የብልጽግና ፓርቲ በ2018 ጠቅላላ ምርጫ እዣ ቁ 1 የምርጫ ክልል እጩ ተወዳዳሪዎች ይፋ አደረገ

የብልጽግና ፓርቲ በ2018 ጠቅላላ ምርጫ እዣ ቁ 1 የምርጫ ክልል እጩ ተወዳዳሪዎች ይፋ አደረገ

​መጋቢት 1/2018 ዓ.ም (አገና)

የብልጽግና ፓርቲ በ2018 ዓ.ም በሚካሄደው ሰባተኛው ጠቅላላ ምርጫ በእዣ ቁ 1 ምርጫ ክልል ፓርቲውን ወክለው ለፓርላማ እና ክልል ምክር ቤት የሚወዳደሩ እጩዎቹን በይፋ አስተዋውቋል።

​ፓርቲው እጩዎቹን የመረጠው በህዝብ ዘንድ ያላቸውን ተቀባይነት፣ የትምህርት ዝግጅት፣ የስራ ልምድ እና የፓርቲውን ራዕይ ለማስፈጸም ያላቸውን ቁርጠኝነት መሰረት በማድረግ መሆኑን ገልጿል።

“ኢትዮጵያ ወደ ተምሳሌት ሀገር” የሚል መሪ ቃል እና “የስንዴ ነዶን” የመወዳደሪያ ምልክት አድርጎ ወደምርጫ መግባቱን የገለፀው ፓርቲው የሀገር ጥቅምን ባስቀደመ መልኩ የሰላምና አንድነት፣ የልማት ፣ የሁለቱ ውሃዎች ፣ የዲሞክራሲ ግንባታ ጉዳዮች የምርጫ ቅስቀሳ የትኩረት ነጥቦች እንደሚሆኑም ተመልክቷል።

​በዕጩዎች ይፋ መደረግ መርሃ-ግብር ላይ እንደተገለጸው፣ ፓርቲው በምርጫው አሸናፊ ሆኖ ለመውጣት የሚያስችለውን የምርጫ ማኒፌስቶ እና ስትራቴጂ ቀርጾ ወደ ስራ መግባቱን አመልክቷል።

በመድረኩ የጉራጌ ዞን ባህል ቱሪዝም መምሪያ ሃላፊ ወ/ሮ መሰረት አመርጋን ጨምሮ የእዣ ወረዳ እና የአገና ከተማ አስተዳደር አስተባባሪና ጠቅላላ አመራሮች ተሳታፊ ሆነዋል ሲል የዘገበው የእዣ ወረዳ የመንግስት ኮሙኒኬሽን ጉዳዮች ፅ/ቤት ነው።

በተቋቋመው የህብረት ስራ ማህበር በብዙ መልኩ ተጠቃሚ መሆናቸው የ “ሶጃት” የእዣ ወረዳ የመንግስት ሰራተኞች ህብረት ስራ ማህበር አባላት ተናገሩ ።

በተቋቋመው የህብረት ስራ ማህበር በብዙ መልኩ ተጠቃሚ መሆናቸው የ “ሶጃት” የእዣ ወረዳ የመንግስት ሰራተኞች ህብረት ስራ ማህበር አባላት ተናገሩ ።

መጋቢት 1/2018 ዓም

ማህበሩ ተመስርቶ አገልግሎት መስጠት ከጀመረበትበ አጭር ጊዜያቶች ውስጥ ጥሩ የሆነ እንቅስቃሴ እያሳየ መሆኑንም ተጠቁሟል።

አንዳንድ አስተያየታቸው የሰጡን የማህበሩ አባላት ማህበርሩ መቋቋሙ ለመንግስት ሰራተኛው ትልቅ አቅም የሚፈጥር መሆኑን በመገንዘብ ከወረዳው መንግስት ጋር በመቀናጀት በጉባኤ መመስሩቱን ጠቁመዋል ።

ባቋቋሙት የህብረት ስራ ማህበር በብዙ መልኩ ተጠቃሚ መሆናቸው ጨምረው የገለፁት አስተያየት ሰጪዎቹ በተለይም የፍጆታ እቃዎች ከሌላ ቦታ ቅናሽ ባለው ሁኔታና በተረጋጋ መልኩ ተጠቃሚ መሆናቸውንም ገልፀዋል።

ይህ ማህበር በዚህ ልክ ወደ ስራ እንዲገባ የወረዳው ንግድና ገበያ ልማት ፅ/ቤት እና የወረዳው መንግስት ትልቅ እገዛ ማድረጉን የሚመሰገን ነው ያሉት ተጠቃሚዎቹ ማህበሩ ትልቅና አቅም እንዲፈጥር እና ሞዴል በመሆን ለሌሎች ተሞክሮም ጭምር እንዲሆን የድርሻቸው እንደሚወጡም ተናግረዋል።

