በጉራጌ ዞን እዣ ወረዳ በሚገኙ ምርጫ ጣቢያዎች የመራጮች ምዝገባ በከፍተኛ ንቅናቄ እየተካሄደ ነው

በጉራጌ ዞን እዣ ወረዳ በሚገኙ ምርጫ ጣቢያዎች የመራጮች ምዝገባ በከፍተኛ ንቅናቄ እየተካሄደ ነው

መጋቢት 12/2018 ዓ.ም

በወረዳው በሁሉም ቀበሌዎች በሚገኙ ምርጫ ጣቢያዎች የመራጮች ምዝገባ በከፍተኛ ንቅናቄ እየተካሄደ ነው።

ማህበረሰቡ “ድምፄን በካርዴ እመርጣለሁ፤ ተወካዮቼን በምርጫዬ” በሚል መርሀ ግብር የዴሞክራሲ መብቱን ለመጠቀም በንቃት እየተመዘገበ ይገኛል።

በየቀበሌው የተዘጋጁ የመራጮች ምዝገባ ጣቢያዎች ላይ ወጣቶችና ማህበረሰቡ በመሳተፍ ወደ ምዝገባ ጣቢያዎች በመምጣት የመራጭነት ካርዳቸውን ለመውሰድ እየተመዘገቡ ይገኛሉ።

ሰላማዊና ዴሞክራሲያዊ ምርጫ ማካሄድ ለዘላቂ ሰላም አንዱ የመፍትሄ አማራጭ በመሆኑ የህዝቡ ተሳትፎ ወሳኝ መሆኑንም ይታወቃል።

በምዝገባው ቦታ ያገኘናቸው አንዳንድ ነዋሪዎች እንዳሉት ድምፃቸው በሀገራዊ ምርጫ ውስጥ እንዲሰማ በመራጭነት መመዝገብ አስፈላጊ መሆኑን በመግለፅ ሌሎች ዜጎችም ይህን ዴሞክራሲያዊ ግዴታ እንዲፈጽሙ ጥሪ አቅርበዋል።

በኢትዮጵያ የዴሞክራሲ ስርዓት ግንባታ ላይ አሻራቸውን በማሳረፍ የዜግነት ግዴታቸውን ለመወጣት ዝግጁ መሆናቸውን ተናግረዋል።

ዜጎች አገር ወዳድነታቸውን በተግባር ከሚያሳዩባቸው መንገዶች አንዱ በምርጫ ንቁ ተሳታፊ በመሆን እንደሆነ በማንሳት ለዚህ ደግሞ ቅድሚያ የመራጭነት ካርድ መውሰድ ይገባል ነው ያሉት።

የምርጫ አስፈጻሚ ባለሙያዎችም የመራጮች ምዝገባ ሂደቱ በተደነገጉ የምርጫ ህጎችና መመሪያዎች መሰረት በሰላማዊ እና በተደራጀ መንገድ እየተካሄደ መሆኑንም ገልፀዋል።

አክለውም የምርጫ ጣቢያዎች ዝግጁ ሆነው እያስተናገዱ መሆናቸውና ተጠናክሮ መቀጠል እንዳለበትም ገልጸዋል።

ድምፅ መስጠት መብት ብቻ አይደለም የዜግነት ኃላፊነት እንጅ!

በጉራጌ ዞን እዣ ወረዳ ውስጥ የመራጮች ምዝገባ እየተካሄደ ይገኛል።

የወረዳው ነዋሪዎች ዲሞክራሲያዊ መብታቸውን ለመጠቀም ወደ መራጮች መመዝገቢያ ጣቢያ በመሄድ የመራጮች ካርድ እየወሰዱ ነው።

በጉራጌ ዞን እዣ ወረዳ ውስጥ በሚገኙ የምርጫ ጣቢያዎች፣7ኛውን ሀገራዊ ምርጫ በተሳካ ሁኔታ ለማካሄድ የመራጮች ምዝገባ እየተካሄደ ይገኛል።

