በጉራጌ ዞን እዣ ወረዳ በየቅመነ ሙሉ አንደኛ ደረጃ ት/ቤት የተማሪዎች ምገባ ማስጀመሪያ ፕሮግራም ተካሄደ።

በጉራጌ ዞን እዣ ወረዳ በየቅመነ ሙሉ አንደኛ ደረጃ ት/ቤት የተማሪዎች ምገባ ማስጀመሪያ ፕሮግራም ተካሄደ።

ህዳር 9/2019 ዓም

በወረዳው በ11 ትምህርት ቤቶች የምገባ ፕሮግራም የተጀመረ ሲሆን በቀጣይም በ31 ትምህርት ቤቶች ቅድመ አንደኛ ደረጃ ተማሪዎች ላይ እንደሚቀጥልም ተጠቁሟል ።

የእዣ ወረዳ ምክትል አስተዳዳሪና የትምህርት ፅ/ቤት ሀላፊ አቶ ተጠምቀ በርጋ በመርሃ ግብሩ ተገኝተው እንደገለፁት ይህ የተማሪ ምገባ የትምህርት ሰዓት ብክነትን በመቀነስ ፣ ከመጠነ መቅረትና ማቋረጥ እንዲሁም በትምህርት አቀባበል ላይ አዎንታዊ ተፅኖ ስላለው በሁሉም ትምህርት ቤቶች ማጠናከር ፋይዳው የጎላ ነው ።

በዛሬው እለትም በወረዳው በየቅመነ ሙሉ አንደኛ ደረጃ ት/ቤት የተማሪዎች ምገባ ማስጀመሪያ ፕሮግራም መካሄዱን የጠቆሙት ሀላፊው በወረዳው በ11 ትምህርት ቤቶች የምገባ ፕሮግራም የተጀመረ ሲሆን በቀጣይም በ31 ትምህርት ቤቶች ቅድመ አንደኛ ደረጃ ተማሪዎች ላይ እንደሚቀጥልም ተጠቁሟል ።

በቀጣይም በሁሉም ትምህርት ቤቶች ተግባራዊ ለማድረግና በተጀመሩባቸውም አጠናክሮ ለማስቀጠል መላው ማህበረሰቡና ተወላጆ የድርሻውን መወጣት አለበት ያሉት አቶ ተጠምቀ ትምህርት ቤቶች የውስጥ አቅም በማሳደግ ዘላቂነት ባለው መልኩ ተጠናክሮ እንዲቀጥል መረባረብ ይገባልም ብለዋል።

የየቅመነ ትምህርት ቤቶ ርዕሰ መምህ የሆኑት አቶ ይድነቃቸው በበኩላቸው የነገ ሀገር ተረካቢ ዜጎችን ለማፍራት ትምህር ትኩረት የሚሰጠው ጉዳይ ሲሆን የተማሪ ምግባ ፕሮግራም ደግሞ ጥራት ያለው ትምህርትና የተሻለ ውጤት ለማስመዝገብ ያግዛል ብለዋል።

ከማህበረሰቡ ድጋፍ በተጨማሪ የወረዳው ትምህርት ፅ/ቤትም ለትምህርት ቤቱ በተለያየ መልኩ የሚያደርገውም ድጋፍ ምስጋናቸውን ያቀረቡት አቶ ይድነቃቸው ይህም የምገባ ፕሮግራም ቀጣይነት እንዲኖረውና የተጠናከረ ለማድረግ በተለይም የአካባቢው ማህበረሰብ በአቅሙ ልክ ለዚህ ምገባ የሚረዱ አስቤዛዎች ገዝቶ በማቅረብ ወይንም የቻለውን ገንዘብ በመደገፍ የድርሻውን መወጣት እንዳለበትም መልዕክታቸውን አስተላልፈዋል።

በምግባ ማስጀመሪያ መርሃ ግብሩም የትምህርት ፅ/ቤት ምክትል ሀላፊ አቶ አስቻለው ወልዴ ጨምሮ የትምህርት ቤቱ መምህራን ተገኝተዋል።

See less

በእዣ ወረዳ ለንግዱ ማህበረሰብ በሕጋዊ የንግድ አሠራርና በሸማቾች ጥበቃ ዙሪያ የተጀመረው የግንዛቤ ማስጨበጫ ሥልጠና ቀጥሏል።

=====በእዣ ወረዳ ለንግዱ ማህበረሰብ በሕጋዊ የንግድ አሠራርና በሸማቾች ጥበቃ ዙሪያ የተጀመረው የግንዛቤ ማስጨበጫ ሥልጠና ቀጥሏል።

ህዳር 09/2019 ዓ.ም(አገና)

በጉራጌ ዞን እዣ ወረዳ የንግድ ማህበረሰቡ ሕጋዊና ፍትሐዊ የንግድ አሠራርን እንዲከተል ያለመ የግንዛቤ ማስጨበጫ ሥልጠና በዳርቻ ዝግባቦቶ ከተማ ተካሂዷል።

ሥልጠናው በወረዳው ንግድና ገበያ ልማት ጽ/ቤት አማካኝነት ለንግዱ ማህበረሰብ አባላት እየተሰጠ ሲሆን፣ በንግድ ሕጋዊነት፣ በገበያ ቁጥጥርና በሸማቾች መብት ጥበቃ ላይ ትኩረት አድርጓል።

በመድረኩ የተገኙት የወረዳው ንግድና ገበያ ልማት ጽ/ቤት ኃላፊ አቶ ይድነቃቸው ሙሉጌታ፣ ነጋዴዎች ስለሚኖራቸው መብትና ግዴታ በቂ ግንዛቤ ኖሯቸው ሕጋዊ የንግድ አሠራርን እንዲከተሉ የክህሎትና የእውቀት ክፍተቶችን መሙላት እንደሚያስፈልግ ገልጸዋል።

