የእዣ ወረዳ ምክር ቤት የ2015 ዓም 4ኛ ዙር 10 ኛ ዓመት 39 ኛ መደበኛ ጉባኤ እያደረገ ይገኛል ።

=================================

የእዣ ወረዳ ምክር ቤት የ2015 ዓ.ም 4ኛ ዙር 10 ኛ ዓመት 39 ኛ መደበኛ ጉባኤ እያደረገ ይገኛል ።

በጉባኤውም የ2016 ዓ.ም ጠቋሚ እቅድ ቀርቦ ውይይት ማድረግ
የ2015 ዓም ማጠቃለያ ሪፖርት ቀርቦ ውይይት ማድረግ
የወረዳው ፍርድ ቤት የ2015 ዓም አፈፃፀም ሪፖርት እና የ2016 ዓም ጠቋሚ እቅድ ቀርቦ ማፅደቅ
የ2016 ዓ.ም በጀት መርምሮ ማፅደቅና እንዲሁም
ሹመት ማፅደቅ የሚሉ የጉባኤው አጀንዳዎች መሆናቸውን ተመላክቷል።
ዝርዝሩን ተከታትለን እናደርሳለን!!

የ2015ዓ.ም የ12ኛ ክፍል መልቀቂያ ፈተና ውጤት ይፋ ሆነ‼️

==========================================

የ2015ዓ.ም የ12ኛ ክፍል መልቀቂያ ፈተና ውጤት ይፋ ሆነ‼️

የትምህርት ሚኒስትር ብርሃኑ ነጋ (ፕ/ር) የ2015ዓ.ም የ12ኛ ክፍል መልቀቂያ ፈተና ውጤትን አስመልክተው መግለጫ ሰጥተዋል፡፡

በመግለጫቸውም በፈተናው የማለፊያ ነጥብ ያመጡት 27 ሺህ 267 ተማሪዎች ወይም 3 ነጥብ 2 በመቶዎቹ ብቻ መሆናቸውን ተናግረዋል፡፡

ዘንድሮ የ12ኛ ክፍል መልቀቂያ ፈተና ከወሰዱ 16,451 የማታ ተማሪዎች መካከል፤ ከ50 በመቶ በላይ ውጤት ያመጡት 12ቱ ብቻ መሆናቸውን ሚኒስቴሩ ገልጿል።

ከፍተኛ ውጤት ከተፈጥሮ ሳይንስ 649 በአዲስ አበባ ከተማ ሲመዘገብ÷ በማህበራዊ ሳይንስ ደግሞ 533 በደብረ ማርቆስ ከተማ ተመዝግቧል፡፡

በተጨማሪም ለፈተናው ከተቀመጡ ከ169 ሺሕ የግል ትምህርት ቤት ተፈታኞች ውስጥ የማለፊያ ውጤት ያመጡት 480 ተማሪዎች መሆናቸውንም ሚኒስትሩ አብራርተዋል፡፡

ተፈታኞች ውጤታችሁን ምን ላይ መመልከት እንደምትችሉ በቀጣይ ፖስት የምናሳውቃችሁ ይሆናል።

የ2015 ዓ.ም የ12ኛ ክፍል መልቀቂያ ፈተና ከፍተኛ ውጤት በአዲስ አበባ ተመዘገበ‼️

የ2015 ዓ.ም የ12ኛ ክፍል መልቀቂያ ፈተና ከፍተኛ ውጤት በአዲስ አበባ ተመዘገበ‼️

የክሩዝ ሁለተኛ ደረጃ ት/ቤት ተማረ የሆነችው ሀናን ናጂ አህመድ በተፈጥሮ ሳይንስ 649 ውጤት በማስመዝገብ ከዘንድሮ ተፈታኞች በቀዳሚነት ተቀምጣለች፡፡

የዘንድሮው ከፍተኛ ውጤት በተፈጥሮ ሳይንስ 649 ከ700 በማምጣት የተመዘገበ ሲሆን ፡በማህበራዊ ሳይንስ ደግሞ 533 ከ600 ከፍተኛ ውጤት ተመዝግቧል፡፡

ከተፈጥር ሳይንስ ተፈታኞች ውጥስ 205 ተማሪዎች ከ600 በላይ ውጤት ሲያስመዘግቡ በማህበራዊ ሳይንስ ደግሞ 15 ተማሪዎች ከ500 በላይ ውጤት ተመዝግቧል፡፡

የዋድዬ 2ኛ ደረጃ ትምህርት ቤት ቅድመ እውቅና አገኘ ።

====================================

ከ20 ሚሊየን ብር በላይ ወጪ ለትውልድ አሳቢ በሆኑ የአካባቢው ተወላጅ ባለሀብቶችና በማህበረሰቡ የተገነባው የዋድዬ 2ኛ ደረጃ ትምህርት ቤት ቅድመ እውቅና አገኘ ።

ትምህርትቤቱ በ2016 የትምህርት 9ኛ ክፍል የመማር ማስተማሩ ስራ የሚጀምር ሲሆን ለዚህም የወረዳው መንግስት መምህራንና ሌሎችም የአስተዳደር ሰራተኞች በመቅጠር ላይ ይገኛል ።
ዝርዝሩን እናቀርባለን !”

