የ2017 ዓም የ1ኛ ሩብ ዓመት 4ኛ ዙር 12ኛ አመት 44ኛ መደበኛ ጉባኤ አካሂዷል

እንደ ወረዳው የተጀመሩ የልማትና መልካም አስተዳደር ስራዎች በማጠናከር ህብረተሰቡ ተጠቃሚ እንዲሆን በትኩረት ሊሰራ እንደሚገባ በጉራጌ ዞን የእዣ ወረዳ ምክር ቤት አስታወቀ ።

ም/ቤቱ የ2017 ዓም የ1ኛ ሩብ ዓመት 4ኛ ዙር 12ኛ አመት 44ኛ መደበኛ ጉባኤ አካሂዷል ።

የእዣ ወረዳ ምክርቤት ም/ አፈ-ጉባኤ ወይዘሮ ሰናይት ሳህሌ በመግቢያ ንግግራቸው እንደተናገሩት ሀገራችን የጀመረችው የእድገት ጎዳና ተጠናክሮ እንዲቀጥል በየደረጃው ያሉ ምክር ቤቶች የክትትልና ቁጥጥር ስራ በማከናወን ሚናቸው የጎላ ነው ።

በኢኮኖሚው ዘርፍ በግብርና ምርት ላይ ሙሉ ቴክኖሎጂ በመጠቀም እንደ ሀገር የተጀመረው ድል በወረዳውም ላይ በእርሻ ካላንደር መሰረት ቴክኖሎጂ ተጠቅሞ የምግብ ሉአላዊነት ያረጋገጠ አርሶአደር መፍጠር እንደሚጠበቅም ም/አፈ-ጉባኤዋ ጨምረው ተናግረዋል።

በጤናው ዘርፍም እየተሰጠ የሚገኘው የጤና ኤክስቴንሽን አገልግሎት በማጠናከር በተለይም በወባ ወረርሽኝ ላይ እንደ ወረዳው እየተሰራ ያለው የመከላከል ስራ ማጠናከር አለባቸው ያሉት ወ/ሰናይት በትምህርት ዘርፍም እንደ ሀገር የገጠመው የውጤት ስብራት ለመካስ ሁሉም መረባረብ እንደሚያስልግም ገልፀዋል።

የእዣ ወረዳ ዋና አስተዳዳሪ አቶ ዘውዱ ዱላ የ2017 በጀት አመት የ1ኛ ሩብ አመት እቅድ አፈፃፀም ሪፖርት ያቀረቡ ሲሆን በሪፖርቱም የግብርናው ዘርፍ የሀገራዊ ኢኮኖሚ እድገትና ድህነት በመቀነስ ረገድ ባለው ወሳኝ ድርሻ ምክንያት ከፍተኛ ትኩረት በመስጠት በ2016/17 ምርት ዘመን በመኸር ወቅት በአዝዕርት ሰብሎች 9991 አርሶአደሮች በማሳተፍ 6570 ሄክታር መሬት ለማልማት መቻሉንም አመላክተዋል።

በወረዳው ለዘመናት ያልታረሱ መሬቶች እንዲለሙ ሰፊ ጥረት የተደረገ ሲሆን በበልግና መኸር እርሻ 931.5 ሄክታር መልማቱን ጨምረው የገለፁት ዋና አስተዳዳሪው በፍራፍሬ ልማት በጠቅላላው 111ሺህ 450 ያህል ተተክለው አስፈላጊውን የመንከባከብ ስራ እየተሰራ ነው ብለዋል።

በትምህርት ዘርፍ የተለያዩ የንቅናቄ መድረክና የትምህርት አመራር ሪፎርማ የማድረግ ስራ የተሰራ ሲሆን በ2017 የተማሪዎች ቅበላ ከ1- 12ኛ ክፍል 13ሺህ 921 ተማሪዎች ተመዝግበው ትምህርታቸው እተከታተሉ ይገኛሉ ያሉት አቶ ዘውዱ የመማር ማስተማር ስርዓት ምቹ ለማድረግ በጀት ወሳኝ በመሆኑ ከህብረተሰቡ ተሳትፎ ባሻገር በወረዳው መንግስት 4ሚሊየን 500 ሺህ ብር ድጋፍ መደረጉንም ጠቁመዋል ።በወረዳው በተያዘው አመት አስከፊ እየሆነ የመጣው የወባ በሽታን ጫና ለመከላከል በርካታ ስራዎች የተሰሩ ሲሆን በሁለት ሳምንት ከተመረመሩ 1601 ሰዎች መካከል 495 ሰዎች የወባ ህመም ተጠቂ ሆነው አስፈላጊውን ህክምና እንዲያደርጉ መደረጉን የጠቀሱት ዋና አስተዳዳሪው ከዚህ በተጨማሪ በተቋሙ ወቅታዊ የሆኑ ክትባት የመስጠትና የእናቶችና ህፃና ሞት መቀነስ የሚያስችሉ ስራዎች መሰራታቸውንም አብራርተዋል።

በክረምት ወራት በጎ ፈቃድ አገልግሎት በ15 የስራ መስኮች 29 ሺ 566 ወጣቶች በማሳተፍ 49ሺህ 170 የህብረተሰብ ክፍሎች ተጠቃሚ እንዲሆኑ ሰፊ ጥረት ተደርጎአል ያሉት አቶ ዘውዱ ይህም በመንግስትና በህብረተሰብ ይወጣ የነበረው 16 ሚሊየን 970 ሺህ 600 ብር ማዳን ተችሏልም ብለዋል።

