የጉራጌ ዞን ብልፅግና ፓርቲ ቅርንጫፍ ፅህፈት ቤት በክልሉ የ1ኛ ደረጃ አሸናፊ በመሆን ተሸለመ።

ሐምሌ 21/2018 ዓ.ም (ወልቂጤ)

========================================================================

የማዕከላዊ ኢትዮጵያ ክልል ብልፅግና ፓርቲ ቅርንጫፍ ፅህፈት ቤት “ሁሉ አቀፍ እምርታ ለሁለንተናዊ ከፍታ” በሚል መሪ ቃል በሆሳዕና ከተማ ባካሄደው የ2018 ዓ.ም የፓርቲ ስራዎች ማጠቃለያ መድረክ፣ የጉራጌ ዞን ብልፅግና ፓርቲ ቅርንጫፍ ፅህፈት ቤት በክልሉ ካሉ ዞኖችና ልዩ ወረዳዎች በላቀ አፈፃፀሙ የ1ኛ ደረጃ እውቅናና የሞተር ሽልማት ተበርክቶለታል።

ይህ አበረታች ስኬት ሊመዘገብ የቻለው በዞኑ አመራር፣ በፓርቲው አባላትና በሰፊው የጉራጌ ህዝብ የተቀናጀ ጥረት፣ ጠንካራ ህዝባዊ አደረጃጀትና የጋራ ስራ ውጤት በመሆኑ ነው።

ፅህፈት ቤቱ ላስመዘገበው ውጤት አስተዋፅኦ ላበረከቱ አካላት በሙሉ ምስጋናውን እያቀረበ፤ በቀጣይም የፓርቲውን እሳቤዎች በመተግበር፣ የህዝባችንን የሰላም፣ የልማትና የመልካም አስተዳደር ጥያቄዎች በላቀ ደረጃ ለመመለስ ዝግጁ መሆኑን አረጋግጧል።

ለተመዘገበው ታላቅ ውጤት በድጋሚ እንኳን ደስ አላችሁ፤ እንኳን ደስ አለን!

“ሁሉ አቀፍ እምርታ ለሁለንተናዊ ከፍታ!

የ6ኛ ክፍል ክልላዊ ፈተና

የ6ኛ ክፍል ክልላዊ ፈተና ከወሰዱት ውስጥ 81.1 በመቶው 50% እና በላይ በማስመዝገብ ወደ ቀጣይ ክፍል ተሸጋግረዋል-ምክትል ርዕሠ መስተዳድር አንተነህ ፈቃዱ

ሀምሌ 21/2018 ዓ.ም (አገና)

የማዕከላዊ ኢትዮጵያ ክልል ምክትል ርዕሠ መስተዳድር፣ የማህበራዊ ክላስተር አስተባባሪ እና የትምህርት ቢሮ ኃላፊ አቶ አንተነህ ፈቃዱ የ6ኛ ክፍል ክልላዊ ፈተና ውጤት አስመልክቶ መግለጫ እየሰጡ ነው።

ምክትል ርዕሠ መስተዳድሩ በመግለጫው በክልሉ በ2018 የትምህርት ዘመን የ6ኛ ክፍል ክልላዊ ፈተና 88 ሺህ 927 ተማሪዎች መውሰዳቸውን ገልጸዋል።

ከወሰዱት ውስጥ 81.1 በመቶው 50% እና በላይ በማስመዝገብ ወደ ቀጣይ ክፍል መሸጋገራቸውን ተናግረዋል።

ይህም በ2017 ዓ.ም ከነበረው የ75 በመቶ የማለፍ ምጣኔ ጋር ሲነፃፀር የ8% እድገት ያሳየ ነው ብለዋል።

የማለፊያ መቁረጫ ነጥብ በመደበኛ 50% እና በላይ፣ ለአካል ጉዳተኞች ደግሞ 45% እና በላይ መሆኑንም ጠቁመዋል።

Ⓒ የክልሉ ትምህርት ቢሮ

See less

የእዣ ወረዳ ትራንስፖርትና መንገድ ልማት ፅ/ቤት

በእዣ ወረዳ ዋድዬ ቀበሌ ከዋድዬ ሚካኤል – አዲሱ ገበያ ወደ ሙህር አክሊል ወረዳ ሚያገናኘውን በመንግስት እና በህብረተሰቡ ተሳትፎ ከ3.3 ሚሊየን ብር በላይ ወጪ የተደረገበት የመንገድ ግንባታ መጠናቀቁን ተገለፀ ።

