“ሰላማችን በማፅናት ለልማታችን ምቹ ሁኔታ እንፈጥራለን!!”

“ሰላማችን በማፅናት ለልማታችን ምቹ ሁኔታ እንፈጥራለን!!”

በሚል መሪቃል የ2018 ማጠቃለያ አፈፃፀም እና የ2019 ዓም እቅድ ላይ ያተኮረ ወረዳዊ የፀጥታ ምክር ቤት ጉባኤ እየተካሄደ ይገኛል ።

መስከረም 25/2019 ዓም

በመድረኩም የእዣ ወረዳ ዋና አስተዳዳሪ አቶ ዘውዱ ዱላ ፡ የእዣ ወረዳ የመንግስት ዋና ተጠሪ አቶ ተሾመ ስራኒ ፡ የእዣ ወረዳ ሰላምና ፀጥታ ፅ/ቤት ሀላፊ አቶ ደሳለኝ ከበደ ፡ የወረዳው አመራር ፡ ጥሪ የተደረገላቸው የሀገር ሽማግሌዎችና ሌሎችም ባለድርሻ አካላት ተሳታፊ ሆነዋል ።

See less

በጉራጌ ዞን እዣ ወረዳ በ2018 ዓም በ8ኛ ክፍል ከፍተኛ ውጤት ያስመገቡና ወደ አማርድ አካዳሚ መግቢያ ፈተና ያለፉ ተማሪዎች ሽኝት ተደረገላቸው ።

=========በጉራጌ ዞን እዣ ወረዳ በ2018 ዓም በ8ኛ ክፍል ከፍተኛ ውጤት ያስመገቡና ወደ አማርድ አካዳሚ መግቢያ ፈተና ያለፉ ተማሪዎች ሽኝት ተደረገላቸው ።

መስከረም 23/2019 ዓም

በሽኙቱ ፕሮግራሙ የተገኙት የእዣ ወረዳ ም/አስተዳዳሪና የትምህርት ፅ/ቤት ሀላፊ አቶ ተጠምቀ በርጋ እንዳሉት እንደ ዞኑ ብሎም እንደ ወረዳው ብቁ ፡ ተወዳዳሪና በራሱ የሚተማመን ሀገር ተረካቢ ትውልድ እንዲያፈራ በትኩረት እየተሰራ ይገኛል።

አማርድ አካዳሚ ከቴክኖሎጂ ጋር ፈጥነው የሚላመዱ ሀገር ተረካቢ ትውልዶች የሚፈሩበት ትክክለኛ የልህቀት ማዕከል በመሆኑ ጊዜቸው በአግባቡ እንዲጠቀሙና ውጤታማ እንዲሆኑም ለተማሪዎች መልዕክት አስተላልፈዋል።

በዛሬው እለትም በ8 ኛ ክፍል ሀገር አቀፍ ፈተና ከፍተኛ ውጤት በማስመዝገብ በአካዳሚው የመግቢያ ፈተና በመፈተን ያለፉት 10 ተማሪዎች ሽኝት መደረጉን የገለፁት አቶ ተጠምቀ ለተማሪዎችም መልካም የትምህርት ወቅት እንዲሆንላቸውም ተመኝተዋል።

በዚህ ፕሮግራም ለተማሪዎች የመማሪያ ቁሳቁስ ድጋፍ የተደረገላቸው ሲሆን ድጋፉም በቀጣይ ተጠናክሮ እንደሚቀጥልም ሀላፊው ገልፀዋል።

ወደ አካዳሚው ከገቡ በኋላም ከዚህ ቀደም ካዳበሩት የአጠናን ዘዴ በተለይም በመደጋገፍ የተሻለ ውጤት ማስመዝገብ እንዳለባቸውም አቶ ተጠምቀ ለተማሪዎቹ መልዕክት አስተላልፈዋል።

