*የጉራጌ ዞን ትምህርት መምሪያ*

የካቲት 11/2017 ዓ.ም

የጉራጌ ዞን ትምህርት መምሪያ የ2017 ዓ.ም የመምህራን፣ርዕሰ መምህራንና ሱፐርቫይዘር ምዘና፣ የቲቶሪያል ኦሮንቴሽንና ወቅታዊ ስራዎች በተመለከተ ባለድርሻ አካላት በተገኙበት በወልቂጤ ከተማ እያካሄደ ይገኛል።

የጉራጌ ዞን የትምህርት መምሪያ ኃላፊ አቶ መብራቴ ወልደማሪያም በመክፈቻ ንግግራቸው እንዳሉት የተማሪዎች ውጤትና ስነምግባር ለማሻሻልና በዘርፉ ውጤታማ ስራ ለመስራት የባለድርሻ አካላት ቅንጅታዊ አሰራር ሚናው የላቀ ነው።

የ2016 የመምህራን ርዕሰ መምህራንና ሱፐርቫይዘር የምዘና አፈጻጸም ግምገማ፣ በወልቂጤ ዩኒቨርሲቲ ድጋፍ በተመረጡ ሁለተኛ ደረጃ ትምህርት ቤቶች የሚሰጠው ቲቶሪያል አስመልክቶ ውይይት እንደሚደረግ ገልጸዋል።

በመድረኩም የጉራጌ ዞን ምክር ቤት ሴቶች ህጻናትና ማህበራዊ ዘርፍ ቋሚ ኮሚቴ ሰብሳቢ ወይዘሮ ጥሩነሽ ምኑታ፣ የጉራጌ ዞን ብልጽግና ፓርቲ የወጣቶችና የሴቶች ክንፍ ኃላፊዎች፣ የወረዳና የከተማ አስተዳደር የትምህርት ጽህፈት ቤት ኃላፊዎች፣ የዞኑ የወላጅ መምህር ህብረትና የመምህራን ማህበር ተወካዮችና ሌሎችም ባለድርሻ አካላት ተገኝተዋል።

“መፍጠንና መፍጠር ለጉባኤያችን ስኬት “

“መፍጠንና መፍጠር ለጉባኤያችን ስኬት ” በሚል መሪ ሀሳብ 2ኛው የብልጽግና ፓርቲ መደበኛ ጉባኤ ውሳኔዎች እና አቅጣጫዎች ላይ በጉራጌ ዞን አገና ከተማ አስተዳደር ህዝባዊ የውይይት መድረክ እየተካሄደ ይገኛል።

መድረኩም የህብረተሰቡ ተጠቃሚነት ይበልጥ ለማረጋገጥ በፓርቲው የተገኙ ውጤቶች በማጠናከርና ችግሮችን በመለየት ብልጽግናን እውን ለማድረግ ፋይዳው የጎላ መሆኑን ተመላክቷል ።

በመድረኩም የጉራጌ ዞን ረዳት የመንግስት ተጠሪ አቶ ፈይሰል ሀሰን ፡ የወልቂጤ ፖሊ ቴክኒክ ኮሌጅ ሀላፊ መስፍን ቴርገም ፡ የአገና ከተማ ከንቲባ አቶ ሀብቴ ዘርጋ ፡ የአገና ከተማ አስተዳደር ዋና የመንግስት ተጠሪ አቶ ከልል ክብሩ ፡ የከተማው አመራሮችና ነዋሪዎች ተሳታፊ ናቸው ።

ዝርዝር ይኖረናል ይከታተሉን !!