ሀምሌ 20/2018 ዓም

መንገድ ከሁሉም መሰረተ ልማቶች መካከል ዋንኛው መሆኑን በመገንዘብ በወረዳው የመንገድ ልማት ተደራሽነት ለማሳደግ በልዩ ትኩረት እየተሰራ መሆኑን በጉራጌ ዞን የእዣ ወረዳ ትራንስፖርትና መንገድ ልማት ፅ/ቤት አስታወቀ።

ሀምሌ 20/2018 ዓም

የእዣ ወረዳ ትራንስፖርትና መንገድ ልማት ፅ/ቤት ሀላፊ አቶ ገዛኸኝ መልስ እንደገለፁት መንገድ ከሁሉም መሰረተ ልማቶች መካከል ዋንኛው መሆኑን በመገንዘብ በወረዳው የመንገድ ልማት ተደራሽ ለማድረግ በልዩ ትኩረት መሰራቱን ገልፀዋል።

እንደ ወረዳው ከዋና መንገድ እስከ ቀበሌ ማዕከል በሁሉም ቀበሌዎች ተደራሽ ከማድረግ በተጨማሪ ቀበሌ ከቀበሌ እንዲሁም መንደሮች ከቀበሌ የማስተሳሰሩ ተግባር ከማህበረሰቡ ጋር በመቀናጀት ልዩ ትኩረት ተሰጥቶት መሳራቱንም ሀላፊው አመላክተዋል።

በወረዳው ዋድዬ ቀበሌ ዋድዬ ሚካኤል – አዲሱ ገበያ ወደ ሙህር አክሊል ወረዳ ሚያገናኘው የ3 ኪ.ሜ የጠጠር መንገድ ስራ ግንባታ ጥራት ባለው መልኩ መሰራቱን የገለፁት አቶ ገዛኸኝ ይህም የመንግስት እና የማህበረሰቡ ከፍተኛ ርብርብ የታየበት ሲሆን ለረጅም ጊዜ የማህበረሰቡ ጥያቄ የፈታ በመሆኑም በዚህ ስራ የተሰማሩት አካላትም አመስግነዋል።

መንገዱ ሲሰራ የግብዓትና የማሽነሪ ድጋፍ በማድረግ የክልሉ ገጠር መንገድ ጉብሬ ዲስትሪክት ምስጋና ይገባዋል ያሉት አቶ ገዛኸኝ ከዚህ በተጨማሪ የአካባቢው ባለሀብቶች ፡ ጠንካራ ኮሚቴዎች እና የአካባቢው ማህበረሰብ ውጤታማ ስራ እንዲሰራ ከፍተኛ አስተዋፅኦ አድርገዋልም ብለዋል ።

መንገዱ ከ3.3 ሚሊየን ብር በላይ ወጪ ተደርጎበታል ያሉት አቶ ገዛኸኝ በአጠቃላይ መንገዱ ደረጃው በጠበቀ መልኩ እንዲገነባ ከላይ የተጠቀሱት ባለድርሻ አካላት ጨምሮ የወረዳው መንግስት ፡ የወረዳው ትራንስፖርትና መንገድ ልማት ፅ/ቤት ማኔጅመንትና ባለሙያዎች ብሎም ለመላው ማህበረሰቡ ምስጋና ይገባዋል ብለዋል።

