካታ የስራ ፈጠራ ልምድ እና ባህል ያለው ህዝብ በመሆኑ የስራ ፈጠራን ከማንም አስቀድሞ የተገነዘበ ነው ቢባል ማጋነን አይሆንም።
ይህን ትልቅ ተግባር በትውልድ ቅብብሎሽ የቴክኖሎጂው ዘመን ላይ እንገኛለን።
በጉራጌ ዞንም ወቅቱን የዋጁ ጠበብት የፈጠራ ባለሙያዎች መፍለቂያ እየሆነ መሆኑ በዞኑና በክልሉ በተዘጋጁ ውድድሮች በግንባር ቀደምትነት አልፈው አሁንም በፌደራል ደረጃ ተደግፈው እየሰሩ መሆናቸው እና በተጨማሪም የፈጠራ ወጣቱ ኢዘዲን ካሚልን ማንሳት በቂ ማስረጃ ይሆናል።
ከእነዚህ በዞኑ ካሉ የፈጠራ ባለቤቶች ተማሪ አብድልሀፊዝን ለማንሳት ሞከረን። ተማሪው በጉራጌ ዞን ምሁር አክሊል ወረዳ የአንዝሬ 1ኛ ደረጃ ትምህርት ቤት የ7ኛ ክፍል ተማሪ ነው።
ተማሪ አብድልሀፊዝ እንደሚለው ከልጅነቴ ጀምሮ ከጓደኞቼ ሁኜ ስጫወት እንኳን ቁሳቁሶችን መገጣጠምና አዳዲስ ነገሮች ከመስራት እጄ አይቦዝንም ነበር።
ይህንን እንደ ልማድ ሆኖ በትምህርት ቤቴ እንዲሁም በአካባቢዬ የወዳደቁ ቁሳቁሶችን መሰብሰብ እና መገጣጠም የወትሮ ስራዮ አድርጌዋለሁ።
በተለይ እናቴ ቤት ውስጥ ስራዎች በቀላል መስራት ስትችል ብዙ ጉልበት እና ጊዜ ሲፈጅባት ስመለከት ለዚህ ችግር መፍትሄ ምን ይሁን? ብሎ ጭንቅላቴ አብዝቶ ያስባል።
በአካባቢዬ ምቹ ሁኔታዎች ባለመኖራቸው ከባድ ስራ መስራት፣እረጅም ጉዞ መሄድ፣ብዙ ገንዘብ ማውጣት የተለመደ ነው የሚለው ተማሪ አብድልሀፊዝ እነዚህ የማህበረሰቡ ችግር በቀላሉ ሊፈቱ የሚችሉ የፈጠራ ስራዎችን ሰርቼ ህብረተሰቡን ሲደሰት ለማየት ከትምህርቴ ጎን ለጎን ከፈጠራ ስራ ዝምድና ጀመርኩ ።
ከዚህ በፊት ውሃ መምጠጫ፣አይሮፕላን እና በሪሞት የሚሰራ መኪና ሰርቼ ለተለያዩ የፈጠራ ውድድሮች አቅርቤአለሁ ነው ያለው።
በአካባቢው የትራንስፖርት ችግር በመኖሩ ህብረተሰቡ ላይ የሚደርሰው ጫና በጣም ከፍተኛ ነው። ይሁን እንጂ በተለይ እናቶች ሲወልዱ በቃሬዛ ተሸክሞ መውሰድ ህይወታቸው እስከማጣት ሊያደርሳቸው ይችላል።
በተጨማሪም እናቶች ወደ ገበያ ሲሄዱ እና ወደ ቤታቸው ሲመለሱ ወገባቸው ላይ የሚሸከሙት ሸክም ደግሞ እጅግ ከባድና ለጤናም የማይመከር ተግባር ነው።
እንደ አብድለሀፊዝ ገለጻ እነዚህ ሁሉ ችግሮች የሚከሰቱት መኪና ባለመኖሩ በመሆኑ እኔ ደግሞ በተለይ እናቶች በትራንስፖርት እጥረት የሚደርስባቸው ችግር ለመቅረፍ በጸሀይ ሶላር የሚሰራ መኪና መስራት እንዳቻለ አስታውቋል።
በሶላር መስራቱ ደግሞ የነዳጅ ችግር የሚቀርፍና ወጪ ቆጣቢ ያደርገዋል ያለው የፈጠራ ተማሪው መኪናው በአካባቢው ካሉ ቁሳቁሶች ተገጣጥሞ የተሰራ መሆኑን አስገንዝቧል።
ይህ የሰራው መኪና ባሳለፍነው ሚያዚያ ወር የጉራጌ ዞን ሳይንስና ኢንፎርሜሽን ቴክኖሎጂ መምሪያና የዞኑ ትምህርት መምሪያ ባዘጋጁት ዞናዊ የሳይንስና የፈጠራ ስራዎች ውድድር ላይ በዞኑ በተማሪዎች ምድብ 2ኛ ደረጃ በመውጣት ተሸላሚ መሆን እንደቻለ አውስቷል።
የተበረከተለት የማበረታቻ ሽልማት ደስ ተሰኝቷል፤ ህልሙንም እውን ለማድረግ የሞራል ስንቅ እንደሚሆነው ስሜቱን አጋርቶናል።
በቀጣይም በክልል እና በፌደራል በሚዘጋጁ የሳይንስና የፈጠራ ስራዎች ውድድር ለመሳተፍ አስፈላጊውን ዝግጅት እያደረገ ሲሆን ሀገራችን በሳይንስና ቴክኖሎጂ ዘርፍ ለምታደርገው ጉዞ የበኩሌን እወጣለሁ ነው ያለው።
በቀጣይ ደግሞ ይህ የሰራሁት የፈጠራ ስራ ይበልጥ እያዳበርኩት ነው ያለ ሲሆን በተጨማሪም ድሮን እና የመብራት ተርባይን ለመስራት ጥረት እያደረኩ እገኛለሁ ብሏል ተማሪ አብድል ሀፊዝ።
ወደፊትም ፓይለንት የመሆን ህልም እንዳለው አጫውቶናል።
የፈጠራ ስራ ስሰራ የሀዋርያት ቴክኒክና ሙያ ኮሌጅ እና የቤተሰብ ድጋፍ ትልቅ መነቃቃት ፈጥሮልኛል።
ወጣቶች ዳግም የማያገኙትን ወርቃማ ጊዜያቸውን አልባሌ ስፍራ ከማሳለፍ ይልቅ ዘመኑ የዋጀውን የቴክኖሎጂ ውጤቶች ላይ በማተኮር ተላምደን አብሮን ያለውን ችግሮቻችንን እንዲፈቱና መንግስትም ለዘርፉ እየሰጠ ያለው ትኩረት ማጠናከር እንደሚገባ ተማሪው ምክሩን ለግሷል።
እነዚህ የፈጠራ ስራዎቼ በቀጣይ ይበልጥ በማሻሻል የህብረተሰቡ ችግር ተቀርፎ የማየት ህልሜ ለማሳካት ሌት ተቀን እሰራለሁ ሲል ተማሪ አብድል ሀፊዝ አስታውቋል።
የጉራጌ ዞን የመንግስት ኮሚኒኬሽን መምሪያ