የእዣ ወረዳ ንግድና ገበያ ልማት ፅ/ቤት ሀላፊ አቶ ይድነቃቸው ሙሉጌታ ህብረት ስራ ማህበራት ለኢኮኖሚያዊና ማህበራዊ እድገት ያላቸው ፋይዳ ከፍተኛ መሆኑን በመገንዘብ እንደ ወረዳው በቦዠባር ከተማ ነዋሪዎች ያቋቋሙት ማህበር እና የ”ሶጃት” የእዣ ወረዳ የመንግስት ሰራተኞች ማህበር የኑሮ ውድነት ለማረጋጋት ትልቅ ስራ እየሰሩ ይገኛሉ ብለዋል።

በተለይም በአገና ከተማ የሚገኘው “ሶጃት” የመንግሰት ስራተኞች ማህበርም ማህበሩ የጠነከረ እንዲሆን የከተማ መስተዳደሩ እና የወረዳው መንግስት ከመጀመሪያው አንስቶ በተለያየ መልኩ ድጋፍ ማድረጋቸውንም ሀላፊው ጨምረው ተናግረዋል።

ማህበሩ ከመቋቋሙ አስቀድሞ እንደ ወረዳው መንግስት አስፈላጊውን ውይይት ተደርጎና መግባባት ላይ ተደርሶ በጉባኤ መመስረቱን ጨምረው የገለፁት አቶ ይድነቃቸው በአሁን ሰዓትም 11 ኮሚቴዎችና 526 አባላትም እንዳሉት ጠቁመዋል ።

ማህበሩ ሲመሰረት ከእያንዳንዱ አባላት 1200 ብር እንዲሁም 500 ሺህ ብር የወረዳው መንግስት ድጋፍ በማድረግ በድምሩ 1.2ሚሊየን ብር መነሻ ካፒታል በመያዝና ስራ በመጀመር ለአባላቱ ከሌላ ቦታ ከ10% – 15% ቅናሽ የተለያዩ መሰረታዊ የፍጆታ እቃዎች በማቅረብ ላይ እንደሚገኝም ተናግረዋል።

ማህበሩ የመንግሰት ሰራተኞች በዋጋ ንረት ምክንያት የሚደርስባቸው ኢኮኖሚያዊ ጫና በመቋቋም የኑሮ ደረጃቸው ለማሻሻል ከፍተኛ አስተዋጽኦ እያበረከተ ይገኛል ያሉት ሀላፊው በቀጣይም የማህበሩ አቅም በማሳደግ ለሌሎች መሰረታዊ ሸማቾች ህብረት ስራ ማህበራት ምሳሌ እንዲሆን በትኩረት ይሰራል ብለዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።

የአገና ፖሊ ቴክኒክ ኮሌጅ ከወረቀት ንክኪ ነፃ የሆነ አገልግሎት መስጠት የሚያስችለውን አሰራር ይፋ አደረገ።

የአገና ፖሊ ቴክኒክ ኮሌጅ ከወረቀት ንክኪ ነፃ የሆነ አገልግሎት መስጠት የሚያስችለውን አሰራር ይፋ አደረገ።

30/06/2018 ዓ.ም አገና//

በዛሬው ዕለት የአገና ፖሊቴክኒክ ኮሌጅ ከማ/ኢ/ክ ቴክኒክና ሙያ ትምህርት ሥልጠና ቢሮ እንዲሁም ከኢትዮ ቴሌኮም ጋር በመተባበር የተቋሙን የስልጠና ሂደት እና የአስተዳደራዊ ስራዎች ከወረቀት ንክክኪ ነፃ የሚያደርግ ቴክኖሎጂ አስተዋውቋል።

ይህ ቴክኖሎጂ የሃብት እና የሰው ሀይል ብክነትን በመቀነስ የአገልግሎት አሰጣጥ ጥራትና ፍጥነት በመጨመር ለክህሎት ልማቱ ዉጤታማነት ያለው ሚና ከፍ ያለ እንደሆነ የታመነበት ነው።

የተማሪዎች ምዝገባን ጨምሮ ፈተና ማረም እንዲሁም የተማሪዎች ውጤት ሪፖርት ማድረግ የተቋሙን መማሪያ መፅሐፍት (ቤተ መፅሐፍት) በቀላሉ በስልክና በኮምፒውተር ማስጠቀም እንዲሁም ተመራቂ ተማሪዎች ባሉበት ሆነው ሰርትፊኬታቸውን በተንቀሳቃሽ ስልካቸው እንዲደርሳቸው ማስቻል ቴክኖሎጂው ከሚሰጣቸው አገልግሎቶች መካከል ይገኙበታል።