የፅ/ቤቱ ምክትል ሀላፊና የዩራፕ ዘርፍ አስተባባሪ አቶ ሸምሱ ዘይኑ በበኩላቸው እንደ ወረዳው በበጀት አመቱ የአፈር ስራ 21.5 ኪ.ሜ ለማሰራት ታቅዶ 22.5ኪ.ሜ የእቅዱ 100% ተከናውኗል ብለዋል።

የጠጠር ስራ 30.7ኪ.ሜ ለመስራት ታቅዶ ከ36ኪ.ሜ በላይ መሰራቱን ያመላከቱት ሀላፊው በህ/ሰብ ተሳትፎና በመንግስት የተለያዩ የስትራክቸር ስራዎች 9 ለማሰራት ታቅዶ 8 ለመስራት ተችሏል ብለዋል።

የመንገድ ጥገና ስራ 8ኪ.ሜ ለመስራት ታቅዶ 13.5ኪ.ሜ መሰራቱን ዪመላከቱት ሀላፊው የሀብት አሰባሰብ በተመለከተም በህ/ሰብ ና በባለሀብትእንዲሁም በመንግስት 48ሚሊ ብር ለመሰብሰብ ታቅዶ ከ88.4ሚሊ በላይ በመሰብሰብ የማህበረሰቡ የመንግድ ልማት ጥያቄ ደአጃ በደረጃ ለመፍታት በልዩ ትኩረት እየተሰራም ይገኛል ብለዋል።

ያነጋገርናቸ በዋድዬ ቀበሌ የመንገድ ልማቱ ተጠቃሚ የሆኑት የአካባቢው ነዋሪዎች በሰጡት አስተያየትም ከዚህ በፊት መንገድ ባለመኖሩ በማህበራዊና ኢኮኖሚያዊ እንቅስቃሴዎች ላይ ጫና መፍጠሩን ጠቁመው ይህንን ችግራቸው እንዲቀረፍ ጥረት እያደረጉ ፡ መንግስት ፡ ባለሀብቶች ፡ የትራንስፖርትና መንገድ ልማት ፅ/ቤት ሀላፊዎችና ባለሙያዎች እንዲሁም መላው የአካባቢው ማህበረሰብ ምስጋናቸውን አቅርበዋል።

See less

የእዣ ወረዳ ሰራተኛና ማህበራዊ ጉዳዮች ፅ/ቤት ለተለያዩ ኢኮኖሚያውና ማህበራዊ ችግር የተጋለጡ እና አካል ጉዳተኞች ድጋፍ አደረገ ።

የእዣ ወረዳ ሰራተኛና ማህበራዊ ጉዳዮች ፅ/ቤት ለተለያዩ ኢኮኖሚያውና ማህበራዊ ችግር የተጋለጡ እና አካል ጉዳተኞች ድጋፍ አደረገ ።

ሀምሌ 20/2018 ዓም

በጉራጌ ዞን የእዣ ወረዳ ሰራተኛና ማህበራዊ ጉዳዮች ፅ/ቤት ለተለያዩ ኢኮኖሚያውና ማህበራዊ ችግር የተጋለጡ እና አካል ጉዳተኞች ለእርቢ የሚሆኑ ፍየልና በግ ድጋፍ አደረገ ።

የፅ/ቤቱ ሀላፊ የሆኑት ወ/ሮ ትግስት መንግስቱ ድጋፍ በተደረገበት ወቅት እንዳሉት እንደ ወረዳው ለችግር ተጋላጭ የሆኑ ወገኖችና አካል ጉዳተኞች በመለየትና ፅ/ቤቱ ባለድርሻ አካላትን በማስተባበር መጠነ ሰፊ ድጋፎች እየተደረጉ ይገኛሉ።

አንድ ሰው “ሰው” ነው ከሚያሰኙት በርካታ ባህርያቶች አንዱ ከጎኑ ያለ ወገኑ መርዳት ሲችል ነው ያሉት ወ/ሮ ትግስት ሁሉም አካል በዚህ ቅዱስ ሀሳብ በመሳተፍ በእንዲህ መሰል ተግባር ተሳታፊ ሊሆን ይገባል ብለዋል ።