በተለይም አዳዲስ መመሪያዎችና የንግድ ሥርዓት ማሻሻያዎች ወደ ተግባር ከመግባታቸው በፊት ለነጋዴው ማህበረሰብ ተገቢውን ግንዛቤ መፍጠር አስፈላጊ መሆኑን አስረድተዋል።

አቶ ይድነቃቸው አክለውም የከተሞችን ዘላቂ ልማት ለማረጋገጥ የገቢ አሰባሰብ ሥርዓት ያለውን ሚና በማንሳት፣ ሕጋዊ ነጋዴዎች ግብራቸውን በወቅቱ በመክፈል ለአካባቢው ልማት የሚጠበቅባቸውን ድርሻ እንዲወጡ ጥሪ አቅርበዋል።

ነጋዴዎች ሕግና ደንብን በማክበር ከመሥራት ባለፈ፣ ሕገወጥ ንግድንና ደላላነትን በመታገል የራሳቸውን ሚና እንዲወጡ አሳስበዋል። በተጨማሪም የመለኪያ ትክክለኛነትን ለማረጋገጥ ሁሉም ነጋዴ ዲጂታል ሚዛን እንዲጠቀም አመልክተዋል።

በንግድ ተቋማት ውስጥ ወቅታዊ የዋጋ ዝርዝርና የታደሰ የንግድ ፈቃድ በግልጽ ቦታ ማሳየት የግድ መሆኑንም አስታውሰው፣ ያለበቂ ምክንያት የዋጋ ጭማሪ ከማድረግ እንዲቆጠቡ አሳስበዋል።

በሌላ በኩል በገበያ ውስጥ ፍትሐዊ ውድድርንና የሸማቾችን መብት የሚጎዱ ተግባራት ላይም ትኩረት ተሰጥቷል። ከእነዚህም መካከል ምርቶችን ደባልቆ መሸጥ፣ በመለኪያ መሣሪያዎች ማጭበርበር፣ ምርትን በመደበቅ ሰው ሠራሽ እጥረት መፍጠር፣ ያልተገባ የዋጋ ጭማሪ፣ ጊዜያቸው ያለፈና ጥራታቸው የተጓደለ ምርቶችን መሸጥ እንዲሁም ያለ ንግድ ፈቃድ መሥራት ዋነኞቹ ናቸው።

እነዚህን ሕገወጥ አሠራሮች ለመከላከልና ጤናማ የገበያ ሥርዓትን ለማስፈን የንግዱ ማህበረሰብ ሕጋዊ የንግድ መንገድን በመከተል ለሸማቾች ተገቢውን አገልግሎት እንዲሰጥ በሥልጠናው ላይ አጽንኦት ተሰጥቷል።

በሥልጠናው ላይ ከዳርቻ ዝግባቦቶ ከተማና ከአካባቢው ቀበሌዎች የተውጣጡ የንግድ ማህበረሰብ አባላት ተሳትፈዋል።

See less

በጤና መድን የተሻለ ነገን እንገንባ!

=====በጤና መድን የተሻለ ነገን እንገንባ! በሚል መሪ ቃል በእዣ ወረዳ የ2019 በጀት ዓመት የማኅበረሰብ አቀፍ ጤና መድን ንቅናቄ መድረክ ተካሄደ

ህዳር 8 ቀን 2019 ዓ.ም (አገና)

በእዣ ወረዳ ጤና ጥበቃ ጽሕፈት ቤት “በጤና መድን የተሻለ ነገን እንገንባ!” በሚል መሪ ቃል የ2018 በጀት ዓመት የማኅበረሰብ አቀፍ ጤና መድን (ማዐጤመ) ዕቅድ አፈጻጸም ግምገማና የ2019 በጀት ዓመት የንቅናቄ መድረክ አካሄደ።

በመድረኩ የእዣ ወረዳ ምክትል አስተዳዳሪና የትምህርት ጽሕፈት ቤት ኃላፊ አቶ ተጠምቀ በርጋ እንደገለጹት፣ የጤና መድን ሥርዓትን በአገራችን ተግባራዊ ማድረግ ዋነኛ ዓላማው የጤና አገልግሎት ወጪ በማኅበረሰቡ ላይ የሚያስከትለውን የገንዘብ ጫና መቀነስ፣ ፍትሐዊና ተደራሽ የሆነ የጤና አገልግሎት ተጠቃሚነትን ማጎልበትና ሁሉን አቀፍ የጤና ሽፋንን ማረጋገጥ መሆኑን አስረድተዋል።

አቶ ተጠምቀ አክለውም፣ የማዐጤመ አገልግሎት የሚያካትታቸውን የአገልግሎት ዘርፎች በአግባቡ መለየትና ሁሉም ባለድርሻ አካላት በቂ ግንዛቤ መያዝ እንዳለባቸው ገልፀው የማዐጤመ አገልግሎት የካርድ ክፍያን፣ የባለሙያ (የምርመራ) ክፍያን፣ የላብራቶሪ ክፍያን፣ የዲያግኖስቲክ ክፍያንና የመድኃኒት ክፍያን የሚያካትት ማዕቀፍ መሆኑንም አስገንዝበዋል።

በተጨማሪም የማኅበረሰብ አቀፍ ጤና መድን በዜጎች መካከል ፍትሐዊ የጤና አገልግሎት ተጠቃሚነትን በማረጋገጥ መላውን ማኅበረሰብ ተጠቃሚ ማድረግ አስፈላጊ ከመሆኑም ባሻገር የሁሉም ዜጋ ኃላፊነት መሆኑን ገልጸዋል።

