በጉራጌ ዞን እዣ ወረዳ “ከቃል እስከ ባህል” በሚል መሪ ሀሳብ ለሁለት ተከታታይ ቀናት ሲካሄድ የነበረው የአመራር ግምገማ መድረክ ተጠናቋል ።

በጉራጌ ዞን እዣ ወረዳ “ከቃል እስከ ባህል” በሚል መሪ ሀሳብ ለሁለት ተከታታይ ቀናት ሲካሄድ የነበረው የአመራር ግምገማ መድረክ ተጠናቋል ።

የአመራር የግምገማ መድረክ የአመራሩን ችግሮች በመቅረፍ ፡ የኢትዮጵያን ህልም እውን ማድረግ ላይ ያለመ ስለመሆኑም ተመላክቷል።

የእዣ ወረዳ ዋና አስተዳዳሪ አቶ ዘውዱ ዱላ በግምገማው ማጠቃለያ ተገኝተው እንደገለፁት “ከቃል እስከ ባህል” ያሉብንን ችግሮችን በመቅረፍ እንደ ሀገር ብሎም ወረዳችንን ህልም እውን እናደርጋለን በሚል መሪ ሀሳብ የወረዳው ጠቅላላ የአመራር የግምገማ መድረክ ለሁለት ቀናት መካሄዱንም ጠቁመዋል።

የግመገማ መድረኩ ግለሰው ሳይሆን ስራውን ታይቶ የተመዘነ ነው ያሉት ዋና አስተዳዳሪው ግምገማው በጥሩ ዲሲፕሊን የተመራ መሆኑንና ከህዝብ ተጠቃሚነት አንፃር የተመዘነ እንደነበርም አመላክተዋል።

በቀጣይም የፓርቲው ጠቅላላ አመራሮች የተገኙ ስኬቶችን ለማስቀጠል የታዩ ክፍተቶችን በማረም ማህበረሰቡን ተጠቃሚ እንዲሆን መስራት እንዳለበትም አቶ ዘውዱ አስገንዝበዋል።

የእዣ ወረዳ ዋና የመንግስት ተጠሪ አቶ ተሾመ ስራኒ በበኩላቸው እንዳሉት አመራሩ እራሱን ያየበትና ችግሩን የተረዳበት ሂደት እጅግ አበረታች እንደነበረ ጠቁመው ቀጣይ የተግባርና የአስተሳሰብ አንድነቱን በማጠናከር የማህበረሰቡ ሁለንተናዊ ለውጥ ላይ መትጋት ይገባልም ብለዋል።

ምዘናው አመራሩ እራሱን የፈተሸበትና ጉድለቱን የለየበት የማህበረሰቡን ተጠቃሚነትን ከማረጋገጥ አንፃር የቀሩ ተግባራት በጥልቀት የገመገመበት መድረክ እንደነበርም ዋና የመንግስት ተጠሪው አመላክተዋል።

በቀጣይም አመራሩ የተግባርና የሃሳብ አንድነቱን በማስቀጠል የማህበረሰቡን ችግር ለይቶ በማቀድ ውጤታማ ስራ መስራት እንደሚጠበቅበትም አቶ ተሾመ ተናግረዋል።

አንዳንድ አስተያየት የሰጡት አመራሮች እንዳሉት ምዘና እራሳቸውን በሚገባ ያዩበት መሆኑን ገልፀው በምዘናው የተለዩ ችግሮች በአጭር ጊዜ በማረም ህብረተሰቡን ተጠቃሚ ለማድረግ እንዲረባረቡም ተናግረዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ /ቤት ነው ።

የእዣ ወረዳ አስተዳደር ለመላው የክርስትና እምነት ተከታይ ሙሉ እንኳን ለጌታችን ለመድሃኒታችን እየሱስ ክርስቶስ የልደት በዓል በሰላም አደረሳችሁ እያለ የመልካም ምኞት መልዕክት አስተላልፏል ።

===============የእዣ ወረዳ አስተዳደር ለመላው የክርስትና እምነት ተከታይ ሙሉ እንኳን ለጌታችን ለመድሃኒታችን እየሱስ ክርስቶስ የልደት በዓል በሰላም አደረሳችሁ እያለ የመልካም ምኞት መልዕክት አስተላልፏል ።

