የመጌቻ መስኖ ፕሮጀክት በዘንድሮ ዓመት ወደ ልማት ለማስገባት ርብርብ እየተደረገ ይገኛል ።

የመጌቻ መስኖ ፕሮጀክት በዘንድሮ ዓመት ወደ ልማት ለማስገባት ርብርብ እየተደረገ ይገኛል ።

በጉራጌ ዞን እዣ ወረዳ አጓይተረህና ከፊል ሸህረሞ ቀበሌዎች ተጠቃሚ ማድረግ የሚችለው በመጌቻ ወንዝ ላይ መሰረት ያደረገው ይህ መስኖ ልማት ፕሮጀክት የመጀመሪያ የግንባታው ደረጃ ሲጠናቀቅ 50 ሄክታር መሬት ማልማት እንደሚችል ተጠቁሟል ።

2.6 ኪ ሜትር እርቀት የሚሸፍነው የመጌቻ መስኖ ልማት ፕሮጀክት ተገንብቶ ሳይጠናቀቅ ለብዙ አመታት በመቆየቱ የህዝቡ የመልካም አስተዳደር ጥያቄ ሆኖ መቆየቱ የሚታወስ ነው ።

የመስኖ ልማት ፕሮጀክቱ በወርልድ ቪዥን ኢትዮጵያ ተጀምሮ ድርጅቱ ማጠናቀቅ ባለመቻሉ የወልቂጤ ዩኒቨርስቲ ተረክቦ በጀት ተመድቦ ስራዎች ቢሰራም ፕሮጀክቱን ግን ሙሉ በሙሉ ተጠናቆ ወደ ተግባር እንዲገባ ከማድረግ ጋር ጥቂት ለማይባሉ አመታት መጓተቱን ይታወቃል።

የእዣ ወረዳው መንግስት ይህንን በመገንዘብ የመስኖ ልማት ፕሮጀክት በቻለው አቅም አስፈላጊውን ርብርብ በማድረግ በዘንድሮ ዓመት ወደ ልማት በማስገባት አርሶአደሩ ተጠቃሚ እንዲሆን እየተሰራ ይገኛል።

በዛሬው እለት የእዣ ወረዳ ዋና አስተዳዳሪ አቶ ዘውዱ ዱላ ፡ የእዣ ወረዳ ብልፅግና ፓርቲ ፅ/ቤት ሀላፊ አቶ ተሾመ ስራኒ ፡ የእዣ ወረዳ ብልፅግና ፓርቲ የርዮተአለም ዘርፍ ሀላፊ አቶ አብድህማን ሀሰን እንዲሁም የሚመለከታቸው የወዳው ተቋማት ተወካዮች የስራ እንቅስቃሴ የተመለከቱ ሲሆን የመስኖ ልማት ፕሮጀክቱ በአጭር ቀናት ውስጥ ተጠናቆ ወደ ተግባር በሚገባበት ዙሪያ ላይ ከአካባቢው የማህበረሰብ ክፍሎች ጋር ተወያይተዋል ።

በወረዳው በ2017 ዓም በዋናና ደጋፊ መስኖ 1261 ሄክታር በማልማት 315 ሺህ 250 ኩንታል ምርት ለማግኘት ግብ መጣሉን የሚታወስ ነው።

በዞኑ እየጨመረ የመጣውን የወባ በሽታ ወረርሽኝ ለመከላከልና ለመቆጣጠር የድጋፍና ክትትል ስራዎች ተጠናክሮ ቀጥሏል።

ጥቅምት15/2017ዓ.ም

========== በዞኑ እየጨመረ የመጣውን የወባ በሽታ ወረርሽኝ ለመከላከልና ለመቆጣጠር የድጋፍና ክትትል ስራዎች ተጠናክሮ ቀጥሏል።

በጉራጌ ዞን ጤና መምሪያ የወባ ወረርሽኝን ለመከላከልና ያሉትን ችግሮች ፈትቶ እንዲመጣ የተመደቡ ባለሙያዎች የድጋፍ ቡድን የደረሰበት ደረጃ ተገምግሟል፡፡

የድጋፍ ቡድኑ የሰራቸው ስራዎች፣ የወባ በሽታ ወረሽኝ ወቅታዊ ሁኔታና በቀጣይ ምን ምን ስራዎች መሰራት እንዳለባቸው ሰፊ ውይይት አካሄዷል።