*ባጃጅ የሠራው የ14 ዓመት ታዳጊ*

=====ባጃጅ የሠራው የ14 ዓመት ታዳጊ

የ14 ዓመት ታዳጊና የ8ኛ ክፍል ተማሪ የሆነው አብዱልሃፊዝ ጸጋዬ የሚኖረው በጉራጌ ዞን ሙኽር አክሊል ወረዳ ነው።

የተለያዩ የፈጠራ ሥራዎች የሠራው አብዱልሃፊዝ እስካሁን ወደ አምስት የሚጠጉ የፈጠራ ሥራዎች መሥራቱንም ገልጿል። ከእነዚህም ውስጥ በኤሌክትሪክ እና በፀሐይ ብርሃን የሚሰራ ባለ ሦስት እግር ተሽከርካሪ ይገኝበታል።

ከቴክኖሎጂው ጋር የተዋወቀው የሰባት ዓመት ልጅ እያለ መሆኑን የሚገልጸው የፈጠራ ባለሙያው÷ የመብራት እና የመኪና ፈጠራ እጅግ እንደሚያስደስተው ተናግሯል።

ታዳጊው ወደ ፈጠራ ሥራ የተሳበው ነገሮች እንዴት እንደሚሰሩ መጠየቅ እና መመራመር ስለሚወድ መሆኑንም ይገልጻል።

የታዳጊው እህት አምሪያ ጸጋዬ የወንድሟን የፈጠራ ሥራዎችን በተመለከተ በሰጠችው አስተያየት የመጀመሪያ ሥራው የምግብ ማቅረቢያ ትሪን እንደመሪ በመጠቀም በእንጨት እና በሌሎች ቁሳቁስ መኪና መስራቱን ታስታውሳለች። ከዛ በኋላ ግን በተለያዩ የትምህርት ቤት ውድድሮች ላይ እየተሳተፈ ማሸነፍ መቻሉን ትናገራለች።

አብዱልሃፊዝ ወደ ፈጠራ ሥራዎች የገባው በአካባቢው ያሉ እናቶችን ችግር በመመልከት በተለይም እናቶች ወደ ጤና ተቋም ለመሄድ የሚገጥማቸውን ውጣ ውረድ በአቅሙ መፍትሄ ለመስጠት እንደሆነም ገልጿል።

ታዳጊው በፀሐይ ብርሃን የምትሄድ ባለሦስት እግር ወይም በተለምዶ ባጃጅ የምትባለውን ተሽከርካሪ፣ መለስተኛ አይሱዚ እና እሳት ማቀጣጠያ ከሠራቸው የፈጠራ ሥራዎች መካከል ተጠቃሽ ናቸው።

አብዱልሃፊዝ በፈጠራ ሥራዎቹ ምክንያት በወረዳ እና ዞን ደረጃ በተደረጉ የተለያዩ ውድድሮች ላይ በመሳተፍ ተሸላሚ መሆን ችሏል።

ወደ ፊት የሠራትን ባለ ሦስት እግር ተሽከርካሪውን ወደ ገበያ ለማውጣት እና ህብረተሰቡን ተጠቃሚ ለማድረግ የሚያስፈልጉ ግብዓቶች ድጋፍ እንዲደረግለትም ጠይቋል።

ታዳጊው የፈጠራ ሥራዎቹን በተመለከተ ከፋና ሚዲያ ኮርፖሬሽን ጋር ያደረገውን ቆይታ ተከታዩን ማስፈንጠሪያ በመጫን ይመልከቱ👇👇

ተቋማዊ አደረጃጀት በማጠናከርና አገልጋይነት መንፈስ በመላበስ ህዝባችን የሚፈልገዉን ቀልጣፋ የሆነ አገልግሎት መስጠት እንደሚገባ ተገለፀ።

=========ተቋማዊ አደረጃጀት በማጠናከርና አገልጋይነት መንፈስ በመላበስ ህዝባችን የሚፈልገዉን ቀልጣፋ የሆነ አገልግሎት መስጠት እንደሚገባ ተገለፀ።

በጉራጌ ዞን እዣ ወረዳ በ2ኛው የብልፅግና ፓርቲ መደበኛ ጉባኤ ውሳኔዎች እና አቅጣጫዎች ላይ የማዕከል የብልፅግና ህብረት ፐብሊክ ሰርቫንት የአባላት መድረክ ተካሂዷል ።