በአጠቃላይ እንደ ወረዳው በሩብ አመቱ በሁሉም ተቋማት የታቀዱ ስራዎች ለማከናወን ሰፊ ጥረት መደረጉን የገለፁት ዋና አስተዳዳሪው በቀጣይ ምክር ቤቱ በጉለት ያነሳቸው ተግባራቶች የባለሙያና አመራር ተሳትፎ በማጠናከር ህብረተሰቡን ተጠቃሚ ለማድረግ እንደሚሰራም አብራርተዋል።

በምክር ቤቱ አባላት የተነሱት ጥያቄዎችና አስተያየቶች በሚመለከታቸው ተቋማት ሀላፊዎችና የወረዳው አስተዳዳሪ ቀጣይ ሊታረሙ በሚያስችል አኳኋን ማብራሪያና ምላሽ ተሰጥቶባቸዋል ።

በመጨረሻም ምክር ቤቱ ወ/ሮ አሰለፈች ክብሩ የእዣ ወረዳ ሴቶችና ህፃናትፅ/ቤት ሀላፊ እንዲሁም አቶ ሲሳይ ክፈተው የወረዳው ዋና አስተዳዳሪው አማካሪ እንዲሆኑ በብልፅግና ፓርቲ የቀረበው ሹመት መርምሮ አፅድቋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

በጉራጌ ዞን እዣ ወረዳ በግብርና ልማት ፅ/ቤት አስተባባሪነት የመስክ እየተካሄደ ይገኛል

በጉራጌ ዞን እዣ ወረዳ በግብርና ልማት ፅ/ቤት አስተባባሪነት የመስክ እየተካሄደ ይገኛል።

በወረዳው ሸህረሞ ፡ ቦዠባር ፡ አንበሊና የስራይ ቀበሌዎች ላይ የገብስ ፡ የጤፍ ፡ የፍራፍሬና የነጭሽንኩርት ማሳዎች ጉብኝት እንደሚደረግም ተጠቁሟል ።

በጉብኝቱም የወረዳው አመራሮች ፡ የወረዳና ቀበሌ ባለሙያዎች ፡ የቀበሌ ሊቀመናብርትና ሌሎችም ባለድርሻ አካላት ተሳታፊ ናቸው ።

ዝርዝሩ ተከታትለን የምናደርስ ይሆናል።

ጉራጌ ዞን እዣ ወረዳ “የህልም ጉልበት ለእምርታዊ እድገት” በሚል መሪ ቃል ሲሰጥ የቆየው 4ኛ ዙር የብልጽግና ፓርቲ አባላት ስልጠና ተጠናቋል።

በጉራጌ ዞን እዣ ወረዳ “የህልም ጉልበት ለእምርታዊ እድገት” በሚል መሪ ቃል ሲሰጥ የቆየው 4ኛ ዙር የብልጽግና ፓርቲ አባላት ስልጠና ተጠናቋል።

ጥቅምት28/2017 ዓም

የእዣ ወረዳ ብልፅግና ፓርቲ ፅ/ቤት ሀላፊ አቶ ተሾመ ስራኒ እንደገለፁት ስልጠናው በፓርቲው እሳቤ አመራሩና አባሉ የኢትዮጵያን ብልፅግና ለማረጋገጥ በሚያስችል መልኩ ተረድቶ በተለያየ መንገድ የአመለካከትና የአስተሳሰብ ለውጥ እንዲያመጡ እንዲሁም በተግባር ላይ እንዲያውሉ የተሻለ ግንዛቤ የፈጠረ ነው ብለዋል።

ስልጠናው የአባሉን የአስተሳሰብ ፡ የአመለካከትና የስራ ተነሳሽነት እንዲሁም የስራ ክህሎት በማሻሻል ሀገራዊውን የብልፅግና ጉዞ ለማሳካት የሚያስችል የአቅም ግንባታ ስልጠና መሆኑ ሀላፊው ጨምረው ተናግረዋል ።

ጠንካራና ብቁ አመራርና አባል ለማፍራት ፓርቲው ከያዛቸው ዕቅዶች አንዱና ዋነኛው የአቅም ግንባታ ስልጠና ሲሆን ይህም ስልጠና ለአባሉ ሰፊ ግንዛቤ መፍጠሩንም አቶ ተሾመ አመላክተዋል።

በየማህበራዊ ዘርፎች የተነሱትን ጥያቄና አስተያየቶች ሀላፊው ሰፊ ማብራሪያ የሰጡ ሲሆን በገዢ ትርክቶች ላይ መሰረት አድረገን የተጀመሩ የልማትና መልካም አስተዳደር ስራዎች ተጠናክረው እኖዲቀጥሉ አባሉ የራሱን ድርሻ መጫወት አለበትም ብለዋል።

ሰልጣኞችም በሰጡት አስተያየትም ፓርቲው የጀመራቸው የልማት ስራዎች የሚበረታቱ እንደሆነ ተናግረው በቀጣይም ዘላቂ ሰላም እንዲሰፍን ልማቶች እንዲስፋፉ መንግስትና ህብረተሰቡ በመቀናጀት መስራት እንደሚገባም ገልፀዋል።