በጉራጌ ዞን ወልቂጤ ከተማ አስተዳደር ከሀገር ሽማግሌዎችና ከሀይማኖት አባቶች ጋር የውይይት አካሂዷል

ህዳር 04/2017 ዓ.ም

የወልቂጤ ከተማ ሰላምና ልማት ለማረጋገጥ የሀገር ሽማግሌዎች እና የሀይማኖት አባቶች የድርሻቸው እንዲወጡ ከተማ አስተዳደሩ አስታወቀ።

በጉራጌ ዞን ወልቂጤ ከተማ አስተዳደር ከሀገር ሽማግሌዎችና ከሀይማኖት አባቶች ጋር የውይይት አካሂዷል።

የወልቂጤ ከተማ ከንቲባ አቶ ሙራድ ከድር በመግበያ ንግግራቸው ወቅት እንዳሉት የወልቂጤ ከተማ ብዙ ታሪክና ረጅም እድሜ ያላት ቢሆንም ከሌሎች አቻ ከተሞች አንፃር ግን በቂ እድገት አላስመዘገበችም::

የጉራጌ ማህበረሰብ ሰርቶ የመለወጥ ተምሳሌት ማህበረሰብ እንደመሆኑ መጠን ከተማዋም ማህበረሰቡ የሚመጥን መሆን እንዳለበትና በገጠር በህብረተሰቡ እየተሰሩ ያሉ ስራዎች በከተማውም ማህበረሰብ ሊደግም እንደሚገባ ያስፈልጋል።

ከተማው እንዳትለማ ከሚያደርጉት ጉዳዮች ህገ ወጥ የመሬት ወረራና ህገ ወጥ የመንደር የሀይማኖት፣የብሄር እና የዘረኝነት አደረጃጀቶች በማስቀረት ብልሹ አሰራርን አጥብቀን እንታገላለን ብለዋል።

የከተማው ፕላን ተግባራዊ ለማድረግና የድንበር ጣልቃ ገብነትን ለማስቆም ከሚመለከተው አካል ምላሽ እየተጠበቀ በመሆኑ ህዝቡ በትግስት መጠበቅ አለበት ያሉ አቶ ሙራድ ከዚህ በተያያዘ በህብረተሰቡ ላይ ሁከት የሚፈጥሩ ሀሳቦችና አመለካከቶች ማረም እንደሚገባ አስገንዘበዋል።

ከተማዋ ለማልማት የከተማው ገቢ አሰባሰብ ሊሻሻል ሲገባው በርካታ የንግድ ተቋማት ግን ገቢን በአግቡ እየከፈሉ ባለመሆኑ የንግዱ ማህበረሰብ እና ተጠቃሚው ደረሰኝ በመስጠት እና በመቀበል ሂደቱ የበኩሉን መወጣት ይጠበቅበታል ነው ያሉት።

መሪና ተመሪው ከተቀናጀ ማንኛውም ልማት ማሳካት ይቻላል ያሉት አቶ ሙራድ ይህንን የአሰራር ስርአት በመዘርጋት የከተማው እድገትና ሰላም ለማረጋገጥ በትኩረት ይሰራል ብለዋል።

በተቋማት የአገልግሎት አሰጣጥ ችግር የሚቀረፍ ሲሆን የወልቂጤ ከተማ ሰላምና ልማት ለማረጋገጥ የሀገር ሽማግሌዎች እና የሀይማኖት አባቶች የድርሻቸው እንዲወጡ አቶ ሙራድ አሳስበዋል።

የወልቂጤ ከተማ አስተዳደር ዋና የመንግስት ተጠሪ አቶ ታደለ በቀለ በከተማው የተጀማመሩ የልማት ስራዎች እንዲጠናቀቁ የገቢ አቅምን ማሳደግ ፣ህዝቡና መንግስት መቀናጀት እና ህግን ማስከበር የግድ ይላል።

በከተማው በተመረጡ ቦታዎች የኮሊደር ልማቱ የማስጀመር ስራ እንደሚከናወን ያመላከቱት ዋና ተጠሪው መሰል አይነት ከተማው የማስዋብና ጽዱ ከተማ ለመመስረት ህብረተሰቡ ከፍተኛ ድርሻ አለው ሲሉ ገልጸዋል።