የእዣ ወረዳ ዋና አስተዳዳሪ አቶ ዘውዱ ዱላ በዓሉን አስመልክተው ባስተላለፉት መልዕክት የገና በዓል ኢየሱስ ክርስቶስ ዓለምን ለማዳን ሲል ከሰማየ ሰማያት ወርዶ በከብቶች በረት መወለዱን የምናስብበት እና በመላው የክርስትና እምነት ተከታዮች ዘንድ በታላቅ ድምቀት የሚከበር ከመሆኑም ባሻገር ፍቅር ፡ አንድነትና እርስ በእርስ መረዳዳትን ጎልቶ የሚታይበት ታላቅ በዓል ነው።

ዋና አስተዳዳሪው አክለውም ይህ በዓል በሰላምና በምድር ለሚገኙ ነገዶች የእልልታና የምስጋና ምንጭ የሆነው ነቢያት የተመኙት ፡ መላዕክት ያወደሱት ፡ እረኞች ያወሩለት ሰባ ሰገል የሰገዱለት ፡ ሀጥያተኞች የዳኑበት ግዞተኞች የተፈተኑበት ሀዋሪያት ያከበሩ ለሰዎችና ለመላዕክት ታላቅ ደስታ የሆነው የጌታችን ኢየሱስ ክርስቶስ ልደትን አስመልክተን የምናከብረው ታላቅ በዓል ነው፡፡

በልደቱ መደሰታችን ምክንያት ያለው ሲሆን ለሰው ልጆች ክፋትን ሳይሆን መልካምነትን ፡ የፃድቃን ስራዎችን ባህላችን እንዲሆኑ የምንጥርበት ነው ።

ስለሆነም በዓሉን ስናከብር በችግር ውስጥ ካሉ ወገኖቻችን ጋር በመደጋገፍ ፡ ያለው ለሌለው በማካፈል ኢትዮጵያዊ ወንድማማችነታችንን የበለጠ እያጠናከርን ማሳለፍ እንዳለብንም ዋና አስተዳዳሪው መልዕክታቸው አስተላልፈዋል ።

በድጋሚ ለመላው የክርስትና እምነት ተከታዮች መልካም የገና በዓል እንዲሆን እንመኛልን !!

መልካም በዓል!!

የእዣ ወረዳ ሚሊሻ ፅ/ቤት ለሀገር ሰላም ለማስከበር ግንባር ለሄደው የዘማች ቤተሰቦች ድጋፋን አጠናክረው እንደሚቀጥል ገለፀ።

የእዣ ወረዳ ሚሊሻ ፅ/ቤት ለሀገር ሰላም ለማስከበር ግንባር ለሄደው የዘማች ቤተሰቦች ድጋፋን አጠናክረው እንደሚቀጥል ገለፀ።

የወረዳው ሚሊሻ ፅ/ቤት ከወረዳው ፖሊስ ፅ/ቤት አባላት ጋር በመተባበር በወረዳ ሸብራደን ቀበሌ ለዘማች ቤተሰብ የእርሻ ስራና የግንዘብ ድጋፍ አድርጓል ።

የእዣ ወረዳ ሚሊሻ ፅ/ቤት ሀላፊ አቶ አንዳርጋቸው ኪዳኔ ድጋፍ በተደረገበት ወቅት እንደገለፁት ዘማቾች ሀገርን ከወራሪ ሀይል ለመታደግ በግንባር ሲዋደቁ እኛ አቅማችን በፈቀደው መልኩ ደጀን በመሆን የዘማች ቤተሰብ በመርዳት ከሀገር መከላከያ ሰራዊት ጎን ልንቆም ይገባል ብለዋል።

በዛሬው እለትም በወረዳው ሸብራደን ቀበሌ ግቢ ሻም የሚገኙት ወ/ሮ ደመቀች ሽኩር ልጃቸው ከ2ዓመት ጀምሮ የሀገር መከላከያ በመቀላቀል የሀገር ዳርድንበር ለመጠበቅ መቀላቀሉን ተከትሎ የወረዳው ሚሊሻና ፖሊስ አባላት ከጎናቸው እንደሆነ ለማሳየት መሆኑንም ሀላፊው ጨምረው ገልፀዋል።

እንደ ወረዳ ይህ ድጋፍ በተለያየ ጊዜ እየተደረገ እንደሆነ የገለፁት አቶ አንዳርጋቸው የሚሊሻና ፖሊስ አባላት ድጋፋቸውን በሌሎችም አካባቢዎች አጠናክረው ይቀጥላሉ ብለዋል ።

