ምክር ቤቶች በህገ-መንግስቱ የተሰጣቸውን ሀላፊነት በአግባቡ እንዲወጡ የእዣ ምክር ቤት አስታወቀ ።

===========================

ምክር ቤቶች በህገ-መንግስቱ የተሰጣቸውን ሀላፊነት በአግባቡ እንዲወጡ የክትትልና የቁጥጥር ስልታቸውን በማጠናከርና ተግባራትን በተቀናጀ ሁኔታ ሊሰሩ እንደሚገባ የእዣ ምክር ቤት አስታወቀ ።
ምክር ቤቱ በተለያዩ ርዕሰ ጉዳዮች ዙሪያ ለባለድርሻ አካላት የግንዛቤ ማስጨበጫ ስልጠና ሰጥቷል ።
በእለቱም የእዣ ወረዳ ዋና አፈ-ጉባኤ አቶ ሙከረም በደዊ እንደገለፁት በየደረጃው የሚገኙ ምክር ቤቶች የክትትልና ቁጥጥር አቅማቸው በማጎልበት ለህብረተሰቡ ተጠቃሚነት መስራት አለባቸው ።
የወረዳው ምክር ቤትም በየዓመቱ ለባለድርሻ አካላት የግንዛቤ ማስጨበጫ ስልጠና እየሰጠ ሲሆን በተሰጡ ስልጠናዎችም በርካታ ለውጦች ቢመዘገቡም አሁንም ክፍተት መኖሩን ጠቁመዋል።
በቀጣይም የክትትልና ቁጥጥር ተግባር በማጠናከር በቀበሌ ደረጃ ያለው ክፍተት ማረም ያስፈልጋል ያሉት አቶ ሙከረም በተቋማት 60 በ40 እቅድ ዝግጅትና ምዘና ስርዓት ተጠናክው የህዝቡ የልማትና መልካም አስተዳደር ጥያቄዎች ለመፍታት በሚያስችል መልኩ በተገቢው መስራት ይገባልም ብለዋል።
የእዣ ወረዳ ም/አስተዳዳሪና የትምህርት ፅ/ቤት ሀላፊ አቶ ተጠምቀ በርጋ በበኩላቸው እንደገለፁት ምክር ቤቶች በህገ-መንግስቱ የተሰጣቸውን ሀላፊነት በአግባቡ እንዲወጡ የክትትልና የቁጥጥር ስልታቸውን በማጠናከርና ተግባራት በተቀናጀ መንገድ መስራት ይገባል ።
የዜጎች መሰረታዊ መብቶችና ነፃነቶች መከበራቸውን፡ መልካም አስተዳደርን ለማስፈን ግልፅ አሰራር መዘርጋቱንና ፓሊሲዎች ፡ ስትራቴጂዎችና ህጎች በአግባቡ ስራ ላይ መዋላቸውን መከታተል የምክር ቤቶች ተግባር መሆኑን ያነሱት ም/አስተዳዳሪው ይህንን ለማሳካት የቁጥጥር የስልት መርሆች የስራ እቅድና የአፈጻጸም ሪፖርት በመመርመር እንዲሁም የተሰሩ ስራዎች በተግባር በመመልከት በሚደረገው ክትትሉ ውጤት ማምጣት እንደሚቻል አስገንዝበዋል።
ተቋማት በተግባራቸው ውጤታማ አንዲሆኑ ከእቅዱ ጀምሮ ያሉ ተግባራቶች በአግባቡ በመፈተሽና በመከታተትል ህብረተሰቡ በልማትና መልካም አስተዳደር ፍትሃዊ ተጠቃሚ መሆን እንዳለበትም ተናግረዋል።
በየደረጃው ከህዝቡ ለሚነሱ አቤቱታዎች፣ ጥቆማዎች እና ቅሬታዎች አስፈፃሚ አካላት በየደረጃው ምላሽ እንዲያገኙ እንደ ወረዳው ትኩረት ተሰጥቶ መሰራት አለበት ያሉት አቶ ተጠምቀ ለዚህ የቀበሌ ምክር ቤቶች ሳይቆራረጡ በጊዜ ጉባኤ በማካሄድ ህዝቡን የሰጣቸው አደራ በአግባቡ ሊወጡ እንደሚገባም አሳስበዋል።
የህዝብን ተጠቃሚነት ለማረጋገጥ በየደረጃው የሚገኙ ምክርቤቶች አቅም መጎልበት የላቀ አስተዋጽኦ የሚያበረክት በመሆኑ የግንዛቤ መድረኩ በቀጣይ በየምክር ቤቱ የሚስተዋሉ ጉለቶችን የሚያርም ስልጠና በመሆኑ ተጠናክሮ መቀጠል እንዳለበት ተሳታፊዎች በአስተያየታቸዎ ገልፀዋል።
በእለቱም በሚመለከታቸው የስራ ሀላፊዎች የስልጠና ሰነድ ቀርቦ ሰፊ ውይይት ማድረግ ተችሏል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