በወረዳው ሁሉም የማኅበረሰብ ክፍል ከጤና መድን ተጠቃሚ እንዲሆን የተለዩ ጉድለቶችን በፍጥነት በማረምና በቅንጅት በመሥራት ውጤታማ ሥራ ማከናወን እንደሚገባም አሳስበዋል።

የእዣ ወረዳ ጤና ጥበቃ ጽሕፈት ቤት ኃላፊ አቶ መሐመድ ሰይድ በበኩላቸው፣ በማኅበረሰቡ ውስጥ ያለውን የመደጋገፍ ባህል በማጠናከር ፍትሐዊ፣ ጥራት ያለውና ቀጣይነት ያለው ሁሉን አቀፍ የጤና አገልግሎት ለዜጎች ተደራሽ ማድረግ የአገሪቱ የጤና ፖሊሲ አካል መሆኑን ገልፀው ይህም ጤንነቱ የተጠበቀና ለምርታማነት የሚበቃ የሰው ኃይል ለማፍራት ወሳኝ መሆኑን አብራርተዋል።

አቶ መሐመድ አክለውም፣ ባለፉት ዓመታት የማኅበረሰብ አቀፍ ጤና መድን ሥርዓትን በወረዳው ለማስፋፋት ከፍተኛ ርብርብ ሲደረግ መቆየቱንና በዚህም የማኅበረሰቡን ተጠቃሚነት ከማሻሻል አንጻር የሚታይ ውጤት መመዝገብ መጀመሩን ገልጸዋል።

በወረዳው የሚገኙ 24 ቀበሌዎችን በአራት ክላስተሮች በማደራጀት የማዐጤመ እንቅስቃሴን በማጠናከር የጤና አገልግሎት እየተሰጠ መሆኑንም የገለፁት አቶ መሀመድ የ2019 በጀት ዓመት የማዐጤመ ንቅናቄ መድረክ መካሄዱ፣ በ2018 በጀት ዓመት የታዩ ጠንካራ ጎኖችንና የነበሩ ክፍተቶችን በመለየት በቀጣይ የተሻለና ውጤታማ ሥራ ለመሥራት እንደሚያግዝ አብራርተዋል።

በመድረኩም የ2018 በጀት ዓመት የዕቅድ አፈጻጸም ሪፖርት ቀርቦ ውይይት ተካሂዶበታል።

በጉባኤው የእዣ ወረዳ ምክትል አስተዳዳሪና የትምህርት ጽሕፈት ቤት ኃላፊ አቶ ተጠምቀ በርጋ፣ የእዣ ወረዳ ዋና አፈ ጉባኤ የተከበሩ ሙከረም በደዊን ጨምሮ የወረዳው ካቢኔ አባላት፣ የወረዳና የቀበሌ አመራሮች፣ ርዕሰ መምህራንና ሌሎች ተሳታፊዎች ተገኝተዋል ሲል የዘገበው የእዣ ወረዳ የመንግሥት ኮሙኒኬሽን ጉዳዮች ፅ/ቤት ነው።

See less

የምርጥ ዘር

እንደ እዣ ወረዳ በግብርናው ዘርፍ እየተከናወኑ የሚገኙ ተግባራቶች የአርሶአደሩ ህይወት ከመቀየርም አልፎ ለክልሉ የምርጥ ዘር ግብዓት ጭምር ተመራጭ እየሆነ እንደሚገኝ ተገለፀ።

ህዳር 3/2019 ዓ.ም (አገና)

በእዣ ወረዳ የግብርና ልማት ሥራዎች የመስክ ጉብኝት ተካሄዷል::

በጉራጌ ዞን እዣ ወረዳ በሚከናወኑ የግብርና ልማት ሥራዎችን በተግባር ለመመልከት፣ የአርሶ አደሩን የልማት ተሳትፎ ለመከታተልና በዘርፉ የተመዘገቡ ውጤቶችን ለመለየት የተዘጋጀው የመስክ ጉብኝት በወረዳው የግብርና ጽህፈት ቤት አስተባባሪነት ተካሄዷል።

የእዣ ወረዳ ምክትል አስተዳዳሪና የትምህርት ጽህፈት ቤት ኃላፊ አቶ ተጠምቀ በርጋ በግብርና ዘርፍ የተለያዩ አዳዲስ ኢኒሼቲቮች እየተተገበሩ መሆኑን ገልጸው፣ በተለይም ከውጭ በሚገባ ማዳበሪያ ላይ ጥገኝነትን በመቀነስ በአካባቢው በተፈጥሮ የሚዘጋጅ ማዳበሪያን/ቨርሚ ኮምፖስት/ የማምረትና የመጠቀም ሥራ ሊስፋፋ እንደሚገባ አስገንዝበዋል።

እንደ እዣ ወረዳ በግብርናው ዘርፍ እየተከናወኑ የሚገኙ ተግባራቶች የአርሶአደሩ ህይወት ከመቀየርም አልፎ ለክሉሉ የምርጥ ዘር ግብዓት ጭምር ተመራጭ እየሆነ መሆኑንም ገልፀዋል።

የተፈጥሮ ማዳበሪያን መጠቀም ለማዳበሪያ የሚወጣውን ወጪ ከመቀነስ ባለፈ ለአፈር ጤንነትና ለምርቱ ጥራት ያለውን አስተዋጽኦ በመገንዘብ ተግባሩን ማጠናከር እንደሚገባ ጠቁመዋል።