የእዣ ወረዳ ምክር ቤት የ2016 ዓም የ3ኛ ሩብ ዓመት 4ኛ ዙር 11ኛ ዓመት 42ኛ መደበኛ ጉባኤ እያካሄደ ይገኛል ።

የእዣ ወረዳ ምክር ቤት የ2016 ዓም የ3ኛ ሩብ ዓመት 4ኛ ዙር 11ኛ ዓመት 42ኛ መደበኛ ጉባኤ እያካሄደ ይገኛል ። የወረዳ አስተዳደር ም/ቤት የ2016 ዓም የ3ኛ ሩብ ዓመት ሪፖርት ቀርቦ ተወያይቶ ማፅደቅ እና የገቢዎች ፅ/ቤት የገቢ ምጣኔ ሰነድ ቀርቦ ተወያይቶ ማፅደቅ በዋናነት የምክር ቤቱ አጀንዳዎች መሆኑንም ተጠቁሟል። ዝርዝሩ ተከታትለን እናደርሳለን ይከታተሉን !!

በእዣ ወረዳ ዉስጥ የሚገኙ ዉብና ማራኪ ፏፏቴዎች

የጉድድየ ፏፏቴ

የጉድድየ ፏፏቴ በጉራጌ ዞን በእዣ ወረዳ ከሚገኙ የቱሪስት መስህቦች አንዱ ሲሆን የሚገኘው በእዣ ወረዳ ዌራደባነ ቀበሌ ከዞን ዋና ከተማ ወልቂጤ 48 ኪ.ሜ ከወረዳው ዋና ከተማ አገና 6 ኪ.ሜ ከዋናው መንገድ በ3ኪ.ሜ ርቀት ላይ ከዋናው መንገድ ወደ ደቡብ ገባ ብሎ ይገኛል፡፡ ይህ ፏፏቴ ከሌሎች በወረዳችን ካሉ በርካታ ፏፏቴዎች ለየት የሚያደርገው ውሃው የሚፈሰው ከትልቅ ክብ የሆነ የድንጋይ ጉድጓድ ገብቶ የሚፈስ ስለሆነ ልዩ ውበትና ድምቀት ይሰጠዋል የፏፏቴው ርዝመት ቢያንስ እስከ 5 ሜትር ርዝመትና እስከ 7 ሜትር ስፋት ያለው ሲሆን ሌላው በፏፏቴው አከባቢ በርካታ የሆኑ የእፅዋት፣ የእንስሳትና የአዕዋፋት ዝርያዎች ይገኛሉ፡፡ በአከባቢው የሚገኙ የእፅዋትና የአዕዋፋት ድምፅ ልዩና መንፈስን የሚያድስ ተሰጥኦ አለው፡፡ በዙሪያው ካሉት እፅዋቶች መካከል የፅድ፣ የቀርከሀ፣ የባህር ዛፍ፣የግራር ዛፍ እና ሌሎችም ይገኙበታል፡፡ እናም ይህ ውብና ማራኪ ቦታ መጥታችሁ እንድትጎበኙ ስንል ጥሪያችንን እናስተላልፋለን፡፡