እርሻ በማረስ ድጋፍ ያደረጉት የወረዳው ሚሊሻና ፖሊስ አባላት በበኩላቸው እንዳሉት ለዘማች ቤተሰብ ድጋፍ የማድረግ ምክንያታችን ወገን የሀገርን ድንበር ለመጠበቅ ሲሄዱ እኛ ለቤተሰቦቻቸው ድጋፍ በማድረግ ግንባር ላሉ ወገኖቻችን አጋርነታችንን ለመግለፅ ነው ብለዋል ።

ድጋፍ የተደረገላቸው የዘማች እናት ወ/ሮ ደመቀች ሽኩር ልጄ እኛ የምንኖረው ሀገር ስትኖር ነው ብሎ የሀገር መከላከያን ተቀላቅሎ ሀገሩን እየጠበቀ መሆኑንና በዚህም እጅግ ደስተኛ እንደሆኑ ገልፀዋል።

የተደረገላቸው የእርሻና የገንዘብ ድጋፍም ምስጋናቸውን አቅርበዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።

የእዣ ወረዳ ሰራተኛና ማህበራዊ ጉዳዮች ፅ/ቤት የገና በዓል ምክንያት በማድረግ ኢኮኖሚአዊና ማህበራዊ ችግር ተጋላጭ ለሆኑ የማህበረሰብ ክፍሎች ድጋፍ አደረገ ።

የእዣ ወረዳ ሰራተኛና ማህበራዊ ጉዳዮች ፅ/ቤት የገና በዓል ምክንያት በማድረግ ኢኮኖሚአዊና ማህበራዊ ችግር ተጋላጭ ለሆኑ የማህበረሰብ ክፍሎች ድጋፍ አደረገ ።

በእለቱም የእዣ ወረዳ ሰራተኛና ማህበራዊ ጉዳይ ፅ/ቤት ሀላፊ ወ/ሮ ትግስት መንግስቱ እንደገለፁት ለተለያዩ ኢኮኖሚያዊና ማህበራዊ ችግር የተጋለጡትን የህብረተሰብ ክፍሎች በዘላቂነት ለመፍታት ሁሉም ማህበረሰብ ልዩ ትኩረት በመስጠት የእርስ በርስ የመረዳዳትና የመደጋገፍ ባህልና ልምዱን ማጠናከር ይገባል።

እንደ ወረዳው በተለያየ ችግር ምክንያት ድጋፍ የሚሹና አረጋውያንና ሌሎች በተለያ ችግር ውስጥ ሚገኙት የህብረተሰብ ክፍሎች ለከፋ ማህበራዊ እና ኢኮኖሚያዊ ቀውስ እንዳይዳረጉ አቅም በፈቀደው ደረጃ ለማቋቋምና ለመርዳት የተለያዩ እንቅስቃሴዎች እየተደረጉ ይገኛሉ ያሉት ሀላፊዋ የማህበረሰቡ ባህልና ልምድ በማጠናከር በተለይም ቀጣይ የሚከበረውን የገና በዓል ላይ የዕምነቱ ተከታይ ሲያከብር በየአካባቢው ለነዚህ የህብረተሰብ ክፍሎች አቅም በፈቀደ መልኩ ያለው ለሌለውን በማካፈል ድጋፍና እንክብካቤ ተጠናክሮ መቀጠል እንዳለበት መልዕክት አሳስበዋል ።

በዛሬው እለትም ድጋፉ የተደረገው በወረዳው ከሚገኙ ቀበሌዎች የተወጣጡ የድሃ -ድሃ ተብለው የተለዩ የህብረተሰብ ክፍሎች ሲሆን ለእያንዳንዳቸውም 2ሊትር ዘይት ፡ 10 ኪሎ ዱቄትና 5 ሳሙና ድጋፍ መደረጉን የገለፁት ወ/ሮ ትግስት ይህም ድጋ በሌላ ጊዜያቶች ተጠናክሮ እንደሚቀጥልና ሁሉም ማህበረሰብ በየአካባቢው ችግርተኞችን ዘላቂነት ባለው መንገድ መርዳትና መደገፍ እንዳለበትም መልዕክት አስተላልፈዋል።

ድጋፍ የተደረገላቸውም አካላት ስለተደረገላቸው ድጋፍ ምስጋናቸውን አቅርበዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።

ከተሞች ወደተሻለ ደረጃ በማሸጋገር እውቅና መስጠትና የፈርጅ ለውጥ ማድረግ የህብረተሰቡን ሁለንተናዊ ተጠቃሚነት የሚያረጋግጡ መሆኑም ተገልጿል ።