በየደረጃው የሚገኙ ምክር ቤቶች የአፈፃፀም አቅማቸው በማጠናከር የህዝቡን ተጠቃሚነት እንዲረጋገጥ መስራት እንዳለባቸው ተገለፀ ።

=============================

በየደረጃው የሚገኙ ምክር ቤቶች የአፈፃፀም አቅማቸው በማጠናከር የህዝቡን ተጠቃሚነት እንዲረጋገጥ መስራት እንዳለባቸው ተገለፀ ።
በእዣ ወረዳ የቀበሌ ምክር ቤቶች የጋራ የምክክር መድረክ/ፎረም በዝግባቦቶ ቀበሌ በዛሬው እለት ተካሂዷል ።
በእለቱ የእዣ ወረዳ ምክር ቤት ዋና አፈ ጉባኤ አቶ ሙከረም በደዊ እንደለገለፁ የቀበሌ ምክር ቤቶች የጋራ የምክክር መድረክ /ፎረም/ ዋና አላማው በወረዳ ደረጃ የሚገኙ ምክር ቤቶች ካላባቸው የአፈፃፀም ጉድለት እንዲቀርፉ በማድረግ ከሌሎች ልምድ በመውሰድ ለወከላቸው ማህበረሰብ በተገቢው ለማገልገልና በቁርጠኝነት ለመስራት የሚያስችል ነው ብለዋል ።
ዋና አፈ-ጉባኤው አክለውም በየደረጃው ያሉ ምክር ቤቶች የህዝብ ጥቅምን ለማስጠበቅ ዋና አላማ በማድረግ የተመሰረቱ መሆናቸዉን አስረድተዉ በቀበሌው የህዝቡ ችግሮች በመለየትና እንዲፈቱ በተቻለ አቅም ጥረት ማድረግ ፡ ጉባኤዎችን በወቅቱ በማከናወን ፡ በቀበሌው የሚከናወኑ ተግባራቶች ቁጥጥርና ክትትል በማጠናከር የህዝቡ የልማትና መልካም አስተዳደሮች እንዲፈቱ መስራት ይጠበቅባቸዋል ብለዋል።
በዛሬው እለትም በዝግባቦቶ ቀበሌ ፎረሙን የተካሄደበት ዋና ትኩረቱም አንዳንድ ችግር ያለባቸዉ ቀበሌዎችን ከሌሎች ሞዴል ቀበሌዎች የልምድ ልዉዉጥ በማድረግ በመቀመር ፣ የአካልና የመስክ ልየታ በማድረግና ሁሉም ቀበሌዎች ካለባቸው ችግር እንዲላቀቁ እድል የሚፈጥር በመሆኑ ባለድርሻ አካላት መረባረብ እንዳለባቸውም አቶ ሙከረም ገልፀዋል ።
የእዣ ወረዳ ምክር ቤት ም/አፈ-ጉባኤ ወ/ሮ ሰናይት ሳህሌ በበኩላቸው በየደረጃው የሚገኙ ምክር ቤቶች የክትትልና ቁጥጥር አቅማቸው በማሳደግ የማህበረሰቡ ተጠቃሚነት በሚያረጋግጡ ጉዳዮች ላይ መስራት አለባቸው ብለዋል ።
የቀበሌ ምክር ቤት ተግባራት የባለድርሻ አካላት ሚና ከፍተኛ እንደመሆኑ መጠን ከባለድርሻ አካላት ጋር በቅንጅት ሊሰሩ እንደሚገባ የተናገሩት ም/አፈ ጉባኤዋ ህዝቡን የጣለባቸዉን አደራ ለመወጣት የሚያጋጥማቸዉ ችግሮችን በመለየት በቀበሌዉ ለሚፈለጉ ልማቶች አፋጣኝ ምላሽ እንዲያገኙ ማድረግ ይገባቸዋል ብለዋል ።
በፎረሙም በተለያየ አፈፃፀም ደረጃ ያሉ ም/ቤቶች ሪፓርት በማቅረብ ሰፊ ውይይት የተደረገ ሲሆን አንድ አንድ ቀበሌዎች ላይ የሚሰሩ ስራዎች የተሻሉ መሆናቸዉ፣ በሚደረጉ የድጋፍና ክትትሎች የተሻለ ለዉጥ እያስገኘ እንደሆነ ፣በጥንካሬ ጎን የተነሱ ሀሳቦች ሲሆኑ በተወሰኑ ቀበሌዎቸ የጉባኤ መቆራረጥ መኖሩ፡ በቅንጅት ከመስራት ጋር እና ሌሎችም ክፍተት በመኖሩ እነዚህ በጉድለት የተነሱ ጉዳዮች በቀጣይ መፈታት እንዳባቸው ሰፊ ውይይት ተደርጓል ።
የፎረሙ ታዳሚዎች በሰጡት አስተያየትም የምክክር መድረኩን በየቀበሌ መደረጉን ከተሻሉ ቀበሌዎች ልምድ የሚቀመርበት መሆንኑ ጠቅሰው በቀጣይም በቀበሌ ምክር ቤቱ ያዩት ተሞክሮ በየቀበሌያቸው እንደሚያከናውኑም በአስተያየታቸው ተናግረዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

በማዕከላዊ ክልል ርዕሰ መስተዳደር በአቶ እንዳሻው ጣሰው የተመራ ክልል አቀፍ የኢንቨስትመንት ጉብኝት በጉራጌ ዞን እዣ ወረዳ ተካሂዷል ።