የወረዳው ነዋሪዎች ዲሞክራሲያዊ መብታቸውን ለመጠቀም ወደ መራጮች መመዝገቢያ ጣቢያ በመሄድ የመራጮች ካርድ እየወሰዱ ነው።

በእዣ ወረዳ አገና ከተማ የ1447ኛው የኢድ አልፈጥር በዓል የኢድ ሶላት ሥነ-ሥርዓት በሰላም ተጠናቀቀ።

በእዣ ወረዳ አገና ከተማ የ1447ኛው የኢድ አልፈጥር በዓል የኢድ ሶላት ሥነ-ሥርዓት በሰላም ተጠናቀቀ።

​መጋቢት 11/2018 ዓ.ም

​የእዣ ወረዳ የእስልምና እምነት ተከታዮች ለአንድ ወር ያህል ሲፆሙት የቆዩትን የረመዳን ወር በማጠናቀቅ፣ 1447ኛውን የኢድ አልፈጥር በዓል በአገና ከተማ በታላቅ ድምቀት ተከብሯል።

የእዣ ወረዳ መጅሊስ ሰብሳቢ ሼህ ሀሰን ሸሪፍ በዓሉ የሰላም፣ የፍቅርና የአንድነት መገለጫ መሆኑንና በረመዳን ወር የታየው የመረዳዳትና የመተጋገዝ ባህል በበዓሉም ወቅት ተጠናክሮ እንዲቀጥልና አቅም የሌላቸውን ወገኖች በማሰብ እንዲከበር አጽንኦት ሰጥተው ተናግረዋል።

​በዛሬው ዕለት በእዣ ወረዳ አገና ከተማ ወጣቶች ማዕከል በማለዳው የተጀመረው የኢድ ሶላት ሥነ-ሥርዓት ላይ የእምነቱ አባቶች የእዣ ወረዳና አገና ከተማ የእስልምና እምነት ተከታዮች ተገኝተዋል።

ሞዴል የሴቶች ልማት ሕብረት

በህብረት መሥራት በመቻላቸው ለኢኮኖሚና ማህበራዊ ህይወታቸው ስኬት ቁልፍ ሚና እየተተጫወት እንደሚገኝ በእዣ ወረዳ መንጠር ቀበሌ በቃጫ ስራ ተሰማርተው የሚገኙ የቶትም ብራ ማህበር አባላት ገለፁ።

መጋቢት 5/2018 (ወልቂጤ)

ሞዴል የሴቶች ልማት ሕብረት እንዲበራከቱ በመደረጉ በወረዳው ኢኮኖሚያዊ ማህበራዊና ፖለቲካዊ ተጠቃሚነታቸው እያደገ ስለመምጣቱ የእዣ ወረዳ ሴቶችና ሕፃናት ፅ/ት ቤት አስታውቋል።

በወረዳው መንጠር ቀበሌ ቶትም ብራ የቃጫ ስራ ማህበር ውስጥ ተደራጅተው ከሚገኙ አባላት መካከል ወ/ሮ አለም ደረግ ፣አበበች ቲመርጋ እና አምሳለች ለጋ ይገኙበታል ተደራጅተው በህብረት መስራት ከጀመሩ ወዲህ በዘርፉ እውቀት እና ክህሎት በማዳበር ተጠቃሚ መሆን ችለናል ይላሉ።

ከማህበሩ አባላት ውስኖቹ አስቀድመው በአካባቢው የሚዘወተረው የጅባ እና መሠል የዕደጥበብ ስራ ላይ ተሰማርተው ይሰሩ እንደነበር ጠቁመው ዛሬ ላይ በህብረት በቃጫ ስራ ላይ በመሰማራት የተለያዩ የእጅ ስራ ውጤቶችን በማምረት የበለጠ ውጤታማ መሆን እንደቻሉ አስረድተዋል ።

በቶትም ብራ ማህበር ተደራጅተው ከሚሰሩ የቃጫ ስራ ውጤቶች መካከል የተለያዩ ቦርሳዎችና፣ ጌጣጌጦች ለተጠቃሚዎች እያቀርቡ መሆናቸውንም ተናግረዋል።

በዚህም ገንዘብ በመቆጠብ ኢኮኖሚያቸውን ከማሳደጉ ባሸገር በርካታ ተሞክሮ በመለዋወጥ ያገኙትን ልምድ ለተተኪው ትውልድ ልምዳቸውን እያካፈሉ እንደሚገኙም አውስተዋል።

ከዚህ የበለጠ ተጠቃሚ እንዳንሆን ምቹ የመሥሪያና የመሸጫ ቦታ በስራቸው ላይ እክል እየፈጠረባቸው እንደሚገኝም ገልጸዋል።

የእዣ ወረዳ ሴቶችና ህፃናት ፅሕፈት ቤት ሀላፊ ወ/ሮ አሰለፍች ክብሩ እንደገለፁት በወረዳው በ18ቱም ቀበሌያት ውስጥ የሚገኙ ሴቶች በልማት ሕብረት አደራጅቶ ወደ ስራ በማስገባት ተጠቃሚ እንዲሆኑ የተለያዩ ተግባራት እየተከናወኑ ይገኛል።