ከዚህም ባሻገር በግብርና ዘርፍ እየተመዘገቡ ያሉ ውጤቶችን ለማስቀጠል የተጀመሩ ተግባራትን ማጠናከርና በአፈርና ውሃ ጥበቃ የተሰሩ ሥራዎችን ማስፋፋት እንደሚያስፈልግም አመላክተዋል።

የእዣ ወረዳ ግብርና ጽህፈት ቤት ኃላፊ አቶ መቻል ተሰማ በበኩላቸው፣ በበርካታ ቀበሌዎች በተለያዩ የሰብልና የእንስሳት ምርቶች የምግብ ዋስትናን የማረጋገጥ ሥራ በተሻለ ደረጃ እየተከናወነ መሆኑን ገልጸዋል። ይህንንም ተሞክሮ በሁሉም ቀበሌዎች ማስፋፋትና አርሶ አደሩን ከራሱ ፍጆታ ባለፈ ለገበያ የሚያቀርብ አምራች ማድረግ እንደሚገባ አመልክተዋል።

የግብርና ለውጥ በሁሉም የማህበረሰብ ክፍልና በየቤተሰቡ ሊረጋገጥ እንደሚገባ ያስገነዘቡት ኃላፊው፣ ተግባሩን ውጤታማ ለማድረግ የባለሙያዎችን፣ የአመራሩንና የማህበረሰቡን ተሳትፎ በማቀናጀት መምራት እንደሚገባ ጠቁመዋል። በተለይም በገበያ ፍላጎትና በባለሙያ ምክረ ሐሳብ መሠረት ምርትን ማቀድ፣ ባለሙያዎችም በሞዴልነት በመቅረብ ማህበረሰቡን ማገዝ እንዳለባቸው አሳስበዋል።

ከሰብዓዊ ድጋፍና ከተረጂነት በራስ አቅም ወደ ሚቆም ማህበረሰብ ለመሸጋገር በወረዳው በመንግስት አቅም የተለያዩ የምርት ሥራዎች እየተከናወኑ መሆኑንም አቶ መቻል ገልጸዋል።

በዚህም በሸህረሞ ቀበሌ 10 ሄክታር መሬት ላይ የጤፍ ኩታገጠም ልማት እየተከናወነ ሲሆን፣በሳቦላና ሻመነ ቀበሌዎች የአፈርና ውሃ ጥበቃ ስራ በተሰራባቸው ማሳዎች በተቀናጀ መልኩ የገብስ ምርጥ ዘር ብዜት ስራ እተሰራ ሲሆን በተጨማሪም በሻመነ ቀበሌ የሌማት ትሩፋት ስራዎችን በማጠናከር 1150 የተሻሻሉ የዶዮ ገና በግ ዝርያዎች እና 9,081 እንቁላል ጣይ ዶሮዎች መኖራቸውን አስረድተዋል።

በመስክ ጉብኝቱ የተሳተፉ የወረዳና የቀበሌ አመራሮች፣ ባለሙያዎችና ሌሎች ባለድርሻ አካላትም በተመለከቷቸው የልማት ሥራዎች ላይ ያላቸውን ምልከታና ሀሳብ በማንሳት፣ የታዩ ጥሩ ተሞክሮዎችን ወደ ሌሎች ቀበሌዎች ማስፋፋትና የተስተዋሉ ክፍተቶችን በማረም የግብርና ምርታማነትን ይበልጥ ማሳደግ እንደሚገባ ገልጸዋል።

በአጠቃላይ ጉብኝቱ በወረዳው የግብርና ልማት ሥራዎች ያሉበትን ደረጃ በተግባር ከመመልከት ባለፈ፣ ተሞክሮዎችን ለማስፋፋት፣ ክፍተቶችን ለመለየትና ለቀጣይ ሥራዎች የጋራ አቅጣጫ ለማስቀመጥ ያለመ መሆኑ ተገልጿል ሲል የዘገበው የእዣ ወረዳ መንግስት ኮሙኒኬሽን ጉዳዮች ጽህፈት ቤት ነው።

See less

በፍጥነት የማድግ እድል ያለው ዳርቻ ዝግባቦቦቶ ማዘጋጃ ቤት

በፍጥነት የማድግ እድል ያለው ዳርቻ ዝግባቦቦቶ ማዘጋጃ ቤት

ዳርቻ ዝግባቦቶ በ2017 ዓ.ም የማዘጋጃ ቤት እውቅና ካገኘ ወዲህ በከተማው ማህበረሰቡና መንግስት በቅንጅት የተሰሩ የልማት ስራዎች አበረታች ናቸው።

ህዳር 2/2019 ዓም

የማዘጋጃ ቤቱ ስራስኪያጅ አቶ ታፈሰ ሳርሄ በከተማው የተጀማመሩ የልማት ስራዎችን በማጠናከር ከተማዋ ለነዋሪዎች ምቹ ለማድረግ ጠንካራ ስራዎች እየተሰሩ ይገኛሉ ብለዋል ።

በቅርቡም 6 ሚልዮን 517 ሺህ ብር በላይ በሆነ ወጪ የተገነባው የአንድ ከተማ አንድ ፕሮጀክት አካል የሆነው የዳርቻ ዝግባቦቶ ማዘጋጃ ቤት የቢሮ ግንባታ ተመርቆ ለአገልግሎት ክፍት መሆኑን የአገልግሎት አሰጣጥ ምቹና ማራኪ ለማድረግ እንደሚያግዝም ስራስኪያጁ አመላክተዋል።