=====================

በማዕከላዊ ክልል ርዕሰ መስተዳደር በአቶ እንዳሻው ጣሰው የተመራ ክልል አቀፍ የኢንቨስትመንት ጉብኝት በጉራጌ ዞን እዣ ወረዳ ተካሂዷል ።
በጉብኝቱም የማዕከላዊ ኢትዮጵያ ክልል ርዕሰ መስተዳደር አቶ እንዳሻው ጣሰው ፡ የጉራጌ ዞን ዋና አስተዳዳሪ አቶ ላጫ ጋሩማ ፡ የክልልና የዞን ከፍተኛ የስራ ሀላፊዎች ፡ የእዣ ወረዳ ካቢኔ አባላት ተሳታፊ ሆነዋል ።
በጉብኝቱም ፍቅር ውሃ ፡ ኤግል ኧይ አግሮ ኢንዱስትሪ ፡ እና ቲናው አበባ ልማት አክሲዮን ማህበር የስራ እንቅስቃሴ ምልከታ የተደረገ ሲሆን እዣ ወረዳ በዞኑ ምቹ የኢንቨስትመንት አካባቢዎች መካከል ግንባር ቀደም ተጠቃሽ እንደሆነም ተመላክቷል ።
የእዣ ወረዳ መንግስትም ኢንቨስትመንት በማበረታታት ረገድ እያደረገው ያለው አስተዋፅኦ ውጤታማና ተጨማሪ እንቅስቃሴ ለማድረግ የሚያነሳሳ በመሆኑ በጥንካሬ የሚገለፅ እንደሆነም በኢንቨስትመንቱ ዘርፍ የተሳተፉ አካላት በጉብኝቱ ወቅት ገልፀዋል ።
በእለቱም በኢንቨስትመንቱ ዘርፍ ከባንክ ብድርና ሌሎችም ተያያዥነት ያላቸው ተግዳሮት የሚሆኑ ጉዳዮች ተነስተው እልባት ሚያገኙበት ጉዳይ ላይ በርዕሰ መስተዳደሩ በአቶ እንዳሻው ጣሰው የመፍትሄ አቅጣጫ ተቀምጧል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

እድሜአቸው 14 ዓመት ለሆናቸው ልጃገረዶች የሚሰጠው የማህፀን በር ካንሰር መከላከያ ክትባት በእዣ ወረዳ ቆጠርገድራ 1ኛ ደረጃ ትምህርት ቤት በይፋ ተጀምሯል ።

=============================

እድሜአቸው 14 ዓመት ለሆናቸው ልጃገረዶች የሚሰጠው የማህፀን በር ካንሰር መከላከያ ክትባት በእዣ ወረዳ ቆጠርገድራ 1ኛ ደረጃ ትምህርት ቤት በይፋ ተጀምሯል ።
አብዛኛውን ጊዜ ከጡት ካንሰር ቀጥሎ በሁለተኛ ደረጃ በገዳይነቱ የሚጠቀሰው የማህጸን በር ካንሰር በርካታ እናቶች በበሽታው አማካኝነት እንደሚሞቱ የተረጋገጠ በመሆኑ ከዛሬ ጀምሮ የሚሰጠው ክትባት ይህንን የመከላከል አቅም አለው ተብሏል ።
የማህፀን በር ካንሰር መከላከያ ክትባት እድሜያቸው 14 ዓመት ለሆናቸው ልጃገረዶች ክትባቱ ከየካቲት 25-28 ባሉት ቀናት በየትምህርት ቤቱና ከትምህር ቤት ውጪ ላሉት ባሉ የክትባት መስጫ ጣቢያ የሚሠጥ በመሆኑን ተመላክቷል ።
ከዛሬ ጀምሮ የሚሰጠው የልጃገረዶች የማህፀን በር ካንሰር ክትባት እንዲሳካ ለተማሪዎች አስፈላጊውን ግንዛቤ በሚመለከታቸው አካል የተሰጠ ሲሆን በፅ/ቤቱም አስፈላጊውን ዝግጅት ተደርጎ ወደ ተግባር መገባቱንም ተጠቁሟል።
በመረሃ ግብሩም የእዣ ወረዳ ም/አስተዳዳሪና የትምህርት ፅ/ቤት ሀላፊ አቶ ተጠምቀ በርጋ ፡ የወረዳው ጤና ጥበቃ ፅ/ቤት ሀላፊ አቶ መሀመድ ሰይድ ፡ የእዣ ወረዳ ሴቶችና ህፃናት ፅ/ቤት ሀላፊ ወ/ሮ ትግስት መንግስቱ ፡ የጉራጌ ዞን ጤና መምሪያ የህፃናት ጤና እና ክትባት ኦፊሰር አቶ ደሳለኝ በቀና እንዲሁም የጤና ባለሙያዎችና የትምህርት ቤቱ ርዕሰ መምህር ተገኝተዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

የእዣ ወረዳ እግር ኳስ ቡድን ከምድቡ በማለፍ ነገ 7:00 ከቸሀ ወረዳ ለግማሽ ፋጻሜ የሚጫወት ይሆናል ።

======================

የእዣ ወረዳ እግር ኳስ ቡድን ከምድቡ በማለፍ ነገ 7:00 ከቸሀ ወረዳ ለግማሽ ፋጻሜ የሚጫወት ይሆናል ።
ዛሬ በተካሄደው የማጣሪያ የእግር ኳስ ጨዋታ እዣ ወረዳ ጌታ ወረዳን 3 : ለ1 በሆነ ውጤት አሸንፏል ።
በወልቂጤ ከተማ እየተካሄደ የሚገኘው የጉራጌ ዞን የልዩ ልዩ ስፖርቶች ውድድር እንደቀጠለ ሲሆን የእዣ ወረዳ ከተሳተፈባቸው 4 የውድድር አይነቶች በአትሌቲክስ 1 የብርና 2 የነሀስ ሜዳልያ እንዲሁም በወርልድ ቴኮንዶ 1ብር ና 1ነሀስ በባህል ስፖርት 1የወረቅ ሜዳልያ ያስመዘገበ ሲሆን በእግርኳስ ከምድቡ በማለፋ ነገ 7:00 ከቸሀ ወረዳ ለግማሽ ፋጻሜ የሚጫወት ይሆናል ።