See less

የማዕከላዊ ኢትዮጵያ ክልል የህዝብ ተወካዮች ም/ቤት የክልሉን አስፈጻሚ የካቢኔ አባላት ሹመት አፀደቀ

የማዕከላዊ ኢትዮጵያ ክልል የህዝብ ተወካዮች ም/ቤት የክልሉን አስፈጻሚ የካቢኔ አባላት ሹመት አፀደቀ

መስከረም 23፣ 2019 (አገና)

የማዕከላዊ ኢትዮጵያ ክልል የህዝብ ተወካዮች ም/ቤት በ7ኛ ዙር መስራች ጉባዔው ርዕሰ መስተዳድር የትምጌታ አስራት (ዶ/ር) ያቀረቧቸውን የክልሉ አስፈጻሚ የካቢኔ አባላት ሹመት አፅድቋል።

በዚህም መሰረት፡-

1 .አቶ ተመስገን ካሳ የሰላምና ጸጥታ ቢሮ ኃላፊ

2 .ወ/ሮ ፋጤ ስርሞሎ የሴቶች እና ህጻናት ጉዳይ ቢሮ ኃላፊ

3 .አቶ ማቴዎስ ሎምበሶ የዉሃ ማዕድን እና ኢነርጂ ቢሮ ኃላፊ

4 . አቶ ሳሙኤል ዳርጌ የጤና ቢሮ ኃላፊ

5 . አቶ ሙስጠፋ ኢሳ የክልሉ የስራና ክህሎት ቢሮ ኃላፊ

6 . አቶ ሰላሙ አማዶ የክልሉ መስኖና ቆላማ አካባቢ ልማት ቢሮ ኃላፊ

7 . አቶ ሳሙኤል መንገሻ የክልሉ ፍትህ ቢሮ ኃላፊ

8 . አቶ ተመስገን ጎዴቦ የክልሉ የክልሉ የመንግስት ኮሙዩኒኬሽን ጉዳዮ ቢሮ ኃላፊ

9 . አቶ አሰፋ ደቼ የክልሉ ደንና አካባቢ ጥበቃ ልማት ቢሮ ኃላፊ

10 .አቶ አብዶ አህመድ የክልሉ ኢንዱስትሪ ልማት ቢሮ ኃላፊ

11 . አቶ አብዱል ባሲጥ አባኮ የክልሉ ፕላን እና ልማት ቢሮ ኃላፊ

12 ወ/ሮ ዘይቱና ኢብራሂም የክልሉ ገንዘብ ቢሮ ኃላፊ

13 . አቶደምስ ገብሬ የክልሉ ኢኖቬሽን እና ቴክኖሎጂ ቢሮ ኃላፊ

14 ደ/ር ቶፊቅ አጫሉ ባህልና ቱሪዝም ቢሮ ኃላፊ

15. አቶ ገብሬ ጋጌ ፐብሊክ ሰርቪስና የሰው ሀብት ልማት ቢሮ ኃላፊ

16. አቶ አክሊሉ መኔዶ ንግድና ገበያ ልማት ቢሮ ኃላፊ

17 . ዶ/ር ተስፈዬ አጋፋሪ የክልሉ የህብረተሰብ ተሳትፎ እና የዲያስፖራ ጉዳይ ቢሮ ኃላፊ

18 . ወ/ሮ ቀመሪያ ረሻድ የክልሉ ገቢዎች ቢሮ ኃላፊ

19 . አቶ ታመነ ገብሬ የክልሉ ወጣቶች እና ስፖርት ቢሮ ኃላፊ

የካቢኔ አባላቱ በምክር ቤቱ ፊት ቀርበው ቃለ መሃላ በመፈፀም ስራቸውን በይፋ ጀምረዋል።

#ኢትዮጵያ#ትልቅሀገር#ትልቅሕዝብ#ታላቅርዕይ

See less

ዘመናዊ የገበያ ስፍራ

በዞኑ በሁሉም አካባቢዎች ከባለሀብቶችና ከአጋር አካላት ጋር በመቀናጀት የጉራጌ እናቶችን የሚመጥኑ ገበያዎችን ለመገንባት በቁርጠኝነት እየሰራን እንገኛለን፦ክቡር አቶ ላጫ ጋሩማ