በክትትልና ድጋፍ ወቅት ውስንነቶች የአጎበር አጠቃቀም ችግር፣ የአካባቢ ቁጥጥር ስራዎች ማህበረሰቡ ባሳተፈ መልኩ አለመስራት፣ ጤና ኬላዎች ክፍት አድርጎ አገልግሎት ያለመስጠት ፣ የግብአት አቅርቦት ጉድለቶችን መኖራቸውን ተመልክተዋል።

በዚህም የቤት ለቤት የቁጥጥርና ግንዛቤ የማስጨበጥ በቀጣይ በልዩ ትኩረት መሰራት ይኖርበታል ብለዋል።

የጉራጌ ዞን ጤና መምሪያ ኃላፊ አቶ አየለ ፈቀደ ከሐምሌ ወር ጀምሮ እየጨመረ የመጣውን የወባ ወረርሽኝ ለመከላከልና ለመቆጣጠር ከፍተኛ ጥረት እየተደረገ ቢሆንም የመቀነስ አዝማሚያ አልታየበትም።

በመሆኑም የወባ በሽታ ወረሽኝ ለመከላከልና ለመቆጣጠር የሚደረጉ የድጋፍና ክትትልና የንቅናቄ ስራዎች እስከ ልማት ቡድን ድረስ በማጠናከር የመከላከሉ ስራ ማህበረሰቡ በባለቤትነት እንዲመራ ኃላፊነት መስጠት እንደሚገባ አሳስበዋል።

በተለይ የወባ በሽታ ተጋላጭ የሆኑ ወረዳዎች እና ቀበሌዎች በልዩ ሁኔታ በመደገፍ ወረርሽኙ ለመከላከልና ለመቆጣጠር ጥረት እንደሚደረግ ገልጸዋል።

በመጨረሻም የመምሪያው ኃላፊ አቶ አየለ ፈቀደ በየጊዜው እየጨመረ የሚመጣው የወባ ወረሽኝ በተገቢው ለመቆጣጠር ህብረተሰቡ በማነቃነቅ ውሃ ያቆሩ አካባቢዎች በማዳፈንና በማፋሰስ፣ የአጎበር አጠቃቀምና ተያያዥ ጉዳዮች በዘመቻ መፈጸም ይገባል።

መረጃው የጉራጌ ዞን ጤና መምሪያ ነው

ጋበር የበጎ አድራጎት ድርጅት ከእዣ ወረዳ ትምህርት ፅ/ቤት እና ከአገና ፖሊ-ቴክኒክ ኮሌጅ ጋር በመተባበር በ2016 በጀት ዓመት 12ኛ ክፍል ያጠናቀቁ ተማሪዎች የግንዛቤ መፍጠሪያ መድረግ አካሄደ!!