ዛሬ የተደረገውም ድጋፍ ከወረዳው ሴክተር መስሪያ ቤቶች ከተሰበሰበው የ1% ድጋፍ መሆኑን ያመላከቱት ወ/ሮ ትግስት በዚህ ድጋፍ ከወረዳው ከሚገኙ ቀበሌዎች ለከፋ ችግር የተጋለጡ 17 የሚሆኑ ወገኖች እና አካል ጉዳተኞች በመለየት ለእያንዳንዳቸው ለእርቢ የሚሆኑ አንድ በግ ወይንም ፍየል ድጋፍ መደረጉንም ገልፀዋል።

ድጋፍ የተደረገላቸውንም ወገኖችም በሰጡት አስተያየትም በተደረገላቸው ድጋፍ እንደተደሰቱና በቀጣይም እራሳቸው እንዲችሉ የሚያነሳሳ በመሆኑ ድጋፍ ላደረገላቸዎም አካል ምስጋናቸውን አቅርበዋል ።

See less

በጉራጌ ዞን እዣ ወረዳ ገደብ ቀበሌ እየተገነባ የሚገኘው ሁሉም አቀፍ ጤና ኬላ አገልግሎት!!

በጉራጌ ዞን እዣ ወረዳ ገደብ ቀበሌ እየተገነባ የሚገኘው ሁሉም አቀፍ ጤና ኬላ አገልግሎት!!

ግንባታው በማህበረሰብና መንግስት ተሳትፎ እየተገነባ ሲሆን በአጭር ጊዜ ተጠናቆ አገልግሎት እንዲጀምር በፍጥነት እየተሰራ ይገኛል።

አጠቃላይ የግንባታ ሂደቱ የእዣ ወረዳ አስተባባሪ አካላት ፡ የወረዳው ጤና ጥበቃ ፅ/ቤት አመራሮች እንዲሁም የዞንና የወረዳ ጤና ማኔጅመንት አካላት ጎብኝተውታል!!

See less

የፍትህ ተቋማት ቅንጅታዊ አሰራራቸውን በማጠናከር የአገልግሎት አሰጣጥ ጥራትና ፍጥነታቸውን ይበልጥ ማሻሻል እንደሚገባ ተገለፀ።

የፍትህ ተቋማት ቅንጅታዊ አሰራራቸውን በማጠናከር የአገልግሎት አሰጣጥ ጥራትና ፍጥነታቸውን ይበልጥ ማሻሻል እንደሚገባ ተገለፀ።

ሰኔ 24/2018 ዓም

የእዣ ወረዳ የፍትህ ማሻሻያ አብይ ኮሚቴ ባለፉት ወራት በወረዳው ፍትህ ተቋማት የተከናወኑ ተግባራትን ገምግሟል።

የእዣ ወረዳ ዋና አስተዳዳሪና የኮሚቴው ሰብሳቢ አቶ ዘውዱ ዱላ እንዳሉት በወረዳ የፍትህ ተቋማት ተቀናጅተው በመስራት የህብረተሰቡ ተጠቃሚነት ይበልጥ ማረጋገጥ ይገባል ።

የፍትህ ተቋማት አገግሎታቸው ከሰብአዊ መብት መከበርና መጠበቅ ጋር ማቆራኘት ይገባቸዋል ያሉት ዋና አስተዳዳሪው የሚፈጸሙ ወንጀሎችን በጥራትና በብቃት አጣርቶ ወንጀለኞችን ለህግ በማቅረብ ከህብረተሰቡ ጋር በመቀናጀት መስራት እንደሚገባም ጠቁመዋል።