========በጉራጌ ዞን የወዲቶ ፣ የዳርቻ እና የጎራ ከገጠር አገልግሎት ማእከል በመውጣት በሀገር አቀፍ ደረጃ የከተሜነት መመዘኛ መስፈርት እውቅና ማግኘታቸውና የቦሌ ፣የፌቅጠረቅ እና የቦዠባር ከተሞች የፈርጅ ለውጥ ማግኘታቸው የጉራጌ ዞን ከተማ ልማትና ኮንስትራክሽን መምሪያ አስታወቀ።።

ከተሞች ወደተሻለ ደረጃ በማሸጋገር እውቅና መስጠትና የፈርጅ ለውጥ ማድረግ የህብረተሰቡን ሁለንተናዊ ተጠቃሚነት የሚያረጋግጡ መሆኑም ተገልጿል ።

የመምሪያው ምክትል እና የከተሞች ፕላን ኢንስቲትዩት ዩኒት ኃላፊ ወ/ሮ ሸሚማት ለሻድ በዚህ ወቅት እንዳሉት በዛሬው እለት በቸሀ ወረዳ የወዲቶ ፣ በእዣ ወረዳ የዳርቻ እና በገደባኖ ጉታዘር ወለኔ ወረዳ የጎራ አካባቢዎች ከዚህ በፊት ከነበሩበት ከገጠር አገልግሎት ማእከል በመውጣት በሀገር አቀፍ ደረጃ የከተሜነት እውቅና አግኝተዋል።

ይህም የዞናችን ከተሞች 37 ከነበሩበት ወደ 40 መድረሳቸው አስታውቀዋል።

በተጨማሪም በጉመር ወረዳ የቦሌ ፣በቸሀ ወረዳ የፌቅጠረቅ እና በእዣ ወረዳ የቦዠባር ከተሞች ከፈርጅ 5 ወደ ፈርጅ 4 ለውጥ በማድረጋቸው የፈርጅ ለውጥ ሰርተፍኬት ተበርክቶላቸዋል ነው ያሉት።

የከተሞች እድገት እንዲፋጠን ፣ውብና ለኑሮ አመቺ እንዲሆኑ ህገ ወጥነትን ለመከላከል ከተሞች በማስተር ፕላን መመራት የግድ ይላል ያሉት ወ/ሮ ሸሚማት “ፕላን ለከተሞች ህይወት በመሆኑ” በአፋጣኝ ወደተግባር እንዲገባ አሳስበዋል።

ይህ ማድረግ ደግሞ ምቹ ከተሞች ለትውልድ ማስተላለፍ ማለት መሆኑ አስገንዝበው ከተሞች ወደተሻለ ደረጃ ማሸጋገር ፣ እውቅና መስጠትና የፈርጅ ለውጥ ማድረግ የህብረተሰቡን ሁለንተናዊ ተጠቃሚነት የሚያረጋግጥ መሆኑ ኃላፊዋ ጠቅሰዋል።

ማህበረሰባችን ለከተሞች እድገት ያለው ፍላጎት ከፍተኛ ነው።በመሆኑም ይህ ልምድ የዞናችን ከተሞች በፍጥነት ለማድግና ሌሎች ከተሞች የደረሱበት ደረጃ ለመድረስ እድል ይፈጥርላቸዋል ብለዋል።

አባቶቻችን ለዘመናት ጠብቀው ያስቆዩልን ጀፎረን በመጠበቅ በከተሞች አካባቢም ከኮሪደር ልማት ጋር አቀናጅቶ መስራት ይገባል ሲሉ ወ/ሮ ሸሚማት ተናግረዋል።

የመምሪያው ምክትል እና የመሬት ማኔጅመንት ዘርፍ ኃላፊ አቶ ታሪኩ ሀ/ማረያም በበኩላቸው ከተሞች በወጣላቸው ፕላን መሰረት መመራት በተለይ ህገ ወጥ የመሬት ወረራ እና ተያያዥ ድርጊቶችን ከመከላከል አንጻር ሚናው የጎላ ነው ብለዋል።

ስለሆነም የከተሞች እድገት እንዲፋጠን የፕላን አተገባበር ላይ በትኩረት እንዲሰራበት አቶ ታሪኩ ገልጸዋል።

አቶ ክንፈ ሀብቴ የመምሪያው ምክትል እና የማስፈጸም አቅም ግንባታ እና የመሰረተ ልማት ዘርፍ ኃላፊ ሲሆኑ ፕላኑ የህብረተሰቡ የዘመናት ጥያቄ የመለሰ እና የከሞች ቀጣይ የመልማት ፍላጎት የሚያሳካ ነው።