ጥቅምት 09/2017 ዓ.ም
ጋበር የበጎ አድራጎት ድርጅት ከእዣ ወረዳ ትምህርት ፅ/ቤት እና ከአገና ፖሊ-ቴክኒክ ኮሌጅ ጋር በመተባበር በ2016 በጀት ዓመት 12ኛ ክፍል ያጠናቀቁ ተማሪዎች የግንዛቤ መፍጠሪያ መድረግ አካሄደ!!
በዕለቱ የግንዛቤ መፍጠሪያና መወያያ ሰነድ በዶ/ር ደርብ የቀረበ ሲሆን የአገና ፖሊ-ቴክኒክ ዲን አቶ አስቻለው ስባኒ ኮሌጁ የደረጃ-5 ስልጠና ፈቃድ ያገኘባቸው ሙያዎችና አጠቃላይ የቴክኒክና ሙያ ትምህርት ስልጠና ዘርፍ ተመራጭነት ተጨማሪ ማብራሪያ ሰጥተዋል። በመድረኩ 720 ተማሪዎች: የጋበር-በጎ አድራጎት ድርጅት አመራሮች: የእዣ ወረዳና አገና ከተማ አመራሮች እንዲሁም የአገና ፖሊ-ቴክኒክ ዲንዎች ተገኝተው ውይይት አድርገዋል።
በዕለቱ የተገኙት የጋበር በጎ-አድራጎት ድርጅት ቦርድ አመራሮች(አቶ ታምሩ ማኒ: አቶ ጤናዬ ጠንክር እና አቶ ባንሸቢ ቴዦ) እንዲሁም የእዣ ወረዳ ትምህርት ፅ/ቤት ኃላፊና ም/አስተዳዳሪ አቶ ተጠምቀ በርጋ አብዛኛው ተማሪ የኮሌጅ መግቢያ ነጥብ ያሟላ በመሆኑ ዘመኑ የቴክኖሎጂና የሙያ ክህሎት መሆኑን በመገንዘብ በአጭር ጊዜ ውስጥ ጊዜያቸው ሳያባክኑ ወደ ኮሌጅ ገብቶ በመመዝገብ በተለያዩ አማራጮች ስልጠናዎችን በመከታተል የሙያ ባለቤት እንዲሆኑ በጥብቅ አሳስበዋል።አስተያየት ሰጪ ተማሪዎች በበኩላቸው የኮሌጅ ስልጠና ተመራጭ መንገድ እንጂ አማራጭ አለመሆኑን እንዲሁም ዩኒቨርስቲ የገቡትም ቢሆን በአገኙት አጋጣሚ ሁሉ ሙያ መሰልጠን እንደሚገባቸው ጭምር አብራርተዋል።
በዕለቱም 12ኛ ክፍል ላጠናቀቁ ሴት ተማሪዎች የኮሌጅና የዩንቨርሲቲ ስልጠናቸውን በአግባቡ እንዲከታተሉ ለ1 ዓመት ከግማሽ የሚጠቅም የንፅህና መጠበቂያ ቁሳቁስ ድጋፍ ተደርጓል።በመጨረሻም ጋበር በጎ-አድራጎት ድርጅት የገንዘብ ሽልማትና በመድረኩ ለተሳተፉ ተማሪዎች የተለያዩ ወጪዎችን በመሸፈን ተጠናቋል።

በመንግስት ሰራተኞች አዲሱ የደመዎዝ ጭማሪ አፈጻጸም መመሪያ ላይ ውይይት ተካሄደ

በመንግስት ሰራተኞች አዲሱ የደመዎዝ ጭማሪ አፈጻጸም መመሪያ ላይ ውይይት ተካሄደ

ሆሳዕና ፣ ጥቅምት 11/2017 የሲቪል ሰርቪስ ኮሚሽን የመንግስት ሰራተኞች አዲሱ የደመዎዝ ጭማሪ አፈጻጸም መመሪያ ላይ ከክልልና ከተማ አስተዳደር ሲቪል ሰርቪስ ቢሮ ሃላፊዎች ጋር ተወያይቷል፡፡

በውይይት መድረኩ የሲቪል ሰርቪስ ኮሚሽነር መኩሪያ ሃይሌ (ዶ/ር)፣ የክልልና ከተማ አስተዳደር ሲቪል ሰርቪስ ቢሮ ሃላፊዎች እንዲሁም የሚመለከታቸው ባለሙያዎች ተሳትፈዋል፡፡

የገንዘብ ሚኒስትር አሕመድ ሺዴ የመንግስት ሠራተኞች አዲሱ ደመዎዝ ከጥቅምት ወር ጀምሮ ተግባራዊ እንደሚደረግ ማስታወቃቸው ይታወሳል፡፡#(ኤፍ ቢ ሲ)

የአገና የመጀመሪ ደረጃ ሆስፒታል የእርጉዝ እናቶች ማረፊያ በማዘጋጀት በሆስፒታሉ እንክብካቤ ማድረግ መጀመሩን አስታወቀ ።

የአገና የመጀመሪ ደረጃ ሆስፒታል የእርጉዝ እናቶች ማረፊያ በማዘጋጀት በሆስፒታሉ እንክብካቤ ማድረግ መጀመሩን አስታወቀ ።

እንደ ወረዳው እናቶች በተለይም በእርግዝናቸው ወቅት ተከታታይነት ያለው ክትትል እንዲያደርጉ የማስገንዘብ ስራዎች በሁሉም ጤና ጣቢያዎችና ሆስፒታሉ ትኩረት ተሰጥቶት እየተሰራ ያለው ስራ የሚበረታታ ነው።