ህገ-ወጥ የንግድ እንቅስቃሴዎችን መቆጣጠር

================================

የካቲት 21/2016 ዓም
“”””””””””””””””””””””””””'”‘ህገ-ወጥ የንግድ እንቅስቃሴዎችን በመቆጣጠርና የንግድ ህግ ማዕቀፎችን ተግባራዊ በማድረግ የኑሮ ውድነትን መቀነስና የህ/ሰቡን ተጠቃሚነት ማረጋገጥ እንደሚገባ ተገለፀ ።
የእዣ ወረዳ ንግድ ገበያ ልማት ፅህፈት ቤት በህገ-ወጥ የንግድና እንቅስቃሴዎች፡ በንግድ ገበያ ማዕቀፎች እና ፀረ -ኮንትሮባንድ ግብረ ሃይል ኮሚቴ አደረጃጀት ዙሪያ ላይ ትኩረት ያደረገ የግንዛቤ መስጫ ስልጠና ሰጥቷል።
የእዣ ወረዳ ረዳት የመንግስት ተጠሪ አቶ ሸምሱ አክመል እንደገለፁት በወረዳው የሚስተዋሉ ህገ-ወጥ የንግድ እንቅስቃሴዎች እያመጣ ያለው ተፅዕኖ ከፍተኛ ሲሆን ወደ ህጋዊነት ስርዓት በማምጣት አጋዠ የሆኑ አካላት ግንዛቤ እንዲያገኙ በማስቻል ህጋዊ ስርዓትን በማዘመን ትክክለኛና ውጤታማ የንግድ ስርዓት በመፍጠር ይገባል።
የንግድ አሰራር ዘመናዊ ፣የተቀላጠፈና ፍትሀዊ በማድረግ የሸማቹን ፣ የንግዱን ህብረተሰብና የመንግስትን ሚዛናዊ ጥቅም በማስከበር የንግድ ዘርፍ የወረዳው የኢኮኖሚ እድገት የሚደግፍበትን ሚና ለማሳደግ የቅንጅት ተግባር አስፈላጊ መሆኑ ረዳት የመንግስት ተጠሪው ጨምረው ገልፀዋል ።
በንግዱ ማህበረሰብ ፣ በሸማቹና በንግድ ተቋሙ የሚታዩ የአመለካከትና አሰራር ችግሮችን በመቅረፍ በተለይም በንግድና በግብይት ስርዓቱ ውስጥ የሚታየውን ብልሹ አሰራር በመፈተሽና ቀጣይ እንደ ወረዳው ውጤቱ የሚታይ ተግባር እንዲኖር መስራት እንደሚገባም አቶ ሸምሱ ተናግረዋል ።
የእዣ ወረዳ ንግድና ገበያ ልማት ፅ/ቤት ሀላፊ አቶ ደሳለኝ ከበደ በበኩላቸው እንደገለፁት ሁላችንም ከቃላት በመውጣት ለህብረተሰቡ በመቆርቆር የሚጠበቅብንን እየሰራን የምንሄድ ከሆነ ለውጥ ማምጣት እንችላለን ብለዋል።
ሀላፊው አያይዘውም የትኛውም የማህበረሰብ ክፍል ህገወጥ አሰራሮችን በመቃወም ህገወጥ የንግድ እንቅስቃሴ ሲያጋጥሙት ወደ ህግ አካል በማቅረብ መፍትሔ እንዲሰጥ ማድረግና ህጉን ተከትለው የሚሰሩትን ደግሞ በማበረታታት አሁን እየገጠሙን ላሉ ችግሮች ተባብረን መፍትሄ የምንፈልግ መሆን አለብን ብለዋል።
በፅ/ቤቱ የንግድ ኢንስፔክሽንና ሪጉሌሽን ዋና ስራ ሂደት አስተባባሪ አቶ ሺለጋ ምራኒ በህገ-ወጥ የንግድና እንቅስቃሴዎች፡ በንግድ ገበያ ማዕቀፎች ፀረ -ኮንትሮባንድ ዙሪያ ላይ ትኩረት ሰነድ ያቀረቡ ሲሆን የንግድ ህግና ደንብ በመተላለፍ የሚፈጸሙ ህገ-ወጥ ንግድ እና ኮንትሮባንድ ለሀገራችን ብሎም ለወረዳው ኢኮኖሚ እና ህጋዊ ለሆነው የግብይት ሥርዓት ፈተና መሆኑን በሰነዱ አመላክተዋል።
ያለንግድ ፈቃድመነገድ፣ ከተፈቀድ መጠንና ኮታ በላይ ምርትን ማዘዋወርና ማከማቸት፤ እጥረትን ለመፍጠር ምርት አከማችቶ መያዝ፤ ያለበቂ ምክንያት በምርቶች ላይ ዋጋ ጨምሮ መሸጥ፤ ምርቶችን አለግባብ መሰብሰብ፣ ማከማቸትና ማዟዟር፤ የንግድ ፍቃድን ለሶሰተኛ ወገን አሳልፎ በመስጠትና የመሳሰሉት ተግዳሮቶች የአገሪቱን ኢኮኖሚያዊ፣ ማህበራዊና ፖለቲካዊ እንቅስቃሴዎች በማዳከም ለልማትና ለዕድገት የሚደረገውን ርብርብ እየተፈታተነ የሚገኙህገ-ወጥ ድርጊቶች በመሆናቸው ሁሉም በተቀናጀ መንገድ መታገል እንደሚያስፈልግም በሰነዱ አመላክተዋል።
ተሳታፊዎች ህገወጥ ንግድ ለመከላከል የሁሉም ባለድርሻ ቆራጥነትና ተነሳሽነተ ስለሚያስፈልግ ሁላችንም በጋራ ልንሰራ ይገባል ብለዋል ።
በእሰቱም ህገ-ወጥ ንግድ ቁጥጥር /ፀረ-ኮንትሮባንድ / ግብረሃይል ኮሚቴ አደረጃጀት ፡ ሀላፊነት እና የቀጣይ እቅድ ቀረቦ ውይይት ተደርጎአል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።