ከሌብነትና ብልሹ አሰራሮች ነፃ በመሆን የፍት ፡ ፖሊስና ፍርድ ቤቶች በመቀናጀት የፍትህ ትራንስፎርሜሽን እቅዶች ለማሳካት በትኩረት በመስራት ህብረተሰቡ በፍትህ ተቋማት ላይ ተገቢውን እምነት እንዲኖረው ማድረግ እንደሚገባም አቶ ዘውዱ ጨምረው ተናግረዋል።

በቀጣይም በዘርፉ ውጤታማ ስራ በመስራት ለህብረተሰቡ ቀልጣፋ አገልግሎት ለመስጠት ባለድርሻ አካላት በቅንጅት መስራት እንደሚጠበቅባቸው በግምገማ መድረኩ ተመላክቷል።

የሲቪል ምዝገባ እና የነዋሪነት አገልግሎት ኤጀንሲ ዜጎች ባሉበት ሆነው አገልግሎት ማግኘት የሚያስችላቸውን ዲጂታል ሥርዓት ሥራ አስጀመረ

የሲቪል ምዝገባ እና የነዋሪነት አገልግሎት ኤጀንሲ ዜጎች ባሉበት ሆነው አገልግሎት ማግኘት የሚያስችላቸውን ዲጂታል ሥርዓት ሥራ አስጀመረ

********************

የአዲስ አበባ ከተማ አስተዳደር የሲቪል ምዝገባና የነዋሪነት አገልግሎት ኤጀንሲ፣ ነዋሪዎች የሕዝብ አገልግሎቶችን ባሉበት ቦታ ሆነው ማግኘት የሚያስችላቸውን አዲስ የበይነ መረብ (ኦንላይን) አገልግሎት ሥርዓት በይፋ ሥራ አስጀምሯል።

በምክትል ከንቲባ ማዕረግ የአዲስ አበባ ከተማ ዋና ሥራ አስኪያጅ ኢንጂነር ወንድሙ ሴታ፣ አዲሱ ሥርዓት የራስን ችግር በራስ አቅም እና በቴክኖሎጂ ለመቅረፍ እየተሠሩ ላሉ ሀገራዊ ሥራዎች በተግባራዊ ማሳያነት የሚጠቀስ መሆኑን ገልጸዋል።

ይህ ዘመናዊ አሠራር ነዋሪዎች አገልግሎት ለማግኘት ወደ ተቋሙ በአካል መምጣት ሳያስፈልጋቸው፣ ባሉበት ቦታ ሆነው ፈጣን ምላሽ እንዲያገኙ ከማድረጉም ባሻገር፣ የራሳቸውን መረጃ በራሳቸው ማስተዳደር የሚችሉበትን ዕድል የሚፈጥር ነው።

የኤጀንሲው ዋና ዳይሬክተር አቶ ዮሴፍ ንጉሤ በበኩላቸው፣ ቴክኖሎጂው ዜጎች ቀልጣፋ እና ከብልሹ አሠራር የጸዳ አገልግሎት እንዲያገኙ የሚያግዝ መሆኑን ተናግረዋል።

አያይዘውም፣ ሥርዓቱ በተለይም የሐሰተኛ ሰነዶች ዝውውርን ሙሉ በሙሉ ለማስቀረት ትልቅ ሚና እንደሚኖረው አስረድተዋል።

በተጨማሪም ነዋሪዎች አገልግሎቱን በሚያገኙበት ጊዜ በግል መረጃዎቻቸው ላይ ስህተት ቢፈጠር፣ ካሉበት ቦታ ሆነው በራሳቸው ማስተካከል እንዲችሉ ሥርዓቱ ይፈቅዳል።

ይህም የተገልጋዮችን እንግልት በከፍተኛ ደረጃ በመቀነስ በተሻለ ምቾት አገልግሎት እንዲያገኙ ያደርጋል።

ደንበኞች ወደ Portal.aacrrsa.gov.et ድረ-ገጽ በመግባት አገልግሎቱን ማግኘት እንደሚችሉ የተገለጸ ሲሆን፣ እነዚህ እና መሰል የቴክኖሎጂ ውጤቶች እንደ ሀገር የተያዘውን “ዲጂታል ኢትዮጵያ” ራዕይ እውን ለማድረግ ከፍተኛ አስተዋጽኦ እንዳላቸው ተጠቁሟል።