በመድረኩም ተቋማዊ አደረጃጀት በማጠናከር የህዝብ አገልጋይነት መንፈስ በመላበስ ህዝባችን የሚፈልገዉን ቀልጣፋ የሆነ አገልግሎት መስጠት እንደሚያስፈልግ ተመላክቷል ።

የህዝባችን ኢኮኖሚ ለማሻሻል ሁሉም ጠንክሮ በመስራት በቀላሉ የማይበገር ኢኮኖሚ በመገንባት ከእራሱ አልፎ ለሀገር እድገት ከፍተኛ ለዉጥ ማምጣት አስፈላጊ መሆኑን በመድረኩ ውይይት ተደርጎበታል።

በአጠቃላይ እንደ ወረዳው በትምህርት ፡ በግብርና ፡ በጤና ፡ በስራ እድል ፈጠራ እና ሌሎችም በጥንካሬ የተከናወኑ የልማትና መልካም አስተዳደር ተግባራቶች በማስቀጠል በአፈፃፀም ወቅት የነበሩትን ጉለቶችን በማረም ሁለንተናዊ የብልፅግና ጉዞ እውን እንዲሆን ሲቭል ሰርቫንት አባሉ የድርሻውን መወጣት ይገባዋልም ተብሏል።

ማስታወቂያ

ማስታወቂያ
ፅናት የቤትና የቢሮ ዕቃዎች ማምረቻ ማህበር በአገና ከተማ አገና ኮንስትራክሽንና ኢንደስትሪያል ኮሌጅ ፊት ለፊት የሚገኝ ሲሆን በውስጥ ባሉት ስመ-ጥር ባለሙያዎች ደረጃቸው የጠበቁ ዘመናዊ የቢሮና የቤት ዕቃዎች ማምረቻ ድርጅት ነው።ድርጅታችን በእዣ ወረዳ፤ በአገና ከተማ አስተዳደርና በተለያዩ አጎራባች ወረዳዎች ውስጥ ለሚገኙ የመንግስት ቢሮዎችና የግል ድርጅቶች የተለያዩ የእንጨትና የብረት ምርቶችንና ቴክኖሎጂዎችን በተመጣጣኝ ዋጋ በማቅረብ የሚታወቅ ነው። ማንኛውም ዘመናዊ የቢሮና የቤት ዕቃዎችን እንዲሁም የግብርና ቴክኖሎጂዎችን በተመጣጣኝ ዋጋና በጥራት እናቀርባለን።ዘመናዊነት እኛ ጋር ይገኛል ይጎብኙን ይዘዙን ያሉበት ድረስ እናቀርባለን።
ለማንኛውም መረጃ
በስልክ ቁጥር፡ 0913237315
አድራሻችን፡ አገና ኮንስትራክሽንና ኢንደስትሪያል ኮሌጅ ፊትለፊት

=======ጥር 13/2017 ዓ.ም

የጉራጌ ማህበረሰብ ነቖ የልጃገረዶች በዓል ቀን በማልማትና በማስተዋወቅ የቱሪዝም መዳረሻ ለማድረግ በሚደረገው ጥረት ሁሉም የበኩሉን ድርሻ እንዲወጣ የጉራጌ ዞን ባህል ቱሪዝም መምሪያ ኃላፊ ወይዘሮ መሰረት አመርጋ ጠየቁ።

ነቖ የልጃገረዶች በዓል ቀን በጉራጌ ዞን እዣ ወረዳ በጉየና የስዋ ቀበሌ ዞናዊ የማስጀመሪያ ፕሮግራም በተለያዩ ዝግጅቶች በድምቀት ተከብሯል።

ነቖ (ኧረቘ) በጉራጌ ማህበረሰብ ዘንድ በጥር ወር ላይ ወይም ገና በዋለ እስከ 15ኛው ቀን ባሉት ጊዜያት በሴት ልጃገረዶች የሚዘወተር ባህላዊ በዓል ነው።