በነገው እለትም 5ኛው አመት የብልፅግና ፓርቲ ምስረት ጉባኤ መላው አባሉ በተሟላበት እንደሚካሄድም ተጠቁሟል ።

ለምለም ቀዬ፤ ዘመነኛ ጥበበኛ መሃንዲስ አልቀየሰውም።

በዚህ መንደር ተፈጥሮና ተለምዶ ተሰባጥረዋል፤ የኑባሬ በይነ-ፈርጆች ተዋደዋል። ይህን ለዕይታ ማራኪ፣ መንፈስን በሐሴት አርኪ፣ በተመስጦ ቀልብ ወስዋሽ፣ ትሩፋተ-ብዙው ለምለም ቀዬ፤ ዘመነኛ ጥበበኛ መሃንዲስ አልቀየሰውም።

የዘመናችን የአካባቢ ስነ-ውበት ባለሙያ አልተጨነቀበትም። የምትሃተኛ ኪነ-ህንፃ ባለሙያ፣ የዝነኛ የገጸ- ምድር ንድፈኛ ውጤት አይደለም። ዘመናዊ የሥርዓተ-ምኅዳር ሳይንቲስቶች አሻራም አላረፈበትም።

ሥሪቱም፣ መሠረቱም፣ ትዕምርቱም የጥንት የጥዋት ነው። የሀገር በቀል ዕውቀትና ጥበብ ማሳያ። ምዕተ- ዓመታት የተሻገረ የትውልድ ቅርስም፣ ውርስም።

የሀገረ-ስዊዘርላንድ ውድ መንደሮችን የሚያስንቀው ይህ ውብና ፅዱ መንደር፣ የጉራጌዎች ጀፎረ ነው።

በዘመናት ዑደት ውስጥ ከነግርማ ሞገሱ የተሻገረ የጉራጌ መንደሮች ባህላዊ ጎዳና፣ የትውፊታዊ ትዕይንቶች መድረክ ነው።

ባለሐመልማላዊ ገጹ ጀፎረ ለጉራጌ ማኅበረሰብ አንዱ መልክና ልክ፤ ግልጋሎቱም አድማስ ሰበር እና ዘመን ዘለል ነው።

በአባቶች ተረክ ጀፎረ ከሥራ ወዳዱ የጉራጌ ጥንተ-ማኅበረሰብ ዘንድ በንግድ እንቅስቃሴ ሂደት ተወጥኖ ከወትሮ እስከ ዘንድሮ ዘልቋል።

ጀፎረ ውበትና ጌጥ ብቻ አይደለም። ትውፊታዊ መልክና ግልጋሎቱ ፈርጀ-ብዙ ነው። በዘፈቀደ የሚሰመር ሳይሆን የራሱ የአሰማመርና የልኬት ስልት ይመራል።

“የህልም ጉልበት ለእምርታዊ ዕድገት”

“የህልም ጉልበት ለእምርታዊ ዕድገት” በሚል ሀሳብ ለ4ኛ ዙር ለሚሰጠው የአባላት ስልጠና የቅድመ ዝግጅት ስራዎች መጠናቀቃቸው በጉራጌ ዞን የእዣ ወረዳ ብልፅግና ፓርቲ ፅ/ቤት አስታወቀ።

የእዣ ወረዳ ብልፅግና ፓርቲ ፅ/ቤት ሀላፊ አቶ ተሾመ ስራኒ እንዳሉት ስልጠናው የፓርቲው አባል አቅም ከመገንባት ባሻገር አመራሩና መላው አባላቱ የጋራ አስተሳሰብና የተግባር አንድነት በመፍጠር ሀገሪቱ የጀመረችውን የብልጽግና ጉዞ ለማፋጠን ትልቅ አቅም መገንቢያ ነው ።

እንደ ወረዳው 10 ሺህ 239 አመራርና አባላት እንደሚገኙ የጠቆሙት ሀላፊው ከሚቀጥለው ጥቅምት 27/2017 – ጥቅምት 29/2017 ዓም በቀበሌ ማዕከላት ፡ በከተሞች እንዲሁም በወረዳው ማዕከል ለሚገኙ ፐብሊክ ሰርቫንት አባላት እንደሚሰጥም ጨምረው ተናግረዋል።

ይህም ስልጠና ለመስጠት ለአሰልጣኞች ኦረንቴሽን አስቀድሞ መሰጠቱን የጠቆሙት አቶ ተሾመ ከዚህ በተጨማሪ በሁሉም ማዕከላት የመሰልጠኛ አዳራሾችና ለስልጠናው ሚያስፈልጉ ጉዳዮች ቅድመ ዝግጅት መደረጉንም ገልፀዋል።

የጉራጌ ዞን ትምህርት መምሪያ አመታዊ የትምህርት ጉባኤ ፕሮግራም በወልቂጤ ከተማ ባለድርሻ አካላት በተገኙበት አካሂዷል።

ጥቅምት 23/2017 ዓ.ም

በጉራጌ ዞን በትምህርት ዘርፍ የሚገጥሙ ችግሮች በማረም የትምህርት ቤቶች ደረጃ እና የተማሪዎች ውጤት ለማሻሻል የሚደረገው ጥረት ተጠናክሮ መቀጠል እንዳለበት የማእከላዊ ኢትዮጵያ ክልል ትምህርት ቢሮ አስታወቀ።