ታዳጊ ከተማዋ በሚፈለገው ልክ እንድታድግ በፕላን መሰረት መምራት እንደሚገባ በማመን መንግስት፣ ነዋሪውና ባለሀብቱ በማስተባበር ህዝቡን ተጠቃሚ የሚያደርጉ የልማት ስራዎችን መሰራታቸውንም አቶ ታፈሰ አመላክተዋል።

ከተሞች ለነዋሪዎች ምቹ፣ ሳቢና ተስማሚ ለማድረግ በሚደረገው ጥረት ሁሉም የበኩሉን ድርሻ መወጣት እንዳለበትም አስገንዝበዋል።

ከዚህም በተጨማሪ ነዋሪዎችን በማሳተፍ ከ8ኪ.ሜ በላይ የጠጠር መንገድ ግንባታና ከ5መቶ ሜትር በላይ የመንገድ አካፋዮች ማልማት መቻሉንእ ገልፀዋል ።

በከተማው የገጠር ኮሪደር ልማት አካል የሆነውን የሞዴል መንደር ምስረታ ግንባታ በፍጥነት እየተሰራ ሲሆን በንፁህ መጠጥ ውሃና ሀይል አቅርቦት ላይ ከወረዳው መንግስት ጋ በመቀናጀት ሰፊ ርብርብ እየተጀረገም ይገኛል ብለዋል።

በከተማው ዙሪያ ውጤታማና ለሀገር ኢኮኖሚ እድገት ወሳኝ ሚና ሚጫወቱ ኢንቨስትመንቶች መኖራቸው ከተማው በፍጥነት ለማደግ ምቹ አጋጣሚዎች ከሆኑት ጉዳዮች ይጠቀሳሉ ብለዋል ።

በአጠቃላይ በከተማ ያሉ የልማት እንቅስቃሴዎች ተስፋ ሰጪ ከመሆናቸዎ በተጨማሪ ከተማው ለማደግ ምቹ ሁኔታዎች ያሉ በመሆኑ ባለሀብቱ ወደ ከተማዎ በመምጣት በተለያዩ አማራጮች ኢንቨስት እንዲያደርግ አቶ ታፈሰ መልዕክታቸውን አስተላልፈዋል።

የሳይንስና ቴክኖሎጂ ፈጠራ ስራዎች ድጋፍ ክትትል አቅም ግምባታ የ2018 ዓም አፈጻጸም ዙርያ ለ2019 ዓ/ም ማጠናከርያ

ተማሪዎችና መምህራን በሳይንስና ቴክኖሎጂ ዘርፍ አቅማቸውን በማጎልበት የፈጠራ ችሎታቸውን ከፍ ማደረግ እንደሚገባ በጉራጌ ዞን የእዣ ወረዳ ኢኖቬሽንና ቴክኖሎጂ ፅ/ቤት ገለፀ ።

ህዳር 1/2019 ዓም

የእዣ ወረዳ ኢኖቬሽንና ቴክኖሎጂ ፅ/ቤት እና የወረዳው ትምህርት ፅ/ቤት በጋራ የተዘጋጀ የሳይንስና ቴክኖሎጂ ፈጠራ ስራዎች ድጋፍ ክትትል አቅም ግምባታ የ2018 ዓም አፈጻጸም ዙርያ ለ2019 ዓ/ም ማጠናከርያ የተዘጋጀ የንቅናቂ መድረክና የሳይንስ ሳምንት አከባበር በክበባት አደረጃጀት እና በአዕምሮዊ ንበረት ጥበቃ የተሰጠ ስልጠና።

ስልጠናው የሰጡት የጉራጌ ዞን የሳይንስና ቴክኖሎጂ ፈጠራ ስራዎች ድጋፍ ክትትል አቅም ግምባታ የ2018 ዓም አፈጻጸም ዙርያ ለ2019 ዓ/ም ማማጠናከርያ መምሪያ የፈጠራ ዘርፍ ቡድን መሪ አቶ አብይ ወልደ ሰንበት እንደገለፁት በሳይንስና ቴክኖሎጂ ክበባት ድጋፍና አደረጃጀት ስራዎች የሚከተሉት ላይ በዋናነት እንደሚሰራ ገልፀውልናል ።

ተማሪዎችና መምህራን በሳይንስና ቴክኖሎጂ ዘርፍ አቅማቸውን በማጎልበት የፈጠራ ችሎታቸውን ከፍ ማደረግ ፣በሳይንስና በሒሳብ ትምህርት መልካም ተሞክሮዎችን በመቀመር የፈጠራ ስራቸውን ለማህበረሰቡ ችግር ፈችና ምርምር የተካነበት ስራዎችን በማሳደግ ውጤታማ ማድረግእና የሳይንስና ቴክኖሎጂ የኢኖቬሽን ስራን ወደ ማህበረሰቡ እንዲስረጽ ማድረግ እንደሁም ተማሪዎችና መምህራን በሳይንስና በሒሳብ ትምህርት ከጽንሰ ሀሳብ በተጨማሪ የተግባር ስራዎች እንዲሰሩ ማድረግና ወደ ተግባር እንዲለውጡ ማድረግ እንደሆነ የገለፁት አቶ አብይ ናቸው ።

አክለውም ሳይንስ ማለት ነባራዊውን አለም እና የተፈጥሮ ህግጋትንና ክስተቶችን ለማብራራትና ለመገንዘብ የሚያስችለንን ዕውቀት በምልከታና በሙከራ የምናገኝበት ዘዴ መሆኑ ገለፀው ቴክኖሎጂ ሳይንሳዊ ዕዉቀትን ተግባራዊ በማድረግ የሚገኝ እና የተወዳዳሪነት እና የማድረግ አቅም የሚያሻሽል ማንኛዉም አሰራር፤አደረጃጀት፤ስርዓት ወይም ቁስ ማለት እንደሆነ እና ኢኖቬሽን ማለት የተፈጠረ ቴክኖሎጂን የሚያሻሽል መሆኑ አሰረድተዋል ።