ኮሌጆች ችግር ፈቺ የሆኑ ቴክኖሎጂዎችን በአግባቡ በመለየት ፣ በመቅዳትና በማሸጋገር ለተጠቃሚው ህብረተሰብ ክፍል ለማድረስ በትኩረት መስራት እንዳለባቸው ተገለፀ።

============================

ኮሌጆች ችግር ፈቺ የሆኑ ቴክኖሎጂዎችን በአግባቡ በመለየት ፣ በመቅዳትና በማሸጋገር ለተጠቃሚው ህብረተሰብ ክፍል ለማድረስ በትኩረት መስራት እንዳለባቸው ተገለፀ።
የአገና ኮንስትራክሽንና ኢንዱስትሪያል ኮሌጅ የቦርድ አባላት የ2016 በጀት ዓመት የ6ወራት የኮሌጁ እቅድ አፈፃፀም ገምግሟል ።
የጉራጌ ዞን ቴክኒክና ሙያ ትምህርት ስልጠና መምሪያ ሀላፊ አቶ መስፍን ሰርገማ በውይይቱ ወቅት እንደገለፁት ቴክኒክና ሙያ ትምህርትና ስልጠና ለአንድ ሀገር ኢኮኖሚያዊ፣ ማህበራዊና ፖሊቲካዊ ዕድገት ቁልፍ መሳሪያ ነው ።
በዘመናዊ ቴክኖሎጂ የተራቀቁና በኢኮኖሚ ያደጉ ሀገራት ከዚህ የደረሱት የሰው ሀይል አቅማቸውን በትምህርትና ስልጠና በመገንባታቸው ነው ያሉት ሀላፊው ከዚህም አንፃር ኮሌጆች አገር አቀፍ የሙያ ደረጃና የሙያ ብቃት ምዘና ሥርዓት በጠበቀ መልኩ በተለያየ መንገድ እውቀትና ክህሎት የጨበጡ የማህበረሰብ አባላት በዓለም አቀፍ ደረጃ ተወዳዳሪ የሚሆኑበትን ሁኔታ የማመቻቸት ሀላፊነት አለባቸው ብለዋል ።
በዞኑ ከሚገኙ ቴክኒኪና ሙያ ትምህርትና ስልጠና ተቋማት ግንባር ቀደም ከሆኑ የአገና ኮንስትራክሽንና ኢንዱስትሪያል ኮሌጅ አንዱ ነው ያሉት አቶ መስፍን ኮሌጁ የሰለጠነ የሰው ሀይል በማፍራት ችግር ፈቺ የሆኑ የቴክኖሎጂ ውጤቶች አምርቶ ከማስተዋወቅ አንፃር እያከናወናቸው የሚገኙ ተግባራቶች እጅግ የሚበረታቱ መሆኑን አመላክተው በጉለት የተጠቁሱት በቀጣይ በጉለት የተጠቀሱ ጉዳዮች በማሻሻልና የራሱ አቅም በማዳበር የተሻለ ተግባር ላይ ትኩረቱ ማጠናከር እንዳለበትም አስገንዝበዋል።
የአገና ከተማ አስተዳደር ከንቲባ አቶ ሀብቴ ዘርጋ በቴክኖሎጂና በምርምር ስራዎች የማህበረሰቡ ችግር በዘላቂነት በመፍታቱ ረገድ የቴክኒክና ሙያ ከፍተኛ አስተዋፅኦ ያበረክታሉ ብለዋል ።
በዕውቀትና በክህሎት ያደገ ማህበረሰብ ቴክኖሎጂ የመፍጠርና የመጠቀም አቅሙ ያድጋል ያሉት ከንቲባው የአገና ኮንስትራክሽንና ኢንዱስትሪያል ኮሌጅም የሰለጠነ የሰው ሀይል ከመፍጠሩም ባለፈ ማህበረሰቡ በተጨባጭ ተጠቃሚ እንዲሆን በቴክኖሎጂ ሽግግር ደረጃ የሚታዩ ስራዎች መስራቱን አመላክተዋል ።
ኮሌጁ ከዚህ በላይ ለመስራት ማነቆ የሆነበትን ችግሮች ቶሎ እንዲቀረፉ ለማድረግ የከተማ አስተዳደሩ በተቻለው አቅም ድጋፍ ያደርጋል ያሉት አቶ ሀብቴ በተለይም የሰልጣኞች ቁጥር ለማሳደግ የሚመለከተው ባለድርሻ አካል ትምህርታቸው ያጠናቀቁ ወደ ተቋሙ ገብተው እንዲሰለጥኑ የግንዛቤ ስራው በቅንጅትና በባለቤትነት በመውሰድ መስራት ያስፈልጋልም ብለዋል።
የአገና ኮንስትራክሽንና ኢንዱስትሪያል ኮሌጅ ዲን አቶ አስቻለው ስባኒ የግማሽ ዓመት ሪፖርት ያቀረቡ ሲሆን ለአምራች እና አገልግሎት ሰጭ ኢንዱስትሪዎች መለስተኛና በመካከለኛ ደረጃ ብቁ ሙያተኞችን በማዘጋጀት ሀገራችን ወደ ኢንዱስትሪ መር ኢኮኖሚ ለመሸጋገር ለምታደርገው ጥረት ቴክኒክኔ ሙያ ተቋማት ወሳኝ ዕገዛ እያደረጉ መሆናቸው የሚታመን ነው ብለዋል ፡፡
በኮሌጁ በ2016 በጀት ግማሽ ዓመቱ በግማሽ ዓመቱ ከተከናወኑት ዋና ዋና ተግባራቶች መካከል ምርጥ ተሞክሮ ሊወሰድበት በሚችል ደረጃ የአሰራር ስርዓት ሰነዶች ማዘጋጀት መቻሉ ፡ ተከታታይነት ያለው የአቅም ግንባታ ስልጠና ለባለሙያ/ለአመራር መስጠት መቻሉ ፡ አረንጓዴ ተቋም መፍጠር ላይ አበረታች ለውጥ መኖሩን ተግባራዊ ጥናትና ምርምር ስራዎች በተሻለ ጥራት ደረጃ እየተሰሩ መሆኑንና ሌሎችም ስራዎች መሰራታቸውን የኮሌጁ ዲን በሪፖርቱ አመላክተዋል።
በቀጣይም ችግር ፈቺ የሆኑ ቴክኖሎጂዎችን በአግባቡ በመለየት፣ በመቅዳትና በማሸጋገር ለተጠቃሚው ህብረተሰብ ክፍል ከማድረስ አኳያ ያሉትን ችግሮች እንዲፈቱ ለማድረግ ከኮሌጁ ድርሻ በተጨማሪ የሚመለከተው አካል በተቀናጀ መንገድ እንዲፈታ አስፈላጊውን ድጋፍ ማድረግ እንደሚያስፈልግም አቶ አስቻለው ጨምረው ተናግረዋል።
በእለቱም የጉራጌ ዞን ቴክኒክና ሙያ ትምህርት ስልጠና መምሪያ ሀላፊ አቶ መስፍን ሰርገማ ፡ አቶ ኸይሩ አህመዲን የወልቂጤ ፖሊቴክኒክ ዲን ፡ አቶ አበበ ባበኬር በወልቂጤ ዩኒቨርስቲ የማህበረሰብ አገልግሎት ዘርፍ ሀላፊ ፡ የእዣ ወረዳ እና አገና ከተማ አስተዳደር የቦርድ አባል አመራሮች የኮሌጁ የማኔጅመንት አባል በውይይቱ ተሳታፊ ሆነዋል።
በተጨማሪም የኮሌጁ መተዳደሪያ ደንብ ቀርቦ የፀደቀ ሲሆን በኮሌጁ እየተከናወኑ የሚገኙ የቴክኖሎጂ ሽግግር ስራዎች የቦርድ አባላቱ ተዘዋውረው ጎብኝተዋል ሲል የዘገበው የእዣ ወረዳ መንግስት ኮሚኒኬሽን ጉዳዮቾ ፅ/ቤት ነው ።