መስከረም 18/2019 ዓ.ም (አገና)

በጉራጌ ዞን አገና ከተማ በመንግስትና በባለሀብት ትብብር ከ60 ሚሊየን ብር በላይ ወጪ በማድረግ እጅግ ዘመናዊ የገበያ ስፍራ ለመገባት የመሰረት ድንጋይ ተቀመጠ።

የጉራጌ ዞን ዋና አስተዳዳሪ ክቡር አቶ ላጫ ጋሩማ የመሰረት ድንጋዩን ባኖሩበት ወቅት እንዳሉት ተወላጅ ባለሀብቶቻችን የተወለዱባት አካባቢን በማልማት እያሳዩት ያለው ቁርጠኝነት እጅግ በጣም የሚበረታታና የሚያስመሰግናቸው ነው።

በዞኑ በሁሉም አካባቢዎች ከባለሀብቶችና ከአጋር አካላት ጋር በመቀናጀት የጉራጌ እናቶችን የሚመጥኑ ገበያዎችን ለመገንባት በቁርጠኝነት እየሰራን እንገኛለን ብለዋል።

የቲናው አበባ እርሻ ልማት መስራችና ባለቤት አቶ ተስፋዬ ገብረህይወት በዞኑ ኢንቨስትመንት ብዙም ባልተስፋፋበት ወቅት ወደ ዞኑ በመምጣት በአበባ እርሻ ልማት በመሰማራት ለብዙ ዜጎች የስራ እድል ከመፍጠርም ባሻገር ህብረተሰቡ በተለያዩ ልማታዊ ስራዎች እያገዙ መሆናቸውን በመግለፅ ዛሬም ከባልደረባቸው ሸነን አጅየት አብነት ቴኒ ጋር በመሆን በአገና ከተማ የጉራጌ እናቶችን የሚመጥን ገበያ ለመገንባት በመወሰናቸው አመስግነዋል።

ሸነን አጅየት አብነት ቴኒ የጉራጌ እናቶችን ስቃይ የኔም ስቃይ ነው በማለት የጉራጌ እናቶች ሲሸጡም ሆነ ሲሸምቱ ጭቃ፣አቧራ፣ፀሃይም ሆነ ዝናብ ሊያሳቃያቸው አይገባም በማለት ከወንድማቸው ተስፋዬ ጋር በመሆን ይሄንን ሞዴል ስራ ለመስራት በመወሰናቸው በእናቶች ስም ምስጋና ይገባቸዋል ብለዋል።

የጉራጌ እናት የኢትዮጵያ እናት ናት ያሉት ክቡር አስተዳዳሪው ለእኛ የሚገባንን ሰጥታን የሚገባትን ያልሰጠናት ናት በማለት በቁጭት ተናግረዋል።

ዛሬ የእናቶቻችን ስቃይን የሚቀንስና ክብራቸውን የሚመልስ ተግባር ለመስራት በተነሳሳችሁ ባለሀብቶች ኮርተንባችኋል በማለት ሌሎችም ባለሀብቶቻችን በትውልድ አካባቢያቸው ተመሳሳይ ስራዎችን እንዲሰሩ በእናቶች ስም ጥሪ አቅርበዋል።

የአገና ከተማ ከንቲባ አቶ ሀብቴ ዘርጋ በበኩላቸው የዞኑ ዋና አስተዳዳሪ የጉራጌ እናቶችን የሚመጥኑ ገበያዎች በሁሉም አካባቢዎች እንዲሰሩ ባስቀመጡት አቅጣጫ መሰረት በከተማችን እውን እንዲሆን ለጀመሩ ባለሀብቶች አመስግነዋል።