የአገና የመጀመሪያ ደረጃ ሆስፒታል ከቅርብ ጊዜ ጀምሮ እናቶች ሊወልዱ 15 ቀን ሲቀራቸዉ በሆስፒታሉ መጥተዉ እንዲቀመጡ ማደረገ መጀመሩንም የሆስፒታሉ ስራስኪያጅ አቶ ጥላሁን ሀይሌ ገልፀዋል ።

ስራስኪያጁ አክለውም እናቶች በጤና ተቋማት በሰለጠነ ባለሙያ እንዲወልዱ በማድረግ የእናቶችና ህፃናት ሞት መቀነስ ይገባል ።

እናቶች ወደ ሆስፒታሉ ማቆያ ሲመጡ ሳይቸገሩ እና ቤታቸው ሳያስቡ በባለሙያዎች አስፈላጊውን እንክብካቤ እንደሚደረግላቸው በመገንዘብ መውለጃቸው ጊዜ ሲቀራረቡ በመምጣት በሰላም እንዲገላገሉ በየቀበሌው የሚገኙ የጤና ኤክስቴንሽን ባለሙያዎችና ማህበረሰቡ የድርሻውን መወጣት እንዳለበትም አቶ ጥላሁን መልዕክት አስተላልፈዋል ሲል የእዣ ወረዳ መንግስት ኮሚኒኬሽን ጉዳዮች ፅ/ቤት ዘግቧል ።

የመሬት መንቀጥቀጡ ያካለላቸው የሀገራችን ክፍሎች !!

#Maleda : ዛሬ ከምሽቱ 2:15 ላይ የተከሰተውን የመሬት መንቀጥቀጥ ተከትሎ የመሬት መንቀጥቀጥ ንዝረቱ የተሰማባቸው ቦታዎችን በጥቂቱ ላስቃኛችሁ❗👇

1ኛ:-በአዲስ አበባ

🎯አያት ኮንዶምኒየም

🎯ጣፎ

🎯ተክለሃይማኖት ኮንዶሚኒየም

🎯አራብሳ

🎯አዲሱ ገበያ

🎯ገላን ኮንዶሚኒየም

🎯ቦሌ

🎯ጀሞ

2ኛ:-በአማራ ክልል ሰሜን ሸዋ ዞን

🎯ሸዋሮቢት ከተማ

🎯ደብረብርሃን

🎯ምንጃር

3ኛ:-በደቡብ ወሎ

🎯ደሴ

🎯ኮምቦልቻ (በርበሬ ወንዝ)፣

🎯ሳላይሽ

4ኛ:- በአፋር ክልል

🎯 አዋሽ

🎯ፈንታሌ(ከፍተኛ ፍንዳታ ሰምተናል ብለዋል)

5ኛ:-በምስራቅ ሸዋ

🎯አዳማ

🎯መተሃራ

🎯በደቡብ ጎንደር ደብረታቦር የመሬት መንቀጥቀጥ ንዝረቱ ተሰምቶናል ብለዋል።

የዛሬውን የመሬት መንቀጥቀጥ በሬክተር ስኬል 4.9 መመዝገቡን ሚዲያዎች እየዘገቡ ይገኛሉ።

ዛሬ የመሬት መንቀጥቀጥ የተሰማባቸው ቦታዎች በአብዛኛው የስምጥ ሸለቆ የሚያልፋባቸው ቦታዎች ናቸው ።

በድጋሚ እንኳን ደስ አለን!!

በድጋሚ እንኳን ደስ አለን!!

በማዕከላዊ ኢትዮጵያ ክልል መንግስት ጉራጌ ዞን የ2016 በጀት ዓመት የወረዳዎች እና ከተማ አስተዳደሮች አፈፃፀም ግምገማ ባካሄደበት መድረክ የእዣ ወረዳ አስተዳደር ፅ/ቤት ከወረዳዎች 3ኛ ደረጃን በመያዝ አጠናቋል።

በከተሞች አፈፃፀም የአገና ከተማ አስተዳደር 2ኛ ደረጃን አግኝቷል።

በጉራጌ ዞን የእዣ ወረዳ ፐብሊክ ሰርቪስና የሰው ሀብት ልማት ፅ/ቤት የ2016 ዓም የሴክተር መስሪያ ቤቶች የእውቅናና ሽልማት ፕሮግራም አካሂዷል።