በእዣ ወረዳ በሁሉም ቅድመ አንደኛ ጣቢያዎች ህፃናት የአፈ መፍቻ ቋንቋቸው በሆነው በጉራጊኛ ቋንቋ እንደሚማሩ የወረዳ ትምህርት ፅ/ቤት አስታወቀ ።

==================================

በእዣ ወረዳ በሁሉም ቅድመ አንደኛ ጣቢያዎች ህፃናት የአፈ መፍቻ ቋንቋቸው በሆነው በጉራጊኛ ቋንቋ እንደሚማሩ የወረዳ ትምህርት ፅ/ቤት አስታወቀ ።
ፅ/ቤቱ እንደ ወረዳው የታተመው የጉራጊኛ ቋንቋ ደረጃ አንድና ሁለት የቅድመ አንደኛ የጉራጊኛ መፅሀፍ ከጣቢያ አመቻቾች ጋር የትውቅ ፕሮግራም አካሂዷል።
የእዣ ወረዳ ም/አስተዳዳሪና የትምህርት ፅ/ቤት ሀላፊ አቶ ተጠምቀ በርጋ እንደገለፁት የጉራጊኛ ቋንቋ በስርዓተ ትምህርት ተካቶ ህፃናት በአፍ መፍቻ ቋንቋቸው እንዲማሩ መደረጉ ቋንቋውን ለማልማትና ለማጎልበት ጉልህ ድርሻ ከመኖሩም በተጨማሪ ህፃናት በቀላሉ ሀሳባቸው መግለፅ ያስችላቸዋልም ብለዋል።
በአለም አቀፍ ደረጃ ከህፃናት መብቶች አንድ ህፃናቶች በአፍ መፍቻ ቋንቋቸው መማር እንዳለባቸው ተቀምጧል ያሉት አቶ ተጠምቀ በመሆኑም ህፃናቶች ከወዲሁ በቋንቋቸው ፊደል በመለየት በቀጣይ እንደ ዞኑ በአንድኛ ክፍል የሚጀመረውን የጉራጊኛ ትምህርት ከወዲሁ መዘጋጀት አለባቸውም ብለዋል።
ይህም የትውውቅ ፕሮግራም ለሁለተኛ ዙር የጉራጊኛ የፊደል ልየታ ገበታ ዙሪያ የሚሰጥ ስልጠና መሆኑን የጠቆሙት ሀላፊው ከዚህ ቀደም በወልቂጤ ዩኒቨርስቲ ያሰልጣኞች ስልጠና የሰለጠኑት ለሌሎች በማሰልጠን እንዲሁም በትምህርት ቤት ደረጃ ብቻ ሳይሆን ሁሉም ጣቢያ ላይ መሰልጠን እንዳለባቸው በማመን ሁሉም የቅድመ አንደኛ አመቻቾች ስልጠናውን መውሰዳቸውንም አብራርተዋል ።
” ከጋበር ” በጎ አድራጎት ድርጅት ፡ ከማህበረሰቡ እንዲሁም ከመንግስት ጋር በመቀናጀት 370 የጉራጊኛ ቋንቋ ደረጃ አንድና ሁለት የቅድመ አንደኛ መፅሀፎች መታተማቸውን የጠቆሙት አቶ ተጠምቀ ለዚህም ህትመት ከ150 ሺህ ብር በላይ ወጪ ተደርጎባቸዋልም ብለዋል።
እንደ ወረዳው ቅድመ አንደኛ ላይ በደረጃ አንድና ሁለት እየተሰጠ ነው ያለውን ትምህርት በቀጣይም ሁሉም ጣቢያዎች በጉራጊኛ ቋንቋ ብቻ መሰጠት እንዳለበት አቅጣጫ ተቀጧል ብለዋል ።
በመሆኑም አመቻቾች ይህንኑ በመገንዘብ በቂ ግንዛቤ ይዘው ህፃናት በአፍ መፍቻ ቋንቋቸውን እንዲማሩ ማድረግ እንዳለባቸው አሳስበዋል።
በእለቱም ስለ ጉራጊኛ ቋንቋ ምንነት እና አስፈላጊነት ዙርያ በፅ/ቤቱ የጉራጊኛ ቋንቋ አስልጣኝ ባለሙያዎች በአቶ ሳህሉ በረዳ እና በመምህርት ወ/ሮ ጥርርወርቅ ንጋኒ ማስገንዘቢያ ሰነድ ቀርቦ ሰፊ ውይይት ተደርጎባቸዋል ።
በእለቱም ከወረዳው ት/ቤቶች የተውጣጡ ርዕሳነ-መምህራን፣ ሱፐርቫይዘሮችና የጽ/ቤት ባለሙያዎች ተሳታፊ ነበሩ ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው፡፡