የማ/ኢ/ክ ቴክኒክና ሙያ ትምህርት ሥልጠና ቢሮ ም/ኃላፊ ኢንጅነር ሰለሞን ፈርሻ በማስጀመሪያ መርሀግብሩ ላይ እንደገለፁት ተቋሙ ተግባራዊ ያደረገው ይህ ቴክኖሎጂ በተቋሙ ዘንድ አስተዳደራዊና ተግባራዊ ቅልጥፍና እንዲሁም የተማከለ የመረጃ አስተዳደር እንዲኖር ያደርጋል።

ከዚህ በተጨማሪም የመረጃ ጥራት እንዲኖር ከማድረግ አኳያ እና ተቋሙ በእቅድ እንዲመራ

ከማድረግ አኳያ የሚኖረው ሚና ከፍተኛ እንደሆነ ኢንጂነር ሰለሞን ጨምረው ገልፀዋል።

የአገና ከተማ አስተዳደር ዋና የመንግስት ተጠሪ አቶ ከልል ክብሩ በበኩላቸው መንግስት የአሠራር ሥርዓቱን ለማዘመንና የዲጂታል ቴክኖሎጂ ብልጽግና ለማረጋገጥ በከፍተኛ ትኩረት እየሠራ እንደሚገኝ ገልፀው የኮሌጁ አሰራር መዘመን ጠቀሜታው ለተቋሙ ብቻ ሳይሆን በከተማው ለሚገኙ ለሌሎች ተቋማት ሁሉ ተሞክሮ መቀመርያ ሆኖ ሊያገለግል እንደሚችል ገልጸዋል።

ኢትዮ ቴሌኮምን ወክለው በስፍራው የተገኙት አቶ ዓለምነህ ታረቀኝ በበኩላቸዉ ተቋማቶች በቴክኖሎጂ ታግዘው ጥራት ያለው አገልግሎት እንዲሰጡ ኢትዮ ቴሌኮም ከመንግሥት ጋር በመተባበር አዳዲስ ቴክኖሎጂዎችን የማስተዋወቅ ስራ እየሰራ እንደሚገኝ ገልፀዋል።

በዛሬው ዕለት በአገና ፖሊ ቴክኒክ ኮሌጅ ተግባራዊ የተደረገው ተቋሙን የማዘመን ስራ በቀጣይ ወደ ሁሉም ኮሌጆች የማስፋት እቅድ መያዙንም ጨምረው ገልፀዋል።

የአገና ፖሊ ቴክኒክ ኮሌጅ ዲን አቶ አስቻለው ስባኒ በበኩላቸው ኮሌጁ ከአጋር ተቋማት ጋር በመተባበር ያስጀመረው ይህ ቴክኖሎጂ ሀገራችን በ2030 ለማሳካት ያቀደችውን የዲጂታላይዜሽን ትግበራ አንድ አካል ነው ብለዋል።

የተቋሙን ጠቅላላ አገልግሎቶች ወደ ዲጂታል አለም ያሸጋግራል የተባለው ይህ ቴክኖሎጂ ባለቤትነቱ የኢትዮ_ቴሌኮም ሲሆን የተመረጡ ተቋማት በተመጣጣኝ ዋጋ የአገልግሎቱ ተጠቃሚ እንዲሆኑ በተመቻቸው እድል የአገና ፖሊ ቴክኒክ ኮሌጅ ቀዳሚ ተጠቃሚ መሆኑ ተገልጿል።

ዘገባው የአገና ከተማ አስተዳደር መንግስት ኮሙኒኬሽን ነው።

በጉራጌ ዞን #እዣ ወረዳ #ዋሳማር ቀበሌ

በጉራጌ ዞን #እዣ ወረዳ #ዋሳማር ቀበሌ አዘር መንደር የጉራጌ ባህላዊ ጎጆ ቤቶችን ከዘመናዊ መኖሪያ ቤት ግንባታ ጋር በመቀናጀታቸው ለአካባቢው ልዩ ውበት አጎናፅፎታል ።

የጉራጌ ዞን ባህል ቱሪዝም መምሪያ ሀላፊ ወ/ሮ መሰረት አመርጋ ጨምሮ የእዣ ወረዳ አመራሮች በባለሀብቶቹ የተገነቡ ግንባታዎች ጎብኝተዋል ።

የጉራጌ ዞን ባህል ቱሪዝም መምሪያ ሀላፊ ወ/ሮ መሰረት አመርጋ በጉብኝቱ ወቅትም እንዳሉት የጉራጌ ብሄረሰብ እጅግ የሚደነቅ የበርካታ ባህላዊ እሴቶች ባለቤት ነዉ፡፡ ከዚህ ዉስጥ ባህላዊ የሳር ቤት(ጎጆ ቤት) አሰራር አንዱ ነዉ፡፡