የዞኑ ማህበረሰብ ከተሞች እንዲለሙ ሀብት በማሰባሰብ ፣ጉልበቱና ሀሳቡን በማዋጣት እያደረገ ያለው ተሳትፍ አበረታች ሲሆን ቀጣይም የህብረተሰቡና የመንግስት አቅም አቀናጅቶ መጠቀም እንደሚገባ አስታውቀዋል።

በርክክብ ወቅቱ የተገኙት አካላት በበኩላቸው እነዚህ ከተሞች ባለሀብቶች ኢንቨስት እንዲያደርጉ በማድረግ፣በቅርብ ካሉ ትላልቅ ተቋማት ጋር በማስተሳሰር እና ህዝቡን በማሳተፍ ቀጣይ ለተሻለ የፈርጅ እድገት ማዘጋጀት ይጠበቅብናል ብለዋል።

የዞኑ ከተሞች በባለቤትነትና በእኔነት ስሜት በመምራት ከተሞቻችን ወደተሻለ ከፍታ ለማድረስ በቁርጠኝነት መስራት እንደሚገባ አብራርተዋል።

“ጀፎረ ባህላዊ የምህንድስና ጥበብ” በሚል መሪ ቃል የገጠር ኮሪደር ለማልማት የተዘጋጀ የንቅናቄ መድረክ በወልቂጤ ከተማ ተካሄደ።

=======የጉራጌ አባቶች ባህላዊ የምህንድስና ጥበብ ውጤት የሆነው ጀፎረ ከገጠር ኮሪደር ፕሮጀክት ጋር በማስተሳሰር ተመራጭ የቱሪስት መዳረሻ ለማድረግ እንደሚሰራ የጉራጌ ዞን ዋና አስተዳዳሪ አቶ ላጫ ጋሩማ ገለጹ።

ታህሳስ 17/2017 ዓ.ም

“ጀፎረ ባህላዊ የምህንድስና ጥበብ” በሚል መሪ ቃል የገጠር ኮሪደር ለማልማት የተዘጋጀ የንቅናቄ መድረክ በወልቂጤ ከተማ ተካሄደ።

የጉራጌ ዞን ዋና አስተዳዳሪ አቶ ላጫ ጋሩማ እንዳሉት የጉራጌ ጀፎረ የቀድሞ አባቶች ጠብቀው ለዘመናት ያቆዩትን ድንቅ እሴት መሆኑን ጠቅሰው ይህ እሴት ይዘቱን ተጠብቆ ለቀጣይ ትውልድ ለማስተላለፍ በቅንጅት መስራት ይገባል።

የገጠር ኮሪደር ልማት ጀፎረ ከመጠበቅ ባለፈ የህብረተሰቡን የምግብ ስርአት ለማስተካከል ከሌማት ትሩፋት ጋር አስተሳስሮ መስራት እንደሚገባ ጠቁመዋል።

በየአካባቢው ቅርጻቸው እየተበላሸና እየጠበቡ ያሉ ጀፎረዎችን ከማስተካከል ባለፈ በሁሉም አካባቢዎች ላይ ማስፋፋት ይገባል ነው ያሉት።

የገጠር ኮሪደር ልማት በተቀመጠለት የጊዜ ገደብ እንደሚሰራ የተናገሩት አስተዳዳሪው በቆርቆሮ የታጠሩ አጥሮችን በእንጨት አጥር መተካት ይገባል ያሉት አቶ ላጫ ሀገር በቀል የጥላ ዛፎች እንደሚተከልም ተናግረዋል።

የቀድሞ አባቶች ጠብቀው ያቆዩት የገጠር የምህንድስና ጥበብና እውቀት ምንጭ የሆነው ጀፎረ አመጣጥ ዙሪያ የወልቂጤ ዩኒቨርስቲ ጥናትና ምርምር ማድረግ እንዳለበትም ተናግረዋል።

የጉራጌ ምድር ጽዱ፣ ውብና ለኑሮ ምቹ እንዲሆን እንደሚሰራ ገልጸው ይህም በተቀመጠው የጊዜ ገደብ እንዲጠናቀቅ ሁሉም ኃላፊነቱ ሊወጣ ይገባል ብለዋል።