እንደወረዳ 4መቶ64 የልማት ሕብረት በማቋቋም በአካባቢ ፅዳት በኢኮኖሚና ማህበራዊ መሠል የህብረተሠቡ ወቅታዊና ቀጣይነት ያላቸው መሠረታዊ ጉዳዮች ላይ እንዲወያዩ ፣ አቅም እንዲፈጥሩም ስልጠና ከመስጠት ጀምሮ የድጋፍና ክትትል ስራዎች እየተሰሩ መሆናቸውን አስረድተዋል።

ከዚህ በፊት በተናጥል የነበራቸውን የእደጥበብ እውቀት እና ክህሎት በስልጠና በመደገፍ እንደ ቶትም ብራ የመሠሉ በርካታ ሞዴል የሴቶች ማህበራት ማፍራት መቻሉን ሃላፊዋ ጠቁመዋል።

ማህበራቱ በአቅም እንዲጎለብቱ ኤግዚቢሽኖች እንዲሳተፉ እና ልምድ እንዲወስዱ እየተደረገ መሆኑን አመላክተው ምቹ የመስሪያና መሸጫ ቦታ እንዲኖራቸው ለማድረግ ከባለድርሻ አካላት ጋር በቅንጅት እየተሰራ መሆኑን አመላክተዋል።

ተፈጥሮአዊ የሆኑ የቱሪስት መዳረሻ ስፍራዎች ለጎብኚዎች መቹ ማድረግ እንደሚገባ ተገለፀ።

ተፈጥሮአዊ የሆኑ የቱሪስት መዳረሻ ስፍራዎች ለጎብኚዎች መቹ ማድረግ እንደሚገባ ተገለፀ።

መጋቢት 7/2018 ዓ.ም ( አገና )

የእዣ ወረዳ ባህል-ቱሪዝም ጽ/ቤት እና የሶርገረፋ የሀገርህን እውቅ ክብብ ተማሪዎች የፎቅራ ፏፏቴ ጎበኙ።

የእዣ ወረዳ ባህል-ቱሪዝም ፅ/ቤት ሀላፊ አቶ በለጠ ሳህሌ እዣ ወረዳ የበርካታ ታሪካዊና ተፈጥሮአዊ የሆኑ የቱሪስት መዳረሻ ስፍራዎች ባለቤት መሆኗን ገልፀው እንደ ወረዳው በተለያዩ መንገዶች የማስተዋወቅና ለጉብኝት መቹ የማድረግ ስራ እየተሰራ ይገኛል ብለዋል።

አክለውም እንደ ሀገር ከፍተኛ ትኩረት ከተሰጣቸው ጉዳዮች አንዱ የሆነው የቱሪዝም ዘርፉ መሆኑ ገልፀው ተማሪዎች ይህን አውቃችሁ የተፈጥሮ ቅርሶቻቹ መጠበቅ እና ማወቅ እንዳለባቸው አሳስበዋል።

እንደ ወረዳው ያሉን ምቹ ሁኔታዎች በመጠቀም የቱሪስት መዳረሻ ስፍራዎችን በማልማትእና የአገልግሎት ሰጪ ተቋማት ደረጃቸውን በማሳደግ በዘርፉ የሚፈለገውን ውጤት እንዲመዘገብ በትኩረት መስራት ይገባልም ብለዋል።

የት/ቤቱ የሀገርህን እውቅ ክበብ አስተባባሪ መምህር እንዳለ እንደገለፁት ተማሪዎች አካባቢያቸው ያሉ የተፈጥሮ ቅርሶች ማወቅ እንዳለባቸው ገልፀው

በዚህም ተማሪዎች እቅድ በማውጣት በወረዳው ያሉ የተለያዩ የተፈጥሮ እና ሰው ሰራሽ ቅርሶቻችን ማውቅ እና ለቀጣይ ትውልድ በመንከባከብ ማስቀጠል እንዳለብን አሳስበዋል ።