ይህንን ግንባታ በባለሀብቱ ደረጃ መገንባቱ የሚበረታታ ሲሆን ግንባታው ከገጠር ኮሪደር ልማት ጋር ያሳለጠ እንደሆነም ሀላፊዋ አመላክተዋል።

በጉራጌ ብሄረሰብ የጎጆ ቤት ሥራ ትልቅ ትኩረት ተሰጥቶ የሚከናወን ተግባር ሲሆን አባቶች ዘመናዊ የምህንድስና ትምህርት ምን እንደሆነ ሳያዉቁ የሳር ቤት አወቃቀርና የመንደር አመሰራረት እንዲሁም የቤት አያያዝና አጋጌጥ እጅግ የሚገርም እንደሆነም ሀላፊዋ ተናግረዋል።

የጉራጌ ባህላዊ ቤቶች በአራት ደረጃ የሚከፈሉ ሲሆን እነሱም ጎየ(ትልቅ ቤት)፣ ኸራር(እልፍኝ ቤት)፣ ዘገር(የሙሹሮች ቤት) እና አራተኛው ደረጃ ቀለል ባለ መልኩ የሚሰራ እና ለከብቶች ገለባ ማስቀመጫነት የሚያገለግል “ሰንቃላ” በመባል የሚታወቀው ነው።

ይህ የምንመለከተው አካባቢ በጉራጌ ዞን እዣ ወረዳ ዋሳማር ቀበሌ አዘር መንደር ላይ የጉራጌ ባህላዊ ጎጆ ቤቶች ከዘመናዊው መኖሪያ ቤት ግንባታ ጋር ተቀናጅተው ለአካባቢው ልዩ ውበት ፈጥረዋል ያሉት ወ/ሮ መሰረት እንደዚህ አይነቱ የባህላቸው ተቆርቋሪዎችና የትውልድ አካባቢያቸውን ማይረሱት ጀግኖች ማበረታታት ይገባልም ብለዋል።

ኢትዮጵያን ወደ ተምሳሌት ሀገር”

በጉራጌ ዞን እዣ ወረዳ በሁሉም ቀበሌዎች “ኢትዮጵያን ወደ ተምሳሌት ሀገር” በሚል መሪ ቃል የብልፅግና ፓርቲ የ7ኛ ጠቅላላ ምርጫ የማኒፌስቶ እና የምርጫ ምልክት ማስተዋወቂያ መርሃ ግብር ተካሂዷል።

የካቲት 26/2018 ዓም

የብልጽግና ፓርቲ የ7ኛው ጠቅላላ የምርጫ ምልክት “የስንዴ ነዶ” ሲሆን ምልክቱ የመደመር ፡ አንድነት እና ትብብር መገለጫዎችን የያዘ መሆኑም ተመላክቷል ።

በተለዩ ቀበሌዎች ተዛዙረው የተመለከቱት የእዣ ወረዳ ረዳት የመንግስት ተጠሪ አቶ ኢብራሂም አወል እንዳሉት ብልጽግና ፓርቲ ህብረ ብሄራዊ አንድነት በመከተል ሃገርን መምራት ከጀመረ ወዲህ በፓሊቲካዊ ፡ ኢኮኖሚያዊና ማህበራዊ ዘርፎች በርካታ ስኬቶች ማስመዘገብ መቻሉን ገልጸዋል።

ምርጫ ለአንድ ሀገር የዲሞክራሲ መገለጫና ህዝቡ የሚወክለውንና የሚመራውን ፓርቲ በድምፁ የሚወስንበትና የሚያረጋግጥበት መሆኑን ገልፀው ማህበረሳባችንም በሀገራችን ሁሉአቀፍ እድገትና ብልፅግና እያስመዘገበ ያለውን ፓርቲ ብልፅግናን እንዲመርጥ ጥሪ አቅርበዋል።

7ኛው ጠቅላላ ሀገራዊ እና ክልል አቀፍ ምርጫ የዴሞክራሲያዊ ሥርዓት ግንባታ መሠረት የሚጣልበትና የሕዝብ ሉዓላዊነት በተግባር የሚረጋገጥበት ነው ያሉት ረዳት የመንግስት ተጠሪው የዘንድሮው 7ኛው ጠቅላላ የምርጫ ምልክት የሆነው “የስንዴ ነዶ” የመደመር ፡ የአንድነትና የትብብር ተምሳሌትነትን የሚወክልና የምርታማነት መገለጫ መሆኑን አብራርተዋል።