 

የተሻሻሉና መደበኛ ክትባት በአግባቡ በመስጠት ጤና የተጠበቀ ማህበረሰብ እንዲኖር መስራት እንደሚገባ ተገለፀ ።

===========================

የተሻሻሉና መደበኛ ክትባት በአግባቡ በመስጠት ጤና የተጠበቀ ማህበረሰብ እንዲኖር መስራት እንደሚገባ ተገለፀ ።

የእዣ ወረዳ ጤና ጥበቃ ፅ/ቤት ለሁለት ተከታታይ ቀናት በተለያየ ርዕሰ ጉዳዮች ዙሪያ የውይይትና ግንዛቤ ማስጨበጫ መድረክ አካሂዷል።
የእዣ ወረዳ ጤና ጥበቃ ፅ/ቤት ሀላፊ አቶ መሀመድ ሰይድ በዚሁ ወቅት እንደገለፁት ወቅታዊ የተሻሻሉና መደበኛ ክትባቶች በተገቢው በመስጠት የህጻናት ሞት በመቀነስ እንዲሁም የማህበረሰቡ ጤና ለመጠበቅ ከፍተኛ ድርሻ እንዳለው ተናግረዋል ።
ስልጠናው በርካታ ርዕሰ ጉዳዮቾ ላይ ያተኮረ መሆኑን የጠቀሱት ሀላፊው በቀጣይ ለ10 ተከታታይ ቀናት የሚካሄደውን ከሳንባ ነቀርሳ ታማሚ ጋር ንክኪ ያላቸው ሰዎች በመለየት ምርመራ የማድረግ ተግባር ላይ ትኩረት ያደረገ እንደነበርም ጠቅሰዋል።
ከዚህ በተጨማሪ በመድረኩ ቆይታም የተቋሙ የ8ወር አፈፃፀም ፡ ከዞንና ከክልሉ የተሰጡ ግብረ -መልሶችና በባለፈው ዓመት በአፈፃፀም ወቅት ያጋጡሙ ጉለቶች በመለየትን በአፋጣኝ ሚታረሙበትን ሁኔታ ላይ ትኩረት ያደረገም እንደነበር አስረድተዋል።
በቀጣይም እንደ ወረዳው ለተከታታይ 10 ቀናት የሚካሄደውን ከሳንባ ቲቪ ጋር ንክኪ ያላቸው ሰዎች ልየታ የማድረግና ከ15 ዓመት በታች ያሉ ህፃናት ቲቢቲ መድሃኒት በጤና ባለሙያ የሚሰጥ መሆንኑ አስረድተዋል ።
በስልጠና መድረኩ ላይ የጤና ጽ/ቤት ባለሙያዎች የተለያዩ ሰነዶች አቅርበው ሰፊ ውይይት ተደርጎባቸው በቀጣይ በጤናው ዘርፍ ቀልጣፋና ወቅታዊ ክትባቶች በአግባቡ በመስጠት ህብረተሰቡ የአገልግሎቱ ተጠቃሚ እንዲሆን በባለቤትነትና በተጠያቂነት ለመስራት መግባባት ላይ ተደርሶአል።
የቀበሌ ጤና ኤክስቴንሽን ባለሙያዎች ፡ የጤና ጣቢያ ሀላፊዎች ፡ የጤና ጣቢያ ትስስር ባለሙያዎች እንዲሁም የፅ/ቤት ባለሙያዎች እና ሌሎች ባለድርሻ አካላት በመድረኩ ተሳትፈዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።

የህብረተሰቡ ኢኮኖሚያዊ ተጠቃሚነት ለማረጋገጥ የሚያስችሉ የተለያዩ የልማት ስራዎች በመከናወን ላይ መሆናቸውን በጉራጌ ዞን የእዣ ወረዳ አስተዳደር አስታወቀ፡፡