የጉራጌ ዞን ትምህርት መምሪያ አመታዊ የትምህርት ጉባኤ ፕሮግራም በወልቂጤ ከተማ ባለድርሻ አካላት በተገኙበት አካሂዷል።

የጉራጌ ዞን ዋና የመንግስት ተጠሪ አቶ አለማየሁ ገ/መስቀል እንደገለፁት ትውልዱ በማንኛውም የስራ መስክ ተሰማርቶ ውጤታማ ህይወት እንዲኖረው ትምህርት መማር እንደሚጠበቅበት የመከሩ ሲሆን ለዚህም በትምህርት ላይ የሚነገሩ ተገቢ ያልሆኑ አመለካከቶች ማስተካከል ይገባል ነው ያሉት።

የዞኑ ማህበረሰብ ለትምህርት ሲባል ያለውን ሁሉ የሚሰጥ መሆኑን የተናገሩት አቶ አለማየሁ ለቅድመ መደበኛ ትምህርት ቤቶች እና ለጉራጊኛ ትምህርት ልዩ ትኩረት እንዲሰጣቸው አስገንዝበዋል።

አመራሩ የትምህርት ተግባር ፓለቲካዊ ትርጉም በመስጠት ከሌሎች ወቅታዊ ስራዎች ጋር አቀናጅቶ በመስራት የዞኑ የተማሪዎች ውጤት እንዲሻሻል በትኩረት መስራት ያስፈልጋል ነው ያሉት ዋና ተጠሪው።

በጉባኤው የተገኙት የማእከላዊ ኢትዮጵያ ክልል ትምህርት ቢሮ ምክትል ኃላፊ አቶ አስከብር ወልዴ በንግግራቸው የትምህርት ስራ እጅግ በርካታ ውስብስብ ችግሮች ያሉበት በመሆኑ ስራው በትግስ፣በትጋትና በቅንጅት መስራት ይጠይቃል ብለዋል።

የተማሪዎች ውጤት እንዲሻሻል ችግሮችን በጥናት መደገፍ፣የተማሪዎች ስነ ምግባር ማሻሻል እና የትምህርት ግብአት ማሞላት ያስፈልጋል ያሉት ኃላፊው በዞኑ የተጀመረው የጉራጊኛ ቋንቋ ትምህርት አጠናክሮ ማስቀጠል እንደሚገባ ተናግረዋል።

በጉራጌ ዞን በትምህርት ዘርፍ የሚገጥሙ ችግሮች በማረም የትምህርት ቤቶች ደረጃ እና የተማሪዎች ውጤት ለማሻሻል የሚደረገው ጥረት ተጠናክሮ መቀጠል እንዳለበት አቶ አስከብር ወልዴ ገልጸዋል።

የጉራጌ ዞን ትምህርት መምሪያ ኃላፊ አቶ መብራቴ ወ/ማረያም የትምህርት ዋና አላማ እውቀት ፣ክህሎትና አመለካከት በማስተካከል እና የአስተሳሰብ ለውጥ በማምጣት ብቁና ተወዳዳሪ ዜጎች መፍጠር ነው።

ይሁን እንጂ ባለፉት አመታት ጥራታቸው የጠበቁ ትምህርት ቤቶች ባለመገንባታቸው፣አስፈላጊ የሆኑ የትምህርት ግብአቶች ባለመሟላታቸው እና ትምህርት ቤቶች ሳይንሳዊ በሆነ መንገድ ባለመመራታቸው በተማሪዎች ውጤት ላይ ለውጥ ሳይመጣ ቀርቷል።

በዞኑ ይህንን ችግር ለመቅረፍ በትኩረት እየተሰራ ሲሆን በቀጣይም ይህንን ለማስቀጠል ባለሀብቱ፣የግል እና የመንግስት ተቋሟት ፣አጋዥ ድርጅቶች እንዲሁም ማህበረሰቡ ከመንግስት ጋር ተቀናጅቶ እየሰራው ያለ ስራ ሊጠናከር እንደሚገባ አሳስበዋል።

አዲሱ ስርአተ ትምህርት የሚያስተምሩ ከ2 ሺ በላይ መምህራኖች ስልጠና ተሰጥቷል ያሉት አቶ መብራቴ የትምህርት ውጤት ለማምጣት የመምህራን ኮሌጅ እንዲኖር እና በዞኑ የተጀመረው የአዳሪ ትምህርት ቤት በአፋጣኝ መማር ማስተማሩ እንዲጀምር በትኩረት እየተሰራ መሆኑን ተናግረዋል።

ትውልዱ ምንም እንኳ እውቀትና ክህሎት ኖሮት እንዲሁም በቴኬኖሎጂ ቢራቀቅም ተገቢ ስነ ምግባር ከሌለው እውቀቱ እና ብቃቱ ለሀገርም ሆነ ለቤተሰብ አገልግሎት ስለማይሰጥ በተለይ የእምነት ተቋማት እና ወላጆች ጨምሮ ሁሉም ሰው የበኩሉን ሊወጣ እንደሚገባ አቶ መብራቴ አሳስበዋል።

በውይይቱ የተሳተፉ አካላት እና የተማሪ ወላጆች በበኩላቸው የተማሪዎች ውጤት እንዲሻሻል መምህራን፣ተማሪዎች እና ወላጆች ጥብቅ ግንኙነት ሊኖራቸው ይገባል ብለዋል።