ፎቅራ ፏፏቴ የሚገኘው በጉራጌ ዞን እዣ ወረዳ ዋሳማር ቀበሌ ሲሆን ከዞኑ ዋና ከተማ ወልቂጤ በ45 ኪ.ሜ እና ከወረዳችን ዋና ከተማ አገና በ3 ኪ.ሚ ርቀት ላይ ይገኛል።

ፏፏቴው በስተምስራቅ አቅጣጫ ከዋናው አስፋልት መንገድ ትንሽ ገባ ብሎ ያገኙታል። ፏፏቴው ቁመቱ 35 ሜትር እና ጎኑ ደግሞ እስከ 12 ሜትር ቦታ ይሸፍናል። ቦታው ከመሰህብነቱ በመተጨማሪ መስህብ የሚያስብለው ጋራና ሸንተረሩ የጎበኞች ቀልብ ይሰባሉ ቦታው የተለያዩ ዝርያዎች እና የዱር እንስሳቶችም ይገኙበታል።

ከፊታችን ያሉት መጪዎቹን በዓላቶች ስናከብር የተቸገሩ ወገኖቻችንንና አቅመ ደካሞች በመርዳት መሆን እንዳለበት ተገለጸ።

ከፊታችን ያሉት መጪዎቹን በዓላቶች ስናከብር የተቸገሩ ወገኖቻችንንና አቅመ ደካሞች በመርዳት መሆን እንዳለበት ተገለጸ።

መጋቢት 07/2018 ዓ.ም (አገና)

በእዣ ወረዳ መንግስት ተቋማት በሚሰበሰበው የ1% ገንዘብ በማቀናጀት የእዣ ወረዳ ሰራተኛና ማህበራዊ ጉጉዳዮች ጽ/ቤት ለአቅመ ደካሞች የምግብ ድጋፍ አደረገ።

የእዣ ወረዳ ሰራተኛና ማህበራዊ ጉዳዮች ጽ/ቤት ሀላፊ ወ/ሮ ትግስት መንግስቴ እንዳሉት መረዳዳት ፈጣሪ የሚወደው መልካም ተግባር መሆኑንና በየጊዜው የተቸገሩ ወገኖችን በመርዳት ከማህበረሰቡ ጎን መሆን እንደሚገባ ገልፀው

የተቸገሩ ወገኖች እንዲታገዙ ለማድረግ የመንግስት ተቋማቶች ከማህበረሰቡ ጋር በቅንጅት እየሰሩ እንዳለና ይህም ተግባር ተጠናክሮ ሊጠቀጥልና በቅንጅት መስራት እንደሚያስፈልግ አሳስበው ተቋማቸውም ይህንን መሰል ተግባር አጠናክሮ እንደሚቀጥል ገልጸዋል።

አክለውም መጪዎቹን በዓላቶች ስናከበር በመተጋገዝና ከተቸገሩ ወገኖችን ጋር በጋራ በመሆን ማሳለፍ እንደሚገባ መልእክታቸውን አስተላልፈዋል።

ድጋፍ የተደረገላቸው የማህበረሰብ ክፍሎች በሰጡት አስተያየት በተደረገላቸው ድጋፍ መደሰታቸውን ገልጸው ይህን ላደረጉ አካላት ምስጋናቸውን አቅርበዋል ሲል የዘገበው የእዣ ወረዳ መንግስት ኮሙኒኬሽን ጉዳዮች ጽህፈት ቤት ነው

በ2017/18 ዓም በክረምት እና በበጋ ወራት በጎ ፈቃድ አገልግሎት 58 አዳዲስ ቤቶች

በ2017/18 ዓም በክረምት እና በበጋ ወራት በጎ ፈቃድ አገልግሎት 58 አዳዲስ ቤቶች ግንባታና 54 ቤት የመጠገን ስራዎች መሰራታቸውን በጉራጌ ዞን የእዣ ወረዳ ወጣቶችና ስፖርት ፅ/ቤት አስታወቀ ።

መጋቢት 5/2018

በዚህ በጎ ፈቃድ አገልግሎት እንደ ወረዳው በአጠቃላይ በ17 የስራ መስኮች 59.5 ሚሊየን ብር ሀብት አስተዋፅኦ መደረጉንም ተጠቁሟል።

የእዣ ወረዳ የመንግስት ዋና ተጠሪና የበጎ ፈቃድ አገልግሎት ግብረሀይል ሰብሳቢ አቶ ተሾመ ስራኒ እንዳሉት የጉራጌ ማህበረሰብ ከቀድሞ ጀምሮ የመዳዳት እሴትና ባህል አዳብሮ የመጣ ሲሆን በወአዳው የሚገኙ ወጣቶችም በዚህ ረገድ በበጎ ፈቃድ አገልግሎት በመሰማራት በርካታ ተግባራቶች ማከናወናቸውና እያከናወኑ ይገኛሉ ።

