ተግባር ተኮር የጎልማሶች ትምህርት ስርዓትን በተጠናከረ መልኩ ለማስቀጠል የተቀናጀ ስራ እንደሚጠይቅ በጉራጌ ዞን የእዣ ወረዳ ትምህርት ፅ/ቤት ገለፀ።

=========================

ተግባር ተኮር የጎልማሶች ትምህርት ስርዓትን በተጠናከረ መልኩ ለማስቀጠል የተቀናጀ ስራ እንደሚጠይቅ በጉራጌ ዞን የእዣ ወረዳ ትምህርት ፅ/ቤት ገለፀ።
ፅ/ቤቱ በጎልማሶች ትምህርት አፈፃፀም ዙሪያ ከባለድርሻ አካላት ጋር ውይይት አካሂዷል።
የእዣ ወረዳ ምክትል አስተዳዳሪና የትምህርት ፅ/ቤት ሀላፊ አቶ ተጠምቀ በርጋ እንደገለፁት ተግባር ተኮር የጎልማሶች ትምህር በአግባቡ አጠናክሮ ማስቀጠል የተማረና በኢኮኖሚ የዳበረ ማህበረሰብ በሀገራችን ብሎም በወረዳ እንደሚፈጠር ትልቅ እገዛ እንዳለው በመገንዘብ ልዩ ትኩረት ተሰጥቶት ሊሰራ ይገባል ።
ተግባር ተኮር የጎልማሶች ትምህርት ስርዓትን በተጠናከረ መልኩ ለማስቀጠል የተቀናጀ ስራ እንደሚጠይቅ የገለፁት አቶ ተጠምቀ በዘርፉ ያሉትን መሰረታዊ የሆኑ ክፍተቶች በመለየትና እንዲታረሙ በማድረግ እንደ ወረዳው ጎልማሶች በሁሉም ጣቢያ በሚባል ደረጃ እንዲማሩ አስፈላጊውን ርብርብ ሊደረግ ይገባል ብለዋል ።
የእዣ ወረዳ ትምህርት ፅ/ቤት ም/ ሀላፊ አቶ አስቻለው ወልዴ በበኩላቸው ስልጠናው በተቀናጀው ተግባር ተኮር የጎልማሶች ትምህርትን አፈፃፀም ወቅት የሚገጥሙ ችግሮችና በሚፈቱበት መንገድ ዙሪያ ላይ ያተኮረ በመሆኑም በቀጣይ በዘርፉ የተሻለ ስራ እንዲሰራ የሚያበረክተው አስተዋፅኦ የጎላ ነው ብለዋል።
የተቀናጀ ተግባር ተኮር የጎልማሶች ትምህርት ለመደበኛው ትምህርት የመማር ማስተማር ሂደት አጋዥ ነዉ ያሉት አቶ አስቻለው ጎልማሶች በቀለም ትምህርት ብቻ ሳይሆን በክህሎትና የአመለካከት ለዉጥ እንዲያመጡ በዘርፉ ያሉትን ማነቆዎች ሁሉም ባለድርሻ አካላት ርብርብ በማድረግ መፍታት ይገባልም ብለዋል ።
በፅ/ቤቱ የጎልማሶች ትምህርት ዋና ስራ ሂደት አስተባባሪ ወ/ሮ ጤና ፈቃዱ በበኩላቸው በወረዳ በሚገኙ ቀበሌዎች በ69 ጣቢያዎች በሁለቱም ደረጃ 5926 ጎልማሶች ተመዝግበዋል ያሉት ወ/ሮ ጤናለም እነዚህም በአግባቡ ከመማር ጋር ክፍተት ያለበት በመሆኑ በቀጣይ ከሚመለከታቸው ባለድርሻ አካላት ጋር ተቀናጅቶ ሊሰራ ይገባልም ብሎም ።
በመሆኑም በየደረጃው የሚገኙ ባለድርሻ አካላት ዘርፉን በዘላቂነት ውጤታማ ለማድረግ እየተደረገ ባለው እንቅስቃሴ ዘርፉን በበጀት ከመደገፍ አንስቶ ከመቼውም ጊዜ በላይ የተጠናከረ ድጋፍ ሊያደረግ እንደሚገባም ወ/ሮ ጤና አሳስበዋል።
በእለቱም አንዳንድ ጣቢዎች በተሟላ መልኩ ከማስተማር አንፃር ክፍተቶች መኖራቸው ፡ አመቻቾች አለመሟላትና ሌሎችም ክፍተቶች ተነስተው በቀጣይ መፍትሄ በሚያገኙበት መንገድ ላይ በሰፊው ውይይት ተደርጎባቸዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