አክለውም በአመቱ በተፈጠሩ የትምህርት ንቅናቄዎች ለትምህርት ግብአት የሚሆኑ ቁሳቁሶች የተሟሉ ቢሆንም አሁንም በትምህርት ቤቶች እየተስተዋሉ ያሉ የላብራቶሪ፣የመጽሀፍት፣ የወንበር እና ሌሎች የመማሪያ ቁሳቁሶች ማሟላት እንደሚገባ አብራርተዋል።

በዞኑ ተማሪዎች በአፍ መፍቻ ቋንቋቸው እንዲማሩ የተጀመሩ ስራዎች ያደነቁት ሀሳብ ሰጪዎቹ የተማሪዎች መጠነ ማቋረጥ ለመቀነስ ፣ ስነ ምግባራቸው እንዲስተካከል ፣ ኩረጃን እንዲጸየፉ መምህራን እና ወላጆች ጨምሮ የእምነት ተቋማቶች ሚናቸው ሊወጡ ይገባል ብለዋል።

በእለቱም በ6ኛ ፣በ8ኛ እና በ12ኛ ክፍል ከፍተኛ ውጤት ያመጡ ተማሪዎች የማበረታቻ ሽልማት የተሰጣቸው ሲሆን በተጨማሪም ለትምህርት ዘርፉ ድጋፍ ላደረጉ የበጎ አድራጊ ማህበራቶች፣መንግስታዊና መንግስታዊ ያልሆኑ ተቋማት እና ግለሰቦች የእውቅና ሽልማት ተበርክቶላቸዋል።

በተያያዘም በትምህርት ለትውልድ ንቅናቄ በተከናወኑ ተግባራቶች

1ኛ እኖር ወረዳ ፣2ኛ ገደባኖ ጉታዘር ወለኔ ወረዳ ፣ 3ኛ ቸሀ ወረዳ ሲሆኑ

አንድ መጽሀፍ ለአንድ ተማሪ ንቅናቄ ደግሞ

1ኛ የቸሀ ወረዳ፣

2ኛ እዣ ወረዳ

3ኛ እኖር ወረዳ ናቸው።

በሀገር አቀፍ ፣በክልላዊና በዞናዊ ፈተናዎች የተሻለ ውጤት ካመጡት መካከል

1ኛ ጌታ ወረዳ

2ኛ እንደጋኝ ወረዳ

3ኛ ምሁር አክሊል ወረዳ በመሆን ያጠናቀቁ ሲሆን ለሁላቸውም እውቅናና ሽልማት ተበርክቶላቸዋል።

በጉባኤው የመሪያው የ2016 ዓ.ም አጠቃላይ የስራ ሪፖርት እንዲሁም የ2017 ዓ.ም የንቅናቄ እቅዶች ቀርበው ውይይት በማድረግና ከመዋቅሮች ጋር የግብ ስምምነት በመፈራረም መድረኩ ተጠናቋል ።

የወልቂጤ ከተማ ምክር ቤት ባደረገው አስቸኳይ ጉባኤ አቶ ሙራድ ከድር የወልቂጤ ከተማ አስተዳደር ተጠባባቂ ከንቲባ አድርጎ ሾመ።

ጥቅምት 19/2017 ዓ.ም

የወልቂጤ ከተማ ምክር ቤት ባደረገው አስቸኳይ ጉባኤ አቶ ሙራድ ከድር የወልቂጤ ከተማ አስተዳደር ተጠባባቂ ከንቲባ አድርጎ ሾመ።

በጉራጌ ዞን የወልቂጤ ከተማ አስተዳደር ምክር ቤት 2ኛ ዙር 12ኛ አመት 8ኛ አስቸኳይ ጉባኤ አቶ ሙራድ ከድር የወልቂጤ ከተማ አስተዳደር ተጠባባቂ ከንቲባ አድርጎ ሾሟል።

በጉራጌ ዞን ምክትል አስተዳደር እና የግብርና መምሪያ ሀላፊ አቶ አበራ ወንድሙ አቅራቢነት አቶ ሙራድ ከድር በእጩነት ቀርበው የምክር ቤት አባሉ በሙሉ ድምፅ የወልቂጤ ከተማ አስተዳደር ተጠባባቂ ከንቲባ አድርጎ ሾሟል።

አቶ ሙራድ ከድር በጉራጌ በዞንና በወረዳ በተለያዩ የመንግስት ተቋማት በከፍተኛና በመካከለኛ የስራ ሀላፊነት ህዝብ ሲያገለግሉ የቆዩና በነበራቸው የስራ ቆይታ መልካም አፈፃፀም የነበራቸው ሲሆን በዛሬው እለት አቶ ሙራድ ከድር የወልቂጤ ከተማ አስተዳደር ተጠባባቂ ከንቲባ አድርጎ የምክር ቤት አባሉ በሙሉ ድምፅ አፅድቋል።

አቶ ሙራድ ከድር ባደረጉት ንግግር ወልቂጤ ከተማ የብዙ ታሪኮችና የልማት እድሎች ባለቤት ፣ የታታሪዎችና የስራ ወዳዶች መፍለቂያ እንዲሁም የብዙ ብሔር ብሔረሰቦችና ህዝቦች መኖርያና የንግድ ኮሪደርና ከሀገራችን ከተለያዩ ክፍሎች የሚቀሳቀሱ እንግዶች ማረፊያ የሆነችው ከተማችን ካሏት ምቹ እድሎች አኳያ አቻ ከተሞች ከደረሱበት የእድገት ደረጃና ተወዳዳሪ እንድትሆን ሁሉም በቅንጅት ሊሰራና ሊያግዝ ይገባል ብለዋል።