የአገና ገበያ ታዋቂና የብዙ እድሜ ባለፀጋ ቢሆንም በሚፈለገው መጠን ባለመልማቱ እናቶች ሲቸገሩ እንደነበርም አውስተዋል።

ባለሀብቶቹ አቶ ተስፋዬ ገብረህይወትና ሸነን አጅየት አብነት ቴኒ በበኩላቸው በቀጣይ በዞኑ ህዝብን ተጠቃሚ በሚያደርጉ በልማት ስራዎችና በኢንቨስትመንት በስፋት እንደሚሰማሩ በመግለፅ ሌሎችም ባለሀብቶች ህብረተሰቡን ሊያግዙ እንደሚገባ ጠቁመዋል።

በፕሮግራሙ የጉራጌ ዞን ዋና የመንግስት ተጠሪ አቶ ናስር ሀሰን፣የጉራጌ ዞን ደንና አካባቢ ልማት መምመሪያ ኃላፊ አቶ እንዳለ ስጦታው፣የእዣ ወረዳ ዋና አስተዳዳሪ አቶ ዘውዱ ዱላ ጨምሮ የዞን ፣የአገና ከተማ፣የእዣ ወረዳ አመራሮችና ሌሎች ተጋባዥ እንግዶች ተገኝተዋል ሲል የዘገበው የጉራጌ ዞን የመንግስት ኮሙኒኬሽን መምሪያ ነው።

በድጋሚ እንኳን ደስ አለን!!

በድጋሚ እንኳን ደስ አለን!!

የእዣ ወረዳ ሴቶችና ህፃናት ጉዳይ ፅ/ቤት በጉራጌ ዞን ካሉ ወረዳዎች በ2018 በጀት ዓመት አፈፃፀም 3ኛ ደረጃ በመሆን የዋንጫና ሰርተፍኬት ተሸላሚ ሆኗል::

የትጋትና የስራ ውጤት በመሆኑ!!

እንኳን ደስ አለን/አላችሁ!

የኦሞ ባንክ አገና ቅርንጫፍ

የኦሞ ባንክ አገና ቅርንጫፍ መጪው የሚከበረው የመስቀል በዓል ምክንያት በማድረግ ለደንበኞቹ የእንኳን አደረሳችሁ መልዕክት አስተላልፏል።

መስከረም 11/2019 ዓም

ተቋሙ የቁጠባ ባህልን በማሳደግ ፡ የደንበኞችን ቁጥር በመጨመር እና ጥራት ያለው የቁጠባና ብድር አገልግሎት ተደራሽ በማድረግ ረገድ አበረታች ውጤት መመዝገቡን ተጠቁሟል።

የኦሞ ባንክ አገና ቅርንጫፍ ስራስኪያጅ አቶ አሰፋ በረዳ የእንኳን አደረሳችሁ መልዕክት ባስተላለፉበት ወቅት እንዳሉት ተቋሙ የተቀመጡለትን ዋና ዋና የባንክ ግቦች ለማሳካት ውጤታማ ስራ መስራቱን ገልፀው በተለይም የቁጠባ ባህልን በማሳደግ ፡ የደንበኞችን ቁጥር በመጨመር እና ጥራት ያለው የብድር አገልግሎት ተደራሽ በማድረግ ረገድ አበረታች ውጤት መመዝገቡን ተናግረዋል ።

በ2027 በጀት ዓመት ደግሞ የዲጂታል ባንክ አገልግሎት ይበልጥ በማስፋፋት ፡ የደንበኞችን እርካታ ወደ ላቀ ደረጃ ለማድረስና የቅርንጫፉ የገበያ ድርሻ ለማሳደግ በልዩ ትኩረት እንደሚሰራም ስራስኪያጁ ጨምረው ተናግረዋል።

ተቋሙ ለህብረተሰቡ በተለይም ዝቅተኛ ገቢ ላላቸው አርሶ አደሮች ፡ ለሴቶችና ለስራ አጥ ወጣቶች ተጠቃሚ ለማድረግ ባደረገው ሰፊ ተግባር ውጤታማ ስራ መስራት ችሏል ያሉት አቶ አሰፋ በቀጣይም እየሰጠ ያለው አገልግሎት ይበልጥ አጠናክሮ ይቀጥላልም ብለዋል።