የጉራጌ ዞን ባህል ቱሪዝም መምሪያ ኃላፊ ወይዘሮ መሰረት አመርጋ እንዳሉት መምሪው ከዞኑ አስተዳደር እና በየደረጃው ከሚገኙ ባለድርሻ አካላት ጋር በመቀናጀት የጉራጌ ማህበረሰብ የልጃገረዶች በዓል ነቖ ከማልማትና ከማስተዋወቅ ባሻገር የገቢ ምንጭ ለማድረግ እየሰራ ነው።

የጉራጌ ማህበረሰብ ከጥንት ጀምሮ ለሴቶች ይሰጠው ለነበረው ክብርና ዴሞክራሲያዊ አመለካከት ነቖ አና አንትሮሸት የመሳሰሉ ሁነቶች ማሳያዎች ናቸው ያሉት ወይዘሮ መሰረት መሰል እሴቶች በማልማትና በማስተዋወቅ የቱሪዝም መዳረሻ እንዲሆኑ እየተሰራ እንደሚገኝ ተናግረዋል።

የነቖ በዓል ለማህበረሰቡ ማህበራዊና ኢኮኖሚያዊ ፋይዳው ከፍተኛ መሆኑን የገለጹት ወይዘሮ መሰረት ሴት ልጃገረዶች ነጻነታቸው በማወጅ ማህበራዊ ትስስር የሚያጠናክሩበት በዓል ነው ያሉት።

ለበዓሉ ከታህሳስ ወር ጀምሮ ቅድመ ዝግጅት እንደሚደረግ ያነሱት ኃላፊዋ ለዚህም ሴት ልጃገረዶች ቤት ለቤት እየዞሩ ከቤተሰብ እስከ አካባቢ ነዎሪዎች ገንዘብን ጨምሮ በአይነት የገብስ የአተር እና ሌሎች ስጦታዎች ተበርክቶላቸው በበአሉ መጨረሻ እየበሉና እየጠጡ እየጨፈሩ የሚደሰቱበት በዓል መሆኑን አስረድተዋል።

ይህ ባህላዊ የልጃገረዶች በዓል ይዘቱን ተጠብቆ ለትውልድ ተሻጋሪ እንዲሆን ከማድረግ ባሻገር የቱሪዝም መዳረሻ ለማድረግ ሁሉም የበኩሉን ድርሻ እንዲወጣም አመላክተዋል።

የእዣ ወረዳ ዋና አስተዳዳሪ አቶ ዘውዱ ዱላ በበኩላቸው የልጃገረዶች በዓል ባህላዊ እሴቱና ትውፊቱ ጠብቆ ከትውልድ ትውልድ እንዲተላለፍ ለማድረግ የወረዳው መንግስት ባለፉት አመታት ተቀዛቅዞ የነበረውን ይህ እሴት እንዲያንሰራራ በርካታ ስራዎች እየሰራ ይገኛል ብለዋል።

ባህል የአንድን ማህበረሰብ ማህበራዊ፣ አስተዳደራዊና ኢኮኖሚያዊ ጉዳዮች የሚገለጽበት መሳሪያ ነው ያሉት አቶ ዘውዱ የማህበረሰቡ ባህሎችን በተገቢው በመጠቀም በመንከባከብና በማሳደግ የማህበረሰቡን ሁለንተናዊ ተጠቃሚነት ለማረጋገጥ ሁሉም ባለድርሻ አካላት ኃላፊነታቸውን እንዲወጡ አስገንዝበዋል።

የወረዳው ባህል ቱሪዝም ጽህፈት ቤት ኃላፊ ወይዘሮ የሺነሽ ተካ እንዳሉት በጉራጌ ማህበረሰብ ዘንድ ነቖ ሴት ልጃገረዶች ነጻነታቸውን የሚያውጁበት፣ ደስታቸውን የሚገልጹበትና የእርስ በእርስ ማህበራዊ መስተጋብራቸውን የሚያጠናክሩበት በዓል ነው።