በከተማዋ የሚስተዋሉ የልማትና የመልካም አስተዳደር ችግሮች በዘላቂነት ለመፍታት የሰላምና የደህንነት ማስፈን፣ የህግ የበላይነት ማስከበር፣ የነቃ የማህበረሰብ የልማት ተሳትፎ በመፍጠር እና እኔነት ይልቅ እኛነት በማስቀደም ለከተማዋ ሁለንተናዊ ለውጥ ሁሉም በጋራ መስራት መቻል አለበት ሲሉ ጥሪ አቅርበዋል ።

በዛሬው አስቸኳይ ጉባኤ በተመሳሳይ አቶ ታደለ በቀለ የወልቂጤ ከተማ አስተዳደር ዋና የመንግስት ተጠሪ አድርጎ የሾመ ሲሆን ሹመቱም ለምክር ቤት አባላት ቀርቦ በሙሉ ድምፅ ፀድቋል።

መረጃው የወልቂጤ ከተማ መንግስት ኮሚኒኬሽን ጽ/ቤት ነው

3ኛ ዙር የአመራር የአቅም ግንባታ ስልጠና በወልቂጤ ዩኒቨርስቲ በመከታተል ላይ የሚገኙ ሰልጣኞች በጉራጌ ዞን እዣ ወረዳ የልማት ስራዎች ጉብኝት አካሂደዋል ።

የግብርና ምርትና ምርታማት በማሳደግና ሁለንተናዊ ብልፅግና እንዲረጋገጥ አመራሩ በትጋት መስራት እንዳለበት ተገለፀ ።

3ኛ ዙር የአመራር የአቅም ግንባታ ስልጠና በወልቂጤ ዩኒቨርስቲ በመከታተል ላይ የሚገኙ ሰልጣኞች በጉራጌ ዞን እዣ ወረዳ የልማት ስራዎች ጉብኝት አካሂደዋል ።

የጉራጌ ዞን ግብርና መምሪያ ም/ሀላፊና በጉብኝቱ የቡድን አስተባባሪ አቶ መሀመድ ሙደሲር እንዳሉት ከጥቅምት 12/2017 ዓም ጀምሮ “የህልም ጉልበት ለእመርታዊ እድገት” በሚል መሪ ሀሳብ በጉራጌ ዞን የብልጽግና ፓርቲ ሶስተኛ ዙር የአመራር የአቅም ግንባታ ስልጠና በወልቂጤ ዩኒቨርስቲ በመሰጠት ላይ እንደሚገኝ ጠቁመዋል ።

አመራሩ በስልጠና ያገኘውን ግንዛቤ በመጠቀም ለቀጣይ ተልዕኮ የላቀ ተነሳሽነት የአስተሳሰብና የተግባር አንድነት በመፍጠር እንዲሁም በወንድማማችነትንና እህትማማችነት ዕሳቤ እንዲያጎለብት ይህ የልማት ስራ ጉብኝ ፋይዳው የጎላ መሆኑንም ሀላፊው ጨምረው ገልፀዋል።

የግብርና ምርትና ምርታማት በማሳደግና ሁለንተናዊ ብልፅግና እንዲረጋገጥ አመራሩ በትጋት መስራት ግድ የሚልበት ወቆት ነው ያሉት አቶ መሀመድ በዛሬው እለት በእዣ ወረዳ የታዩት የልማት ስራዎች እጅግ የሚደነቁና ተስፋ የሚሰጡ ሲሆን በተለይም በፍራፍሬ እና በሰብል ልማት ስራዎች አመራሩ በተሞክሮነት በመውሰድ በየአካባቢው እንዲስፋፋ መስራት አለበትም ብለዋል።

የእዣ ወረዳ ዋና አስተዳዳሪ አቶ ዘውዱ ዱላ በበኩላቸው ህዝብ በየደረጃው የሚያነሷቸውን የልማትና የመልካም አስተዳደር ጥያቄዎች በተገቢው በመፈጸምና በማስፈጸም በተለይም ሁለንተናዊ ብልፅግና ማረጋገጥ ከሚያስችሉ ጉዳዮች መካከል ዋንኛው የሆነው የግብርናው ዘርፍ ላይ ተገቢውን ትኩረት መስጠት ያስፈልጋልም ብለዋል።

እንደ እዣ ወረዳ አሁን ያለው የኑሮ ውድነትና የገበያ ዋጋ ለማረጋጋት በግብርናው ዘርፍ ምርትና ምርታማነትን ማሳደግ እንደሚገባ በመገንዘብ ሰፊ እንቅስቃሴዎች መደረጉን የገለፁት ዋና አስተዳዳሪው ይህም ውጤታማ ለማድረግም በቴክኖሎጂ የተደገፉ አሰራሮችን እና ከስነምህዳር ጋር የሚስማሙ የግብርና ምርቶች የበለጠ ተግባራዊ በማድረግ የአርሶ አደሩንና የህብረተሰቡን ተጠቃሚነት ለማረጋገጥ በትኩረት እየተሰራ ይገኛልም ብለዋል ።