ለአብነትም ቆሻሻን በአግባቡ በማስወገድ እረገድ ህብረተሰቡ ከፍተኛ ኃላፊነት አለበት ብለዋል አቶ ታደለ።

ወልቂጤ ሰላምዋ የተረጋገጠ ለኑሮ አመቺ ከተማ ለማድረግ ህብረተሰቡን አካባቢውን በነቂስ መጠበቅ እንዳለበት የመከሩ ሲሆን ህገ ወጥ እና ዘራፊ ሀይሎች በመበራከታቸው ለህግ አሳልፎ መስጠት ያስፈልጋል።

በየጊዜው በከተማው የሚስተዋለው የአመራር መለዋወጥ ችግር ለመቅረፍ በቅርቡ ጠንካራና ወቅቱን የሚመጠን አመራር ለመሾም ጥረት መደረጉ አመላክተዋል።

በውይይቱ የተሳተፉ የሀገር ሽማግሌዎች እና የሀይማኖት አባቶች በበኩላቸው ቅድሚያ አመራሩ የህዝቡ አንገብጋቢ ችግር ምን እንደሆነ መለየት ይጠበቅበታል።

በከተማው የተጀማመሩ የልማት ስራዎች በወቅቱ አለመጠናቀቅ ፣ በየጊዜው የሚስተዋሉ የጸጥታ ችግሮች ፣ የነበሩን መልካም እሴቶቻችን እየተሸረሸሩ መሆናቸው እና በየጊዜው የአመራር መቀያየር ለከተማው እድገት መስተጓጎል መፍጠሩ ለአብነት አንስቷል።

ህብረተሰቡ በተደጋጋሚ እየጠየቀ ያለው የከተማው ማስተር ፕላን በአፋጣኝ ተግባራዊ እንዲደረግና የድንበር ጣልቃ ገብነት እንዲቆም ጠይቀዋል።

አክለውም የውሃ እጥረት ችግር በዘላቂነት አለመፈታቱ፣ የተጀማመሩ የመሰረተ የልማት ስራዎች በወቅቱ አለመጠናቀቃቸው፣ወጣቶች ብድርን በወቅቱ አለመመለስ፣ህገ ወጥ የመሬት ወረራ እና ዝርፊያ መኖሩ፣የታቀዱ እቅዶች አፈጻጸማቸው ሙሉ ለሙሉ አለማሳካት እንዳለ አንስተዋል።

ህብረተሰቡ አካባቢውን ከቆሻሻ ጽዱ ማድረግ ፣መንገድ የሚዘጋው በማስታገስ፣አካባቢውን በመጠበቅ እና የሚጠበቅበትን ግብር በመክፈል የድርሻው ሊወጣ ይገባል ያሉ ሲሆን የሀይማኖት አባቶች ትውልዱን በስነ ምግባር ማነጽ ይጠበቅባቸዋል ሲሉ ተናግረዋል።

ህዝብና መንግሥት አንድ ከሆነ እና ከተደማመጠ የከተማው እድገትና ሰላም በአፋጣኝ ማረጋገጥ ስለሚቻል በዚህም የበኩላቸው እንደሚወጡ የውይይቱ ተሳታፊዎች አስታውቀዋል።

በድጋሚ እንኳን ደስ አለን!!

በማዕከላዊ ኢትዮጵያ ክልል መንግስት ጉራጌ ዞን የ2016 በጀት ዓመት የወረዳዎች እና ከተማ አስተዳደሮች አፈፃፀም ግምገማ ባካሄደበት መድረክ የእዣ ወረዳ አስተዳደር ፅ/ቤት ከወረዳዎች 3ኛ ደረጃን በመያዝ አጠናቋል።

በከተሞች አፈፃፀም የአገና ከተማ አስተዳደር 2ኛ ደረጃን አግኝቷል።

የህብረት ስራ ማህበራት አሰራርና አደረጃጀት በማጠናከርና በዘርፉ የሚስተዋሉ ችግሮችን ለይቶ በመፍታት የህብረተሰቡ ተጠቃሚነት ለማረጋገጥ በትኩረት መሰራት እንደሚገባው ተገለፀ ።