የጉራጌ ማህበረሰብ ነቖን ጨምሮ የበርካታ እሴቶች ባለቤት መሆኑ ያነሱት ኃላፊው እነዚህን ማህበራዊ መስተጋብርና ኢኮኖሚ ጠቀሜታ እንዲኖራቸው እየተሰራ እንደሚገኝ ጠቁመው መሰል እሴቶችን ከመጥፋት በመታደግ እንዲለሙና እንዲተዋወቁ በሚደረገው ጥረት ሁሉም የበኩሉን ድርሻ እንዲወጣ ጠይቀዋል።

በበዓሉ የተሳታፉ ሴት ልጃገረዶች እናቶች በዓሉ ከተጋረጠበት መፋዘዝ ወጥቶ በድምቀት መከበሩ ደስታ እንደፈጠረባቸው ተናግሯል ።

በዓሉ እንዲያንሰራራ መንግስት ለሚደረገው ጥረት አመስግነው በቀጣይ እሴቱ እንዲለማና እንዲተዋወቅ በማድረግ እንዲሁም የማህበረሰቡ ማህራዊና ኢኮኖሚያዊ ተጠቃሚነት እንዲያጎለብት ሁሉም የሚመለከታቸው አካላት በትኩረት እንዲሰሩም ጠይቀዋል።

ነቖ ወይንም የልጃገረዶች በዓል ቀን በጉራጌ ዞን እዣ ወረዳ በጉየና የስዋ ቀበሌ የማስጀመሪያ ፕሮግራም እየተካሄደ ይገኛል።

=======ነቖ ወይንም የልጃገረዶች በዓል ቀን በጉራጌ ዞን እዣ ወረዳ በጉየና የስዋ ቀበሌ የማስጀመሪያ ፕሮግራም እየተካሄደ ይገኛል።

ነቖ (ኧረቘ) በጉራጌ ማህበረሰብ ዘንድ በጥር ወር ላይ ወይም ገና በዋለ እስከ 15ኛው ቀን ባሉት ጊዜያት በሴት ልጃገረዶች የሚዘወተር ባህላዊ የበዓል አይነት ነው።

በዓሉም ሴት ልጃገረዶች ነጻነታቸውን የሚያውጁበትና ደስታቸውን የሚገልጹበት በዓል ነው።

በበዓሉ ወቅት ልጃገረዶች ተሰባስበው በየቤቱ እየዞሩ ልክ እንደ አበባዮሽ በአይነትና ገንዘብ ይሰበስባሉ፣ ሁሉም የሚያስፈልጉ ቁሳቁሶችና ምግብ ከተዘጋጀ በኋላ ከአካባቢው በአንዷ ልጃገረድ ቤት በማደር የተለያዩ ምግቦችን በማዘጋጀት እየጨፈሩና እየበሉ ያድራሉ፡፡

የነቖ በዓል በጥር ወር የሚከበር ሲሆን ከታህሳስ ወር ጀምሮ ለበዓሉ የሚሆን ቅድመ ዝግጅት ተጀምሮ ክትፎ፣ ቆሎ፣ በሶ፣ ቦርዴና ሌሎችም ባህላዊ ምግቦች ዝግጅቶች ይደረጋል። ልጃገረዶቹ ከሚያደርጉት ዝግጅት ባለፈ በዓሉ በድምቀት እንዲከበር ወላጆቻቸው አስፈላጊውን እገዛ ያደርጉላቸዋል።

ይህ የልጃገረዶች በዓል በዞኑ በየአመቱ በድምቀት እየተከበረ እንደሚገኝና የዘንድሮ የነቖ የልጃገረዶች በዓል ከዛሬ ጀምሮ እስከ ጥር ወር መጨረሻ ድረስ በልዩ ድምቀት እየተከበረ ተጠናክሮ እንደሚቀጥል ተገልጿል።

በበዓሉም የእዣ ወረዳ ዋና አስተዳዳሪ አቶ ዘውዱ ዱላ፣ የወረዳው የመንግስት ዋና ተጠሪ አቶ ተሾመ ስራኒ፣ የወረዳው ባህል ቱሪዝም ጽህፈት ቤት ኃላፊ ወይዘሮ የሺነሽ ተካና ሌሎችም የዞንና የወረዳው የስራ ኃላፊዎች፣ የአካባቢው ነዋሪዎች ተገኝተዋል።