ብልፅግና ፓርቲ ኢትዮጵያን ከተስፋ ብርሃን ወደ ሚጨበጥ ብርሃን በማሸጋገር ተምሳሌት ሀገር ለማድረግ በግልጽ ራዕይ በዕውቀት እና ተጨባጭ ተግባራዊ ውጤታማነት የታጀበ ውጤት ማስመዝገብ መቻሉንም ጨምረው የገለፁት አቶ ኢብራሂም እንደ ወረዳው በሁሉም ቀበሌ 7ኛውን ሀገራዊ ምርጫ ሰላማዊ ፡ ዴሞክራሲያዊ እና ፍትሀዊ እንዲሁም በህዝብ ዘንድ ተአማኒነት ያለው ምርጫ በማድረግ “ኢትዮጵያን ወደ ተምሳሌት ሀገር” በሚል የተቀመጠውን ራዕይ ማረጋገጥ እንደሚገባ አሳስበዋል።

ተሳታፊ አካላትም የብልፅግና ፓርቲ ባለፉት ጥቂት አመታት መንግስት በኢኮኖሚ፣ ማህበራዊና ፖለቲካው መስክ ባስመዘገባቸው ውጤቶች መጠቀማቸውን ጠቅሰው የፓርቲያቸውን የምርጫ ምልክትነት የስንዴ ነዶ በመምረጥ ኢትዮጵያን ወደ ተምሳሌት ሀገር ለማሻገር በሚደረገው ጥረት ተሳታፊ በመሆን ከቀድሞው ስህተታችን በመማር ፓርቲውን በመምረጥ ለመካስ ተዘጋጅተናልም ብለዋል።

ጊቤ ሸለቆ ብሔራዊ ፓርክን የሚጎበኙ ቱሪስቶች ቁጥር እየጨመረ መጥቷል

ጊቤ ሸለቆ ብሔራዊ ፓርክን የሚጎበኙ ቱሪስቶች ቁጥር እየጨመረ መጥቷል

ወልቂጤ፤ የካቲት 25/2018 ፦ጊቤ ሸለቆ ብሔራዊ ፓርክን ለማልማትና ለማስተዋወቅ በተሰራው ሥራ የጎብኚዎች ቁጥር እየጨመረ መምጣቱን የፓርኩ ጽህፈት ቤት አስታወቀ።

ባለፉት ሰባት ወራት 1 ሺህ 538 የሀገር ውስጥና የውጭ ቱሪስቶች ፓርኩን መጎብኘታቸውም ተመላክቷል።

በማዕከላዊ ኢትዮጵያ ክልል የሚገኘው ጊቤ ሸለቆ ብሔራዊ ፓርክ ጠቅላላ የቆዳ ስፋቱ 360 ኪሎ ሜትር ስኩዌር ይሸፍናል።

ብሔራዊ ፓርኩ በውስጡ በርካታ የዱር እንስሳት፣ ከ250 በላይ አዕዋፋት፣ የውሀ ውስጥ እንስሳት፣ ለእጣንና ለመድሃኒትነት አገልግሎት የሚውሉ ዛፎችና የተለያዩ ማዕድናትን በውስጡ አካቶ ይዟል።

በፓርኩ ዓመቱን ሙሉ የሚፈሱ ወንዞች፣ ፏፏቴዎች፣ ፍል ውሃ እና ዋሻ የሚገኝ ሲሆን የቱሪስት መስህብም ሆነው እያገለገሉ ይገኛሉ።

የማዕከላዊ ኢትዮጵያ ክልል ባህልና ቱሪዝም ቢሮ የጊቤ ሸለቆ ብሔራዊ ፓርክ ጽህፈት ቤት ሀላፊ አቶ መስፍን ተካ ለኢዜአ እንደገለጹት፣ ለፓርኩ ተገቢ ጥበቃና እንክብካቤ ከማድረግ ባለፈ የማስተዋወቅ ሥራ ሲሰራ ቆይቷል።

የፓርኩን ብዝሃ ህይወት በመጠበቅ ስነ-ምህዳራዊ፣ ኢኮኖሚያዊና ማህበራዊ ፋይዳውን ለማሳደግ እንዲሁም በፓርኩ ውስጥ ህገ ወጥ የመሬት ወረራና የደን ጭፍጨፋን ለመግታትም እየተሰራ መሆኑን አመልክተዋል።

እንደ አቶ መስፍን ገለጻ በፓርኩ የ4 ነጥብ 5 ኪሎ ሜትር የውስጥ ለውስጥ መንገድ የተሰራ ሲሆን የማህበረሰብ ሎጅ ለመገንባትም የዲዛይን ሥራ ተጠናቋል።

ፓርኩን ከማልማትና ከመጠበቅ ባለፈ ለማስተዋወቅ በተሰራው ሥራ የጎብኚዎች ቁጥር መጨመሩን የጠቀሱት ሃላፊው ባለፈው ዓመት የመጀመሪያ ሰባት ወራት 1ሺህ 100 የሀገር ውስጥና የውጭ ቱሪስቶች ፓርኩን ሲጎበኙ ዘንድሮ ቁጥሩ ወደ 1ሺህ 538 ማደጉን ተናግረዋል።