በብሩክታዊት ተገኝ

“ሳይንስ ይመራናል ቴክኖሎጂ ያስቀድመናል”

በጉራጌ ዞን ለ5ኛ ጊዜ በተካሄደው የሳይስና ቴክኖሎጂ እንዲሁም የፈጠራ ስራ ውድድር ላይ የተሻለ ውጤት ላስመዘገቡ መዋቅሮችና ተወዳዳሪዎች እውቅናና ሽልማት ተሰጠ!!

ሰኔ 02/2018 ዓ.ም(ወልቂጤ)

“ሳይንስ ይመራናል ቴክኖሎጂ ያስቀድመናል” በሚል መሪ ቃል የጉራጌ ዞን ትምህርት መምሪያ ከዞኑ ሳይንስና ኢንፎርሜሽን ቴክኖሎጂ መምሪያና ከሌሎች ባለድርሻ አካካት ጋር በቅንጅት የተዘጋጀው የዞኑ 5ተኛው ዙር የሳይንስና ቴክኖጂ እንደዚሁም የፈጠራ ስራ ውድድ ተጠናቋል።

በውድድሩ ከ1ኛ እስከ 3ኛ ደረጃ የወጡ መዋቅሮች፣ተቋማትና የፈጠራ ባለቤቶች የዋንጫ፣ የሜዳሊያ የገንዘብና የእውቅና ሰርተፊኬት ሽልማት ተበርክቶላቸዋል።

በዚህ መሰረት በአጠቃላይ ከመዋቅሮች በሳይንስና ቴክኖሎጂ የፈጠራ ዉድድር

1ኛ.ወልቂጤ ከተማ አስተዳደር

2ኛ እዣ ወረዳ አስተዳደር

3ኛ እኖር ወረዳ በመሆን ከ1ኛ እስከ 3ኛ በመውጣት የዋንጫና የእውቅና ሰርተፊኬት አግኝቶዋል ።

በተመሳሳይ መልኩ በክፍል ደረጃቸው ተለይተው ከ7ኛ እና 8ኛ ፣ ከ9ኛ እና 10ኛ ፣ከ11ኛ እና 12ኛ ክፍል ለተወዳደሩ ተማሪዎች፣የአንደኛና የሁለተኛ ደረጃ መምህራን ፣ የግል ተወዳዳሪዎች ከ1ኛ እስከ 3ኛ ለወጡ የሜዳለያ ገንዘብና የእውቅና ሰርተፊኬት ሽልማት ተበርክቷል።

በተጨማሪም በፈጠራ ስራ ተሳታፊ ለሆኑ መዋቅሮችና ለፕሮግራሙ መሳካት ድጋፍና ትብብር ላደረጉ ተቋማት የእውቅና የምስጋና ሰርተፊኬት ተበርክቶላቸዋል።

የስነ-ምግባር ችግር ምክንያት በሚፈጠሩ አለመግባባቶች ከአገልግሎት አሰጣጥ ችግር አልፎ ለአደጋ መንስኤ መሆን እንደሌለባቸው ተገለፀ ።

የስነ-ምግባር ችግር ምክንያት በሚፈጠሩ አለመግባባቶች ከአገልግሎት አሰጣጥ ችግር አልፎ ለአደጋ መንስኤ መሆን እንደሌለባቸው ተገለፀ ።

ሰኔ 23/2018 ዓ.ም (አገና)

በእዣ ወረዳ እና አገና ከተማ መስተዳድር ለሚገኙ ባለ ሁለት ባለ ሶስት እና ባለ አራት እግር አሽከርካሪዎች የሙያ ብቃት እና የስነ ባህሪ ተሃድሶ ስልጠና ተሰጥቷል።