========================

መጋቢት18/2016ዓ.ም
የህብረተሰቡ ኢኮኖሚያዊ ተጠቃሚነት ለማረጋገጥ የሚያስችሉ የተለያዩ የልማት ስራዎች በመከናወን ላይ መሆናቸውን በጉራጌ ዞን የእዣ ወረዳ አስተዳደር አስታወቀ፡፡

በወረዳው የመንግስት ኮሚዩኒኬሽን ጉዳዮች ጽ/ቤት አዘጋጅነት ባለድርሻ አካላት ያሳተፈ የልማት ስራ ጉብኝት ተካሂዷል፡፡

በጉራጌ ዞን የእዣ ወረዳ ዋና አስተዳዳሪ አቶ ዘውዱ ዱላ በልማት ስራ ጉብኝቱ ወቅት እንዳሉት የህብረተሰቡን ሁለንተናዊ የልማት ተጠቃሚነት ለማረጋገጥ የሚያስችሉ የተለያዩ የልማት ስራዎች በመከናወን ላይ ናቸው፡፡

በወረዳው 58 የኢንቨስትመንት ፕሮጀክቶች በማኑፋክቸሪን፣ በግብርናና በአገልግሎት ዘርፎች ተሰማርተው የአካባቢው ልማት ለማፋጠን ከፍተኛ አስተዋጽኦ በማበርከት ላይ ይገኛሉ፡፡

በዚህም ከ5 ሺህ በላይ ዜጎች የስራ እድል ከመፍጠራቸውም ባለፈ የወረዳው ገቢ በማሳደግ ከሚመደብለት በጀት 70 ከመቶ የሚሆነውን በራሱ መሸፈን መቻሉን ዋና አስተዳዳሪ ገልጸዋል፡፡

በርካታ ወጣቶች በማህበር ተደራጅተው የተለያዩ የመስኖ ልማቶች ቲማቲም፣ ሽንኩርት፣ ስንዴ፣ አትክልትና ፍራፍሬ እንዲሁም በእንስሳት እርባታ ተሰማርተው እራሳቸውንና የአካባቢው ህብረተሰብ ኢኮኖሚያዊ ተጠቃሚነታቸውን ከማረጋገጣቸውም በተጨማሪ የቴክኖሎጂ ሽግግር በማድረግ ላይ እንደሚገኙ አቶ ዘውዱ ተናግረዋል፡፡

እንደ አቶ ዘውዱ ገለጻ ለሰራተኞች ምቹ የስራ አካባቢ እንዲኖር በማሰብ ከ80 ሚሊዮን ብር በላይ ወጪ የሚደረግባቸው ሁለት ለቢሮ አገልግሎት የሚሰጡ ህንጻዎች አንዱ ተጠናቆ ለአገልግሎት ክፍት ለማድረግ በዝግጅት ላይ የሚገኝ መሆኑንና የቀሪው ህንጻም ግንባታ እየተፋጠነ ይገኛል፡፡

በጉራጌ ዞን የእዣ ወረዳ የመንግስት ኮሚዩኒኬሽን ጉዳዮች ጽ/ቤት ኃላፊ አቶ ገዛኸኝ መልስ በበኩላቸው በመስክ ምልከታው በወረዳው የሚገኙ የተለያዩ የልማት ስራዎች ያሉበት ደረጃ በማየት ጥንካሬያቸውና ጉድለታቸውን በመለየት የሚመለከታው ባለድርሻ አከላት አስፈላጊውን እገዛ እንዲያደርጉላቸው እና መረጃ ለህብረተሰቡ ለመስጠት እንደሚረዳ ገልጸዋል፡፡

በልማት ስራ ጉብኝቱ በርካታ ወጣቶች በማህበር ተደራጅተው በመስኖ የተለያዩ የልማት ስራዎች በመስራታቸው በሀገሪቱ የተከሰተውን የኑሮ ውድነት ለማረጋጋት፣ ለወጣቶች የስራ እድል በመፍጠርና ልምዳቸው በማካፈል ሌሎች ወጣቶች ተደራጅተው እንዲሰሩ የበኩላቸውን አስተዋጽኦ በማበርከት ላይ እንደሚገኙ ኃላፊው ተናግረዋል፡፡

በመስክ ምልከታው ከታዩ ኢንቨስትመንቶች መካከል የኤማናው ትሬዲንግ አንዱ ነው፡፡ የፋብሪካው ስራአስኪያጅ አቶ አድማሱ ደገሙ በጉብኝቱ ወቅት እንደተናገሩት ከ120 ሚሊዮን ብር በላይ ኢንቨስት በማድረግ የተነባበረ ጣውላ እያመረተ መሆኑንና ከ50 በላይ ለሚሆኑ ዜጎች የስራ እድል መፍጠር ችለዋል፡፡

ፋብሪካው በሙሉ አቅሙ ወደ ስራ ሲገባ ከ100 በላይ ለሚሆኑ ዜጎች የስራ እድል ለመፍጠር እንደሚሰራ የገለጹት አቶ አድማሱ የመብራት መቆራረጥ ችግር የሚመለከተው አካል እንዲፈታላቸው ጠይቀዋል፡፡

በማህበር ተደራጅተው በመሰኖ ቲማቲም፣ ሽንኩርት፣ ጎመንና የበጋ መስኖ ስንዴ ከሚያመርቱ ወጣቶች መካከል አቶ ጌታቸው ብሩ እንደተናገረው በመስኖ ማምረት ከጀመሩ ወዲህ ከሚያገኙት ገቢ የራሳቸውና የቤተሰባቸውን ኑሮ መምራት ከመቻላቸውም ባለፈ ለሌሎች ወጣቶችም የስራ እድል መፍጠር ችለዋል፡፡