የፓርኩ የዱር እንስሳት ጥበቃና እንክብካቤ ባለሙያ አቶ አበራ ጊቤ በበኩላቸው፤ በፓርኩ ተፈጥሯዊ መስህቦችን ከማልማት፣ ከመጠበቅና መንከባከብ በተጨማሪ የጎብኚዎችን የቆይታ ጊዜ የሚያራዝሙ የልማት ሥራዎች እየተሰሩ መሆኑን ተናግረዋል።

ለፓርኩ ተገቢ ትኩረት በመስጠት ጥበቃ መደረጉ ብዝሃ ህይወትን ጠብቆ ለማቆየት እያስቻለ መሆኑን የተናገሩት ደግሞ ስካውት አራጋው ካሳ ናቸው።

ህገወጥ ሰፈራና የደን ጭፍጨፋ በመቀነሱ ሥራቸውን በአግባቡ ለማከናወንና ብዝሀ ህይወትን ለመጠበቅ ማስቻሉንም ተናግረዋል።

ፖርኩን ሲጎበኙ ከነበሩት መካከል ወጣት ደስታ ጊዜያቱ በፓርኩ የተለያዩ አስደናቂና የተፈጥሮ መስህቦችን መመልከቱን ገልጿል።

የአገልግሎት ሰጭ ተቋማትን በማዘጋጀትና ለጎብኚዎች ምቹ ሁኔታ በመፍጠር የቆይታ ጊዜያቸውን ለማራዘም መስራት እንደሚገባም አመልክቷል።

ፓርኩ በብዝሃ ህይወት የታደለ መሆኑ የአካባቢውን ስነ ምህዳር ምቹና ሳቢ እንዳደረገውም ነው ጎብኚዎቹ የገለጹት ።

በውስጡ ያሉ የተለያዩ እንስሳትና እጽዋትን መጠበቅን ጨምሮ ለፓርኩ ብዝሀ ሕይወት መጠበቅ እየተከናወኑ ያሉ ሥራዎች መጠናከር እንዳለባቸውም ተናግሯል።

#ኢዜአ

ከኢትዮጵያ ኤሌክትሪክ ኃይል የተሰጠ ማሳሰቢያ!

ከኢትዮጵያ ኤሌክትሪክ ኃይል የተሰጠ ማሳሰቢያ!

እሁድ የካቲት 29/2018 ዓ•ም በወልቂጤ የኤሌክትሪክ ማከፋፈያ ጣቢያ ላይ ጥገና ይደረጋል!!

በመሆኑም በእለቱ ከጠዋቱ 1 ሰዓት እስከ ቀኑ 8 ሰዓት በጉንችሬ ፣በእምድብር፣፣በወልቂጤ፣በአገና ፣በዋዩ ጦላይ ዳርጌ፣ በወልቂጤ ዩኒቨርስቲ ፣በኢንዱስትሪና አካባቢው ኤሌክትሪክ ተቋርጦ የሚቆይ ስለሆነ ደንበኞች አስፈላጊውን ቅድመ ዝግጅትና ጥንቃቄ እንዲያደርጉ ተቋሙ ለመስሪያ ቤታችን በፃፈው ደብዳቤ አሳስቧል!!