በእዣ ወረዳ የተማሪዎች ውጤትና ስነ ሞግባር ለማሻሻል የሚያስችል በወረዳው ለሚገኙ ለ152 መምህራን በወልቂጤ ዩኒቨርስቲ መምህራን ስልጠና እየተሰጠ መሆኑን የወረዳው ትምህርት ፅ/ቤት አስታወቀ ።

*=======================*

በእዣ ወረዳ የተማሪዎች ውጤትና ስነ ሞግባር ለማሻሻል የሚያስችል በወረዳው ለሚገኙ ለ152 መምህራን በወልቂጤ ዩኒቨርስቲ መምህራን ስልጠና እየተሰጠ መሆኑን የወረዳው ትምህርት ፅ/ቤት አስታወቀ ።
ጋበር የበጎ አድራጎት ማህበር ከወልቂጤ ዩኒቨርስቲ ጋር በመተባበር በአገና ኮንስትራክሽንና ኢንዱስትሪያል ኮሌጅ እየሰጠ የሚገኘውን ስልጠና ተጠናክሮ መቀጠሉንም ፅ/ገልጿል።
የእዣ ወረዳ ም/አስተዳዳሪና የትምህርት ፅ/ቤት ሀላፊ አቶ ተጠምቀ በርጋ የስልጠናው አጠቃላይ ሂደት ተዘዋውረው በተመለከቱበት ወቅት እንደገለፁት እንደ ሀገር ብሎም እንደ ወረዳው የገጠመውን የውጤት ስብራት ለማካካስ በተለይም እንደ በወረዳው የተለይ ትኩረት ተሰጥቶት እየተሰራ ይገኛል ።
ከነዚህም መካከል እንደ ሀገር የገጠመው የመፅሀፍ እጥረት ችግር ለመፍታት ለመፍታት ከ5ሚሊየን ብር በላይ ወጪ ከጋበር ድርጅት ጋር በመተባበር ለተማሪዎች ተሰራጭቷል ያሉት ሀላፊው ከዚህ በተጨማሪም ከመምህህራን ፡ ከማህበረሰቡና ከተማሪዎች ጋር በዘርፉ ያሉት ጉለቶች በለየ መልኩ የተለያዩ ውይይቶችና የስልጠና መድረኮች ተካሂደዋል ብለዋል ።
አሁን እየተሰጠ ባለው ስልጠና ከ9 – 12ኛ እንግሊዝኛ ማትስ ፡ ፊዚክስ ፡ ኬሚስትሪና ኢኮኖሚክስ የሚያስተምሩ መምህራን እንዲሁም ከ7-8ኛ የሚያስተምሩ እንግሊዝኛና ማትስ መምህራን ስልጠናው እየተሰጣቸው ይገኛ ያሉት አቶ ተጠምቀ በአጠቃላይ 152 መምህራን በወልቂጤ ዩኒቨርስቲ 2ኛ ዲግሪና 3ኛ ዲግሪ ያላቸው መመህራን ስልጠናው እየሰጡ መሆኑንም አብራርተዋል።
እነዚህ መምህን ይህን ስልጠና ማግኘታቸው በቀጣይ በተማሪዎች ውጤትና ስነ-ምግባር ለውጥ ማምጣት እንደሚያስችስ አቶ ተጠመቀ ተናግረዋል ።
ስልጠናው ከየካቲት12/2016 ዓሞ ለተከታታይ 6ቀናት በመሰጠት ላይ ይገኛል ያሉት ሀላፊው መጪው ቅዳሜ የካቲት 16/2016 ዓም ማጠቃለያና የሰርተፊኬት ፕሮግራም እንደሚኖርም ጠቁመዋል ።
ለዚህም ስልጠና የበጀት ድጋፍ ያደረገው ጋበር የበጎ አድራጎት ማህበር ትልቅ ምስጋና ይገባዋስ ያሉት አቶ ተጠምቀ መምህራንም የሰለጠኑትን ስልጠና በቀጥታ ለሌሎች መምህራን ጭምር በማሰልጠን እንደ ወረዳው በተማሪዎች ውጤትና ስነ-ምግባር ላይ መሰረታዊ ለውጥ እንዲመጣ ፅ/ቤቱ የተጠናከረና ዘላቂነት ያለው ድጋፍና ክትትል ያደርጋልም ብለዋል።
በስጠናው እየተካፈሉ የሚገኙ መምህራኖች በሰጡት አስተያየትም ይህ ስልጠና እጅግ አስፈላጊ የሆነ ተጨማሪ እውቀት እየቀሰሙበት እንደሆነና በተማሪዎች ውጤትና ስነ ምግባር መሻሻል ላይ ለውጥ ማምጣት የሚያስችል ስልጠና በመሆኑ በንቃት እየተከታተሉ መሆኑንም በአስተያየታቸው ተናግረዋል ሲል የዘገበው የእዣ ወዳ መንግስት ኮሚኒኬሽን ጉዳዮች ፅ/ቤት ነው ።