በእለቱም የእዣ ወረዳ የትምህርት ፅ/ቤት መ/ሀላፊ አቶ አስቻለው ወልዴ እንደገለፁት ቴክኖሎጂን በመዘርጋትና በማስፋፋት በህብረተሰቡ ውስጥ የዘመናዊ ቴክኖሎጂ አጠቃቀም ክፍተት ማጥበብ እንደሚገባ ገለፀው ።

ለዚህም ትልቅ እድል ሚፈጥረው በትምህርት ተቋማት ተማሪዎች በንድፈ ሀሳብ ያገኙትን እውቀት ተግባራዊ ማድረግ የሚቻሉባቸው በቂና ምቹ የሆነ ምህዳር መፍጠር እንደሚገባም ሀላፊው ጨምረው ገልፀዋል ።

አክለውም ለሁሉለንተናዊ ኢኮኖሚያዊ ዕድገት ወሳኝ እንደሆነ በመገንዘብ የሳይንስና ቴክኖሎጂ ፈጠራ ውጤቶችን ለማሳደግ በተለይም የትምህርት ተቋማት ከፍተኛ ሀላፊነት ይጠበቅባቸዋል ብለዋል ፡፡

የእዣ ወረዳ ኢኖቬሽንና ቴክኖሎጂ ፅ/ቤት ተወካይ እና ኢኮቴ ስራ ሂደት አስተባባሪ ወ/ሮ ትዝታ ሳህሌ እንደገለፁት የፈጠራ ስራዎችን በትምህርት ቤት ደረጃ በስፋት እንዲተገበሩ መደገፍና ከሚመለከታቸው አካላት ጋር በቅንጅት መስራት አስፈላጊ መሆኑ አሳስበዋል ።

በመድረኩ የተሳተፉት ባለድርሻ አካላት በሰጡት አስተያየትም ተቋሙ እያደረገው ያለው እንቅስቃሴ የሚደነቅ መሆኑን ጠቁመው አሁንም እስከ ትምህርት ተቋማት ድረስ በመውረድ እያከናወነው ያለው ተግባር አጠናክሮ መቀጠል እንዳለበትም ተናግረዋል ።

በእለቱም በተቋሙ በ2018 ዓም በጀት ዓም ጥሩ አፈፃፀም ያላቸው ከ1- 3 የወጡ ባለሙያዎች የማበረታቻ ሽልማት ተሰጥቷል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

በጉራጌ ዞን የእዣ ወረዳ ፐብሊክ ሰርቪስና የሰው ሀብት ልማት ጽ/ቤት የ2019 በጀት ዓመት የ1ኛ ሩብ ዓመት የህዝብ ክንፍ የውይይት መድረክ አካሂዷል፡፡

የልማትና የመልካም አስተዳር ችግሮችን በመቅረፍ የማህበረሰቡ ተጠቃሚነት መረጋገጥ እንዲችል የባለድርሻ አካላት ሚና የጎላ ስለመሆኑ ተገለፀ

‎ጥቅምት 24/2019 ዓም

በጉራጌ ዞን የእዣ ወረዳ ፐብሊክ ሰርቪስና የሰው ሀብት ልማት ጽ/ቤት የ2019 በጀት ዓመት የ1ኛ ሩብ ዓመት የህዝብ ክንፍ የውይይት መድረክ አካሂዷል፡፡

በመድረኩም የተገኙት የእዣ ወረዳ ፐብሊክ ሰርቪስና የሰው ሀብት ፅ/ቤት ሀላፊ አቶ ሰለሞን ዘርጋ በመድረኩም ተገኝተው እንዳሉት ተቋሙ የመንግስት አሰራርና መመሪያዎች በተገቢው ተግባራዊ መሆን እንዲችሉ በማስቻል ተቋማት ለተገልጋዩ ማህበረሰብ ቀልጣፋና ፍትሃዊ በሆነ መልኩ ሊሰሩ ይገባል ብለዋል።

በተቋማትና በቀበሌ ደረጃ የአገልግሎት አሰጣጥ ስነ- ምግባር የታከለበት አገልጋይ ለህዝብ መስጠት እንደሚገባ ጨምረው የገለፁት አቶ ሰለሞን ሁሉም ተቋማት የአገልግሎት አሰጣጡን ግልፅና ተጠያቂነት የሰፈነበት ቀልጣፋ አገልግሎት፣ ለህዝቡ ለመስጠት የህዝብ ክንፎችና የባለድርሻ አካላት ሚና ከፍተኛ በመሆኑ በቀጣይ ሁሉም የሚመለከታቸው ባልድርሻ አካላት ቅንጅታዊ አሰራር ማጠናክር እንደሚገባም አመላክተዋል።

የእዣ ወረዳ ፐብሊክ ሰርቪስ የሰው ሀብት ልማት ፅ/ቤት ም/ሀላፊ አቶ ወይኑ አቅንዳ በበኩላቸው በወረዳው በሚገኙ በመንግስት ተቋምና በቀበሌ ለማህበረሰቡ ቀልጣፋ፣ ፍትሀዊ የሆነ አገልግሎት ለመስጠት ባለሙያው በአገልጋይነት መንፈስ ሊሰራ ይገባል።