የገነማር ፏፏቴ

ገነማር ፏፏቴ በማእከላዊ ኢትዮጽያ ክልል በጉራጌ ዞን በእዣ ወረዳ በቆጠር ቀበሌ ልዩ ስሙ የበሰራር በሚባል የልማት ቡድን የሚገኝ ሲሆን ከዞኑ ዋና ከተማ ማለትም ከወልቂጤ 54 ኪ.ሜ ከወረዳው ዋና ከተማ አገና በ12 ኪ.ሜ እንዲሁም ከዋናው ፒስታ መንገድ ቆጠር በ4 ኪ.ሜ ርቀት ላይ ገባ ብሎ የሚገኝ ልዩና ድንቅ ፏፏቴ ነው፡፡ ይህንን ፏፏቴ በአራቱም አቅጣጫ የሚያዋስኑ ቀበሌዎች መሀል ላይ የሚገኝ ሲሆን አዋሳኝ በምስራቅ ሻመነ ቀበሌ በምዕራብ ዋሳማር ቀበሌ በሰሜን ቆጠር ቀበሌ እና በደቡብ የዋራውያ ልማት ቡድን መሀከል ላይ የሚገኝ ነው፡፡ ይህንን ድንቅ ፏፏቴ ቁመቱ ከአንድ መቶ ሜትር በላይ ርዝመት ያለው ሲሆን የፏፏቴውም የውሀ መጠን በጣም ከፍተኛ እና የተለያዩ የሁለት ወንዞች ድምር ውጤት ነው፡፡ ከፏፏቴው ጋር አብረው የሚገኙበት የተለያዩ የዱር እንስሶች እና የእፅዋት ዝርያዎች ይገኛሉ፡፡ ከእነዚህም መካከል ጅብ፣ ጦጣ፣ ጉሬዛ እና ሌሎችም የዱር እንስሶች ይገኙበታል፡፡ ከእፅዋት ዝርያዎች መካከል የቀርከሀ፣ የተለያዩ የጽድ ዝርያዎች፣ የባህርዛፍ እና ሌሎችም የእፅዋት አይነቶች ተጠቃሽ ናቸው፡፡ እናም ይህ ድንቅ እና ውብ የሆነ የተለያዩ ተፈጥሮዎችን አዋህዶ የያዘ ስፍራ እንድትጎበኙ ግብዣችን ነው፡፡

በጉራጌ ዞን እዣ ወረዳ አንበሊ ቀበሌ ከ13.5 ኪሎ ሜትር በላይ ጥራቱን የጠበቀ የጠጠር መንገድ ግንባት ስራ በመጠናቀቅ ላይ እንደሚገኝ የወረዳ ትራንስፖርትና መንገድ ልማት ፅ/ቤት አስታወቀ ።