እዣ ወረዳ ምክር ቤት የ2016 ዓም 4ኛ ዙር 11መደበኛ ጉባኤ እካሄደ ይገኛል ።

****=================*****

እዣ ወረዳ ምክር ቤት የ2016 ዓም 4ኛ ዙር 11መደበኛ ጉባኤ እካሄደ ይገኛል ።
በጉባኤው ቆይታም የእዣ ወረዳ አስተዳደር ም/ቤት የ2016 ዓም 1ኛ ግማሽ ዓመት ሪፖርት ማቅረብ ፡ የምክር ቤቱ የግማሽ ዓመት ሪፓርት ማቅረብ ፡ የእዣ ወረዳ ፍርድ ቤት የ2016 ዓም ሪፖርት ተወያይቶ ማፅደቅ እንዲሁም ሹመት ማፅደቅ ዋና ዋና አጀንዳዎች ናቸው
ዝርዝሩ ተከታትለን እናደርሳለን!!

የእዣ ወረዳ ጤና ጥበቃ ፅ/ቤት

======================

የማህበረሰብ አቀፍ ጤና መድህን አገልግሎት ጥራትና ተደራሽነት ለማሻሻል የእዣ ወረዳ ጤና ጥበቃ ፅ/ቤት ከወልቂጤ ዩኒቨርስቲ ስፔሻላይዝድ ሆስፒታል እና ከአጣጥ ሆስፒታል ውል መፈፀሙን ተገለፀ ።
የእዣ ወረዳ ጤና ጥበቃ ፅ/ቤት ሀላፊ አቶ መሀመድ ሰይድ እንደገለፁት በወረዳው ማህበረሰቡ በጤናው ዘርፍ በህመሙ ልክ የህክምና አገልግሎት እንዲያገኝ የማህበረሰብ አቀፍ ጤና መድህን አገልግሎት ተጠቃሚ እንዲሆን በትኩረት እየተሰራ ይገኛል ።
በመሆኑም የማህበረሰብ አቀፍ ጤና መድህን አገልግሎት ጥራትና ተደራሽነት ለማሻሻል የእዣ ወረዳ ጤና ጥበቃ ፅ/ቤት ከወልቂጤ ዩኒቨርስቲ ስፔሻላይዝድ ሆስፒታል እና ከአጣጥ ሆስፒታል ውል መፈፀሙን ሀላፊ ገልፀዋል ።
የስምምነቱ ዋና አላማ የማዐጤመ ቤተሰቦችና አባላት በጤና አገልግሎት ያለምን እንግልት መጠቀም እንዲችሉ ነው ያሉት አቶ መሀመድ በዚህም ውል ከምርመራ ወይንም ማማከር አገልግሎት ጀምሮ ትኝቶ እስከመታከምና በርካታ የህክምና አይነቶች ማህበረሰቡ በነፃ መታከም የሚችልበት እድል እንደሆነም አብራርተዋል ።
ማህበረሰቡም ይህንኑ በመገንዘብ የአገልግሎቱ ተጠቃሚ ሊሆን ይገባል ያሉት ሀላፊው እንደ ወረዳ የማዐጤመ ተጠቃሚዎች ሽፋን ወደ 100 % ለማድረስ በሚደረገው ጥረት በወቅቱ በማደስና አባል በመሆን የእድሉ ተጠቃሚ መሆን እንደሚገባውም መልዕክት አስተላልፈዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

ተቋማት በእቅድ ላይ የተመሰረት አገልግሎት በመስጠትና ቀልጣፋነትና ውጤታማነት በማረጋገጥ ህብረተሰቡን ማገልገል እንደሚገባ በጉራጌ ዞን የእዣ ወረዳ ፐብሊክ ሰርቪስና የሰው ሀብት ልማት ፅ/ቤት አስታወቀ ።