መድረኩ የመሩት የጉራጌ ዞን ትራንስፖርት እና መንገድ ልማት መምሪያ ምክትል ሀላፊ አቶ ግሩም ወ/ሰንበት የትራፊክ አደጋ በሰውና በንብረት ላይ እያስከተለው ያለው ህይወት መቅጠፍና ከፍተኛ የንብረት ውድመት ለመቀነስ አሽከርካሪዎች ያላቸው ከፍተኛ ሀላፊነት ተገንዝበው ዘወትር በጥንቃቄ ማሽከርከር እንደሚገባቸው ጥሪ አቅርበዋል።

አክለውም መንገድ ትራፊክ አደጋ እንደ ሀገር እያስከተለው ያለው የሰው ልጅ ህይወት መቅጠፍ ፡ ከፍተኛ የንብረት መውደምና አልፎም ተርፎም ቤተሰብ እስከመበተን ያለው ቀውስ ለመቀነስ ስነ-ምግባር ተላብሶና ህግን ጠንቅቆ በማወቅ ማሽከርከር እንደሚገባም ለሰልጣኞቹ አስገንዝበዋል።

የእዣ ወረዳ ትራንስፖርትና መንገድ ልማት ፅ/ቤት ሀላፊ አቶ ገዛኸኝ መልስ በበኩላቸው የትራንስፖርት አገልግልግሎት በአጠቃላይ የሀገራችን ኢኮኖሚያዊና ማህበራዊ እንቅስቃሴ እድገት ላይ ከፍተኛ ድርሻ እንደሚይዝ ገለፀው አሽከርካሪዎች የሚሸከሙት የሰው ነብሰ እንደመሆኑ መጠን እያንዳንዱ እንቅሰቃሴዎች በስነምግባር እና በጥንቃቄ የተሞላ መሆን እንዳለበት አሳስበዋል ።

ሃላፊው አክለውም የትራፊክ አደጋ በሰውና በንብረት ላይ እያስከተለው ያለው ህይወት ማሳጣትና ከፍተኛ የንብረት ውድመት ለመቀነስ አሽከርካሪዎች አሁን የተሰጣቸው ስልጠና በተግባር በማዋል በጥንቃቄ ማሽከርከር እንደሚገባቸው መልዕክት አስተላልፈዋል ።

የአገና ከተማ አስተዳደር የትራንስፖርት ዘርፍ ሀላፊ አቶ ሞገስ ንማኒ በኩላቸው የመንገድ ትራፊክ አደጋ መንስኤ ከከተማው ብሎም ከወረዳው የትራንስፖርት አገልግሎት ሰጪ አሽከርካሪዎች ስነ-ባህርይና ስነ-ምግባር አኳያ ስንመለከት አንዳንድ ጠንቃቃ እና ትሁት አሽከርካሪዎች እንዳሉ ሁሉ በተለይ በአንዳንድ የባለ 3እግር ባጃጅና አነስተኛ ተሽከርካሪ አሽከርካሪዎች የስነ-ምግባር ችግር ምክንያት በሚፈጠሩ አለመግባባቶች ከአገልግሎት አሰጣጥ ችግር አልፎ ለአደጋ መንስኤ ሲሆኑ ይታያልም ብለዋል ።

የማዕከላዊ ኢትዮጵያ ክልል ትራንስፖርትና መንገድ ልማት ቢሮ የመንገድ ትራፊክ ደህንነት ዳይሮክትሬት የትምህርት ስልጠና ግንዛቤ ማስጨበጫ ኤክስፐርት አቶ ክፍሌ አሼቦ የስልጠናው ሰነድ ባቀረቡበት ወቅት በአሽከርካሪዎች ከሚስተዋሉ የጥንቃቄ ችግሮችና ለመንገድ ትራፊክ አደጋ መንስኤ ከሆኑት መካከል ለአብነት ያለብቃት ማሽከርከር ፡ የተሽከርካሪ ደህንነት ሳያረጋግጡ ማሽከርከር ፡ ከተፈቀደ የፍጥነት ወሰን ማለፍ ፡ የመንገድ ትራፊክ ህጎች አለማክበር በዋናነት የሚጠቀሱ ናቸው ብለዋል ።