የዞኑ የመንግስት ዋና ተጠሪ አቶ አለማየሁ ገብረመስቀል በበኩላቸው የጉራጌ ዘመንን የቀደመ የምህንድስና ጥበብ አሻራ የሆነው ጀፎረ ባህሉና ይዘቱን ሳይለቅ ለማዘመን በገጠር ኮሪደር ልማት በማስተሳሰር ተግባራዊ ማድረግ ይገባል ብለዋል።

የጉራጌ አባቶች ጀፎረን ህግ አበጅተውለት ሲጠብቁት እንደነበር አንስተው ይህ እሴት ወደነበረበት በመመለስ በዘመናዊ መንገድ በመስራት ህብረተሰቡን ተጠቃሚ ከማድረግ ባለፈ ለትውልድ ለማስተላለፍ ሁሉም የድርሻውን እንዲወጣም አስገንዝበዋል።

በጠቅላይ ሚኒስተር በቅርቡ እንደ ሀገር ተግባራዊ የሚደረገው የገጠር ኮሪደር ልማት በዞኑ ሲሰራ በቆርቆሮ የታጠሩትን በእንጨት አጥርና በቀርከሀ በመቀየር መስራት እንደሚገባ ያነሱት አቶ አለማየሁ ለዚህም ውጤታማነት ሁሉም በቁርጠኝነት እንዲሰራም ገልጸዋል።

የጉራጌ ዞን ባህል ቱሪዝም መምሪያ ኃላፊ ወይዘሮ መሰረት አመርጋ እንዳሉት ጀፎረ ለዘመናዊው የምህንድስና ጥበብ ፈር ቀዳጅ መሆኑን ያነሱት ኃላፊዋ በዚህም ድንቅ እሴት የተለያዩ ማህበራዊ ኩነቶች የሚፈጸሙበት መሆኑን አውስተዋል።

በዞኑ ዘመናትን የተሻገረው ድንቅ የጥበብ አሻራ ጀፎረ ታሪኩንና ባህላዊ ይዘቱ ተጠብቆ ለትውልድ ለማስተላለፍ እንዲሁም በአለም አቀፍ የትምህርት፣ የሳይንስ፣ እና የባህል ተቋም ለማስመዝገብ እየተሰራ መሆኑን አንስተዋል።

ጀፎረ ባህላዊ ይዘቱን እንደተጠበቀ በአረንጓዴ፣ አገርበቀል ዛፎችና በፍራፍሬዎች ማስዋብ ለሀገር ውስጥና ለውጭ ሀገራት ቱሪስቶች መዳረሻ እንዲሆን መልካም አጋጣሚ የሚፈጥር ነው ብለዋል።

የኮሪደር ልማቱ አርሶ አደሩ ባህሉንና ወጉን ጠብቆ ንጹህና ለኑሮ ተስማሚ በማድረግ ዘመናዊና ቀላል የአኗኗር ስልት እንዲከተል ከማድረጉ ባሻገር ለአርሶ አደሩ የተሻለ መሰረተ ልማት በመዘርጋት በገጠርና በከተማ መካከል ያለው የኑሮ ልዩነትን የሚያጠብ መሆኑንም ጠቁመዋል።

የገጠር ኮሪደር ልማት ከማህበራዊ ፋይዳው ባለፈ ኢኮኖሚያዊ ፋይዳው የጎላ መሆኑን አመላክተዋል።

የመድረኩ ተሳታፊዎች እንዳሉት ጀፎረ የቀድሞ አባቶች ያለ ምህንድስና ጥበብ ለዘመናት ቢያቆዩትም የአሁኑ ትውልድ ይህ ድንቅ እሴት ከመንከባከብና ከመጠበቅ አንጻር ውስንነት መኖሩን አንስተዋል።

ታዲያ የቀድሞ አባቶች ያስቀመጡት አሻራ ተጠብቆ እንዲቆይ ከማድረግ ባለፈ የገጠር ኮሪደር ልማት ተግባራዊ እንዲሆን የበኩላቸውን እንደሚወጡ ጠቅሰው መንግስትም ስራው በሁሉም አካባቢ ውጤታማ እንዲሆን በቁርጠኝነት እንዲሰራም ጠይቀዋል ሲል የዘገበው የጉራጌ ዞን የመንግስት ኮሙኒኬሽን ጉዳዮች መምሪያ ነው።

የማዕከላዊ ኢትዮጵያ ክልል ብልጽግና ፓርቲ ሱፐር ቪዥን ቡድን በእዣ ወረዳው በፓርቲና በመንግስት ደረጃ የተከናወኑ ስራዎች ተዘዋውሮ ከተመለከተ በኋላ ከወረዳው አመራሮች ጋር በመገናኘት የቃል ግብረ መልስ ሰጥተዋል ።