የኦሞ ባንክ ከሌሎች የፋይናንስ ተቋማት ተወዳዳሪና በአገልግሎት አሰጣጡ የተሻለ ባንክ እንዲሆን እያደረገው ባለው ጥረት የአገና ቅርንጫፍም የድርሻውን ለመወጣት ዝግጁ እንደሆነም ገልፀዋል።

ቅርንጫፉ አሰራሩና አደረጃጀቱን በማዘመን ለተጠቃሚው ህብረተሰብ ቀልጣፋና ውጤታማ አገልግሎቶችን በላቀ ሁኔታ እያቀረበ እንደሚገኝና በቀጣይም የበለጠ በማጠናከር በተለይም በብድር ስርጭትና አሰባሰብ ፡ የተረጋጋ ቁጠባ በማስቆጠብ ፡ አዳዲስ ደንበኞችን በማፍራት እንዲሁም ደንበኛው ባለበት አካባቢ ሆነው ተገቢውን አገልግሎት እንዲያገኝ እየተደረገው ያለው ጥረት በላቀ ደረጃ ይሰራል ብለዋል፡፡

የቅርንጫፉ ሰራተኞች በበኩላቸው የተሰጣቸውን ግብ ለማሳካት የነበራቸውን ጠንካራ ተሳትፎ በማጉላት በአዲሱ አመት የተጣለባቸውን ሀላፊነት በላቀ የደንበኞች አገልግሎት አሰጣጥ ለመወጣት ዝግጁ መሆናቸውን ተናግረዋል።

መጪው የሚከበረው የ2019 ዓም የመስቀል በዓል ለመላው ደንበኞቹና ኢትዮጵያውያን መልካም በዓል እንዲሆንላቸውም ተመኝተዋል።

መልካም የመስቀል በዓል!

የቆጠር ገድራን የተፈጥሮ ደን

በጉራጌ ዞን እዣ ወረዳ የሚገኘው የቆጠር ገድራ የማህበረሰብ የተፈጥሮ ደን ዘለቄታዊ የደን አያያዝ እቅድ ሰነድ ማጽደቂያ መድረክ ባለ ድርሻ አካላት በተገኙበት ወልቂጤ ከተማ ተካሄዷል።

==============================================================================

መስከረም 11/2019 ዓ.ም (አገና)

የቆጠር ገድራን የተፈጥሮ ደን ከጥፋት ከመታደግ ባለፈ የማህበረሰቡን ማህበራዊና ኢኮኖሚያዊ ተጠቃሚነት በሳይንሳዊ መንገድ ለማረጋገጥ በትኩረት እንደሚሰራ የኢትዮጵያ ደን ልማት አስታወቀ።

የጉራጌ ማህበረሰብ ጉርዳ ባህላዊ የተፈጥሮ ደን ልማት አስተዳደር ከ135 ዓመት በላይ እድሜ ያስቆጠረው የቆጠር ገድራ ጥብቅ ደን ጠብቆ ማቆየት መቻሉን ተገልጿል።

የማዕከላዊ ኢትዮጵያ ክልል ደንና አካባቢ ጥበቃ ቢሮ ሀላፊ አቶ አብራሃም መጫ እንዳሉት ኢትዮጵያ ካሏት ጸጋዎች አንዱ የተፈጥሮ ሀብቷ ስነ ምህዷሯና የደን ሀብቷ እንደሆነ ተናግረዋል።

የጉራጌ አካባቢ ተፈጥሮና ባህልን በመያዝ፣ በመጠበቁ እንዲሁም በመንከባከብ ለኢትዮጵያ ሞዲል የሚሆን አካባቢ እንደሆነም አመላክተው የቆጠር ገድራ ደን ለማልማት እየተደረገ ያለውን ሁለንተናዊ ጥረት አጠናክሮ ማስቀጠል ይገባል ብለዋል።