በፍራፍሬ ልማት ምርትና ምርታማነት ለማሳደግ በልዩ ትኩረት እየተሰራ ሲሆን በዓመታዊ ዋናና ዋና ሰብሎች ላይም ከሌላ አመታቶች በተሻለ ሁኔታ ለዘመናት ያልታረሱ መሬቶችን ጭምር እንዲታረሱ በማድረግ በአሁን ሰዓት በኩታገጠም በምርት በማሳ መሸፈናቸውንም የጠቆሙት አቶ ዘውዱ በኢንቨስትመንት ዘርፍም ዛሬ የጉብኝቱ አካል የሆነው ቲናው አበባ ልማትና ሌሎች በርካታ ኢንቨስትመንቶች ለዜጎች የስራ እድል በመፍጠርና የልማት ስራዎችንም በማገዝ ውጤታማ ስራ እየሰሩ እንደሚገኙም አብራርተዋል።

የጉብኝቱ ተሳታፊዎች በሰጡት አስተያየትም በወረዳው በግብርናው ዘርፍ ሰፊ የሆኑ ለውጦች መኖራቸው እንደተመለከቱ ጠቁመው በተለይም በፍራፍሬ ልማት ዘርፍ በየስራይ ቀበሌበጒፈ መንደር ውጤታማ የሆነው የፍራፍሬ መንደር ምስረታ የተመለከቱት እጅግ አስተማሪ ስራ በመሆኑ በተሞክሮነት የሚወሰድ ነው ብለዋል።

ሌላው በወረዳው በኢንቨስትመንት ዘርፍ ያሉት እንቅስቃሴዎች እጅግ መነቃቃቶች ያሉ ሲሆን በተለይም በዛሬው እለት በጉብኝታቸው የተመለከቱት የበርካታ ስራአጥ ዜጎች ስራ የፈጠረው የቲናው አበባ ልማት እንቅስቃሴ አሰራሩ ኢንቨስትመንቱ በሚፈልገው ልክ በመሆኑ ለሌሎች አስተማሪ ነው ብለዋል።

በአጠቃላይ በጉብኝቱ ወቅት የወረዳው መንግስት እና ጉብኝት ያደረጉባቸው ቀበሌ የሚገኙ አርሶአደሮች ስላደረጉላቸው መልካም አቀባበል አመስግነዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።

“የህልም ጉልበት ለእመርታዊ እድገት”

3ኛ ዙር የአመራር የአቅም ግንባታ ስልጠና በወልቂጤ ዩኒቨርስቲ በመከታተል ላይ የሚገኙ ሰልጣኞች በጉራጌ ዞን እዣ ወረዳ የልማስራዎች እየጎበኙ ይገኛሉ ።

ከጥቅምት 12/2017 ዓም ጀምሮ “የህልም ጉልበት ለእመርታዊ እድገት” በሚል መሪ ሀሳብ በጉራጌ ዞን የብልጽግና ፓርቲ ሶስተኛ ዙር የአመራር የአቅም ግንባታ ስልጠና በወልቂጤ ዩኒቨርስቲ በመሰጠት ላይ እንደሚገኝ የሚታወቅ ነው ።

ከጉራጌ ዞን የተወጣጡ ከ150 በላይ የመንግሥት አመራሮች በዛሬው እለት በእዣ ወረዳ ቲናው አበባ ልማት ፡ ሸህረሞ ቀበሌ ኩታ ገጠም የለማው የጤፍ ማሳ እና በየስራ ቀበሌ የፍራፍሬ መንደር የሆነው የጒፈ የልማት ቡድን የአቮካዶ ልማት እየጎበኙ ይገኛሉ።

በጉብኝት መርሃ ግብሩ ላይ የዞንና የወረዳው መንግሥት ከፍተኛ የሥራ ኃላፊዎች እየተሳተፉ ይገኛሉ፡፡

ዝርዝሩን ተከታትለን እናደርሳለን!!

የማዕከላዊ ኢትዮጵያ ክልል ፋይናንስ ቢሮ የንቅናቄ መድረክ በወልቂጤ ከተማ እየተካሔደ ነው

እያደገ ለመጣው የህዝብ ፍላጎት ምላሽ ለመስጠት ኢኮኖሚው የሚያመነጨውን ገቢ አሟጦ መሰብሰብ ይገባል – ርዕሰ መስተዳድር እንዳሻው ጣሰው

የማዕከላዊ ኢትዮጵያ ክልል ፋይናንስ ቢሮ የንቅናቄ መድረክ በወልቂጤ ከተማ እየተካሔደ ነው

የማዕከላዊ ኢትዮጵያ ክልል ርዕሰ መስተዳድር አቶ እንዳሻው ጣሰው በንቅናቄ መድረኩ በሰጡት የስራ መመሪያ እንደገለጹት እያደገ ለመጣው የህዝብ ፍላጎት ምላሽ ለመስጠት ኢኮኖሚው የሚያመነጨውን ገቢ አሟጦ መሰብሰብ ይገባል ብለዋል።

ያለንበትን ነባራዊ ሁኔታ በመረዳት ከችግር ለመውጣት በትኩረት መስራት ይገባል ብለዋል።

በሁሉም አካባቢዎች የሚሰበሰበውን ገቢ በተገቢው መንገድ እንዲሰበሰብ የጋራ ጥረት ማድረግ እንደሚገባም አሳስበዋል።

አመራሩ በገቢ አሰባሰብ ላይ ያለውን ቁርጠኝነት ማሳደግ ይገባል ሲሉም ርዕሰ መስተዳድሩ ጠቁመዋል።።

አዳዲስ ሀሳቦችን እና አሰራሮችን መዘርጋት ይገባል ያሉት ርዕሰ መስተዳድሩ የገቢ መሰረትን ማዘመን ተገቢ ስለመሆኑም አብራርተዋል።