የማዕከላዊ ኢትዮጵያ ክልል ብልጽግና ፓርቲ ሱፐር ቪዥን ቡድን በእዣ ወረዳው በፓርቲና በመንግስት ደረጃ የተከናወኑ ስራዎች ተዘዋውሮ ከተመለከተ በኋላ ከወረዳው አመራሮች ጋር በመገናኘት የቃል ግብረ መልስ ሰጥተዋል ።

እንደ ወረዳው በፖርቲውና በመንግስት ደረጃ የተከናወኑ ተግባራቶች አደረጃጀቶች በመጠቀም የበለጠ ውጤታማ ማድረግ እንደሚያስፈልግም ተመላክቷል ።

እንደ ወረዳው ለመለወጥ ህዝቡ ላይ ያለው ስሜት እጅግ የሚበረታታ መሆኑንም ተመላክቷል ።

ከተረጂነት ወደ ምርታማነት በሚሰሩ ስራዎች ላይ በራስ አቅም የተለያዩ ስራዎች መሰራታቸውን ገልጸው በቀበሌ ደረጃ ባለቤት በመፍጠርና የተናበበ ስራን በመስራት በዘላቂነት ስራዎች መሰራት እንዳለባቸው አፅኖት ተሰጥቶበታል።

በአጠቃላይ በጤና ፡ በግብርና ፡ በትምህርትና በሌሎችም ዘርፎች ማህበረሰቡ በማሳተፍ የተሰሩ ስራዎች የሚበረታቱ መሆኑንም ተገልጿል ።

በቀጣይም በቀበሌ ደረጃ የአደረጃጀት ስራዎች ማጠናክር እንደሚገባ የተገለፀ ሲሆን በጉለትና በጥንካሬ የተሰጡት አስተያየቶችን በመያዝ አመራሩ ብሎም አባሉ ከማህበረሰቡ ጋር በመቀናጀት መስራት እንደሚያስፈልግም ተመላክቷል ።

በጉራጌ ዞን እዣ ወረዳ የSLM/RLLP2/ የሩብ ዓመቱ አፈፃፀም ላይ ትኩረት ያደረገ የወረዳው አብይ ኮሚቴ ውይይት አካሂዷል ።

========የአፈርና ውሃ ጥበቃ ስራ በአግባቡ በመስራት ግብርናውን በማዘመን ህብረተሰቡን ከተረጂነት ወደ ምርታማነት ለማሸጋገር አጋዥ የሆነውን SLM ፕሮጀክት በአግባቡ ውጤታማ እንዲሆን መስራት እንደሚገባ ተገለፀ።

በጉራጌ ዞን እዣ ወረዳ የSLM/RLLP2/ የሩብ ዓመቱ አፈፃፀም ላይ ትኩረት ያደረገ የወረዳው አብይ ኮሚቴ ውይይት አካሂዷል ።

የእዣ ወረዳ ዋና አስተዳዳሪ አቶ ዘውዱ ዱላ እንዳሉት እንደ ወረዳው በሚያከናወኑ ዘላቂነት ያላቸው የአፈርና ውሃ ጥበቃ ስራዎች እንዲጠናከሩ SLM ፕሮጀክት የራሱ ድርሻ ለመወጣት ያለመ በመሆኑ በአግባቡ እንዲከናወን ሁሉም ቅንጅት መስራት ያስፈልጋልም ብለዋል።

ፕሮጀክቱ በአፈርና ውሃ ጥበቃ ፡ በምርትና ምርታማነት እድገት እና በአርሶ አደር ኑሮ መሻሻል ላይ ከፍተኛ ውጤት ሊያመጣ የሚችል በመሆኑ የሚመለከታቸው ተቋማት ለአርሶአደሩ አስፈላጊውን ግንዛቤ እንዲኖረው በማድረግ ተጠቃሚ የሚሆንተት መንገድ መፈጠር እንደሚገባም አመላክተዋል ።

በቀጣይም እንደ ወረዳው የአፈርና ውሃ ጥበቃ ስራዎችን በማጠናከር ፡ ግብርናውን በማዘመን ህብረተሰቡን ከተረጂነት ወደ ምርታማነት ለማሸጋገር እያደረገ ያለው ጥረት በተሻለ ደረጃ ማስቀጠል ይገባል ያሉት አቶ ዘውዱ ፕሮጀክቱም እንደ ወረዳው ውጤታማ እንዲሆን ሁሉም በትኩረት በተቀናጀ መንገድ በመስራት ከድህነት የተላቀቀ ህብረተሰብ የመፍጠ ስራ መስራት ያስፈልጋልም ብለዋል።