በመድረኩ የተገኙት የኢትዮጵያ ደን ልማት የምርምር ዘርፍ ምክትል ዳይሬክተር አቶ ዳመነ ዳሮታ እንደገለጹት፤ የቆጠር ገድራ ማህበረሰብ ተፈጥሮ ደን በአካባቢው ባህላዊ የደን አስተዳደር ስርዓት አማካኝነት ለዘመናት ተጠብቆ የቆየ ድንቅ ተፈጥሯዊ ሀብት ነው።

ደኑ በቆጠር ገድራ፣ ሻመነ፣ ዋሳመር እና በአካባቢው በሚኖሩ የቤተሰቡ ተወላጆችና የማህበረሰብ አባላት በተመሰረተው የቆጠር ቤተሰብ ልማት ማህበር ባለቤትነት ሲጠበቅ መቆየቱን አቶ ዳመነ ገልጸዋል።

ማህበሩ እንደ እድር ያሉ ማህበራዊና ኢኮኖሚያዊ ትስስሮችን፣ ባህላዊና መንፈሳዊ እምነቶችን፣ ወጎችንና ድንጋጌዎችን በመጠቀም ደኑ እንዳይደፈርና ተፈጥሯዊ ይዘቱ እንዳይበላሽ በማድረግ ረገድ ከፍተኛ አስተዋጽኦ ማበርከቱንም አብራርተዋል።

ይህ ባህላዊ የደን አጠባበቅ ዘዴ ውጤታማ ከመሆኑም በላይ ለሌሎች የሀገራችን ክፍሎች በምሳሌነት የሚጠቀስ የደን አስተዳደር ልምድ መሆኑን የጠቀሱት ምክትል ዳይሬክተሩ፤ የደኑን ህልውናና ዘላቂነት የበለጠ ለማረጋገጥ ባህላዊ እውቀቱን ከሳይንሳዊ አሰራር ጋር ማጣመር አስፈላጊ ሆኖ መገኘቱን አስረድተዋል።

በዚሁ መሰረት በኢትዮጵያ ደን ልማት እና በቆጠር ቤተሰብ ልማት ማህበር መካከል በተደረገው ትብብር፣ የተመራማሪዎችንና የማህበረሰቡን ንቁ ተሳትፎ ያረጋገጠ ጥልቅ የደን ዳሰሳ ተካሂዶ ዘላቂ የደን አስተዳደር እቅድ መዘጋጀቱን ገልጸዋል።

የጉራጌ ዞን ደንና አካባቢ ጥበቃ ልማት መምሪያ ሀላፊ አቶ እንዳለ ስጦታው እንዳሉት የቆጠር ገድራ የተፈጥሮ ደን በማልማት የማህበረሰቡ ተጠቃሚነት በተጨባጭ ለማረጋገጥ በትኩረት እየተሰራ ይገኛል።

የጉራጌ ማህበረሰብ ጉርዳ ባህላዊ የተፈጥሮ ደን ልማት አስተዳደር ከ135 ዓመት በላይ እድሜ ያስቆጠረው የቆጠር ገድራ ጥብቅ ደን በዘላቂነት ለማልማትና ጠብቆ ለማቆየት እየተሰራ ይገኛል ብለዋል።

በእዣ ወረዳ የሚገኘው የቆጠር ገድራ የማህበረሰብ ተፈጥሮ ደን ዘላቂነት ባለው መልኩ ለማልማት እንዲቻል ማህበረሰቡ በተገቢው ጥበቃ በማድረግ ለቀጣይ ትውልድ ጠብቆ ማቆየት እንደሚገባም አመላክተዋል።