ገቢን አሟጦ መጠቀም እና መሰብሰብ የፋይናንስ ዘርፉን ስኬታማ እንደሚያደርገውም ርዕሰ መስተዳድሩ ጠቁመዋል።

ከተለያዩ መንገዶች የሚገኘውን ገንዘብ መቆጠብ እና ሀብትን በተገቢው መንገድ ማስተዳደር እንደሚገባም ጠቁመዋል።

አሰራርን በማዘመን የሀብት ብክነትን መከላከል እንደሚገባ የተናገሩት ርዕሰ መስተዳድሩ ለዚህም በየደረጃው የሚገኘው አመራር የበኩሉን ሚና ሊወጣ እንደሚገባም ርዕሰ መስተዳድሩ አሳስበዋል።

እያንዳንዱ መዋቅር እራሱን መቻል አለበት ያሉት ርዕሰ መስተዳድሩ፣ገቢን መሰብሰብ፣ወጪን መቆጠብ፣ብክነትን ማስወገድ፣ቅንጅት እና ጠንካራ አመራር መስጠት ይገባል ብለዋል።

በማዕከላዊ ኢትዮጵያ ክልል በምክትል ርዕሰ መስተዳድር ማዕረግ የመሰረተ ልማት ክላስተር አስተባባሪና የትራንስፖርትና መንገድ ልማት ቢሮ ኃላፊ ዶ/ር መሐመድ ኑርዬ እንደገለጹት በቀጣይ ሶስት ዓመታት ከእዳ ነጻ የሆነ ክልል ለመገንባት ግብ ተጥሎ እየተሰራ ነው ብለዋል።

የፋይናንስ ዘርፉ በግል እና በተቋማዊ አውድ ለውሳኔ አሰጣጥ፣ለእቅድ እና ስትራቴጂ ወሳኝ መሆኑን ዶ/ር መሀመድ ጠቁመዋል።

የፋይናንሻል መረጋጋትን እድገት እና ዘላቂነትን ለማምጣት መሰረታዊ መርሆዎች እና አሰራሮችን ተግባራዊ ለማድረግ ወሳኝ ስለመሆኑ የተናገሩት ኃላፊው ከጊዜ ወደ ጊዜ እየተወሳሰበ በመጣው የኢኮኖሚ ከባቢ ላይ ያለውን አበርክቶም አብራርተዋል።

የፋይናንስ ቢሮ ባሳለፍነው አመት የክልሉን መንግስት በጀት ዝግጅት እና የአስተዳደር ስርዓት በማጠናከር ፍትሀዊ የሀብት ክፍፍል፣አመዳደብ እና የበጀት አጠቃቀምን ወጪ ቆጣቢ እና ውጤታማ ለማድረግ ዘርፈ ብዙ ተግባራት ማከናወኑን ዶ/ር መሐመድ በአብነት ጠቅሰዋል።

የመንግስት ሂሳብ አያያዝ እና ሪፖርት ላይ ከወቅታዊነት እና ጥራት ጋር የተያያዙ ችግሮች መስተዋላቸውን የተናገሩት ኃላፊው በ2016 ዓም የጥሬ ገንዘብ እጥረት ማጋጠሙን ጠቁመዋል።

በተያዘው በጀት ዓመት በህግ በተቀመጠው አግባብ ብቻ ሀብትን በቁጠባ የመጠቀም ባህልን በማዳበር ወጪን ለመቀነስ በትኩረት እንደሚሰራም ዶ/ር መሐመድ አብራርተዋል።

የማዕከላዊ ኢትዮጵያ ክልል ፋይናንስ ቢሮ ኃላፊ ወ/ሮ ዘይቱና ኢብራሂም እንደገለጹት በ2016 በጀት አመት በፋይናንስ ሴክተሩ ያጋጠሙ ችግሮችን በመሻገር የመንግስት ተቋማት በተሟላ መንገድ ስራ እንዲጀምሩ መደረጉን ጠቁመዋል።

በሁለት ዙር የመቶ ቀናት እቅድ በማዘጋጀት መደበኛ ስራዎችን ለመምራት ጥረት መደረጉን የተናገሩት ወ/ሮ ዘይቱና ከዚህ ቀደም የነበሩ እዳዎችን በማስተዳደር ረገድ የተከናወኑ ስራዎችን ኃላፊዋ በንግግራቸው ጠቅሰዋ።

የክልሉ መንግስት የነበሩ እዳዎችን ወደ ምንዳ ለማሸጋገር ጠንካራ የፖለቲካ አመራር ስርዓት በመዘርጋት የላቀ ድጋፍ ማድረጉን ኃላፊዋ አስረድተዋል።

ሴክተሩ በአዋጅ የተሰጡትን ስልጣን እና ተግባር በአግባቡ ለማስፈጸም እንዲሁም የሀብት አስተዳደር ስርዓቱ ቀልጣፋ፣ወጪ ቆጣቢ እና ውጤታማ ለማድረግ ጥረት ሲደረግ መቆየቱን ወ/ሮ ዘይቱና ጠቁመዋል።

መረጃው የክልሉ መንግስት ኮሚኒኬሽን ቢሮ ነው።