==================================

የህብረት ስራ ማህበራት አሰራርና አደረጃጀት በማጠናከርና በዘርፉ የሚስተዋሉ ችግሮችን ለይቶ በመፍታት የህብረተሰቡ ተጠቃሚነት ለማረጋገጥ በትኩረት መሰራት እንደሚገባው ተገለፀ ።
በጉራጌ ዞን እዣ ወረዳ በህብረት ስራ አደረጃጀትና አስተዳደር መመሪያ ፡ በሂሳብ አያያዝ ፡ የአፈር ማዳበሪያ አቅርቦትና ስርጭት እንዲሁም ፋይናንስ አስተዳደር ዙሪያ ስልጠና የተሰጠ ሲሆን በፅ/ቤቱ 9ወር አፈፃፀምና ዜጎች ቻርተር ዙሪያ ለሁለት ተከታታ ቀናት ከባለ ድርሻ አካላት ጋር ውይይት ተደርጓል ።
የእዣ ወረዳ ህብረት ስራ ፅ/ቤት ሀላፊ አቶ ፀጋዬ ደምስ እንደገለፁት የህብረት ስራ ማህበራት አሰራርና አደረጃጀት በማጠናከርና በዘርፉ የሚስተዋሉ ችግሮችን ለይቶ በመፍታት የህብረተሰቡ ተጠቃሚነት ለማረጋገጥ በትኩረት መሰራት አለበት ።
ያደጉት ሀገራት መነሻቸውና የእድገታቸው መሰረት መሰረታዊ ህብረት ስራ ማህበራት ነው ያሉት ሀላፊው ይህንኑ በመገንዘብ እንደ ወረዳው የተደራጁት ህብረት ስራ ማህበራት በተገቢው መንገድ ሊጠናከሩ ይገባልም ብለዋል።
ከዚህ በተጨማሪ በወረዳው ከማዳበሪያ ስርጭት ጋር ተያይዞ አንዳንድ ቀበሌዎች ላይ የሚፈጠሩትን ክፍተቶች በዘላቂነት እንዲቀረፉ በማድረግ የአርሶአደሩ ምርትና ምርታማነት ማሳደግ እንደሚገባም አቶ ፀጋዬ አያይዘው ተናግረዋል ።
ከዚህ በተጨማሪ እንደ ወረዳው የሚመረቱ ምርቶችን ለማህበረሰቡ ፍጆታ በማቅረብ የኑሮ ውድነት ለማረጋጋትና የህብረተሰቡን ተጠቃሚነት ለማረጋገጥ በቅንጅትና በባለቤትነት መስራት እንደሚያስፈልግም ሀላፊው አሳስበዋል ።
በተለያዩ ርዕሰ ጉዳዮች ለሁለት ተከታታይ ቀናት በፅ/ቤቱ በሚመለከታቸው የስራ ሂደት አስተባባሪዎች የተለያዩ ሰነዶች ቀርበው ሰፊ ውይይት የተደረገባቸው ሲሆን አሁን ላይ ያለውን የኑሮ ውድነት ለማረጋጋት መሰረታዊ ህብረት ስራ ማህበራት በየአካባቢው የሚመረቱ ምርቶችን ለማህበረሰቡ ማቅረብ እንዳለባቸው ተመላክቷል ።
የመድረኩ ተሳታፊዎች በሰጡት አስተያየትም በተቋሙ የተከናወኑ የተሻሉ ተግባራቶችን በማስቀጠልና ውስንነቶችን በቀጣይ እንዲታረሙ በማድረግ በትኩረት በመስራት የህብረተሰቡን ተጠቃሚነት ለማረጋገጥ ሁሉም በቅንጅት መሰራት የሚጠይቅ በመሆኑ የድርሻቸውን እንደሚወጡም ተናግረዋል።
ለሁለት ተከታታይ ቀናት በተደረገው ስልናና ውይይት የህብረት ስራ ፅ/ቤትና ሁለገብ አደራጆች ፡ የአፈር ማዳበሪያ ሂሳብ ሰራተኞች ፡ የሽያጭ ባለሙያዎች ፡ የመጋዘን ሀላፊዎችና አሰራጮች እንዲሁም የቀበሌ እና የቁጠባና ብድር ክላስተር ለቀመናብርቶች ተሳታፊ ሆነዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።

በህብረተሰቡ የነቃ ተሳትፎ ከተሞች የማስፋፋትና የማሳደግ ስራ በመስራት ለነዋሪዎች ምቹ እንዲሆኑ የተቀናጀ ስራ መስራት እንደሚገባ የእዣ ወረዳ ከተማ ልማትና ኮንስትራክሽን ፅ/ቤት አስታወቀ ።