የአየር ሁኔታ ተጽኖ በማህበረሰቡ ላይ እንዳይደርስና የሀገሪቱ ኢኮኖሚያዊ እድገት ለማረጋገጥ የኢትዮጵያ ደን ልማት ባለሙያተኞች በቆጠር ገድራ ጥብቅ ደን ላደረጉት ጥናትና ምርምር በዞኑ አስተዳደር ስም ከልብ አመስግነዋል።

በመድረኩ የተገኙት የእዣ ወረዳ ዋና አስተዳዳሪ አቶ ዘውዱ ዱላ እንዳሉት የቆጠር ገድራ ጥብቅ ደን ከ135 ዓመት በላይ ዕድሜ ያስቆጠረና ሲሆን ደኑን የበለጠ ለማልማትና ማህበረሰቡን ተጠቃሚ ለማድረግ የተደረገው ሳይንሳዊና ባህላዊ የምርምር ጥናት ወሳኝ እንደሆነም አመላክተዋል።

ሳይንሳዊ በሆነ መልኩ እድገታቸው ያቆሙ ዛፎችን የማሳሳት ስራ በመስራትና በምትካቸው ሌላ ዛፍፎ በመትከልና በደኑም የአካባቢው ወጣቶችና ሴቶች በተለያዩ ዘርፎች የስራ ዕድል መፈጠር እንደሚገባም አመላክተዋል።

ዘገባው የጉራጌው ዞን የመንግስት ኮሙኒኬሽን መምሪያ ነው።

የመስቀል በዓል ያለምንም የፀጥታ ችግር እንዲከበር አስፈላጊውን ቅድመ ዝግጅት መጠናቀቁ ተገለፀ

መስከረም /2019 ዓ.ም (አገና)

በእዣ ወረዳ በሁሉም አካባቢዎች መጪው የመስቀል በዓል በሰላም እንዲከበር የወረዳው ፀጥታ ተቋማት ዉይይት በማድረግ በድጋሚ ኦረንቴሽን ተሰጥቷል።

የእዣ ወረዳ ሰላምና ፀጥታ ጽ/ቤት ኃላፊ አቶ ደሳለኝ ከበደ እንደገለፁት መስቀል የጉራጌ ማህበረሰብ በተለየ ድምቀት ከሚያከብራቸው በዓላት አንዱና ዋነኛው ሲሆን እንደወረዳችንም በዓሉን ለማክበር የአካባቢው ተወላጆችና የተለያዩ የሀገሪቱ ክፍል ህዝቦች ወደ ወረዳችን ይመጣሉ ብለዋል።

በመሆኑም በዓሉ ሐይማኖታዊና ባህላዊ ይዘቱ ሳይለቅ ያለምንም የፀጥታ ችግር እንዲከበር የፀጥታ አባላት አስቀድሞ መሰማራታቸው ገልፀዋል።

ሀላፊው አክለውም በቀጣይም ማህበረሰቡ ከፀጥታ አካላት በመቀናጀት ማድረግ ስላለባቸው ጥንቃቄዎች ያመላከቱ ሲሆን በተለይም በትራፊክና ፍሰት አደጋ እንዳይከሰት ፍጥነትን መቀነስ፣ መንገድ ላይ እንስሳት አለመንዳትና ግራ ጠርዝ ይዞ መንቀሳቀስ እንደሚኖርበት ገልፀዋል።

የወንጀል መከላከል ስራን በማጠናከር በተለይም ስርቆት፣ በገበያ ሀሰተኛ የብር ኖት/ማጭበርበር/ መቆጣጠር እንደሚያስፈልግ የገለፁት ሀላፊው የሴቶች እና ህፃናት ጥቃት እንዳይከሰት፤ የግጭት መከላከል ስራና የእሳት አደጋ እንዳይኖር በግል ቤትና በደመራ ቦታ የኤክትሪክ መስመር አካባቢ የጥንቃቄ ስራዎች መሰራት እንዳለባቸው አብራርተዋል።

የተለየ ነገር ሲከሰት በቀበሌ ከሚገኙት የሚሊሻ አባላት፣ ከፖሊስ እና ከፀጥታ ተቋም መረጃ በመለዋወጥ የመከላከልና ህግ የማስከበር ስራ እንደሚሰራም አመላክተዋል።