በበጀት አመቱ ተቋማት የአገልግሎት አሰጣጡን ግልፅና ተጠያቂነት የሰፈነበት እንዲሆን ተገልጋዩ ቀልጣፋ አገልግሎት እንዲያገኝ ለማድረግ የሚያስችል ስራዎች ሊሰሩ እንደሚገባ አመላክተው ተቋማት በአገልግሎትአሰጣጥ ላይ የሚገጥማቸውን ችግር ሊፈታ በሚያስችል መልኩ ሁለንተናዊ ድጋፍ የማድረግ ፣ የለውጥ ስራዎችን ፣ አደረጃጀትና አሰራሮችን የማጠናከ ስራ በትኩረት የሚሰሩ መሆኑን ተናግዋል ።

በመድረኩ የ2019 ዓ.ም በ1ኛ ሩብ አመት በሴክተሩ የተከናወኑ ተግባራት ሪፖርት በተቋሙ የልማት እቅድ ባለሙያ በዝርዝር ቀርቦ ከባለድርሻ አካላት ጥያቄዎችና አስተያየቶች የተነሱ ሲሆን በተነሱ ጉዳዮች ምላሽና አስተያየቶች ተሰጥቶባቸዋል።

የእዣ ወረዳ ምክር ቤት የ2019 በጀት ዓመት የመጀመሪያ ሩብ ዓመት የሥራ አፈጻጸምን ገምግሞ የልማትና የአስተዳደር አቅጣጫዎችን አስቀመጠ።

የእዣ ወረዳ ምክር ቤት የ2019 በጀት ዓመት የመጀመሪያ ሩብ ዓመት የሥራ አፈጻጸምን ገምግሞ የልማትና የአስተዳደር አቅጣጫዎችን አስቀመጠ።

ጥቅምት 26/2019 ዓ.ም (አገና)

የእዣ ወረዳ ምክር ቤት የ4ኛ ዙር 14ኛ ዓመት 52ኛ መደበኛ ጉባኤውን በማካሄድ የወረዳውን የ2019 በጀት ዓመት የመጀመሪያ ሩብ ዓመት አጠቃላይ የሥራ አፈጻጸም በዝርዝር ገምግሟል።

በጉባኤው የ26 ተቋማት የሥራ አፈጻጸም ሪፖርቶች የተመረመሩ ሲሆን፣ የወረዳው የአስተዳደር ምክር ቤት ሪፖርት ከማጽደቅ ባለፈ አዳዲስ የሥራ ኃላፊዎችና አመራሮች ሹመትንም በይፋ አጽድቋል።

ጉባኤውን በንግግር የከፈቱት የእዣ ወረዳ ምክር ቤት ዋና አፈ-ጉባኤ የተከበሩ አቶ ሙከረም በደዊ፣ አገራችን ኢትዮጵያ ባለፉት የለውጥ ዓመታት በርካታ አዎንታዊ ሥራዎችን በማከናወን ከፍተኛ ውጤቶችን እያስመዘገበች እንደምትገኝ ገልጸዋል።

አያይዘውም በወረዳው የተጀመሩ የልማትና የመልካም አስተዳደር ሥራዎችን አጠናክሮ ማስቀጠል እንደሚገባ አሳስበው፣ በጉባኤው የሚቀርቡ ሪፖርቶችን በንቃትና በኃላፊነት ስሜት በመወያየት የተላለፉ ውሳኔዎችን ወደ ተግባር ለመቀየር ሁሉም አካላት በትጋት እንደሚረባረቡ ያላቸውን እምነት ገልጸዋል።

በጉባኤው ላይ የወረዳውን የ2019 በጀት ዓመት የመጀመሪያ ሩብ ዓመት የሥራ አፈጻጸም ሪፖርት ያቀረቡት ምክትል አስተዳዳሪና የትምህርት ጽሕፈት ቤት ኃላፊ አቶ ተጠምቀ በርጋ ናቸው።

በሪፖርታቸውም የመረጃ ክፍተቶችን ማረም፣ ሥራዎችን በባለቤትነትና በትኩረት ማከናወን ለውጥ ለማምጣት ወሳኝ መሆኑን አንስተዋል። እንዲሁም የተለያዩ የልማት ሥራዎችን በተቀናጀና በተሳሰረ መንገድ ማከናወን ለዘላቂ ውጤት መሠረታዊ ጉዳይ መሆኑን ገልጸዋል።

ምክር ቤቱ በወረዳው ሥር የሚገኙትን 26 ተቋማት የመጀመሪያ ሩብ ዓመት የሥራ አፈጻጸም ሪፖርቶች በዝርዝር የገመገመ ሲሆን፣ የመጠጥ ውኃ ፕሮጀክቶች በተመለከተ በበጀት ዓመቱ ከሕብረተሰቡ ተሳትፎ ጋር የውኃ ሥራዎችን ለማከናወን 1.5 ሚሊዮን ብር ታቅዶ 1.2 ሚሊዮን ብር በማከናወን 80 በመቶ አፈጻጸም ተመዝግቧል። በተጨማሪም በገጠር የመጠጥ ውኃ አገልግሎት ማጠናከር፣ የንጹህ መጠጥ ውኃ ጥናትና የጥገና ሥራዎች ተከናውነዋል።

የትራንስፖርትና መንገድ አንፃር RR10 ደረጃ ያለውን የአፈር ስራ መንገድ ጥናትና ዲዛይን 13 ኪሎ ሜትር ለማከናወን ታቅዶ 12.4 ኪሎ ሜትር ተከናውኗል።

የተሽከርካሪዎች ፍተሻና ደህንነት ክትትል አንፃርም ከትራፊክ ፖሊስ ጋር በመቀናጀት በተወሰደ የፍተሻ እርምጃ 271 ሕገወጥ አሽከርካሪዎችን በመያዝ 331,200 ብር ቅጣት ለወረዳው ገቢ ማድረግ ተችሏል።