*******************************

ተቋማት በእቅድ ላይ የተመሰረት አገልግሎት በመስጠትና ቀልጣፋነትና ውጤታማነት በማረጋገጥ ህብረተሰቡን ማገልገል እንደሚገባ በጉራጌ ዞን የእዣ ወረዳ ፐብሊክ ሰርቪስና የሰው ሀብት ልማት ፅ/ቤት አስታወቀ ።
ፅ/ቤቱ ለቀበሌ ስራስኪያጆች በተቀናጀ አገልግሎት አሰጣጥ ዙሪያ እና በተገልጋይ ዳሰሳ ጥናት ላይ ስልጠና ሰጥቷል።
የእዣ ወረዳ ፐብሊክ ሰርቪስና የሰው ሀብት ልማት ፅ/ቤት ሀላፊ አቶ በለጠ ሳህሌ እንደገለፁት በገጠር ቀበሌዎች ደረጃ ያለውን አገልግሎት አሰጣጥ ቀልጣፋ ፡ ውጤታማ ፡ ፍትሀና በተቀናጀ መልኩ ተደራሽ ማድረግ የሚያስችል የግንዛቤ ማስጨበጫ ስልጠና ስራ በመስራት ቀጣይነት ያለው አፈፃፀም ማሻሻል ያስፈልጋል ።
አገልግሎት አሰጣጣችን በማዳበር የመልካም አስተዳደር መርሆችን ከግድግዳ ወደ ተግባር መቀየር ይገባል ያሉት ሀላፊው በቀበሌም ሆነ በተቋም ደረጃ የተለዩ የመልካም አስተዳደር ችግሮችን ለመፍታት እየተደረጉ ያሉ ጥረቶኝ በተሻለ መልኩ ማሳካት ይገባልም ብለዋል።
በአገልግሎት አሰጣጥ ላይ በተለይም በቀበሌ ደረጃ ሚስተዋሉ ክፍተቶችና ችግሮችን በመቅረፍ ወደ ተሻለ የአገልግሎት ስርአት ለማስገባት የስራስኪያጆች ሚና የጎላ ነው ያሉት አቶ በለጠ በቀጣይም ተቋሙ የአፈፃፀም ሂደቶች ክትትሉን በማዳበር ህብረተሰቡ ተጠቃሚ እንዲሆን በትኩረት የሚሰራ ይሆናልም ብለዋል።
ስራስኪያጆች ከእውሸት ሪፖርት/መረጃ/ ነፃ በመሆን ትክክለኛ መረጃ ለሚመለከተው አካል በመስጠት ዘላቂነት ያለው መፍትሄና እድገት እንዲመጣ በማድረግ ማህበረሰቡን ማገልገል እኖደሚገባም ሀላፊው መልዕክት አስተላልፈዋል።
የፅ/ቤቱ ምክትል ሀላፊ አቶ ሙህዲን ሁሴን በበኩላቸው ተቋማት በእቅድ ላይ የተመሰረት አገልግሎት በመስጠትና ቀልጣፋነትና ውጤታማነት በማረጋገጥ ህብረተሰቡን ማገልገል እንደሚገባ ገልፀዋል።
በታችኛው መዋቅር ያለው አገልጋይ ወቅታዊ ሁኔታ በመረዳት በተሰማራበት የስራ መስክ የተሰጠውን ተልዕኮ በመፈፀም የበኩሉን ድርሻ መወጣት ይገባዋል ያሉት አቶ ሙዲን ከምንም በላይ ሳይማር ላስተማረው ማህበረሰብ በቅንነትና የአገልጋይነት ስሜት በመላበስ ውጤታማ አገልግሎት መስጠት ያስፈልጋል ብለዋል ።
በእለቱም በፅ/ቤቱ ባለሙያ በአቶ ኑርሀሰን መኑር የገጠር ቀበሌዎች ሴክተር ተኮር ሪፎርም ፡ የስራስኪያጆች ተግባርና ሀላፊነት ፡ የተቀናጀ እቅድ ዝግጅት ትግበራና ምዘና እንዲሁም በቀበሌ አገልግሎት አሰጣጥ ሂደት የቅሬታ አፈታት ሁኔታ ላይ ትኩረት ያደረገ የስልጠና ሰነድ ቀርቦ ሰፊ ውይይት ተደርጎበታል ።
ተሳታፊዎችም በሰጡት አስተያየትም ስልጠናው እጅግ ወሳኝና በየቀበሌአቸው አገልግሎት አሰጣጡ እንዲሻሻል ከፍተኛ ድርሻ ያለው በመሆኑ ወርደን ተግባራዊ እናደርጋለን ብለዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።