ጠቅላይ ሚኒስትር ዐቢይ አሕመድ (ዶ/ር) በትግርኛ ባደረጉት ቃለ መጠይቅ ላይ ያነሷቸው አንኳር ሀሳቦች…

ጠቅላይ ሚኒስትር ዐቢይ አሕመድ (ዶ/ር) በትግርኛ ባደረጉት ቃለ መጠይቅ ላይ ያነሷቸው አንኳር ሀሳቦች…

👉 የትግራይ ሕዝብ ከጦርነት ይልቅ ሰላምና ልማት ይገባዋል

👉 ወጣቶች በአሮጌ አስተሳሰብ ለጦርነት ከሚገፋፏቸው አካላት ራሳቸውን ሊጠብቁ ይገባል

👉 መንግሥት በትግራይ ክልል ሰላም እንዲሰፍንና ዳግም ጦርነት እንዳይከሰት ጽኑ ፍላጎት አለው

👉 ሕወሓት ከ50 ዓመት በፊት በነበረ ኋላቀር አስተሳሰብ የታሰረና ለውጥን ለመቀበል ፍላጎት የሌለው ድርጅት ነው

👉 ሕወሓት በአሮጌው መንገድ ለመጓዝ መሞከሩ ለግጭት ዳርጎታል

👉 ቆሞ ቀሩ ኃይል ኢትዮጵያ ትፈርሳለች የሚል የተሳሳተ ስጋት በመዝራት የለውጡን ኃይል እንደ ጠላት ሲመለከት ቆይቷል

👉 በኢትዮጵያ የነበረው የተሳሳተ ትርክት ዜጎች በጥርጣሬ እንዲኖሩ አድርጓል

👉 መንግሥት የትግራይ ሕዝብ ሰላም እንዲያገኝ ባንክ፣ መብራትና ቴሌኮም የመሳሰሉ አገልግሎቶችን በፍጥነት እንዲመለሱ አድርጓል

👉 ሆኖም ቆሞ ቀሩ ቡድን የፕሪቶሪያውን ስምምነት “መርጦ የመተግበር” ዝንባሌ እያሳየ ነው

👉 የሕገ-መንግሥታዊ ሥርዓቱንና የብሔራዊ ምርጫ ቦርድን ውሳኔ አላከበረም

👉 ድርጅቱ ለልማት የተመደበውን በጀት ለጦርነት ዝግጅትና ለታጣቂዎች ቀለብ እያዋለ ነው

👉 ይህም በትግራይ ሕዝብ ላይ ተጨማሪ መከራ እያመጣ ይገኛል

👉 በጦርነቱ ወቅት ለተፈጸሙት ጥፋቶች ከፖለቲካ ወገንተኝነት ነፃ በሆነ መንገድ ተጠያቂነትን ለማረጋገጥ የሽግግር ፍትሕ አስፈላጊ ነው

👉 ወንጀል የፈጸሙ አካላት በሕግ መጠየቅ አለባቸው

👉 በጦርነቱ ወቅት የተፈጸሙ ማናቸውም ዓይነት ጥፋቶች፣ ግድያዎችና ዘረፋዎች (በተለይም በአክሱም፣ ዓድዋና ሽሬ አካባቢዎች) የሚወገዝ ተግባር ነው

👉 መንግሥት ማንኛውንም የውጭ ኃይል ጣልቃ ገብነት አጥብቆ ይቃወማል፥ የሀገርን ሉዓላዊነት ለማስከበር ይሰራል

ብልፅግና የጠንካራ ፓርቲ እና መንግስት ተምሳሌት በመሆኑ ምርጫው በፓርቲው አሸናፊነት በማጠናቀቅ ኢትዮጵያ በከፍታ ማማ ላይ እንድትሆን አባላቱ የድርሻው መወጣት እንዳለበት ተገለፀ።

ብልፅግና የጠንካራ ፓርቲ እና መንግስት ተምሳሌት በመሆኑ ምርጫው በፓርቲው አሸናፊነት በማጠናቀቅ ኢትዮጵያ በከፍታ ማማ ላይ እንድትሆን አባላቱ የድርሻው መወጣት እንዳለበት ተገለፀ።

የካቲት 24/2018 ዓ.ም (አገና)

የእዣ ወረዳ እና የአገና ከተማ አስተዳደር በጋራ “ኢትዮጵያን ወደ ተምሳሌት ሀገር” በሚል መሪ ቃል የብልፅግና ፓርቲ የ7ኛው ሀገር አቀፍ ምርጫ የማኒፌስቶ እና የምርጫ ምልክት ማስተዋወቂያ መርሃ ግብር በኬሮድ አዳራሽ ተካሂዷል።

የእዣ ወረዳ ዋና አስተዳዳሪ አቶ ዘውዱ ዱላ እንዳሉት እንደሚታወቀው ባለፉት የለውጥ አመታት ብልፅግና ፓርቲና የመደመር መንግስት የሃገር የቁልቁለት የእድገት ጉዞ በመቀየር ወደ ከፍታ ማማ እንድትወጣ ከቅጅና ምርኮ የኢኮኖሚና ፖለቲካ ስርዓት ለማላቀቅ እንዲሁም የነበሩ ስብራቶች ለማከም በርካታ ተግባራቶች ሲያከናውን ቆይቷል ብለዋል ።

በተለይም ነፃ ፡ ገለልተኛ ብቃት ያላቸው ተቋማት እንዲገነቡ ትክክለኛ የሪፎርም ስርዓት ተዘርግቶ ወደ ተግባር የተገባ ሲሆን በሂደትም ተጨባጭ ውጤት ማስመዝገብ እንደተቻለም ዋና አስተዳዳሪው አመላክተዋል።

ጠንካራ ፓርቲ እና መንግስት የሚመሰርተው በምርጫ ነው ያሉት አቶ ዘውዱ በመሆኑም የ7ኛ ዙር ጠቅላላ ሃገራዊ ምርጫ ሁለት መንታ ግቦች ያሉት ሲሆን አንደኛው ምርጫው ነፃ ፡ ፍትሃዊ ፡ ዲሞክራሲያዊ ፡ ገለልተኛና ተአማኒነት ያለው እንዲሆን መስራት ሲሆን ሁለተኛው ደግሞ ምርጫው በፓርቲያችን አሸናፊነት አጠናቀን ጠንካራ ፓርቲና መንግስት መገንባት አለብንም ብለዋል።