የሴቶችን ሁለንተናዊ ተጠቃሚነት ከማረጋገጥ አኳያ የሴቶች ልማት ማኅበራትን በማደራጀትና ድጋፍ በማድረግ ረገድ 106 ታቅዶ 78ቱንም ማከናወን መቻሉን የተገለፀ ሲሆን አቅም ለሌላቸው ሴቶችና ሕፃናት የተለያዩ ማኅበራዊ ድጋፎች ተደርገዋል።

የሥራ ዕድል ፈጠራ በተመለከተም የሥራ አጥ ልየታ 5,294 ታቅዶ 5,364 በማከናወን 101.3 በመቶ አፈጻጸም ተመዝግቧል። ከብድር ማሰራጨትና ማስመለስ ጋር በተያያዘም 69.76 በመቶ ማስመለስ መቻሉን በሪፖርቱ ተመልክቷል።

በትምህርት ዘርፍ የቅድመ አንደኛና የመደበኛ ትምህርት ተማሪዎች ምዝገባ በጥሩ ሁኔታ መከናወኑ የተገለፀ ሲሆን በጤና ዘርፍም የቤተሰብ ምጣኔ አገልግሎት 99.8 በመቶ፣ የቅድመ ወሊድ ክትትል ደግሞ ከ97 በመቶ በላይ አፈጻጸም ተመዝግቧል።

በመኸር ልማት 95 በመቶ አፈጻጸም የተመዘገበ ሲሆን፣ በአትክልትና ፍራፍሬ ልማት እንዲሁም በአረንጓዴ አሻራ ንቅናቄ 13.17 ሚሊዮን ችግኞችን በመትከል 98 በመቶ አፈጻጸም ተመዝግቧል።

የወረዳው ምክር ቤት የ26ቱን ተቋማት የሥራ አፈጻጸም ሪፖርቶች ከመረመረና የተመዘገቡ ጥንካሬዎችንና ያሉ ክፍተቶችን ከገመገመ በኋላ፣ የወረዳውን የአስተዳደር ምክር ቤት የ2019 በጀት ዓመት የመጀመሪያ ሩብ ዓመት ሪፖርት አጽድቋል።

ምክርቤቱ በተጨማሪም አዲስ የተመደቡ የሥራ ኃላፊዎችና አመራሮች ሹመትን መርምሮ አፅድቋል

ጉባኤው በቀጣይ በመሠረተ ልማት፣ በመልካም አስተዳደርና በሌሎች የልማት ዘርፎች የሚታዩ ክፍተቶችን በትኩረት በመለየትና በመፍታት፣ የተጀመሩ መልካም ሥራዎችን በማጠናከር የሕብረተሰቡን ሁለንተናዊ ተጠቃሚነት ለማረጋገጥ አቅጣጫዎችን በማስቀመጥ ተጠናቋል።

እንኳን ደስ አለን!”

እንኳን ደስ አለን!”

የጉራጌ ዞን ኢኖቬሽንና ቴክኖሎጂ መምሪያ ባካሄደው የ2018 በጀት አመት የማጠቃለያ ጉባኤና የእዣ ወረዳ ኢኖቬሽንና ቴክኖሎጂ ፅ/ቤት 1ኛ በመውጣት የዋንጫና ሰርተፊኬት ተሸላሚ ሆኖአል ።

እንኳን ደስ አለን

See less

ሰንደቅ ዓላማችን ለብሔራዊ መግባባትና ለአንድነታችን!”

ሰንደቅ ዓላማችን ለብሔራዊ መግባባትና ለአንድነታችን!” — አቶ ሙከረም በደዊ

ቀን 02/2019 ዓ.ም

​19ኛው ብሔራዊ ሰንደቅ ዓላማ ቀን በእዣ ወረዳ በተለያዩ ዝግጅቶችና በቃል መሐላ ስነ-ስርዓት በድምቀት ተከበረ።

​በዕለቱ የእዣ ወረዳ ዋና አፈ ጉባኤ አቶ ሙከረም በደዊ ባስተላለፉት መልዕክት፤ ሰንደቅ ዓላማችን የነጻነታችን፣ የአርበኝነታችን፣ የሉዓላዊነታችንና የማንነታችን ግርማ በመሆኑ ለአንድነታችንና ለብሔራዊ መግባባታችን መጠናከር የጎላ ድርሻ እንዳለው ገልጸዋል።

​በስነ-ስርዓቱ ከተላለፉት ዋና ዋና መልዕክቶችና ከተገባው ቃል መሐላ :- የአንድነትና የነጻነት ምልክት፦ ሰንደቅ ዓላማችን ለብሔራዊ መግባባት፣ ለአንድነታችን፣ ለነጻነታችንና ለሉዓላዊነታችን ዘላቂ መቆሚያ ነው።

​ልማትና ፍትሃዊ ተጠቃሚነት፦ ድህነትንና ኋላ ቀርነትን አስወግደን፣ ሀገራችንን በልማትና በዴሞክራሲ ጎዳና የሕዝቦችን ፍትሃዊ ተጠቃሚነት ለማረጋገጥ የጀመርነውን የለውጥ ጉዞ አጠናክረን እንቀጥላለን።

​የጋራ ትግልና ቁርጠኝነት፦ ያጋጠሙ ችግሮችን በአንድነትና በጋራ ስሜት በማስወገድ፣ በዓመቱ የታቀዱ የልማትና የመልካም አስተዳደር ዕቅዶችን ለማሳካት በሰንደቅ ዓላማችን ፊት ቃል እንገባለን።

See less