================================

በህብረተሰቡ የነቃ ተሳትፎ ከተሞች የማስፋፋትና የማሳደግ ስራ በመስራት ለነዋሪዎች ምቹ እንዲሆኑ የተቀናጀ ስራ መስራት እንደሚገባ የእዣ ወረዳ ከተማ ልማትና ኮንስትራክሽን ፅ/ቤት አስታወቀ ።
ፅ/ቤቱ ትጉህና አገልጋይ ሲቭል ሰርቪስ ለብልፅግናችን በሚል መርህ ከተቋም ባለሙያዎችና ከባለድርሻ አካላት ጋር ውይይት አካሂዷል።
የእዣ ወረዳ ከተማ ልማትና ኮንስትራክሽን ፅ/ቤት ሀላፊ አቶ ጌታቸው አየለ እንደገለፁት የከተሞችን ደረጃና የህዝቡን አዳጊ ፍላጎት ታሳቢ ያደረገ ስትራቴጂያዊ አመራር በመስጠት በብቃት ደግፎ ማሻገርና የነገ ዘመናዊ ከተሞችን የመገንባት ጉዞ ከወዲሁ መስራት ይጠበቃል።
እንደ ወረዳው በማዘጋጃ ቤቶች የሚሰጠው አገልግሎት ቀልጣፋ፣ ውጤታማና ተደራሽ እንዲሆን ለማድረግ የአቅም ግንባታ ስልጠናዎችን በመስጠት ተቋማዊ የማስፈፀም አቅም ለመገንባት ሰፊ ጥረት የተደረገ ይገኛል ያሉት ሀላፊው ሆኖም ግን በከተሞች የሚሰጠው አገልግሎት አሁንም የቅልጥፍና፣ የፍትሀዊነት እና የጥራት ጉድለት በሚፈለገው ደረጃ ከመፍታት ጋር ቀሪ ስራዎች የሚጠይቁ መሆናቸውንም ጠቁመዋል።
ከመሰረተ ልማቶች አንፃር በእስካሁን ሂደትም በከተሞች 13.19 ኪ.ሜ የአዲስ መንገድ ጠረጋና ከፈታ ፣ የ 11.675 ኪ.ሜ የአዲስ ጠጠር መንገድ ግንባታ ፣ እንዲሁም 8.9 ኪ.ሜ የነባር ጠጠር መንገድ ጥገናና ደረጃ ለማሻሻል ለማከናወን ተችሏል ያሉት አቶ ጌታቸው በ2016 በጀት ዓም 9 ወራት ውስጥ በመኖሪያ ቤት ህብረት ሥራ ማህበር ፕሮግራም 26 ቤቶች ግንባታ ለማስጀመር መቻሉ ፣በግለሰብ 30 ቤቶች ግንባታ ፣ የድሃ ድሃ ቤት ግንባታ 2 እንዲሁም 16 በገጠር የልማት ማዕከላት የተሻሻሉ ቤቶች መገንባት መቻሉንም አብራርተዋል።
እንደ ወረዳው ከተሞች በፕላን እንዲመሩ ድጋፍና ክትትል በማድረግ አገናን ወደ ፍረጅ 3 ለማሳደግ የተቻለ ሲሆን ዳርቻ ዝግባቦቶ ወደ ማዘጋጃ ቤት ለማሳደግ መስፈርቱ እንዲያሟላ ዝግጅቱ ተጠናቆ የክልሉ ሰርተፍኬት እየጠበቅን እንገኛለን ያሉት ሀላፊው በቀጣይም በከተሞች የተለዩትን የአፈፃፀም ጉለቶች ቶሎ እንዲታረሙ በማድረግ ከተሞች ምቹ ፡ ውብና ለነዋሪዎች የሚመቹ እንዲሆን የተጠናከር ድጋፍና ክትትል ስራ ይሰራልም ብለዋል።
የፅ/ቤቱ ም/ሀላፊና የአቅም ግንባታ ዘር አስተባባሪ አቶ ኑራዲስ ነስሩ እንደ ወረዳው በከተሞች የተጀመሩ ልማቶችን በተሻለ ፍጥነት ለማስቀጠልና ሌብነትንና ብልሹ አሰራሮችን ለማክሰምና የመልካም አስተዳደር ጥያቄዎችን በአግባቡ መመለስ ይቻል ዘንድ ከሚመለከታቸው አካላት እና የአገልግሎት ተቀባዩ የህብረተሰብ ክፍል ጋር ውይይት መደረጉንም አስታውሰዋል።
ከተሞች የአስተዳደር ወሰናቸው በአግባቡ ማካለል እና የመሬት ይዞታዎች በአግባቡ በመለየት የመሬት ወረራን መከላከል ይገባል ያሉት ም/ሀላፊው ከዚህ በተጨማሪም ከተሞች ያላቸው የመሬት ሀብት በአግባቡ በመጠቀምና የሊዝ ገንዘብን በመሰብሰብ እድገታቸውን ማፋጠን አለባቸውም ብለዋል ።
በቀጣይም እንደ ወረዳው የከተሞች እውቅና አሰጣጥ ፣የፈርጅ ለውጥ አሰጣጥ፣ ከተሞች ፈርጃቸውን የሚመጥን አገልግሎት መስጠት ይገባል ያሉት አቶ ኑራዲስ መመሪያውን የተከተለ የቀበሌ አደረጃጀት ፣ የተጠናከረ የከተማ-ገጠር ቀበሊያት ትስስር በመፍጠር ከተሞቻችን ደረጃጀውን የሚመጥን አገልግሎት እንዲሰጡ በትኩረት መሰራት እንዳለበትም አሳስበዋል።
በእለቱም የመወያያ ሰነድ ቀርቦ ሰፊ ውይይት የተደረገ ሲሆን ወጣቱ ስራአጥ ሆኖ እንዳይኖር በከተሞች የስራ እድል እንዲፈጥሩ የመሬት አቅርቦትና ተያያዥነት ያላቸው ጉዳዮ ማሟላት ፡ የመሰረተ ልማት አቅራቢአዎች ከከተሞች ጋር በቅንጅት በመስራት የፕላን ጥሰትና ጥራትን በህብረተሰብ ተሳትፎ ማስጠበቅ እንደሚገባም የጋራ ግንዛቤ ተይዞአል።
ከተሞች እድገት ማነቆ የሆነው ህገወጥ ግንባታና የመሬት ወረራ ለመከላከል የድርሻቸውን እንደሚወጡም ተሳታፊዎች በአስተያየታቸው ተናግረዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው

የህዳሴው ግድብ እስኪጠናቀቅ የተለመደውን ድጋፍ አጠናክሮ ማስቀጠል እንደሚገባ ተገለፀ ።

====================================

የህዳሴው ግድብ እስኪጠናቀቅ የተለመደውን ድጋፍ አጠናክሮ ማስቀጠል እንደሚገባ ተገለፀ ።
በወረዳው “በህብረት ችለናል ” በሚል መርህ የህዳሴው ግድብ 13ኛ ዓመታት ጉዞና የ2016 ዓም የወረዳው የህዳሴ ቦንድ ግዢ እቅድ ዙሪያ የንቅናቄ መድረክ ተካሂዷል ።
በእለቱም የእዣ ወረዳ ዋና አስተዳዳሪ አቶ ዘውዱ ዱላ እንደገለፁት ሀገራችን ኢትዮጵያ ከጫፍ እስከ ጫፍ ያነቃነቀው እና የሰንደቅ አላማችን ፕሮጀክት የሆነው ታላቁ የህዳሴ ግድብ በቀድሞ መሪ አቶ መለስ ዜናዊ መጋቢት 24/2003 ዓም መሰረተ ድንጋይ ተቀምጦ ሁሉም ኢትዮጵያዊያን በአንድነት የዘመቱበት በራሳችን አቅም መስራት እንድምንችል ለአለም ያስደመምንበት ነው ።
የተፈጠሩትን በርካታ ፈተናዎች በጠንካራ አመራቅ ሰጪነት እና ጠንካራ ዲፕሎማሲያዊ ጎንኙነት በመፍጠር አሁን ላይ ግድቡ 95 % የደረሰ ሲሆን በሁለት ተርባይኖች 700 ሜጋ ዋት በማመንጨት የውጭ ምንዛሬ ማስገኘት ችሏል ያሉት አቶ ዘውዱ በተጨማሪም በጥቂት ሳምንታት ውስጥ አምስት ተርባይኖች 2000 ሜጋ ዋት ሀይል ማመንጨት የሚጀምሩ እና በ2017 ዓም ፕሮጀክቱ እንደሚያልቅም ይታመናልም ብለዋል ።
በመሆኑም የመጨወሻ የፕሮጀክቱ ማጠናቀቂያ ትልቅ ገንዘብ የሚያስፈልገው በመሆኑ ተገንዝበን የራሳችን የሆነው ፕሮጀክት በታቀደለት ጊዜ እንዲጠናቀቅ ተጨማሪ ርብርብ በማስፈለጉ የሚፈለግብን የቦንድ ግዢ እያንዳንዱ ቤተሰብ ተግባራዊ እንዲሁን እንደ ወረዳው ጠንካራ ንቅናቄና ዘመቻ በመፍጠር መረባረብ እንደሚገባም አሳስበዋል ።
የእዣ ወረዳ ዋና የመንግስት ተጠሪ አቶ ተሾመ ስራኒ በበኩላቸው የህዳሴ ግድብ ቦንድ ግዢ መግዛት የቁጠባ ባህላችን የሚያሳድግ ከመሆኑም በላይ በሀገር ዘላቂ ልማት ላይ አሻራ ማኖር ነውና የወረዳው ማህበረሰብ የግድቡ ግንባታ ስራ እስኪጠናቀቅ እስካሁን እያደረገው የነበረው አስተዋፅኦ አጉልቶ እንዲያስቀጥል የማስገንዘብ ተግባር ጠቃሚ ነው ብለዋል ።
የግድቡ መገንባትና እንደዚህ መድረስ መቻሉ ትላልቅ ፕሮጀክቶች በራስ አቅም ማጠናቀቅ እንደሚቻል ለአለም ያሳየንበት እንዲሁም የኢትዮጵያዊነት ስሜትና ህብረት ጎልቶ የታየበት ነው ያሉት ዋና የመንግስት ተጠሪው እስካሁን በተደረገው አስተዋፅኦ በወረዳችን 6ሚሊየን 213ሺህ 443ብር ቦንድ ግዢ መፈፀሙን አስታውሰዋል።
በዚህ ዙርያም እንደ ወረዳው 747 ሺህ ብር በተለያዩ የማህበረሰብ ክፍሎች ለመሰብሰብ መታቀዱን የገለፁት አቶ ተሾመ ይህም ካለው ሀገራዊ ፋይዳ በአጭር ጊዜ ለመሰብሰብ መረባረብ ያስፈልጋልም ብለዋል።
በእለቱም የህዳሴ ግድብ አጠቃላይ ገፅታ የእዣ ወረዳ ዋና አስተዳዳሪ ልዩ አማካሪ በአቶ አሸናፊ በቀለ ሰነድ ቀርቦ ሰፊ ውይይት የተደረገ ሲሆን ተሳታፊዎችም ይህ የጋራ አርማችን የሆነውን የህዳሴ ግድብ ግንባታ እስኪጠናቀቅ ድረስ ሁለንተናዊ ድጋፋችን እናጠናክራለን ሲሉ በአስተያየታቸው ተናግረዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