የበጎ ፈቃድ አገልግሎት ወጣቶች እውቀታቸው ጊዜአቸውና ገንዘባቸውን በተለያየ መልኩ ድጋፍ ለሚሹ ወገኖችን አስተዋፅኦ የሚያደርጉበት ነው ያሉት ዋና የመንግስት ተጠሪው በዚህ ዘርፍ በየቀበሌው ድጋፍ የሚያስፈልጋቸው የህብረተሰብ ክፍሎች በመለየትና ከወጣቱ ጋር መግባባት በመፍጠር በተከናወኑት ስራ ስራ በርካታ የማህበረሰብ ክፍሎች ተጠቃሚ መሆናቸውም ገልፀዋል።

ይህ ተግባር ውጤታማ እንዲሆን እየተከናወኑ የሚገኙ ተግባራቶች በየጊዜው በመገምገምና ጠንካራ ስራዎች ይበልጥ በማጠናከር ጉለቶች ሲኖሩ በፍጥነት እንዲታረሙ በማድረግ ኮሚቴው ከሚመለከታቸው ተቋማት ጋር በቅንጅት እየሰራ መሆኑን የገለፁት አቶ ተሾመ በሂደቱም ሰው ተኮር የሆኑ ተጨባጭ ማህበረሰቡን ተጠቃሚ ያደረጉ ጠንካራ ስራዎች መሰራታቸውንና በቀጣይም ተጠናክሮ መቀጠል አለበት ብለዋል።

የእዣ ወረዳ ወጣቶችና ስፖርት ፅ/ቤት ሀላፊ አቶ ፍቅሬ ነሪ እንደገለፁት በወረዳው የሚገኙ ወጣቶች በየቀበሌአቸው በማህበርና ፌዴሬሽን አደረጃጀቶችን በማጠናከርና የወጣቱ የስብዕና ግንባታ ስራዎች በመስራት ወጣቱ ሰራ ፈጣሪ ሆነው እራሳቸው ችለው ተጠቃሚ ከመሆናቸውም ባሻገር በክረምት እና በጋ በጎ ፈቃድ አገልግሎት ማህበረሰቡ በተለያዩ አገልግሎቶች እየሰጡ ይገኛሉ ብለዋል።

ሀላፊው አክለውም ወጣቱ ከሱስና ካልባሌ ቦታዎች እንዲርቅ በቂ ግንዛቤ ተፈጥሮለት በየአካባቢው የኢኮኖሚ አቅማቸው ዝቅተኛ የሆኑ የማህበረሰብ ክፍሎች አዳዲስ ቤት በመገንባትና በመጠገን ፡ እርሻ በማረስና በሌሎችም አርዕያነት ያላቸው ተግባራቶች ተሰማርተው ሰፊ ስራ እየሰራ ይገኛል ።

ይህ ተግባር እንደ ወረዳው በአብይና ቴክኒክ ኮሜቴ እየተገመገመ የሚመራ ሲሆን ይህም ጠንካራና ውጤታማ ስራ ለመስራት ማስቻሉንም የተናገሩት አቶ ፍቅሬ በየቀበሌው ወጣቱ በራስ ተነሳሽነትም ጭምር እያደረገው ያለው ማህበረሰቡ ተጠቃሚ የማድረግ ስራ ምስጋና የሚገባው ሲሆን ይህም በላቀ ደረጃ ማስቀጠል እንዳለባቸውም መልዕክት አስተላልፈዋል።

የፅ/ቤቱ ምክትልና የወጣት ማብቃት ዘርፍ ሀላፊ አቶ ጌታቸው ታበዞ በበኩላቸው በወረዳው እንደ አጠቃላይ በበጋና ክረምት ወራት በጎ ፈቃድ አገልግሎት 17 የስራ መስኮች ላይ ችግርተኞችን በመለየት 58 አዲስ ቤት 54 እድሳት ስራ መከናወኑ ጠቁመው ይህም ወጣቱ ጨምሮ የወረዳው መንግስት ፡ ባለሀብትና ሌሎችም አካላት በማስተባበር የተከናወኑ መሆናቸውም ገልፀዋል።