በስልጠናው ተሳታፊ አሽከርካሪዎችም ስልጠናው እጅግ አስፈላጊና ወቅታዊ በመሆኑ በሚያሽከረክሩበት ወቅትም የበለጠ እንዲጠነቀቁ የሚያደርግ እንደሆነም በአስተያየታቸው ተናግረዋል በመጨረሻም የስልጠናው ተሳታፊዎች ለተቸገሩ ወገኖቻች የሚውል የገንዘብ ድጋፍ በማድረግ ስልጠናው ተጠናቋል ሲል የዘገበው የእዣ ወረዳ መንግስት ኮሚኒኬሽን ነው ።

በጉራጌ ዞን እዣ ወረዳ ዳርቻና ዝግባቦቶ ከተማ መዘጋጃ ቤት በገጠር ኮሪደር ልማት ሞዴል የአርሶ አደሮች መንደር ግንባታ ቦታ ርክብክብ ተካሄደ ።

በጉራጌ ዞን እዣ ወረዳ ዳርቻና ዝግባቦቶ ከተማ መዘጋጃ ቤት በገጠር ኮሪደር ልማት ሞዴል የአርሶ አደሮች መንደር ግንባታ ቦታ ርክብክብ ተካሄደ ።

ሰኔ 14/2018 ዓም

የእዣ ወረዳ ረዳት የመንግስት ተጠሪ አቶ ኢብራሂም አወል በርክብክብ ስነስርዓቱ ወቅት እንዳሉት ሞዴል የአርሶ አደሮች የመኖሪያ መንደር ግንባታ ቦታ ርክብክብ በተካሄደበት ወቅት እንዳሉት መንግስት ከመቼውም ጊዜ በላቀ ሁኔታ የዜጎችን ፍትሃዊ ተጠቃሚነት የሚያረጋግጡ ስራዎችን እያከናወነ ይገኛል ።

የሚከናወኑ የገጠር ኮሪደር ልማት ስራዎች አስፈላጊው የመሰረተ ልማት እንዲሟላ ከማድረግ ባለፈ አርሶ አደሩ ዘመናዊና የተመቸ ኑሮ እንዲመራ ያስችላል ያሉት አቶ ኢይራሂም ሞዴል የአርሶ አደሮች መንደር ግንባታ አካባቢያዊ ሀብቶችን በመጠቀም እንደሚከናወንና የተከቡትንም አካል ለፕሮጀክቱ መሳካት የድርሻቸውን መወጣት እንዳለባቸውም መልዕክት አስተላልፈዋል።

የእዣ ወረዳ ከተማ ልማትና ኮንስትራክሽን ልማት ፅ/ቤት ሀላፊ አቶ ጌታቸው አየለ በበኩላቸው ለዚህም ግንባታ የወረዳው መንግስት በዳርቻና ዝግባቦቶ ከተማ ማዘጋጃ ቤት በነፃ ቦታ ያመቻቸ ሲሆን በዚህም እያንዳንዱ አርሶ አደር 500 ካሬ ሜትር ቦታ ላይ ያረፈ ዘመናዊ መኖሪያ ቤት ማእድ ቤት ፡ የእንሰሳት መጠለያ፣ ንፁህ ሽንት ቤትና ሻወር ይኖረዋል ብለዋል ።

አቶ ጌታቸው አያይዘውም በሚገነባው መኖሪያ ቤትም በግቢው ውስጥ የጓሮ አትክልትና የሌማት ትሩፋት ስራዎች ተካተውበት ዘመናዊ የእርሻና የኑሮ ስታንዳርድ ይፈጠራልብለዋል።

ቦታው የተረከቡ አካላትም በስታንዳርዱ መሰረት በአጭር ጊዜ እንደሚገነቡም ተስማምተዋል።