የጥምቀት በዓል

==========የጥምቀት በዓል ከሃይማኖታዊ ይዘቱ ባለፈ በአለም አቀፍ ደረጃ በዩኔስኮ ከተመዘገቡ የማይዳሰሱ ቅርሶች መሀል አንዱ ሲሆን አብሮነትና መተባበር ፡ የፍቅርና አንድነት ፡ የፍፁም ትህትና ማሳያ ነው ።

በጉራጌ ዞን እዣ ወረዳ እና አገና ከተማ አሥተዳደር የ2017 ዓም የጥምቀት በዓል በድምቀት ተከብሯል ።

ከቃል አስከ ባህል በሚል መሪ ቃል

=========ከቃል አስከ ባህል በሚል መሪ ቃል በጉራጌ ዞን የእዣ ወረዳ ብ/ፓርቲ ቅ/ጽ/ቤት በሁሉም ማህበራዊ መሰረት የአባላት የግምገማ መድረክ እየተካሄደ ይገኛል፡፡

የግምገማ መድረኩ የአባሉና አመራሩ ችግሮች በመቅረፍ የኢትዮጽያ ህልም እውን ማድረግ ላይ ያለመ እንደሆነ ተመላክቶዋል

መድረኩ በወረዳ ማእከል የፐብሊክ ሰረቫንት አባላት በየማህበራዊ መሰረቶቻቸውና በሁሉም ቀበሌያት የአርሶ አደርና የከተማ ነዋሪ አባላት በተመሣሣይ በየመሰረታዊ ድርጅቶቻቸው የግምገማና የውይይት መድረክ እያካሄዱ ይገኛል

ዝርዝር መረጃ ይኖረናል፡፡

በጉራጌ ዞን እዣ ወረዳ በቦዠባር ከተማ የሚኖሩ የሰባተኛ ቀን አዴቬንቲስት እምነት ተከታይ

በጉራጌ ዞን እዣ ወረዳ በቦዠባር ከተማ የሚኖሩ የሰባተኛ ቀን አዴቬንቲስት እምነት ተከታይ ነዋሪዎች የረጅም ጊዜ ጥያቄ የሆነው የአምልኮና የቀብር ቦታ እና በከተማውና ዙሪያው ት/ቤቶች ለሚያገለግሉ በማህበራት ለተደራጁ መምህራን የመኖሪያ ቤት ግንባታ ቦታ ርክብክብ ተደረገ ።

በርክብክብ ስነ -ስርዓቱ ወቅትም የእዣ ወረዳ ዋና አስተዳዳሪ አቶ ዘውዱ ዱላ እንዳሉት የወረዳው መንግስት ከሚመለከታቸው ባለድርሻ አካላት ጋር በመቀናጀት በከተማው የሚነሱ የተለያዩ የልማትና መልካም አስተዳደር ጥያቄዎች ምላሽ እንዲያገኙ ከፍተኛ ጥረት ተደርጓል ብለዋል።

ከመልካም አስተዳደር ጥያቄዎች መካከል በቅርቡ የኦርቶዶክስ ተዋህዶ እምነት ተከታይ ነዋሪዎች የረጅም ጊዜ ጥያቄ የሆነው የአምልኮና ቀብር ቦታ ምላሽ መሰጠቱን የገለፁት ዋና አስዳዳሪው በዛሬው እለትም በተመሳሳይ መልኩ የረጅም ጊዜ ጥያቄ ሆኖ ሳይሰጥ የቆዩት የሰባተኛ ቀን አድቬንቲስት እምነት ተከታዮች የማምለኪያና ቀብር ቦታ እንዲሁም በቦዠባር ከተማ እና አካባቢው በሚገኙ ትምህርት ቤቶች የሚያገለግሉ መምህራን የመኖሪያ ቦታ መሰጠቱንም አስረድተዋል።