የመላው እዣ ወረዳ የልዩ ልዩ ስፖርቶች ሻምፒዬና ከዛሬ ጀምሮ እንደሚካሄድ ተገለጸ ።

*=============================*

የመላው እዣ ወረዳ የልዩ ልዩ ስፖርቶች ሻምፒዬና ከዛሬ ጀምሮ እንደሚካሄድ ተገለጸ ።
የእዣ ወረዳ ወጣቶችና ስፖርት ጽ/ቤት የወረደው የልዩ ልዩ ስፖርቶች ሻምፒዬና ከቀን 13/06/2016 አ/ም ጀምሮ ሁሉንም የወረዳው ት/ቤቶችንና ቀበሌዎች ባማከለ መልኩ የተለያዩ የስፖርት ውድድሮች የሚካሄድ መሆኑን ጽ/ቤቱ ገልፆአል ።
ፅ/ቤቱ ይህንን ውድድር ተጀምሮ እስኪጠናቀቅ ፍፁም ሰላማዊ እንዲሆን ከሚመለከተው አካላት ጋር በትላንትናዉ እለት ውይይት መድረጉንና አስፈላጊውን ቅድመ ዝግጅት መጠናቀቁን ከፅ/ቤቱ ያገኘነው መረጃ ያመላክታል ።
በዚህም ውድድር ወረዳውን ወክለው የሚሳተፋ ምርጥ ስፖረተኞችን በመምርጥ በዞን ለሚደረገው የልዩ ልዩ ስፖርትና ባህል ስፖርት ውድድር ተሳታፊ እደሚሆኑ ተገልጾል።

በቦዠባር ከተማ አዲስ መናኸሪ ግንባታው ተጠናቆ አገልግሎት መስጠት መጀመሩን በጉራጌ ዞን የእዣ ወረዳ ትራንስፖርትና መንገድ ልማት ፅ/ቤት አስታወቀ ።

****************************

በቦዠባር ከተማ አዲስ መናኸሪ ግንባታው ተጠናቆ አገልግሎት መስጠት መጀመሩን በጉራጌ ዞን የእዣ ወረዳ ትራንስፖርትና መንገድ ልማት ፅ/ቤት አስታወቀ ።
መናኸሪያው ተገንብቶ አገልግሎት መጀመሩን ለተለያዩ እንግልት ከሚዳርጉና ያለአግባብ ወጪዎች የሚቀርፍ እንደሆነም በከተማው ያነጋገርናቸው የህብረተሰብ ክፍሎች ተናግረዋል ።
የእዣ ወረዳ ትራንስፖርትና መንገድ ልማት ፅ/ቤት ሀላፊ አቶ ኢብራሂም አወል የአገልግሎቱ አሰጣጥ በተመለከቱበት ወቅት እንደገለፁት በከተማው የሚሰጠውን የትራንስፖርት አገልግሎት ህጋዊ ለማድረግ የመናኸሪያው መገንባት ፋይዳው የጎላ ነው ።
ቦዠባር ከተማ ለማደግ ብዙ ምቹ ሁኔታዎችና እድሎች አሉት ያሉት ሀላፊው ከነዚህም መካከል አንዱ ከፍተኛ የምርት አካባቢ በመሆኑ ብዙ የትራንስፖርት ፍሰት አለው ብለዋል ።
በመኑም በከተማው ህገ -ወጥ የትራንስፖርት እንቅስቃሴ ለአብነትም ከታሪፍ በላይ ማስከፈል ፡ ትርፍ ጭነት ፡ በፈለጉት አካባቢ መስራት እንዲሁም ማህበረሰቡ በዘርፉ ማግኘት ያለበትን አገልግሎት ያለማግኘት ችግሮች ተጠቃሽ እንደነበሩ ያስታወሱት አቶ ኢብራሂም ይህንን የመናኸሪያ አገልግሎት መጀመሩን እነዚህ ክፍተቶች ቀስበቀስ ለመቅረፍ የሚቻልበት ምቹ ሁኔታን ይፈጥራል ብለዋል።
ይህንን ተቋም ስራ ለማስጀመር ምንም እንኳ ካሳ ተከፍሎአቸው ቢሆንም የይዞታ ባለቤት ከሆነው አርሶአደር ጀምሮ የተለያዩ ባለድርሻ አካላት ተሳትፎና ትብብር አድርገዋል ያሉት ሀላፊው በተለይም የወረዳው መንግስት ከገንዘብ ድጋፍ በተጨማሪ ተገንብቶ አገልግሎት መስጠት እስከሚጀምርበት ሰዓት ድረስ ሙያዊ ድጋፍና ክትትል አድርጎአልም ብለዋል።
በአጠቃላይ ለዚህ መናኸሪያ ለባለይዞታዎች ካሳ ከመክፈል ጨምሮ እስከ ሙሉ ግንባታው ከ5ሚሊየን ብር በላይ ወጪ መደረጉንም አቶ ኢብራሂም አክለው ገልፀዋል ።
በቀጣይ የሚፈልገውን ጤናማ የትራንስፖርት አገልግሎት እንዲኖር የማህበረሰቡ ንቁ ተሳትፎ ይጠይቃል ያሉት ሀላፊው ህብረተሰቡም በመናኸሪያው ውስጥ በመሳፈር ፡ ትርፍ ባለመጫንና ከታሪፍ በላይ እንዳይከፍል ከተቋሙ ብሎም ከመንገድ ደህንነት ባለሙያዎች ጋር ተናቦ መስራት እንደሚገባውም መልዕክት አስተላልፈዋል ።
የቦዠባር ከተማ ማዘጋጃ ቤት ስራስኪያጅ አቶ ሲሳይ ሽምሳ በበኩላቸው በከተማው ከተሰሩ ዋና ዋና ተግባራት አንዱ ይህ የመናኸሪያ ግንባታ ሲሆን ይህም አገልግሎት እንዲጀምር ከፍተኛ ገንዘብና ሰፊ እርብርብ ተደርጎበታል ብለዋል ።
ይሆም እንዲሳካ የወረዳው መንግስት ከገንዘብ ድጋፍ አንስቶ እጅግ ከፍተኛ አስተዋፅኦ አድርጎአል ያሉት አቶ ሲሳይ የቦዠባር ማህበረሰብም የመናኸሪያ ቦታ ግንባታ ተጀምሮ እስኪጠናቀቅ በተለያየ መልኩ ተሳትፎ ማድረጉንም ጨምረው ተናግረዋል።
በቀጣይም መናኸሪያው ለማህበረሰቡ አስፈላጊውን ጥቅም እንዲሰጥ ከወረዳው ሚመለከተው ባለድርሻ አካላት ጋር በመቀናጀት በትጋት ይሰራል ያሉት አቶ ሲሳይ ህብረተሰቡም መናኸሪያው ያለው ከፍተኛ ጥቅም በመገንዘብ ከመናኸሪያ ውጪ ባለመሳፈርና ህገወጥ የትራንስፖርት እንቅስቃሴ ሲኖር ለሚመለከተው አካል ጥቆማ በመስጠት አገልግሎቱ በተፈለገው መንገድ እንዲሰጥ የድርሻውን መጫወት እንዳለበትም መልዕክት አስተላልፈዋል።
በከተማው ያነጋገርናቸው አንዳንድ አስተያየት ሰጪዎችም መናኸሪያው ተገንብቶ አገልግሎት መጀመሩ ለተለያየ ችግር ከሚዳርጉ እንግልትና ያላግባብ ወጪዎች የሚቀርፍ ነው ብለዋል።
በከተማው ከዚህ በፊት የትራንስፖቱ አገልግሎቱ የነበረው በአስፋልት ዳር መሆኑን ተከትሎ ለትራፊክ አደጋ ከፍተኛ ስጋት ነበር ያሉት አስተያየት ሰጪዎቹ መናኸሪያ መገንባቱ ዘርፈ ብዙ ጥቅሞች ያሉት በመሆኑ ለዚህም ስኬት የወረዳው መንግስትና ለከተማ ማዘጋጃ ቤቱ ምስጋናቸውን አቅርበዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