ተማሪዎች በፈጠራ ስራ ያላቸው አቅም በማሳደግና የሚሰሩዋቸው የፈጠራ ውጤቶች ወደ ቴክኖሎጂ በማሸጋገር ዘርፉ እንዲነቃቃ የበለጠ መስራት እንደሚገባ የጉራጌ ዞን ሳይንስና ኢንፎርሜሽን ቴክኖሎጂ መምሪያ አስታወቀ።

=======================

መጋቢት 28/2016 ዓ.ም
ተማሪዎች በፈጠራ ስራ ያላቸው አቅም በማሳደግና የሚሰሩዋቸው የፈጠራ ውጤቶች ወደ ቴክኖሎጂ በማሸጋገር ዘርፉ እንዲነቃቃ የበለጠ መስራት እንደሚገባ የጉራጌ ዞን ሳይንስና ኢንፎርሜሽን ቴክኖሎጂ መምሪያ አስታወቀ።
የጉራጌ ዞን የተማሪዎች የፈጠራ ስራ ኢግዚቢሽን ፕሮግራም በአገና ከተማ  ተጀመረ።
የእዣ ወረዳ ሳይንስና ኢንፎርሜሽን ቴክኖሎጂ ጽ/ቤት ከወረዳው ትምህርት ጽ/ቤት በጋራ በመሆን የፈጠራ ስራዎች ኢግዚብሽን ማስጀመሪያ መድረክ በአገና ከተማ አድርገዋል።
የጉራጌ ዞን ሳይንስና ኢንፎርሜሽን ቴክኖሎጂ መምሪያ ኃላፊ አቶ ደምስ ገብሬ አለም ያደገችውም የምታደገውም በፈጠራ ስራ ሲሆን የፈጠራ ሰዎች ደግሞ የሚወጡት ከትምህርት ቤት ነው ብለዋል።
በወረዳው በርካታ የፈጠራ ሰዎች ያሉ ሲሆን ወረዳውም ለሳይንስና ኢንፎርሜሽን ቴክኖሎጂ ዘርፍ ትኩረት በመስጠቱ ግንባር ቀደም ስራዎች እየተከናወኑ መሆኑን አመላክተዋል።
የሚሰሩ የፈጠራ ስራዎችና ባለሙያዎች የት እንደደረሱ መከታተል፣መደገፍና ማብቃት ይገባል ያሉት አቶ ደምስ በአምና ደረጃ እውቅና አግኝተው ያለፉ የፈጠራ ባለቤቶች በወልቂጤ ዩኒቨርስቲ እንዲደገፉ ተደርጓል ነው ያሉት።
አቶ ደምስ አክለውም የፈጠራ ሰዎች ሀሳባቸው ወደ ተግባር በመለወጥ የህብረተሰቡ ችግር መቅረፍ እንደሚገባቸው እና ኢንተርፕራይዞች ደግሞ የሚመጣላቸው ፈጠራዎች ወደ ተግባር መቀየር እንዳለባቸው አስገንዝበዋል።
ፕሮግራሙ ከዛሬ ጀምሮ በዞኑ ባሉ መዋቅሮች እንደሚካሄድ ገልጸው ተማሪዎች በፈጠራ ስራ ያላቸው አቅም በማሳደግና የሚሰሩዋቸው የፈጠራ ውጤቶች ወደ ቴክኖሎጂ በማሸጋገር ዘርፉ እንዲነቃቃ መስራት እንደሚገባ አስታውቋል።
የእዣ ወረዳ ዋና አስተዳዳሪ አቶ ዘውዱ እንዳሉት እንዳሉት የፈጠራ ዘርፉ ተማሪዎች ያላቸው እውቀት፣አቅም እና ልምዳቸው የሚያወጡበት ነው ያሉ ሲሆን እነዚህ ናሙናዎች ወደ ሀብት መቀየር እንደሚያስፈልግ ተናግረዋል።