==================================

በጉራጌ ዞን እዣ ወረዳ አንበሊ ቀበሌ ከ13.5 ኪሎ ሜትር በላይ ጥራቱን የጠበቀ የጠጠር መንገድ ግንባት ስራ በመጠናቀቅ ላይ እንደሚገኝ የወረዳ ትራንስፖርትና መንገድ ልማት ፅ/ቤት አስታወቀ ።
የመንገድ ግንባታ ስራው ከ10 ሚሊየን ብር በላይ ወጪ የተደረገበት ሲሆን ይህም በአካባቢው ማህበረሰብ ፡ በባለሀብቱና በወረዳው መንግስት ድጋፍ መሆኑንም ተጠቁሟል።
የእዣ ወረዳ ትራንስፖርትና መንገድ ልማት ፅ/ቤት ሀላፊ አቶ ኢብራሂም አወል እንደገለፁት በወረዳው ማህበረሰቡና ባለሀብቱ የተሳተፈባቸው እንዲሁም መንግስት ድጋፍ ያደረገባቸው በርካታ የመንገድ ልማት ስራዎች ከሌላ ጊዜአት በተሻለ ሁኔታ በስፋት እየተሰሩ ይገኛሉ ።
ሁሉም ልማት ሊሳለጥ የሚችለው የመንገድ መሰረተ ልማት ሲኖር መሆኑ በተገቢው በመረዳት እንደ ወረዳው በመንገድ ልማት ዘርፍ በበጀት ዓመቱ ከ38.5 ኪ .ሜትር በላይ የሚሆኑ የጠጠር መንገድ በአዲስ ተሰርተዋል ያሉት አቶ ኢብራሂም ሌሎች ነባር መንገዶች ከ56 ኪ.ሜ በላይ የጥገና ስራ መሰራቱን እንዲሁም ከዚህ ስራ የተያያዙ የተለያየ መጠንና አገልግሎት ያላቸው ከ5 በላይ ስትራክቸሮች መሰራታቸውን አብራርተዋል ።
በአጠቃላይ በዚህ አመት በወረዳው ደረጃ በርካታ የመንገድ ስራዎች የተሰሩ መሆኑንና እነዚህም በማህበረሰቡና በመንግስት ደረጃ ከ48.5 ሚሊየን ብር በላይ ወጪ እንደተደረገ ያስታወሱት አቶ ኢብራሂም ይህም እንደ መንግስትም ይሁን እንደ ማህበረሰብ ትልቅ ሀብት ኢንቨስት የተደረገበት ልማት ነው ብለዋል።
እንደ ወረዳው ከሌላ ጊዜ ከሚደረገው አስተዋፅኦ በማሻሻል ከ5ሚሊየን ብር የሚጠጋ ገንዘብ በተለያዩ ቀበሌዎች በዓመቱ ለመንገድ ልማት ድጋፍ መደረጉን የጠቆሙት ሀላፊው በተመሳሳይ መልኩ የማህበረሰቡ ድጋፍ ከፍተኛ ድርሻ የሚይዝ ሲሆን እስካሁን ተሳታፊ ከሆነባቸው ዓመታቶች እጅግ የላቀ በመሆኑ ትልቅ ምስጋና ይገባልም ብለዋል ።
በወረዳው በዚህ አመት የመንገድ ልማት በስፋት ከተሰራባቸው ቀበሌዎች አንዱ አንበሊ ቀበሌ ሲሆን ከ13.5ኪ ሜ በላይ የሚሆን የጠጠር መንገድ በተሻለ ስታንዳርድ መሰራቱን ያመላከቱት ሀላፊው ለዚህም ከ10 ሚሊየን ብር በላይ ወጪ የተደረገበት ሲሆን ይህም በህብረተሰቡ በባለሀብቱና በመንግስት አስተዋፅኦ የተሰራ ነው ብለዋል ።
በአንበሌ ቀበሌ የተሰራው መንገድ አጎራባች ከሆነው ሙህር አክሊል ወረዳ : ከወረዳው 3 ያህል ቀበሌዎች እንዲሁም መንደር ለመንደር የሚያገናኝ ሲሆን ለማህበረሰቡ ያለው ኢኮኖሚያዊና ማህበራዊው ፋይዳው እጅግ የጎላ ነው ብለዋል።
የአካባቢው ማህበረሰብ በጉልበቱ ብሎም በገንዘቡ ያደረገው ከፍተኛ አስተዋፅኦ የወረዳው መንግስት ትልቅ ምስጋና አለው ያሉት አቶ ኢብራሂም መንገድ የአገልግሎት ጊዜው በአግባቡ ለማቆየት ባለቤት ሆኖ በንቃት መጠበቅ እንዳለበት መልዕክት አስተላልፈዋል።
አስተያየት የሰጡን የቀበሌው ነዋሪዎች በበኩላቸው የመንገድ ግንባታው ለረጅም ዘመናት የሚፈልጉት በመሆኑ በዚህ መልኩ ሁሉም አካባቢዎች በሚያገናኝ መልኩ በመሰራቱ እንዳስደሰታቸው ገልፀዋል።
አስተያየት ሰጪዎቹ አክለውም ቀበሌያቸው ከፍተኛ አምርች አርሶአደር ያለበትን በመሆኑ ምርቶቻቸውን ለገበያ ለማቅረብ ሰፊ እድል የሚፈጥር እንደሆነና በአጠቃላይ ከቦታ ወደ ባታ ለተለያዩ ጉዳዮች ለመንቀሳቀስ ተሽከርካሪን በመጠቀም ጊዜና ጉልበታቸውንም ጭምር እንዳይባክን የሚያደርግ በመሆኑ ለዚህ አስተዋፅኦ ያደረጉላቸው አካላት በሙሉ ምስጋናቸውን አቅርበዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።