ከሚያራርቁ የሚያቀራርቡ ጉዳዮች ላይ ትኩረት በመስጠት አንድነትና ሰላማችን ማስከበር እንደሚገባን ተገለፀ ።

**************************************

ከሚያራርቁ የሚያቀራርቡ ጉዳዮች ላይ ትኩረት በመስጠት አንድነትና ሰላማችን ማስከበር እንደሚገባን ተገለፀ ።

የእዣ ወረዳ ሰላምና ፀጥታ ፅ/ቤት በሀይማኖትና እምነት ጉዳዮች ለቀበሌ የሀይማኖት ተቋማት ጉባኤ አባላትና ለሌሎች ባለ ድርሻ አካላት ስልጠና ሰጥቷል ።

የእዣ ወረዳ ዋና አስተዳዳሪ አቶ ዘውዱ ዱላ ባደረጉት የመክፈቻ ንግግር ከቀድሞ ጀምሮ የነበሩትን የመከባበር ፡ የመቻቻልና የአንድነት እሴቶች ሰላም በማይፈልጉ አንዳንድ ሀይሎች እንዳይደበዝዙ በንቃት መሰራት ይገባል ።

ከሚያራርቁ የሚያቀራርቡ ጉዳዮች ላይ ትኩረት በመስጠት አንድነትና ሰላማችን ማስከበር እንደሚገባን የተናገሩት ዋና አስተዳዳሪው ለዚህም የሀይማኖት አባቶች ሃላፊነታቸው እጥፍ ድርብ መሆኑን በመገንዘብ አልፎ አልፎ በወረዳው የሚስተዋሉ የፅንፈኝነት እና የአክራሪነት እንዲሁም የተዛቡ አስተሳሰቦች ለማረም የጎላ ሚና መጫወት ይገባቸዋልም ብለዋል ።