በመሆኑም ህዝባችን ያልተፈቱ የልማትም ይሁን የመልካም አስተዳደር ጥያቄዎች የሚፈታለት የብልፅግና ፓርቲ መሆኑን አምኖ በቀጣይ ኢትዮጵያ ወደ ተምሳሌት ሀገር ለመቀየር የሚሰራው ፓርቲ ድምፁን እንዲሰጥ ከወዲሁ መልዕክታቸውን አስተላልፈዋል።

የእዣ ወረዳ የብልፅግና ፓርቲ ፅ/ቤት ሀላፊ አቶ ተሾመ ስራኒ በበኩላቸው ሀገራችን ኢትዮጵያ የለውጥ ጉዞ ከጀመረችበት ጊዜ አንስቶ የባለፉት ሰባት ዓመታት ለዘመናት የተወዘፉና የተተበተቡ ፈተናዎች የገጠሟት ቢሆንም ይህንን በመቀልበስ አለም ሊማርባቸው የሚችሉና የተማረባቸው ዘርፈ ብዙ ውጤቶች አስመዝግባለች ።

ብልፅግና በአንድ ዘርፍ ታስሮ የነበረው የሀገራችን እድገት ሀገር በቀል የኢኮኖሚ ማሻሻያ በማድረግ ዘርፈ ብዙ የኢኮኖሚ አቅጣጫ በመከተል በቱሪዝም ፡ ከከተማ እስከ ገጠር ኮሪደር ፡ ከፕሪቶሪያ እስከ ቱርክ አንካራ ፡ ከሶማሊያ እስከ አረብኤምሬት የፀና የዲፕሎማሲ ስራ ፡ ከጥላቻ ወደ ትብብር ፡ ከብተና ወደ መደመር ያመጣ ታላቅና ባለራዕይ ፓርቲ ነው ብለዋል።

ብልፅግና የዘንድሮ ምርጫ የሚያካሄደው በተግባር ተፈትኖ አዳጊ የሆኑ ውጤቶች አስመዝግቦ እንጂ እንደሌሎች በማይዳሰስና በማይጨበጥ ተስፋ እንዳልሆነም አቶ ተሾመ ጨምረው ገልፀዋል።

የ2018 ዓ.ም ሀገራዊ ምርጫ በወረዳችንና በከተማችን ስናካሄድ ሀገራችን ብሎም ጉራጌ ዞንን የምንክስበት ከመሆኑም ባሻገር ከ2013 ዓ.ም የምርጫ ጉለታችን በመማር ከአሉባልታና ከከፋፋይ አጀንዳዎች ተላቀን የፓርቲያችን ብቁና አሻጋሪነት በውል ተገንዝበን ሁላችንም ለምርጫው ስኬታማነት መረባረብ ይገባናል ያሉት ሀላፊው የስንዴ ነዶ በመምረጥና በማስመረጥ በብልፅግና አሸናፊነት እንዲጠናቀቅ ሀላፊነታችን እንወጣም ብለዋል።

በእለቱም የአገና ከተማ አስተዳደር ብልፅግና ፓርቲ ፅ/ቤት ሀላፊ አቶ ክልል ክብሩ የ2018 የብልፅግና ፓርቲ የ7ኛው ጠቅላላ ምርጫ የማኒፌስቶ እና የምርጫ ምልክት ማስተዋወቂያ ሰነድ አቅርበዋል።

ከዚህ በተጨማሪ የተለያዩ ግጥሞችና መዝሙሮች የቀረቡ ሲሆን ለቀበሌ ሊቀመናብርቶች የብልፅግና ፓርቲ ምልክት በሆነው የስንዴ ነዶ ምልክት ተበርክቶላቸዋል ሲል የቀገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።

የእዣ ወረዳ ብልፅግና ፓርቲ የኢንስፔክሽንና የስነ ምግባር ኮሚሽን ፅ/ቤት

====የእዣ ወረዳ ብልፅግና ፓርቲ የኢንስፔክሽንና የስነ ምግባር ኮሚሽን ፅ/ቤት በተሻሻለው የፓርቲው መተዳደሪያ ደንብና በኮሚሽንኑ የአደረጃጀት መመሪያ እና በሌሎችም የአሰራር ስርዓቶች ላይ የግንዛቤ ማስጨበጫ መድረክ እየተካሄደ ይገኛል ።

የካቲት 18/2018 ዓም

በመድረኩም የወረዳና ቀበሌ የብልፅግና የኢንስፔክሽንና ስነ ምግባር አመራርና ባለድርሻ አካላት ተሳታፊ ሆነዋል።

ዝርዝሩ እናደርሳለን!!