የእዣ ወረዳ ፖሊስ አዛዥ ም/ኢንፔክተር ዳኛቸው አትርፎ በበኩላቸው የፀጥታ አባላት በዓሉ በሰላም እንዲከበር ለማድረግ ከቀበሌ የሚሊሻ አባላት ተቀናጅተው መስራት እንዳለባቸው ገልፀው ወንጀል እንዳይከሰት በመስራት ከተከሰተም ህግ የማስከበር ስራ በተገቢው እንደሚሰራ አመላክተዋል።

አዛዡ አክለውም በየቀጠናው አባላት ለዚሁ ስራ መመደባቸውና ማህበረሰቡ ማንኛውም አጠራጣሪ ተግባር ሲመለከት ከፀጥታ አካላት እንዲተባበር አሳስበዋል።

ቦዠባር ገበያ በጉራጌ ዞን እዣ ወረዳ ቦዠባር ከተማ ላይ የምትገኝ አንጋፋና ግዙፍ ገበያ ናት ።

መስከረም 10/2019 ዓም

ቦዠባር ገበያ በጉራጌ ዞን እዣ ወረዳ ቦዠባር ከተማ ላይ የምትገኝ አንጋፋና ግዙፍ ገበያ ናት ።

የቦዠባር ከተማ ስራስኪያጅ አቶ ሲሳይ ሽምሳ ስለ ቦዠባር ከተማና በውስጧ የምትገኘው ስመጥር የቦዠባር ገበያ ጥቂት እንዲሉን ጠይቀናቸው ነበር ።

ከተማው ከእዣ ወረዳ ዋና ከተማ አገና ከተማ በ 27 ኪሜ ርቀት እንደምትገኝና የተለያዩ ዞኖችና ወረዳዎች አማካኝ በመሆኗ ብዙ እንግዶች እንደምታስተናግድም ነግረውናል ።

በቦዠባር ከተማ ጉያ ስር የምትገኘው ቦዠባር ገበያ ትልቅ የኢኮኖሚ እንቅስቃሴም ይካሄድባታልም ብለዋል።

ከተማውን ቀድሞ ከነበረችበት ይበልጥ እንድትለማ ከነዋሪዎቿ ጋር በመሆን እጅግ ጠንካራ ስራዎች መከናወናቸውን አጫውተውናል።

በዚህ ገበያ ከጥቃቅን ነገሮች እስከ ትላልቅ የገበያ ግብዓቶች ግብይት የሚፈፀምባት ሲሆን ከብቶች ፡ ገብስ ፡ ጎመን ፡ አተር ፡ ነጭ ሽንኩርት እና የመሳሰሉት መጥቀስ ይቻላል ።

በዚህ ገበያ በዙሪያዋ የሚገኙ አርሶአደሮች ያመረቱትን ለአብነት ከ15 እስከ 20 መኪኖች በሳምንት ከዚህ ገበያ ገብስ ጭነው ይወጣሉ ፡ በተመሳሳይ መልኩ ለአዲስ አበባም ጭምር ትልቁ የጎመን አቅርቦት ከዚህ ከተማ እንደሆነም አቶ ሲሳይ ነግረውናል።

በአጠቃላይ ስለከተማ የልማት እንቅስቃሴ ቀጣይ የምንመለስበት ሲሆን እኛም እጅግ የገረመን በዚህ ገበያ የቤት በርና መስኮት ሳይቀር አጠቃላይ በገበያ አለም ላይ የሚገኙ ከትንሽ እስከ ትልቅ ቁሳቁሶች በገበያው ማግኝት እንደሚቻልም አረጋግጠናል።

ለመላው የክርስትና እምነት ተከታዮች እንኳን አደረሳችሁ በማለት አቶ ሲሳይ መልዕክታቸውን አስተላልፈዋል።