ሌላ ከግብርና አንፃር ለአቅመ ደካማ ቤተሰቦች መሬታቸው 80.5 ሄክታር ከማረስ በተጨማሪ ምርጥ ዘር ብሎም ማዳበሪያ ጭምር ድጋፍ የማድረግ ስራ ማከናወን ተችሏል ያሉት ም/ ሀላፊው ከዚህ በተጨማሪ የሰብል አሰባሰብ ስራ ፡ በጤናው ዘርፍ ፡ በትምህርት ፡ በመሰረት ልማት ስራዎችና ፡ የዘማች ቤተሰብ ድጋፍና ሌሎችም ስራዎች መሰራታቸውንም አብራርተዋል።

በአጠቃላይ በ17 የስራ መስኮች 59.5 ሚሊየን ብር ሀብት አስተዋፅኦ መደረጉንም የገለፁት አቶ ጌታቸው ይህም ተጠናክሮ የሚቀጥል ሲሆን ወጣቱ በየአካባቢው ሰለቸኝ ሳይል ለማህበረሰቡ በተለያየ መልኩ እያደረገው ያለው ድጋፍ ምስጋናቸውን አቅርበዋል።

ያነጋገርናቸው በበጎ ፈቃድ ተሳታፊ ወጣቶች በበኩላቸው የበጎ ፈቃድ ስራ መስራት ከሰብአዊነት ባሻገር ለህሊና እርካ ጭምር በመሆኑ ያለማንም አስገዳጅነት ከወረዳው መንግስት ጋር በመቀናጀት በርካታ ስራዎች መስራታቸውን ጠቁመው ይም በቀጣይ በላቀ ደረጃ በማስቀጠል የማህበረሰቡ ችግር በተቻላቸው አቅም ለመፍታት ዝግጁ መሆናቸውን ገልፀዋል።

በበጎ ፈቃድ አገልግሎት ቤት የተሰራላቸው የማህበረሰብ ክፍሎችም በሰጡት አስተያየት ለዘመናት በአቅም ችግር ምክንያት ቤታቸው በመጉዳቱ እንደሚያፈስባቸውና አንዳንዶቹ ሙሉ በሙሉ በመፍረሱ ከጎረቤት ተጠግተው እየኖሩ እንደነበር አስታውሰው በአሁን ሰዓት ግን የአካባቢው ወጣቶች ከወረዳው መንግስት ጋር በመቀናጀት የቤት ባለቤት በመሆናቸው ምስጋናቸውን አቅርበዋል ሲል የዘገበው የእዣ ወረዳ መንግስት ኮሚኒኬሽን ጉዳዮግ ፅ/ቤት ነው ።

ለ7ኛው ጠቅላላ ምርጫ እስካሁን ከ9 ሚሊዮን በላይ መራጮች ተመዝግበዋል

ለ7ኛው ጠቅላላ ምርጫ እስካሁን ከ9 ሚሊዮን በላይ መራጮች ተመዝግበዋል

ለ7ኛው ጠቅላላ ምርጫ እስካሁን ከ9 ሚሊዮን 36 ሺህ በላይ መራጮች መመዝገባቸውን የኢትዮጵያ ብሔራዊ ምርጫ ቦርድ አስታወቀ።

ቦርዱ በ2018 ዓ.ም ለሚያከናውነው ጠቅላላ ምርጫ የመራጮች ምዝገባ የካቲት 28 ቀን 2018 ዓ.ም መጀመሩ ይታወሳል።

መራጮች በምርጫ ጣቢያዎች በአካል በመቅረብ እንዲሁም “ምርጫዬ” በተሰኘው ዘመናዊ መተግበሪያ አማካኝነት ምዝገባቸውን እያከናወኑ ይገኛሉ።

የኢትዮጵያ ብሔራዊ ምርጫ ቦርድ ሰብሳቢ ሜላትወርቅ ኃይሉ ዛሬ ለጋዜጠኞች በሰጡት መግለጫ እንዳመለከቱት፤ በሀገር አቀፍ ደረጃ ከተቋቋሙት 52 ሺህ 773 የምርጫ ጣቢያዎች መካከል በ46 ሺህ 757ቱ ላይ የመራጮች መመዝገቢያ ቁሳቁሶች በወቅቱ ደርሰው ምዝገባው በስኬት እየተካሄደ ነው።