ማገልገል ክብር መሆኑን በመረዳት ፐብሊክ ሰርቫንቱ የተጣለበት ሀላፊነት በትጋት መወጣት እንዳለበት ተገለፀ ።

በጉራጌ ዞን የእዣ ወረዳ ፐብሊክ ሰርቪስና የሰው ሀብት ልማት ፅ/ቤት የ2016 ዓም የሴክተር መስሪያ ቤቶች የእውቅናና ሽልማት ፕሮግራም አካሂዷል።

በእለቱም የእዣ ወረዳ ም/አስተዳዳሪና የትምህርት ፅ/ቤት ሀላፊ አቶ ተጠምቀ በርጋ እንደገለፁት ፐብሊክ ሰርቫንቱ የተጣለበት ህዝባዊና መንግስታዊ አደራ በብቃትና በንቃት ለመወጣት ተቋማዊ አሰራሮችና አደረጃጀቶች የለውጥ መሳሪያ በማድረግ የህዝባችን ተጠቃሚነትና ርካታ ይበልጥ ማጠናከር ይጠበቅበታል ።

እንደ ወረዳው መንግስት የልማትና መልካም አስተዳደር ችግሮች መፍቻ ስልት በመቀየስ በየተለያየ ደረጃ እቅዶች አቅዶ በየመዋቅሩ ተግባራዊ እየተደረገ ባለው እንቅስቃሴ በርካታ ስኬታማ መከናወናቸውና እየተከናወኑ እንደሚገኙም ም/አስተዳዳሪ ጨምረው ገልፀዋል።

በቀጣይም የዲሲፕሊንና የአገልጋይነት ስሜት መጓደል እንዳይስተዋል መስራት ይጠበቃል ያሉት አቶ ተጠምቀ ፐብሊክ ሰርቫንቱ የተጣለበት የህዝቡን አደራ በታማኝነት ፡ በቅንነት ፡ በመሰጠትና በአገልጋይነት ስሜት እንዲወጣም መልዕክት አስተላልፈዋል ።

የእዣ ወረዳ ብሊክ ሰርቪስና የሰው ሃብት ልማት ፅ/ቤት ሀላፊ አቶ ሰለሞን ዘርጋ እንዳሉት የፐብሊክ ሰርቫንቱ የአገልግሎት አሰጣጥ ውጤታማነት በቀጣይነትና በዘላቂነት ለማሻሻል ማቀድ ፡ መተግበር ፡ መገምገምና መሸለም የሚለው የእቅድ ዑደት መትከል ይገባል።

የዚህ መድረክ ዋና አላማው ተቋማት እና በግለሰቦች መካከል ያለው የአፈፃፀምና ክህሎት ልዩት ማቀራረብ ፡ በላቀና በትጋት ያገለገለን አገልጋይ ለማመስገን እንደሆነም ሀላፊው አመላክተዋል ።

ፐብሊክ ሰርቫንቱ ሚሰጠው አገልግሎት ወቅቱን የዋጁ የቀለጠፉና የማህበረሰቡ ፍላጎት ማሟላት የቻሉ እንዲሆን ለማስቻል አገልግሎት አሰጣጣችን ነገን የወለዱ ሳይሆኑ ዛሬ እንዲያልቁ በማድረግ ቴኬኖሎጂ ተኮር አገልግሎት ልንሰጥ እንደሚገባም አቶ ሰለሞን አስገንዝበዋል።

በእለቱም እንደ ወረዳው ግንባር ቀደም ከሆኑት መካከል የእዣ ወረዳ ፋይናንስ ፅ/ቤትና የእዣ ወረዳ መንግስት ኮሚኒኬሽንጉዳዮች ፅ/ቤት የተቋምና የባለሙያ ምርጥ ተሞክሮ ላይ ትኩረት ያደረገ ሰነድ ቀርቦአል ።