ትብብርን ሳይሆን ፉክክክርን ማዕከል የሚያደርጉ ጉዳዮች መታረም አለባቸው ያሉት አቶ ዘውዱ በአንዳንድ ቤተ እምነት በሚስተዋሉ የአስተምሮ ችግሮች በፅኑ በመታገልና በማውገዝ የተጀመረውን የሰላም ሁኔታ እንዲዘልቅና እንዲፀና የሀይማኖት አባቶች ከመንግስት ጋር በመተባበር የበኩላችንን መወጣት እንደሚጠበቅባቸውም መልዕክት አስተላልፈዋል።

የእዣ ወረዳ ሰላምና ፀጥታ ፅ/ቤት ሀላፊ ደመቀ ሀብቴ በበኩላቸው የሀይማኖት ተቋማት ትውልድን በመቅረፅ ረገድ ትልቅ ሚና ያላቸው ሲሆን በዚህም የተገነባ ትውልድ ለወረዳው ብሎም ለሀገር ሁለንተናዊ እድገት ሚናው የጎላ ነው ብለዋል።

በወረዳው ለረጅም ጊዜ የቆየውን የማህበረሰቡ ሰላምና አንድነት በላቀ መልኩ እንዲቀጥል ርብርብ የሚያስፈልግበት ጊዜ ነው ያሉት አቶ ደመቀ በወረዳ አንዳንድ ጥቂት የራሳቸው ፍላጎት ያላቸው ግለሰቦች ከጥንት ጀምሮ የቆየውን የማህበረሰቡ አንድነትና ሰላም እንዳያዛቡ በተረጋጋ ሁኔታና በጥልቀት በመገንዘብ የሀይማኖት አባቶች ያላቸውን ትልቅ አደራና ሀላፊነት ሊወጡ እንደሚገባም አሳስበዋል ።

የፅ/ቤቱ ባለሙያ የሆኑት አቶ ቶፊቅ ሺፋ በወረዳው በሀይማኖትና እምነት ላይ ትኩረት ያደረገ ሰነድ ያቀረቡ ሲሆን የእምነት ተቋማት ከየትኛውም ፖለቲካ ሰለባ እንዳይሆኑ ነቅቶ በመጠበቅ የራሳቸውን አስተምሮት ብቻ ላይ በማተኮር ለወረዳው ብሎም ለሀገር ሰላምና ለህዝቡ አንድነት እንዲሁም መፈቃቀር ላይ ከመቼውም ጊዜ በላይ አጠንክረው መስራት እንዳለባቸውም በሰነዱ አመላክተዋል ።

በእለቱም የተሳተፉት የሀይማኖት አባቶች በሰጡት አስተያየትም በየቤተ እምነቱ ያሉት የሀይማኖት አባቶች አንዳንድ ችግሮች ሲኖሩ መግባባት እንዲፈጠር የተጣለባቸውን ሀላፊነት በአግባቡ መወጣት እንዳለባቸውም ተናግረዋል።

አስተያየት ሰጪዎች አክለውም በተለይም የሀይማኖት አባቶች በየቤተ እምነታቸው ለምዕመናኑ በሰላምና በአብሮነት ላይ አስተምሮት ላይ ጠንካራ ስራ መስራት እንደሚጠበቅም ተናግረዋል ።

በቀጣይም ለወረዳው ብሎም ለሀገር ፍፁም ሰላምና አብሮነት ላይ በመንግስት ደረጃ እየተከናወኑ ያሉ ስራዎች ውጤታማ እንዲሆኑ የሀይማኖት አባቶች የድርሻቸው እንደሚወጡም በአስተያየታቸው ተናግረዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

የመምህራን ስልጠና በይፋ ስለመጀመሩ:

*=============================*

የመምህራን ስልጠና በይፋ ስለመጀመሩ:

የካቲት 11-16 ድረስ ጋበር ከወልቂጤ ዩኒቨርሲቲ ጋር በመተባበር በተመረጡ የት/ርት ዘርፎች ላይ በአጠቃላይ ለ153 የመካከለኛና ከ/2//ደረጃ ት/ቤቶች መምህራን የሚሰጠው የአቅም ማጎልበቻ ሥልጠና በይፋ  ተጀምሯል። በመክፈቻውም የዩኒቨርሲቲው ተወካዮች ረ/ፕ አበበ ያበኬር (Industry linkage Director) እና ረ/ፕ ቸርነት ዘርጋ (Director for Community Service) እንዲሁም የኧዣ ወረዳ መስተዳድር፣ የት/ት ፅ/ቤትና የጋበር ሥራ አስኪያጅ በተገኙበት መምህራን ስልጠናውን በከፍተኛ ትኩረትና ጥብቅ ሥነ-ሥርአት ይከታተሉ ዘንድ በማሳሰብ በይፋ እንዲጀመር አድርገዋል። ሰልጣኝ መምህራንም የሚወስዱት ስልጠና ውጤት የሚታየው ተማሪዎቻቸው ላይ እንደሆነ የመክፈቻ ፕሮግራሙ ላይ ከአደራ ጭምር ተነግሯቸዋል ከዚህም በተጨማሪም አሁን ከሚሰለጥኑት መካከል ተመርጠው ወደፊት አቅም በፈቀደ መጠን ከ1-6 ክፍል ለሚያስተምሩ መምህራን ከጋበር ጋር በመተባበር የሸመቱትን እውቀት እንዲያወርዱት ጥረት እንደሚደረግም ተገልፆላቸዋል። በዚህ አጋጣሚ ስልጠናው የሚሰጥበትን ክፍሎችና ቁሳቁሶች ለአስልጣኞች የመጠጥ ውሐ ጭምር በማቅረብ ታላቅ ትብብር ያደረገልንን የአገና ኮንስትራክሽንና ኢንዱስትሪ ኮሌጅን እጅግ አድርገን እናመሰግናለን!!