በቀሪዎቹ የምርጫ ክልሎች በተለያዩ ምክንያቶች ምዝገባው የዘገየ ቢሆንም፤ ቁሳቁሶቹ በደረሱባቸው አካባቢዎች ሁሉ ሂደቱ መጀመሩን ሰብሳቢዋ ገልጸዋል።

በከተሞች የተከናወኑ ስራዎችን ይበልጥ በጥራት እና በመጠን በማስፋት የህብረተሰቡን ተጠቃሚነት ለማረጋገጥ በቅንጅት መስራት እንደሚገባ ተገለፀ።

በከተሞች የተከናወኑ ስራዎችን ይበልጥ በጥራት እና በመጠን በማስፋት የህብረተሰቡን ተጠቃሚነት ለማረጋገጥ በቅንጅት መስራት እንደሚገባ ተገለፀ።

መጋቢት 3/2018 ዓም

የእዣ ወረዳ ከተማ ልማትና ኮንስራክሽን ፅ/ቤት የ2018 በጀት ዓመት 8ወር እቅድ አፈፃፀም ከባለድርሻ አካላት ገምግሟል።

በእለቱም የእዣ ወረዳ ከተማ ልማትና ኮንስትራክሽን ፅ/ቤት ሀላፊ አቶ ጌታቸው አየለ እንዳሉት ከተሞች ውብ ፡ ምቹና ለነዋሪዎች ፅዱና ሳቢ እንዲሆኑ ማህበረሰቡ ባለቤት በማድረግ በትኩረት እየሰራ ይገኛል ።

በከተሞች የተከናወኑ ተግባራት ስራዎችን ይበልጥ በጥራት እና በመጠን በማስፋት የህብረተሰቡን ተጠቃሚነት ለማረጋገጥ በቅንጅት መስራት እንደሚገባ ሀላፊው ጨምረው ተናግረዋል።

በአጠቃላይ በማዘጋጃ ከተሞችና በጥንስስ ከተሞች በማህበረሰብ ተሳትፎና በመንግስት ካፒታል በጀት የከተማ ነዋሪዎች የመልካም አስተዳደር ችግር የነበሩ የመሰረተ ልማት ግንባታ ስራ አጠናክሮ በማስቀጠል ከተሞች ለነዋሪዎች ተስማሚና ምቹ ማድረግ ያስፈልጋል ብለዋል።

በእለቱም በፅ/ቤቱ ምክትልና የማስፈፀም ዘርፍ ሀላፊ አቶ ኑራዲስ ነስሩ እንዲሁም የፅ/ቤቱ ም/ሀላፊና የመሬት ልማት ዘርፍ ሀላፊ አቶ አንዳምላክ እንዳላ በኩል የ8 ወራት እቅድ አፈፃፀም ቀርቦ ሰፊ ውይይት ተደርጎባቸዋል።

እንደ ወረዳው በ2018 በጀት ዓም በእስካሁን ሂደት ለተደራጁ ማህበራት መሬት 1.1192 ሄክታር መዘጋጀቱ ፡ ለአገልግሎት ተቋማት የሚውል መሬት 1.8786 ሄ/ር የተዘጋጀ ሲሆን ለንግድ ኢንቨስትመንት የሚውል መሬት 2.4926ሄ/ር ለማዘጋጀት መቻሉንም በሪፖርቱ ተመላክቷል።

ቤት ለሚገነቡ ማህበራት 1.13ሄ/ር መሬት ለማስተላለፍ የተቻለ ሲሆን ለአገልግሎት ሰጪ ተቋማት የሚውል 1.895ሄ/ር መተላለፉንምን ፡ 96 ለአዲስና ነባር የይዞታ ማረጋገጫ መሰጠተን ፡ ህብረተሰቡን በማሳተፍ ለመሰረተ-ልማት ግንባታዎች ሀብት ማሰባሰብ 2,449,900 መከናወኑንም በሪፖርቱ ተገልፆአል ።

አዲስ ጠጠር መንገድ ግንባታ 6.6 ኪ.ሜ የተከናወነ ሲሆን አዲስ መንገድ ከፈታና ጠረጋ 8 ኪ/ሜ መከናወኑንና ሌሎችም አበረታች ሥራዎችን መሰራታቸው ተብራርቷል።