በ2016 በጀት ዓመት ግንባር ቀደም በየተቋሙ ከ1ኛ እስከ 3ኛ የወጡ ባለሙያዎች ፡ በተመሳሳይ መልኩ ከአጠቃላይ ወረዳው ከ1ኛ እስከ 3ኛ የወጡ ባለሙያዎችና ሴት የመንግስት ሰራተኞች የገንዘብ እና የእውቅና ሰተፊኬት ሽልማት የተበረከተላቸው ሲሆን በተቋማት ደረጃ የእዣ ወረዳ ፋኢል ፅ/ቤት ፡ አስተዳደር ፅ/ቤት እና የእዣ ወረዳ ፍትህ ፅ/ቤቶች በቅደም ተከተላቸው መሰረት ከ1ኛ – 3ኛ ደጃ በመውጣት የዋንጫና ሰርተፊኬት ሽልማት ተበርክቶላቸው ሲል የዘገው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

የእዣ ወረዳ ጤና ጥበቃ ፅ/ቤት የ2016 በጀት ዓመት አመታዊ ጉባኤ እና የ2017 በጀት ዓመት የንቅናቄ መድረክ አካሂዷል ።

የአመራርና የፈፃሚውን ቁርጠኝነትና ተጠያቂነት በማረጋገጥ የህዝቡ የጤና ባለቤትነት ተሳትፎው ማጠናከር እንደሚገባ ተገለፀ።

መስከረም 21/2016 ዓም

የእዣ ወረዳ ጤና ጥበቃ ፅ/ቤት የ2016 በጀት ዓመት አመታዊ ጉባኤ እና የ2017 በጀት ዓመት የንቅናቄ መድረክ አካሂዷል ።

በእለቱም መድረኩን የመሩት የጉራጌ ዞን ጤና መምሪያ ሀላፊ አቶ አየለ ፈቀደ እንዳሉት የአመራርና የፈፃሚውን ቁርጠኝነትና ተጠያቂነት በማረጋገጥ የህዝቡ የጤና ባለቤትነት ተሳትፎው ማጠናከር ይገባል።

እንደ ዞኑ በጤናው ዘርፍ በተከናወኑ ስራዎች ማህበረሰቡ በተጨባጭ ተጠቃሚ እንዲሆን አስችሏል ያሉት ሀላፊው በዘርፉ የተከናወኑ ጠንካራ ስራዎች አጠናክሮ በማስቀጠልና ጉለት ያለባቸው ተግባራቶችንም ቶሎ እንዲታረሙ ማድረግ ይገባልም ብለዋል።

እዣ ወረዳ በጤናው ዘርፍ ለበርካታ አመታት በአፈፃፀም ግንባር ቀድም ሆኖ ለሌሎች የሀገራችን ክፍሎች ጭምር ሞዴል ሆኑ ተሞክሮ የተቀመረበት ወረዳ እንደሆነ ያስታወሱት አቶ አየለ ይህንን ተግባር ይበልጥ በማጠናከር ጥቂት በአፈፃፀም ወቅት የተለዩትን ጉለቶችን በማረም ጤናማና አምራች ማህበረሰብ እንዲጎለብት ጥረቱ ማጠናከር ይገባባዋልም ብለዋል።

የእዣ ወረዳ ዋና አስተዳዳሪ አቶ ዘውዱ ዱላ በበኩላቸው እንደ ወረዳው በጤናው ዘርፍ ህብረተሰቡ ራሱ የጤና ባለቤት ሆኖ ጤናማና አምራች ማህበረሰብ እንዲፈጠር በተከናወኑ ተግባራቶች አበረታች ውጤት መመዝገቡን ጠቁመዋል።

እንደ ወረዳው ማህበረሰቡ በማሳተፍ የመፀዳጃ ቤቶቻችን ደረጃ በማሻሻል እና ፅዱ አካባቢን በመፍጠር ለህክምናው የሚወጣው ወጪ መቀነስ ላይ ትኩረት ተሰጥቶታል ያሉት ዋና አስተዳዳሪው በአካባቢ ቁጥጥር ስራ የማህበረሰቡ ተሳትፎና የአጎበር አጠቃቀም በማሳደግ የወባ በሽታ ጫናን በመቀነስ እንዲሁም የእናቶችና ህፃናት ሞት ለመቀነስ የተከናወነው ስራ የሚበረታታ መሆኑንም አመላክተዋል።