ጋበር የበጎ/አ/ድ

በዶ/ር መስፍን ሙሉጌታ የተጻፈ #ፍትሃዊ_ሪፐብሊክ_የተሰኘ መጽሐፍ በወልቂጤ ከተማ ተመርቆ ለንባብ በቅቷል።

*===================*

በዶ/ር መስፍን ሙሉጌታ የተጻፈ #ፍትሃዊ_ሪፐብሊክ_የተሰኘ መጽሐፍ በወልቂጤ ከተማ ተመርቆ ለንባብ በቅቷል።
መጽሃፉ በወልቂጤ ከተማ መመረቁ በአካባቢው አዳዲስ ደራሲያንና አንባቢያን ለማፍራት ከፍተኛ አስተዋጽኦ እንደሚያበረክት ተገለጸ፡፡
የመጽሐፉ ዝግጅት ያተኮረው ስለ ሰላም፣ ስለ ሀገረ መንግስት ግንባታ፣ ስለ አንድነት፣ ስለ ዜግነት ክብር፣ ስለ ፍትህ፣ ስለ አካታችነት፣ ስለ መልካም አስተዳደር እንዲሁም በመንግስትና በህዝብ መካከል ሊኖር ስለ ሚገባው ጤናማ ግንኙነት በአዲስ እይታ ይዞ ብቅ ያለ መጽሐፍ መሆኑን የወልቂጤ ዩኒቨርስቲ ምሁራን ገለጹ።
የወልቂጤ ዩኒቨርሲቲ የቋንቋና ስነ-ጹሑፍ መ/ር ካሚል ኑረዲን በመጽሐፉ ምረቃ ወቅት እንዳሉት ፍትሃዊ ሪፐብሊክ እውነትና ፍትህ ምን እንደሆነና የአለምን ጉድለት በደንብ የሚያሳይ ከወገንተኝነት ነፃ በሆነ መልኩ የተዘጋጀ ነው።
ደ/ር መስፍን ሙሉጌታ በመንግስትና በተለያዩ የግል ድርጅቶች በባለሙያነትና በአመራርነት በማገልገል በርካታ ልምድ ያካበቱ ናቸው። እነዚህም በቀድም የጉራጌ ልማት ማህበር በህዝብ ግንኙነት፣ በሀዋሳ ዩኒቨርስቲ በመምህርነት እንዲሁም ደቡብ ዲዛይንና ግንባታ ቁጥጥር ድርጅት በሲኒየር ኢኮኖሚስትነት አገልግለዋል።
ከሀገር ውጪ በጀርመን በዴካ ባንክ የማክሮ ኢኮኖሚ ባለሙያነት፣ በጀርመን ባንክ የአፍሪካ ግብርናና ኢንቨስትመንት አማካሪነት ያገለገሉ ሲሆን በሰሜን አሜሪካ፣ በጀርመን፣ በኔዘርላንድ፣ በፓርቹጋል፣ በጣሊያን፣ በቱርክ፣ በደቡብ አፍሪካ፣ በኬንያና በታይላንድ ዩኒቨርስቲዎች የተለያዩ የምርምር ስራዎቻቸውን በማቅረብ የሚታወቁ አለም አቀፍ ምሁር መሆናቸው ከዶ/ር መስፍን ሙሉጌታ ግለ ታሪክ ያገኘነው መረጃ ያመለክታል።
የመጽሐፉ በወልቂጤ ከተማ መመረቅ በአካባቢው አዳዲስ ደራሲያንና ተጨማሪ አንባቢያን እንዲፈጠሩ ከፍተኛ አስተዋጽኦ እንደሚያበረክት በምረቃው ወቅት ተገልጿል ሲል የዘገበው የጉራጌ ዞን የመንግስት ኮሚዩኒኬሽን ጉዳዮች መምሪያ ነው።