አቶ ዘውዱ አክለውም የፈጠራ ባለሙያዎች የህብረተሰቡ መሰረታዊ ችግር ምን እንደሆነ በጥልቀት በማጤን ችግር ፈቺ ስራዎች ማቅረብ እና እራሳቸውም ተጠቃሚ ማድረግ እንደሚችሉ መክረዋል።
የጉራጌ ማህበረሰብ በራሱ በፈጠራ ስራ የሚታወቅ ለዘርፉ ልምድ ያለው ህዝብ ነው።በመሆኑም ወረዳውም በተማሪዎች የፈጠራ ስራ ትኩረት በመስጠት ለዞን፣ለክልል፣ለሀገር አልፎ ለአለም የሚጠቅሙ ተማሪዎች እንዲወጡ በትኩረት እንሰራለን ብለዋል።
የእዣ ወረዳ ሳይንስና ኢንፎርሜሽን ቴክኖሎጂ ጽ/ቤት ኃላፊ ወ/ሮ እረሂማ ሙክታጅ የፈጠራ ስራው ውጤታማ ለማድረግ በዘርፉ የሚገጥሙ የግብአት፣የበጀት ችግሮች መቅረፍ እንደሚገባና ኮሌጆች፣ክበባትና መምህራን የበኩላቸው መወጣት አለባቸው ያሉ ሲሆን እስካሁን ለ17 ትምህርት ቤቶች የማቴሪያልና ሌሎች መሰል ድጋፎች መደረጉ አስታውቀዋል።
የፈጠራ ባለቤቶች በሰሩዋቸው ስራዎች የአእምሮአዊ ንብረት እውቅና ለ5 የፈጠራ ስራዎች ፕሮፖዛላቸው በመገምገምና መሰፈርቶች በማሟላት ወደ ኢትዮጵያ አእምሮአዊ ንብረት ጥበቃ ጽ/ቤት መላኩ አስታውሰዋል።
ከኮሌጅ፣ከዞኑ ሳይንስና ኢንፎርሜሽን ቴክኖሎጂ መምሪያና ከሚመለከታቸው ተቋማት ተቀናጅተው እንደሚሰሩ ገልጸው መሰል አይነት መድረኮች ተማሪዎች የበለጠ በሙያቸው የበለጠ እንዲነቃቁ ያደርጋል።
በኢግዚብሽኑ የተሳተፉ መምህራንና ተማሪዎች እንዳሉት በአካባቢያችን የህብረተሰቡ ችግር የሆኑትን በመለየት የማህበረሰቡ ጉልበት፣ጊዜና ገንዘብ ለመቆጠብ በርካታ የፈጠራ ስራዎች እንድንስራ መነሳሳሳት ፈጥሮብናል ሲሉ ገልጸዋል።
በዚህ ውድድር የኬሚካል መርጫ ማሽን፣ሰርኪውድ ቦርድ፣የመበየጃ ማሽን ክፍለ ጊዜ መቆጣጠርያ፣ አፓርትመንት፣እስቶቭ፣የትራፊክ መቆጣጠሪያ ማሽን፣ፔሬዲክ ቴብል፣ዉሃ ማፊያ፣የጉድጓድ ውሃ ማውጫ፣ሳምብል ሄሊኮብተር ኬሚካሎች እና ሌሎችም አቅርበዋል።
በዘርፉ የሚገጥሙ የግብአት እጥረቶች እንዲቀረፍላቸው የጠየቁት መምህራንና ተማሪዎቹ የህብረተሰቡ ችግር ሊቀርፉ የሚችሉ የፈጠራ ስራዎች በመስራት በሁሉም ቦታ ተወዳዳሪ ለመሆን እንደሚሰሩ ተናግሯል።
በመጨረሻም በፈጠራ ስራ የተሻለ ስራ ላቀረቡ ተማሪዎች፣መምህራን፣ኢንተርፕራይዞች፣የትምህርት ተቋማት እና ድጋፍ ላደረጉ ባለድርሻ አካላት እውቅናና ሽልማት ተበርክቶላቸዋል።