ያለ ዜጎች ጤና ሌሎች የልማት ፡ የምርትና ምርታማነትና የብልፅግና ጉዳዮች ማሳካት የማይቻል በመሆኑ በንቃት መምራትና መስራት ያስፈልጋል ያሉት አቶ ዘውዱ እንደ ወረዳው በ2016 በጀት ዓመት በአፈፃፀም ወቅት የገጠሙትን ጉለቶች በ2017 በጀት ዓመት ፈጥኖ በማረም በዘፉ የሚፈለገውን ውጤት ለማስመዝገብ መረባረብ ያስፈልጋል ብለዋል።

የእዣ ወረዳ ጤና ጥበቃ ፅ/ቤት ሀላፊ አቶ መሀመድ ሰይድ እንዳሉት በወረዳው የተገኙ ውጤቶች ለማዳበር እና ለማስቀጠል ለወረርሽኝ የማይበገር የጤና ስርዓት መፍጠር ስንችል ብቻ በመሆኑ ይህንንም ለማሳካት የሁሉም ድጋፍና ትብብር ይጠበቃል ብለዋል ።

በባለፈው በጀት አመት ከተከናወኑ ውጤታማ ተግባራቶች መካከል ሁሉም አይነት የቤተሰብ ምጣኔ አገልግሎት ከእቅድ በላይ መፈፀሙን ፡ ሁሉንም አይነት ያጠናቀቁ ህፃናቶ 98%መፈፀም ተችሏል ያሉት አቶ መሀመድ ከዚህ በተጨማሪ የእናቶችና ህፃናት ጤና ከማሻሻል አንፃር 208 እናቶች በእርጉዝ እናቶች ማረፊያ ቤት ተቀምጠው አገልግሎት በማግኘት 200 እናቶች በዚሁ ተቋም በሰላም ወልደው ወደ ቤታቸው የተመለሱ ሲሆን 8 እናቶች ሪፈር ያስፈልጋቸው ስለነበር የሪፈሪያል አገልግሎት ማግኘታቸውንና ሌሎችም በርካታ ጠንካራ ተግባራቶች መፈፀማቸውንም አብራርተዋል ።

በቀጣይም በትኩረት መሰራት ካለባቸው ጉዳዮች መካከል የእናቶችና ጨቅላ ህፃናት ሞት ለመቀነስ የወረደው የኢንሼቲቭ ማሳካት ፡ ከ12ሳምንት በፊት የቅድመ ወሊድ የሚጀምሩ እናቶች ማሳደግ ፡ በሳምባ ምች የታከሙ ህፃናት እና በተቅማጥ የታከሙ ህፃናት ዝቅተኛ መሆኑን ፡እድሜያቸው ከ0-59 ወር የስርዓተ ምግብ ልየታ የተደረገላቸው በሚፈለገው ደረጃ አለመሆኑ ፡ ሁሉንም አይነት የቲቪ ልየታ ዝቅተኛ መሆን ርብርብ የሚያስፈልጋቸው በመሆኑ በቀጣይ በቁርጠኝነት ሊሰሩ እንደሚገባም ሀላፊው አሳስበዋል።

ተሳታፊዎች በሰጡት አስተያየትም እዣ ወረዳ ለብዙ አመታት በጤናው ዘርፍ ህብረተሰቡ ለማስጠቀም ሞዴል ወረዳ እንደሆነና ይህም ደረጃው ለማስጠበቅ በቁጭት መስራት እንደሚጠበቅ ተናግረዋል።

እንደ ወረዳው አገልግሎት እየሰጠ የሚገኘውን የአገና የመጀመሪያ ደረጃ ሆስፒታል ያጋጠመው የህክምና ቁሳቁስ እጥረት መላው ማህበረሰቡ በማሳተፉ ትኩረት ተሰጥቶት መስራት እንደሚያስፈልገውም አስተያየት ሰጪዎቹ አክለው ተናግረዋል።

በጉባኤውም የ2016 ዓም የጤና አፈፃፀም ሪፖርት ቀርቦ ውይይት የተደረገ ሲሆን የ2017 የንቅናቄ ሰነድ ቀርቦ በመወያየትና የላቀ አፈፃፀም ያስመዘገቡ የጤና ተቋማትና ባለሙያዎች እውቅና የመስጠት መርሃ ግብር በማካሄድ ጉባኤው ተጠናቋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው