የመጌቻ መስኖ ፕሮጀክት

======የመጌቻ መስኖ ፕሮጀክት ወደ ተግባር እንዲገባ በተከናወነው ስራ ከ 12 ሄክታር በላይ መሬት በተለያዩ አትክልትና ፍራፍሬ ሰብሎች እየለማ መሆኑን በጉራጌ ዞን የእዣ ወረዳ ውሃ ፡ ማዕድንና ኤነርጂ ልማት ፅ/ቤት አስታወቀ።

ጥር 16/2018 ዓም

የእዣ ወረዳ ውሃ ፡ ማዕድንና ኤነርጂ ልማት ፅ/ቤቶ ሀላፊ አቶ ተሻለ ከፋ እንደገለፁት እንደ መንግስት ድህነት ለመቅረፍ ግብርናው የማይተካ ሚና እንዳለው በመገንዘብ በዘርፉም በትኩረት የተሰራባቸው ያለው የግብርና ትራንስፎርሜሽን ፡ ምርትና ምርታማነት ማሳደግና ተረጂነትን ለማስቀረት አንድም መሬት ፆሙ ማደር የለበት በሚል ሰፊ እንቅስቃሴ እየተደረገ ይገኛል ።

የግብርናው ዘርፍ ለማሳደግ ደግሞ የመስኖ ልማት ፕሮጀክት ስራ ማጠናከር ቁልፍ ከሆኑ ጉዳዮች መካከል ዋንኛው መሆኑን የጠቆሙት ሀላፊው እንደ ወረዳው በ2018 ዓም መስኖ ልማት ፕሮጀክት ከ1.3 ሚሊየን ብር በላይ በጀት መመደብ ጀምሮ ልዩ ትኩረት በመስጠት የተለያዩ ተጨባጭ የሆኑ ስራዎች እየተሰሩ ይገኛሉ ብለዋል ።

አሁን በስፋት መስኖ እየለማበት ያለው የመጌቻ መስኖ ልማት ፕሮጀክት ከዓምና ጀምሮ የወረዳው መንግስት በጀት በመመደብና ከ2 ሚሊየን ብር በላይ በሆነ ወጪ 300 ሜትር የካናል ጥገና በማድረግ በአሁን ሰዓት ከ 12 ሄክታር በላይ መሬት በድንች ፡ በሽንኩረት ዘር ብዜት እንዲሁም በተለያዩ አትክልትና ፍራፍሬ ሰብሎች እየለማበት ይገኛልም ብለዋል ።

በዚህ ፕሮጀክት ለዘመናት ሳይታረሱ የነበሩ መሬቶች እና ባህርዛፍ አንስቶ በማረስ ምርትና ምርታማነት ለማሳደግ እየተሰራ ይገኛልም ያሉት አቶ ተሻለ የመጌቻ መስኖ ፕሮጀክት ሲጠናቀቅ እስከ 250 ሄክታር ማልማት የሚያስችል እና እስከ ዝግባቦቶ ቀበሌ ድረስ የሚያስጠቅም በመሆኑ እንደ ወረዳው በመስኖ ልማት የነበሩ ውስንነት ለመቅረፍ የሚያስችልም እንደሆነ አስአድተዋል ።

እንደ ወረዳው ከዚህ ከመጌቻ መስኖ ባለፈ በአንድ ሚሊየን ብር ገደማ ኔሸ ቀበሌ እየተጠናቀቀ ያለ አዲስ የወንዝ ጠለፋ የመስኖ ልማት ፕሮጀክት ስራ አለ ያሉት አቶ ተሻለ ከዚህ ባሻገር በ2014 ተጀምሮ ለብዙ ጊዜ ተቋርጦ የነበረውን ግዙፉ የይነሸሆ የመስኖ ግንባታ በአጭር ጊዜ ሚጠናቀቅበት ውል ተገብቶ ስራዎች የተጀመሩ ሲሆን ይህ ደግሙ ይህንኑ ዘርፍ የሚያሳድግና በርካታ አርሶአደሮችን ተጠቃሚ የሚያደርግ እጅግ ተስፋ የሚሰጥ ነውም ብለዋል ።

በቀጣይ ይህንን እና ሌሎችም ፕሮጀክቶች አካባቢ ከሚመለከታቸው ሴክተር መስሪያ ቤቶች ጋር በመቀናጀት በዘርፉ የሚጠበቀው ግብ በላቀ ደረጃ እንዲፈፀም በቅንጅት እንደሚሰራም የገለፁት አቶ ተሻለ የመስኖ ልማት ፕሮጀክቶች ተግባር ከሌላ ጊዜ በተሻለ መልኩ እንዲከናወኑ ከወረዳው እስከ ፌዴራል መንግስት ለተሰጠው ትኩረት ምስጋናቸውን አቅርበዋል ።

በአጓይተረህ ቀበሌ በመገቻ መስኖ ፕሮጀክት ተጠቃሚ የሆኑ አርሶአደሮችም ቦታው ለዘመናት ያልታረሰና በባህር ዛፍ የተወረረም ጭምር እንደነበረር አስታውሰው አሁን የወረዳው መንግስት የመስኖ ፕሮጀኮቱ በአግባቡ እንዲጠገን አገልግሎት እንዲሰጥ በማድረጉ የተለያ ሰብሎች በማልማት እየተጠቀሙ እና ሌሎችም ከእነሱ ብዙ ልምድ እየወሰደ መሆኑንም ተናግረዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

የጉራጌ ዞን የመንግስት ኣትራሕቦት መምሪያ ቦሮ ስድስት በነ የቾተኖ ሜና የወረዳ፣ የከተማም እንጉወድ የሐልቅ ክንፍ በትረከዎፑወ በወርቕጤ ወገምግም ቀነሰም።

የጉራጌ ዞን የመንግስት ኣትራሕቦት መምሪያ ቦሮ ስድስት በነ የቾተኖ ሜና የወረዳ፣ የከተማም እንጉወድ የሐልቅ ክንፍ በትረከዎፑወ በወርቕጤ ወገምግም ቀነሰም።

ጥርር 15/2018 ዘበር (ወርቕጤ)

የመምሪያዌ ዳነ ኣበቃጥ ሸምሱ ኣማን ሐልቅ ተመንግስት ያትራክቦ ቡችር ቡችር ወሬ በሬዲዮ፣ በቴሌቪዥን፣ በወሬ መጽሔት፣ በበራሪ ወረቀት፣ በማህበራዊ ሚዲያም ብንጉወድም ኤነት ዘንጋ ቲያሰሬ የረፐረሐማ ኦዶም።

በዞነንዳ የቾችዮ ሜና የሐልቀንዳዬ ናሰራነዬ ኣትያነነም ንቾትነ የባሮ ኣበቃጥ ሸምሱ በብዘ ወረዳም ከተማ የቾችዮ ሜና በቡችር ቡችር የሚዲያ ኤነት የሐልቅ ኣሰነረም ባሮም።

ይቾችዮ ሜና ሐልቅዌ ቲያነቡንም ሐረም ቲሰሟን ይሽንሐማም ሓለት ይረሕብሐማ ዋትቕማምጥም ወቶት ነረብንደ ቲብሮው የዝረከዎ።

የጉራጊና ኣፍ ይትረቄም የብዘ ቃር ይቐፕሬ የዞንዌ ወባጀ ቤት ታጸደቀወ ግዝየ ቁወነሺም የቾችዮ የሚዲያ ሜና ቀርቀርት ይፈጥሮቃር የረፐሮሐማ ዮዶ ዳነዌ እማት የጉራጊና ኣፍ ሜና ያሰረፑወ የፌስቡክ ገጽ ቦክፍት ብዘ መረጃ ይገፉርፑወሐማ ኣትኸሮም።

ቢሐርም ታነንደ ደረግ ጋሙወ ቲያዢ በዞነንዳ ብንም መዋቅር የቾትነዮ ሜና ቢረብሮም ያነንደ ሓለትም ደረግም ተጠቀምነም ንቅ ሜና ይቾችዬ ዋትያን ያሸሐማ ዝረከዎም።

በቀጥወ መምሪያዌ በድጋፍም ክትትል፣ በግበረመልስም፣ በኖሻሻት ይብኖ ሓለት ቦትጠቀም ወቶት ያነወሐማ ነሑቸር ኣሰኖም።

“አንትሮሸት”

“አንትሮሸት” እናቶች የእናትነት ወጋቸው ጎልቶ የሚወጣበት የሚከበሩበት የሚያርፉበት እና ተስፋን የሚሰንቁበት በመሆኑ በተጠናከረ መንገድ ማክበር እንደሚገባ ተገለፀ።

ጥር 14/2018 ዓም

በጉራጌ ዞን እዣ ወረዳ የ2018 ዓ/ም የአንትሮሸት ( የእናቶች ቀን) በዓል በድምቀት ተከበረ።

የእዣ ወረዳ ም/የመንግስት ተጠሪ አቶ አብዱራህማን ሀሰን ለዘመናት ሴቶች ከወንዶቹ እኩል ነጻነት ሳይሰጣቸው የኢኮኖሚም ሆነ ማህበራዊ ተጠቃሚነታቸው እንዲሁ የፖለቲካ ተሳትፏቸው ሲነፈጉ እንደነበር ጠቅሰው ።

በጉራጌ ማህበረሰብ ዘንድ ግን የአሜሪካ ሴቶች ጥያቄም ሆነ የኢትዮጵያ ህገ መንግስት ድንጋጌ በፊት ስለሴቶች ነጻነት በማይታመን መልኩ በቃቄ ውርድወት ፊት መሪነት ውጤት በማምጣት የሴቶች መብት የተከበረበት መሆኑን ገልጸው።

አሁንም እናቶች የእናትነት ወጋቸው ጎልቶ የሚወጣበት የሚከበሩበት የሚያርፉበት እና ተስፋን የሚሰንቁበት ያማረ እና የደመቀ እናቶች ደስታቸውን የሚገልጹበት እና ትውልድን የሚመረቁበት በአል ስለሆነ ሁሉም የማህበረሰብ ክፍል ይህን በዓል ከፍ ወዳለ ደረጃ ለማሻገር ትኩረት ሰጥቶ ሊሰራ እንደሚገባ መልዕክት አስተላልፈዋል።

የእዣ ወረዳ ሴቶችና ህፃናት ጽህፈት ቤት ሀላፊ ወይዘሮ አሰለፈች ክብሩ ዲሞክራሲና ስልጣኔ ቀድሞ የጀመሩ የአውሮፓ ሀገራት ስለሴቶች መብት ክብርና ነፃነት በተገቢው በህገመንግስታቸው ሳይጀመሩ የጉራጌ ማህበረሰብ ለሴቶች ለእናቶችና ልጃገረዶች መብትና ነፃነት ለማጎናፀፍ የሚያስችል ሀሳብ አፍልቆ በተግባር ለማሳየት የቻለ መሆኑን ገልጸው ።

ይህንንም ተከትሎ በወረሃ ጥር እናቶች የሚከበሩበት የሚደሰቱበት የሚያርፉበት ተስፋ የሚሰንቁበት ወር እንደሆነ ተወስኖ የአንትሮሸት (የእናቶች በዓል) ሲከበር መቆየቱን ገልፀው ።

እንደ ወረዳ ለሶስተኛ ጊዜ እየተከበረ የሚገኘው ይህ በዓል ነገር ግን ከ 2015 ዓ.ም ጀምሮ ዞኑ ሙሉ ኃላፊነቱን ወስዶ ከባለ ድርሻ አካላት ጋር በመተባበር በአሉ በሁሉም ወረዳዎች እየተከበረ እንደሚገኝ ጠቅሰው።

ከዚሁ በዓል ጋር ተያይዞ በወረዳ ደረጃ ለሦስተኛ ዙር ሞዴሊንግ ስራ በበርካታ ተግባራቶች ሲሰሩ መቆየቱን ገልጸው በሶስተኛ ዙር ሞዴሊንግ ከተሰራባቸው ቀበሌዎች አንዱ ገደብ ቀበሌ እንደሆነ አመላክተው ለሁለቱም በዓላት የእንኳን አደረሳችሁ መልዕክት አስተላልፈዋል።

እናቶችም በበዓሉ የተሰማቸውን ደስታ በመግለጽና በመመረቅ እንዲሁም በሞዲሊግ ስራ ላይ ከፊት ለነበሩ እናቶች እና ለቀበሌው አመራር የእውቅና ሰርተፍኬት በመስጠት በአሉ ተከብሮ ውሏል ሲል የዘገበው የእዣ ወረዳ መንግስት ኮሙኒኬሽን ጉዳዮች ጽ/ቤት ነው።

ወቅቱን የዋጀ ቴክኖሎጂን በመጠቀም እና ተግባራትን በመፈተሽ

ወቅቱን የዋጀ ቴክኖሎጂን በመጠቀም እና ተግባራትን በመፈተሽ ቀልጣፋና ጥራት ያለው አገልግሎት ለመስጠት የሚያስችል የአቅም ግንባታ ስልጠናዎች እየሰጠ መሆኑን የጉራጌ ዞን ሳይንስና ኢንፎርሜሽን ቴክኖሎጂ መምሪያ አስታወቀ።

ጥር 08/2018 (ወልቂጤ)

መምሪያው ለወረዳና ለከተማ አስተዳደር የሳይንስ እና ኢንፎርሜሽን ቴክኖሎጂ ፅ/ቤት ሃላፊዎች የወረዳ ፣የዞን መዋቅር የልማት ባለሙያዎች እና የህዝብ ክንፍ ተወካዮች የ2018 ዓ.ም የመጀመሪያው ግማሽ አመት የዜጎች ቻርተር የሳይንስ ፈጠራ ላይ በፓተንት እና ፕሮፖዛል አዘገጃጀት ዙርያ በልማት እቅድ ዝግጅት እና በሪፖርት አቀራረብ እንዲሁም ለህዝብ ክንፍ ስልጠና በመስጠት የባለፉት ወራት እቅድ አፈፃፀም በዛሬ ውሎ ይገመገማል ።

መክፈቻው ላይ የጉራጌ ዞን ሳይንስና ኢንፎርሜሽን ቴክኖሎጂ መምሪያ ኃላፊ አቶ ደምስ ገብሬ እንደገለጹት በሳይንስና ኢንፎርሜሽን ቴክኖሎጂ ዘርፍ በሚሰሩ ስራዎች ያሉ ክፍተቶችን ለመሙላት ስልጠና ከፍተኛ አስተዋጽኦ ያለው መሆኑን አንስተዋል ።

የተሰሩ ስራዎች በመገምገም ግብአቶችን እንደ ግብአት ለመጠቀም ያስችላል ብለዋል።

ወቅቱን የዋጀ ቴክኖሎጂን በመጠቀም ለተገልጋዩ በቅርበት ቀልጣፋና ጥራት ያለው አገልግሎት ለመስጠት የሚያስችል የአቅም ግንባታ ስልጠናዎች ወሳኝ መሆናቸውን ተናግረዋል ።

የጉራጌ ዞን ሳይንስና ኢንፎርሜሽን ቴክኖሎጂ መምሪያ የማዕከላዊ ኢትዮጵያ ክልል የመሶብ አንድ ማዕከል አገልግሎት መስጫ ተቋም ላይ በመገኘት የልምድ ልውውጥ አደረገ።

የጉራጌ ዞን ሳይንስና ኢንፎርሜሽን ቴክኖሎጂ መምሪያ የማዕከላዊ ኢትዮጵያ ክልል የመሶብ አንድ ማዕከል አገልግሎት መስጫ ተቋም ላይ በመገኘት የልምድ ልውውጥ አደረገ።

ጥር 7/2018 ዓ/ም፦(ወልቂጤ)

መምሪያው በዞኑ እስከ ቀበሌ የሚገኙ የመንግስት አገልግሎት መስጫ ተቋማት አገልግሎታቸው እንዲያዘምኑና በቴክኖሎጂ የታገዘ እንዲያደርጉ ለማድረግ በየዓመቱ የተሻለ ልምድ ካላቸው ተቋማት የልምድ ልውውጥ እንደሚያደርግ ተጠቁሟል!!

በዘንድሮው ዓመትም የመምሪያው ማኔጅመንት አባላትን ጨምሮ በዞኑ የሚገኙ የወረዳና ከተማ አስተዳደር የሳይንስና ኢንፎርሜሽን ቴክኖሎጂ ጽ/ቤት ኃላፊዎች በክልላችን የሚገኘውን የመሶብ አንድ ማዕከል አገልግሎትን ጉብኝት በማድረግ የልምድ ልውውጥ መርሃ ግብር አካሂዷል።

የማዕከሉ ዋና ዳይሬክተር አቶ ከበደ ሻሜቦ ልምድ ልውውጥ ለማድረግ ለተገኘው የዞኑ ቡድን የእንኳን ደህና መጣችሁ መልእክት ካስተላለፉ በኃላ ስለ ማዕከሉ አገልግሎት አሰጣጥ ገለፃ አድርገዋል!!

ዳይሬክተሩ በልምድ ልውውጡ ወቅት እንዳሉት ይህ የአንድ ማዕከል አገልግሎት ለዲጂታል ኢትዮጵያ ግንባታ ወሳኝ ነው!!

የጉራጌ ዞን በርካታ የቴክኖሎጂ ስራዎችን በመተግበር ግንባር ቀደም መሆኑን በመግለፅ የአንድ ማዕከል አገልግሎትንም በዞኑ ተግባራዊ ቢደረግ ደግሞ ዞኑ የበለጠ ውጤታማ እንደሚሆን አመላክተዋል።

የጉራጌ ዞን ሳይንስና ኢንፎርሜሽን ቴክኖሎጂ መምሪያ ኃላፊ አቶ ደምስ ገብሬ በበኩላቸው ለተደረገላቸው አቀባባልና ገለፃ የማዕከሉን ዳይሬክተር አመስግነው የልምድ ልውውጡ እንደዞን የጀመርነውን ዲጂታላይዜሽን አንድ ደረጃ ከፍ የሚያደርግ ነው ብለዋል!!

እንደ ኃላፊው ገለፃ ምልከታው በዞኑ ያሉ ተቋማት በቴክኖሎጂ ለማዘመን ከፈተኛ ልምድ የተገኘበት ነው በማለት የዞኑ መንግስት የያዛቸውን የልማት ግቦች ለማሳለጥ አቅም የሚፈጥር እንደሆነም አመላክተዋል!!

በዲጂታል ኢትዮጲያ 2030 የተያዙ ውጥኖች እውን ለማድረግ የአንድ ማዕከል አገልግሎቶች ማሳለጫ መንገዶች ናቸው ያሉት አቶ ደምስ በቀጣይ በዞኑም ተግባራዊ እንዲደረግ እየተሰራ መሆኑን ጠቁመዋል።

በልምድ ልውውጡ የተሳተፉ የወረዳና ከተማ አስተዳደር የዘርፉ አመራሮች በጉብኝቱ መደሰታቸውን በመግለፅ ለቀጣይ የተቋም ተልእኮ ትልቅ እገዛ የሚያደርግ መሆኑን አስገንዝበዋል።

በሳይንሱ ዘርፍ የሚሰሩ ስራዎች ውጤታማ ለማድረግ የፈጠራ ስራዎች ባለቤትነት መብት ማረጋገጥና ማበረታታት እንደሚገባ በጉራጌ ዞን የእኖር ወረዳ ሳይንስና ኢንፎርሜሽን ጽ/ቤት ገለጸ።

ጥር 2/2018 ዓ.ም

============= በሳይንሱ ዘርፍ የሚሰሩ ስራዎች ውጤታማ ለማድረግ የፈጠራ ስራዎች ባለቤትነት መብት ማረጋገጥና ማበረታታት እንደሚገባ በጉራጌ ዞን የእኖር ወረዳ ሳይንስና ኢንፎርሜሽን ጽ/ቤት ገለጸ።

ጽ/ቤቱ “የዘመነ ዲጅታል ኢኮኖሚ የዕድገታችን መሰረት ነው”በሚል መሪ ቃል በፈጠራ ስራና አዕምሮአዊ መብት ጥበቃ፣በኢትዮ ኮደርስ፣በኢኮቴ እቃዎች አያያዝና አጠቃቀም ዙሪያ ለባለድርሻ አካላት በጉንችሬ ከተማ ስልጠና ሰጥቷል።

በመድረኩ የተገኙት የጉራጌ ዞን ሳይንስና ኢንፎርሜሽን መምሪያ ሐላፊ አቶ ደምስ ገብሬ እንደገለጹት ማናቸውም መንግስታዊና ህዝባዊ አገልግሎቶች በቀላሉ ተደራሽ ማድረግ እንዲቻል በቴክኖሎጂ የበለጸገ ትውልድ መገንባት ወሳኝ ጉዳይ ነው ብለዋል።

በመሆኑም በሳይንሱ ዘርፍ የሚሰሩ ስራዎች ውጤታማ ለማድረግ የፈጠራ ስራዎች ባለቤትነት መብት ማረጋገጥና ማበረታታት እንደሚገባም አመላክተዋል።

የእኖር ወረዳ አስተዳደር ጽ/ቤት ሐላፊ አቶ ምትኩ ሐይለማርያም ባለፉት ዘመናት ስንከተላቸው የነበሩ ሗላቀር አሰራሮችን በማዘመን ወቅቱ የሚጠይቀው በቴክኖሎጂ የታገዘና ጊዜ፣ጉልበትና ገንዘብ ቆጣቢ አገልግሎት መጠቀም እንደሚገባ ተናግረዋል።

በየደረጃው ባሉት በትምህርት ቤቶችና በሌሎችም ተቋማት በከፍተኛ ወጪ የሚገዙ ኮምፒተሮች ፣ላፕቶፖችና ሌሎችም ለቴክኖሎጂው ተግባር አጋዥ የሆኑ ንብረቶችን በአግባቡ ልንገለገልባቸው ይገባል ብለዋል።

አክለውም ብልሽት የገጠማቸው ንብረቶችም ካሉ ህጉ በሚፈቅደው መንገድ በማስጠገን ለአገልግሎት እንዲበቁ በማድረግ ሁሉም የተጠናከረ ስራ መስራት እንዳለበትም አስገንዝበዋል።

የወረዳው ሳይንስና ኢንፎርሜሽን ጽ/ቤት ሐላፊ ወ/ሮ ሙሉ ሻፊ በበኩላቸው በወረዳው በየደረጃው የሚገኙ የትምህርት ተቋማት በፈጠራ ስራ የበለጸገ ትውልድ በማፍራት ረገድ አይነተኛ ሚና አላቸውና ተልዕኮዋቸውን በአግባቡ ሊወጡ ይገባል ብለዋል።

ጽ/ቤቱም የፈጠራ ስራ ባለቤቶችን መብት በማስከበር ረገድ ከሚመለከታቸው ባለድርሻ አካላት ጋር ቅንጅታዊ ስራ እየተከናወነ እንደሚገኝ ጠቁመዋል።

በመሆኑም ተቋሙ በተግባሩ ይበልጥ ውጤታማ እንዲሆን በቴክኖሎጂ የረቀቀ ትውልድ ለመፍጠር ጊዜውን የዋጀ ስልጠና መስጠት አስፈላጊ መሆኑንም ተናግረዋል።

የስልጠናው ተሳታፊዎችም ስልጠናው ለስራቸው ትልቅ አጋዥ መሆኑን ጠቁመው በቀጣይ ከቴክኖሎጂው ጋር የተላመደ ትውልድ እንዲፈጠር የበኩላቸውን ድርሻ እንደሚወጡ ተናግረዋል።

በመድረኩም የትምህርት ቤቶች ርዕሳነ መምህራን፣የሳይንስ ክበባት ተጠሪዎች እና የተመረጡ የፈጠራ ስራ ባለቤቶች፣የወረዳው ሴክተር መስሪያ ቤት የልማት ዕቅድ ባለሙያዎች እና ሌሎችም ጥሪ የተደረገላቸው አካላት ተሳታፊ ሆነዋል።

የምርጫ ጣቢያ አስፈጻሚዎች ቅጥር ማስታወቂያ

===የምርጫ ጣቢያ አስፈጻሚዎች ቅጥር ማስታወቂያ

የኢትዮጵያ ብሔራዊ ምርጫ ቦርድ 7ተኛውን ጠቅላላ ምርጫ ግንቦት 24 ቀን 2018 ዓ.ም. ለማከናወን በርካታ የቅድመ ምርጫ ተግባራት እያከናወነ ይገኛል።

በመሆኑም ቦርዱ ምርጫ የሚያስፈጽሙ ገለልተኛ የምርጫ ጣቢያ ሠራተኞችን በጊዜያዊነት ለመቅጠር እንደሚፈልግ ገልጾ ታኅሣሥ 19 ቀን 2018 ዓ.ም የቅጥር ማስታወቂያ ማውጣቱ ይታወሳል፡፡

በዚኽም መሠረት የቅጥር ማስታወቂያው ማመልከቻ ጊዜ እስከ ጥር 7 ቀን 2018 ዓ.ም የተራዘመ በመሆኑ ከዚህ በታች የተዘረዘሩትን መሥፈርቶች የምታሟሉ “በምርጫ ጣቢያ አስፈጻሚነት” ማገልገል የምትፈልጉ አመልካቾች በሙሉ

የምልመላ መሥፈርት፡-

• ዕድሜው/ዋ ከ18 ዓመት በላይ የሆነ/ች፣

• የማንኛውም የፖለቲካ ፓርቲ አባል ያልሆነ/ች፣

• የትምህርት ዝግጅት፦ 12ኛ እና ከዚያ በላይ የሆነ/ች፣

• የሥራ ቦታ፦ ቦርዱ በሚያቋቁማቸው የምርጫ ጣቢያዎች፣

• የክልሉን የስራ ቋንቋ መናገር እና መጻፍ የሚችሉ

• የሥራ ቆይታ ፦ ለ2 ወር፣

• ሴት አመልካቾች ይበረታታሉ።

አድራሻ:-አገና ከተማ ውሀ አገልግሎት አጠገብ በሚገኘው የእዣ 1 ምርጫ ክልል ፅ/ቤት

በህገወጥ መንገድ ሲዘዋወር የነበረ አረቄ፣ናፍጣና ቤንዚን በቁጥጥር ስር ዋለ።

=====የጉራጌ ዞን ፖሊስ መምሪያ፣ የብሔራዊ መረጃ ደህንነትና የወልቂጤ ከተማ ፖሊስ ጽህፈት ቤት ከህብረተሰቡ ጋር በመተባበር በጋራ በመሆን በተሰራው ኦፕሬሽን በህገወጥ መንገድ ሲዘዋወር የነበረ አረቄ፣ናፍጣና ቤንዚን በቁጥጥር ስር ዋለ።

ጥር 2/2018 ዓ.ም(አገና)

በዞኑ ህገወጥነትን ለመከላከል ከሚመለከታቸው አካላት በቅንጅት እየተሰራ ያለው ስራ በቀጣይም ተጠናክሮ እንደሚቀጥል የጉራጌ ዞን ሰላምና ጸጥታ መምሪያ አስታውቋል።

የጉራጌ ዞን ሰላምና ጸጥታ መምሪያ ኃላፊ አቶ ነጋ አስፋው እንዳሉት የማህበረሰቡን ጤና ሊጎዱ የሚችሉ 1 መቶ 50 ጀሪኪና አንድ በርሜል አረቄ መምሪያው ከብሔራዊ መረጃና ደህንነት እንደዚሁም ከወልቂጤ ከተማ ፖሊስ ጽህፈት ቤት በጋራ በመሆን በተሰራው ኦፕሬሽን በመያዝ የማስወገድ ስራ ተሰርቷል።

ከዚህም ባለፈ 96 ጀረኪና ናፍጣና 18 በርሜል ቤንዚል በኦፖሬሽኑ ስለመያዙንም ኃላፊው ተናግረዋል።

በዞኑ ህገወጥነትን ለመከላከል መምሪያው ከሚመለከታቸው አካላት ጋር በመቀናጀት እየተሰራ ያለው ስራ በቀጣይም ተጠናክሮ እንደሚቀጥል አስረድተዋል።

የወልቂጤ ከተማ አስተዳደር ፖሊስ አዛዥ ዋና ሳጅን ይታገሱ ደሳለኝ በበኩላቸው በህገወጥ መንገድ የተያዘው አረቄ የት እንደሚመረት የማይታወቅ ባዕድ ነገር የተቀላቀለበትና የህብረተሰቡን ጤና የሚጎዳ መሆኑን ጠቁመው ይህም ማታ 1 ሰዓት እስከ 7 ሰዓት በተሰራው ኦፕሬሽን መያዙን ተናግረዋል።

ይህ ህገወጡ አረቄ ከዚህ ቀደም የበርካታ ህብረተሰብ ጤና መጎዳቱና ለህልፈት መዳረጉን አንስተው ህገወጥ አረቄ ለማስወገድ የተጀመረው የኦፕሬሽን ተግባር በቀጣይም ተጠናክሮ እንደሚቀጥል አመላክተዋል።

ከዚህም ባሻገር በከተማው በህገወጥ መንገድ ቤንዚልና ናፍጣ በኦፖሬሽኑ መያዙንም ገልጸዋል።

ኃላፊው ህብረተሰቡ ከፖሊስ ጋር እያደረገ ያለው ህገወጥነትን የመከላከል ስራ አጠናክሮ ሊቀጥል እንደሚገባም ጠቁመዋል።

ዘገባው የጉራጌ ዞን የመንግስት ኮሙኒኬሽን መምሪያ ነው።

በተቋማት ውስጥ የወረቀት ስራን አስቀራለሁ – በላይ አላምነህ

======በተቋማት ውስጥ የወረቀት ስራን አስቀራለሁ – በላይ አላምነህ

ሁሌም 1ኛ ነው የምወጣው!

ሰፊ ቤተሰብ ውስጥ ያደኩኝ ነኝ፡፡

የተወለድኩት ጎጃም ዳሞት ነው፡፡

የመጀመሪያ ደረጃ ትምኀርቴን 60 ኪ.ሜ ተጉዤ ነው የተማርኩት፡፡

የ3ተኛ እና የ4ተኛ ክፍል ፤ የ5ተኛ እና የ6ተኛ ክፍል ትምኀርትን ‘ደብል‘ መትቼ ነው ያለፍኩት፡፡

በሁለት ዓመት ውስጥ የአራቱን ክፍል ተምሬአለሁ፡፡

ሁሌም አንደኛ የምወጣ ተማሪ ነኝ፡፡

ዲግሪ ለመያዝ 12 አመት ነው የፈጀብኝ!

የሁለተኛ ደረጃ ትምኀርት ቤት ሥማር ከቤተሰብ ርቄ ነው የኖርኩት፡፡

በእግሬ የአራት ሰዓት መንገድ ተጉዤ ÷ እንጀራ ጋግሬ ነው የምማር የነበረው፡፡

በትምኀርት ድክመት የነበረኝ የኮምፒውተር እውቀቴ ላይ ነበር፡፡

አዳማ ዩኒቨርስቲ ስገባ የሶፍትዌር ምህንድስና ለመማር ወሰንኩ፡፡

የልጅነት የኤሌክትሪክ ኢንጅነር የመሆን ፍላጎቴን ተውኩት፡፡

ከአዳማ ዩኒቨርስቲ በሶፍትዌር ምህንድስና ከፍተኛ ውጤት ካስመዘገቡ ተማሪዎች አንዱ ነበርኩ፡፡

የመጀመሪያ ዲግሪዬን ለመያዝ ከሚጠይቀው 16 አመት እኔመጨረስ የቻልኩት በ 12 አመት ነው፡፡

ከአንዴም ሁለት ጊዜ ደብል በመምታቴ የሚፈጀውን ጊዜ መቀነስ ችያለሁ፡፡

በውጪ አገራት ሄዶ ለመማር እድሉ ነበረኝ እኔ ግን መማርም ማስተማርም የምፈልገው በኢትዮጵያ ነው!

በአዳማ እና በባሕርዳር ዩኒቨርስቲ በሶፍትዌር ምሕንድስና የመጀመሪያ እና ሁለተኛ ዲግሪዬን ከተማርኩ በኃላ ውስጤ ጥሩ ተሰማው፡፡

በወልቂጤ ዩኒቨርስቲ በመምኀርነት ማገልገል ከጀመርኩ አምስት አመት ሆኖኛል፡፡

ቢሮክራሲ ደሕና ሰንብት!

ዲጂታል ሌተሪንግ የመወዳደሪያ ፕሮጀክቴ የደብዳቤ ÷ የቲተር ÷ የፊርማ እና ኃላቀር አሰራሮችን በዲጂታል የሚተካ ዘመናዊ የተቋማት አገልግሎት ማስተካከያ መላ ነው ይዤ የመጣሁት፡፡

ቢሮክራሲን አሽቀንጥሮ ጥሎ ÷ መስተጓጎልን በፍጥነት የሚተካው የዲጂታል ሌተሪንግ አሠራርን ከተማሪዎቼ ጋር ሁኜ በኢትዮጵያ ተቋማት ውስጥ መትከል ዕለት ዕለት የምሰራበት ጉዳይ ነው፡፡

ይህ ፕሮጀክቴ የአገራችንን ተቋማት ከኃላቀርነት የሚታደግ ስለሆነ ፕሮጀክቴ አሸናፊ እንደሚሆን እተማመናለሁ፡፡

ነጋድራስ የኢትዮጵያ ንግድ ባንክ የሥራ ፈጠራ ውድድር የፍፃሜ ኘሮግራም እሑድ ጥር 3 ይካሄዳል። ኘሮግራሙ በኢቢሲ በቀጥታ ይተላለፋል።

#ebcdotstream#ነጋድራስ#ኢትዮጵያ#EBC

የማህበረሰቡን የመረዳዳትና የመደጋገፍ ባህል ይበልጥ በመጠቀም ጧሪና ደጋፊ የሌላቸው ወገኖች ለመደገፍ በሚደረው ጥረት ሁሉም የበኩሉን ርብርብ ማድረግ እንዳለበት ተገለፀ።

=====የማህበረሰቡን የመረዳዳትና የመደጋገፍ ባህል ይበልጥ በመጠቀም ጧሪና ደጋፊ የሌላቸው ወገኖች ለመደገፍ በሚደረው ጥረት ሁሉም የበኩሉን ርብርብ ማድረግ እንዳለበት ተገለፀ።

ታህሳስ 28/2018 ዓ.ም (አገና)

የእዣ ወረዳ ንግድና ገበያ ልማት ፅ/ቤት በወረዳው የሚገኙ የንግድ ማህበረሰብ በማስተባበር ለተለያዩ ችግሮች ተጋላጭ ለሆኑ ወገኖች የገና በዓልን አስመልክቶ የገንዘብና የቁሳቁስ ድጋፍ አድርጓል።

የእዣ ወረዳ ዋና አስተዳዳሪ አቶ ዘውዱ ዱላ በድጋፍ ወቅት እንዳሉት መሰል ድጋፎች በዘዘላቂነት ከችግር የሚያወጡ አለመሆናቸውን ገልፀው በቀጣይ ተጋላጮች ራሳቸው የሚችሉበት መንገድ መፍጠር እንደሚያስፈልግ አሳስበዋል።

እንደ ወረዳ ይህ ተግባር በተጠናከረ ሁኔታ እንደሚቀጥል የተናገሩት አቶ ዘውዱ በወረዳው በተለያዩ ቀበሌዎች የሚገኙ ድጋፍ የሚሹ ወገኖቻችን ችግሮቻቸው በማቃለል ወጣቱ ብሎም መላው ማህበረሰቡ የድርሻውን መወጣት እንዳለበትም መልዕክት አስተላልፈዋል።

የእዣ ወረዳ ንግድና ገበያ ልማት ፅ/ቤት ሀላፊ አቶ ይድነቃቸው ሙሉጌታ በበኩላቸው በዚህ ተጠቃሚ የሆኑት እናትና አባታቸው ያጡ ህፃናት፣ የዘማች ቤተሰብና ተጋላጭ አረጋዊያን ተጠቃሚ ያደረገ መሆኑ ገልፀዋል።

አክለውም ዛሬ የተደረገው ድጋፍ ከንግዱ ማህበረሰብ የተሰበሰበው ሲሆን አጠቃላይ ድጋፉ ከ64ሺ ብር በላይ ወጪ የተደረገ መሆኑን ገልጸዋል።

ድጋፍ የተደረገላቸውም ወገኖች በበኩላቸው ለተደረገላቸው ድጋፍ ለወረዳው መንግስት ምስጋናቸውን አቅርበዋል።

በማስጀመሪያ መርሃግብሩ ላይ የወረዳው የበጎ ፈቃድ አገልግሎት አብይ ኮሚቴ አባላትና ሌሎችም የማህበረሰብ ክፍሎች ተሳታፊ ሆነዋል ሲል የዘገበው የእዣ ወረዳ መንግስት ኮሙኒኬሽን ጉዳዮች ፅ/ቤት ነው።