የመድረኩ ተሳታፊዎች እንዳሉት በማዘጋጃ ከተሞች በባለፉት 8 ወራት በሁሉም ዘርፍ የተከናወኑ አበረታች ተግባራት በማጠናከር ውስንነቶችን ከማዘጋጃ የውስጥ ገቢ ከሊዝ ውዝፍ፣ አመታዊ ክፍያ ፣የመሰረተ ልማት ስራዎች ቁጥጥር የነዋሪ አደረጃጀት ለማረም በቀጣይ እንደሚሰሩ ተናግረዋል።

እዣ ወረዳ የምግብና ስርዓተ ምግብ ምክር ቤት በሰቆጣ ዲክላሬሽን ዙሪያ ከክልሉ ፕሬዝዳንት ፅ/ቤት ከመጡ ተወካዮች ጋር ውይይት ተካሄደ።

እዣ ወረዳ የምግብና ስርዓተ ምግብ ምክር ቤት በሰቆጣ ዲክላሬሽን ዙሪያ ከክልሉ ፕሬዝዳንት ፅ/ቤት ከመጡ ተወካዮች ጋር ውይይት ተካሄደ።

​መጋቢት 2/2018 ዓ.ም (አገና)

በማዕከላዊ ኢትዮጵያ ክልል የጉራጌ ዞን እዣ ወረዳ የምግብና ሥርዓተ ምግብ ምክር ቤት፣ ከክልሉ ፕሬዚዳንት ጽሕፈት ቤት ከመጡ አካላት ጋር በሰቆጣ ዲክላሬሽን ዕቅድ ዝግጅትና በሴክተር መሥሪያ ቤቶች ሚና ላይ ያተኮረ የምክክር መድረክ አካሄደ።

​በውይይቱ ላይ የተገኙት በማዕከላዊ ኢትዮጵያ ክልል ርዕሰ መስተዳድር ፅ/ቤት የምግብ ስርዓትና ስርአተ ምግብ አማካሪ አቶ ገመቹ ቁፋ እንደገለጹት፤ የሰቆጣ ዲክላሬሽን ዋነኛ ዓላማ የሆነውን “የሕፃናት መቀንጨርን እስከ 2030 (እ.ኤ.አ) ወደ ዜሮ ማውረድ” ዕውን ለማድረግ የወረዳዎች ሚና ወሳኝ መሆኑን ጠቁመዋል። በተለይም የተቀናጀ የሥርዓተ ምግብ ዕቅድ ማዘጋጀትና የሀብት አጠቃቀምን ውጤታማ ማድረግ ላይ ትኩረት ሊሰጥ እንደሚገባ አሳስበዋል።

​የእዣ ወረዳ ዋና አስተዳዳሪ አቶ ዘውዱ ዱላ በበኩላቸው፣ መርሃ ግብሩን ውጤታማ ለማድረግ እየተከናወኑ ያሉ ተግባራት ተጠናክረው እንደሚቀጥሉ ገልፀው ወረዳው ለፕሮግራሙ መሳካት ካለው ቁርጠኝነት መነሻ በበጀት አመቱ መጀመሪያ ለፕሮግራሙ ማቺንግ ፈንድ ማስፀደቁን አስታውቀዋል።

የሰቆጣ ዲክላሬሽን ስምምነትን መሠረት ያደረገ፣ በየሴክተሩ የተከፋፈለና ግልጽ ግብ የተቀመጠለት ዕቅድ መሠረት የሚከናወን መሆኑን የገለፁት ዋና አስተዳዳሪው ችግሩ በጤና ዘርፍ ጥረት ብቻ የማይፈታ በመሆኑ፤ የግብርና፣ የውሃ፣ የትምህርትና የሴቶችና ሕፃናት ዘርፎች ያላቸውን ቅንጅታዊ አሠራር ማጠናከር እንደሚገባቸው አሳስበዋል።

​የመረጃ ልውውጥን በማቀላጠፍና ሪፖርቶችን በትክክል በማጠናቀር ረገድ ትኩረት ሰጥቶ መስራት እንደሚገባ በመድረኩ የተገለፀ ሲሆን በቀጣይ የሕፃናትን ጤናና የአመጋገብ ሥርዓት ለማሻሻል በቁርጠኝነት እንደሚሠራም አረጋግጠዋል።

​ በመድረኩ በወረዳው የሚገኙ የተለያዩ መሥሪያ ቤቶች ኃላፊዎችና የሚመለከታቸው ባለድርሻ አካላት ተሳታፊዎች ሆነዋል ሲል የዘገበው የእዣ ወረዳ መንግስት ኮሙኒኬሽን ጉዳዮች ፅ/ቤት ነው።