ይህም እንዲሳካ ከወረዳው መንግስት ጎን በመቆም ከፍተኛ ጥረት ያደረጉት የአካባቢው ነዋሪዎች: ከዞንና ከእዣ ወረዳ የሚመለከታቸው የመንግስት የስራ ሀላፊዎች የሀይማኖት አባቶች ሚናቸው የጎላ ነበር ያሉት አቶ ዘውዱ በቀጣይም ሌሎችም የሚነሱት የልማትና መልካም አስተዳደር ጥያቄዎች በተያዘው መንገድ ደረጃ በደረጃ እንዲፈቱ የማህበረሰቡ ተሳትፎ የሚደነቅ በመሆኑ ተጠናክሮ መቀጠል እንዳለበትም መልዕክት አስተላልፈዋል።

የእዣ ወረዳ ከተማ ልማትና ኮንስትራክሽን ፅ /ቤት ሀላፊ አቶ ጌታቸው አየለ በበኩላቸው የቦዠባር ከተማ ሲመሰረት የተለያዩ እምነትና ፍላጎት ያላቸው ዜጎች እንደሚኖሩ ታሳቢ በማድረግ የከተማ ፕላን ሲሰራ የእምነት፣ የንግድ፣ የፋብሪካና የተለያዩ ተቋማት መስሪያ ቦታዎች ተመላክተው እንደሚቀመጡና ከነዋሪው የአምልኮ ቦታን ጨምሮ ሌሎች ጥያቄዎች በሚቀርቡበት ጊዜ በከተማ መሬት አስተዳደር ስርዓት መሰረት ምላሽ እንዲሰጥ መንግስት የአሰራር ስርዓት በዘረጋው መሰረት የነዋሪው ጥያቄ ምላሽ እንዲያገኝ የወረዳው መንግስት ትኩረት በመስጠት እየሰራ ይገኛል ብለዋል።

በዛሬው እለትም የሰባተኛ ቀን አዴቬንቲስት እምነት ተከታይ ነዋሪዎች የረጅም ጊዜ ጥያቄ የሆነው የአምልኮና የቀብር ቦታ ርክብክብ እና በከተማውና ዙሪያው ለሚገኙ በ4ማህበራት ለተደራጁ መምህራን የመኖሪያ ቤት ግንባታ ቦታ መስጠት አስፈላጊ መሆኑ ታምኖበት የወረዳው መንግስት ከከተማው የማህበረሰብ ክፍሎች ጋር ሰፊ መግባባት በመፍጠር ርክብክብ መደረጉንም አስረድተዋል።

የከተማው ነዋሪ መሬቱ ሳያንገራግር በፈቃደኝነት ካሳ ተስጥቶት በመስጠትና መንገድ በራሱ ፍቃድ እንዲወጣ በማድረግ ያደረገው ርብርብ የሚደነቅ በመሆኑ አቶ ጌታቸው ምስጋናቸውን አቅርበዋል።

ያነጋገርናቸው የተለያዩ እምነት ተከታይ አባቶች በሰጡት አስተያየትም የከተማው ማህበረሰብ ከጥንት አባቶች ጅምሮ ሲወራረስ የመጣ የወንድም ህዝቦች በፍቅር የመኖር መገለጫ ሲሆን ለሰባተኛ ቀን አድቬንቲስት እምነት ተከታዮች የአምልኮና የቀብር ቦታ መሰጠቱ ደስተኛ መሆናቸውን ገልፀዋል።

ከዚህ በተጨማሪ በከተማውና አካባቢው በሚገኙ ትምህርት ቤቶች የሚያገለግሉ መምህራን የጠየቁት በረጅም ጊዜ የመኖሪያ ቦታ ጥያቄ ምላሽ በማግኘታቸውን መደሰታቸውን ተናግረዋል ።

በርክብክብ ስነ ስርዓቱ የወረዳው አመራሮች የኦርቶዶክስ ፡ የእስልምናና የሰባተኛ ቀን አድቪንቲስት እምነት አባቶች ተሳታፊ ሆነዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ,ቤት ነው።