የእዣ ወረዳ ግብርና ልማት ፅ/ቤት ሀላፊ አቶ መቻል ተሰማ በፕሮጀክቱ እስካሁን የተከናወኑና የቀጣይ ተግባራቶች ላይ ትኩረት ያደረገ ሰነድ ያቀረቡ ሲሆን በሰነዱም በየንዑስ ተፋሰስ ተጠቃሚዎች ህብረት ስራ ማህበር ለማደራጀት በ9ኙም ንዑስ ተፋሰሶች መስራች ጉባኤዎች በመፍጠር በተለያየ መልኩ የግንዛቤና ስራዎቾ በመስጠት በርካታ ተግባራቶች መከናወናቸውን አመላክተዋል ።

የችግኝ ጣቢያዎች የሚሆኑ የተለያዩ የግብዓትና ሌሎችም አስፈላጊ ስራዎች መከናወናቸውን የገለፁት ሀላፊው በክላይሜት ስማርት አግሪከልቸር ላይ ፕሮጀክቱ ባቀፋቸው ተፋሰሶች የአርሶአደሩ ምልመላና ቡድን የማደራጀት ስራ የመስራትና በቡድን በማደራጀት ስልጠና እየተሰጠ ይገኛል ብለዋል።

በቀጣይም የተደራጁ ቡድኖች ሁሉም ወደ ስራ መግባታቸው መከታተል ፡ የግንባታ ቦታዎች በመለየትና ወደ ግንባታ እንዲገቡ ማድረግ ፡ የችግኝ ጣቢያ ስራዎችን ማጠናከር እና ሌሎችም የድጋፍ አግባቦች የማጠናከር ስራ ትኩረት ተሰጦቷቸው ይሰራሉ ያሉት አቶ መቻል ይህም ስኬታማ እንዲሆን ሉም ባለድርሻ አካላት የድርሻቸውን መወጣት እንዳለባቸውም አስገንዝበዋል ።

አንዳንድ አስተያየት የሰጡት የፕሮጀክቱ አባይ ኮሚቴ አባላትም ፕሮጀክት ስራ ከጀመረ አጭር ጊዜ ውስጥ የተከናወኑ ተግባራቶች የሚበረታቱ ሲሆን በቀጣይም ፕሮጀክቱ ለተባለለት አላማ በአግባቡ እንዲውል በተቀናጀ መንገድ መስራት እንደሚያስፈልግም ተናግረዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።

በጉራጌ ዞን እዣ ወረዳ በደጌ 2ኛ ደረጃ ትምህርት ቤት የሳይንስ ሳምንት በተለያዩ ፕሮግራሞች ተከብሯል ።

በትምህርት ተቋማት የሳይንስና ቴክኖሎጂ ክበባትን በማጠናከር ተማሪዎች በአንድ ሀሳብ ያገኙትን እውቀት እና ማህበረሰብ ችግር ፈቺ የፈጠራ ሀሳቦች እውን የሚያደርጉ ምቹ ሁኔታዎች መፍጠር እንደሚገባ ተገለፀ ።

በጉራጌ ዞን እዣ ወረዳ በደጌ 2ኛ ደረጃ ትምህርት ቤት የሳይንስ ሳምንት በተለያዩ ፕሮግራሞች ተከብሯል ።

የጉራጌ ዞን ሳይንስና ኢንፎርሜሽን መምሪያ ተወካይ አቶ ታሪኩ ንዳ በእለቱም ባደረጉት ንግግር ሀገራችን ከድህነት ለማውጣት እና ብልፅግናን ለማረጋገጥ የመንግስት ትኩረት አቅጣጫ ከሆኑት 5 ዘርፎች መካከል አንዱ የሳይንስና ቴክኖሎጂ ኢኖቬሽን ነው ።

ተወካዩ አክለውም የሳይንስና ቴክኖሎጂ ፅ/ቤት የተቋቋመበት ዋና አላማ የሳይንስና ቴክኖሎጂ በማልማትና በሁሉም ስፍራ በስፋት በመጠቀም ፡ የሳይንሳና ፈጠራ ስራዎች በማበረታታት ችግር ፈቺ የሆኑ የሳይንስና ቴክኖሎጂ ስራዎች ፈልቀው ፡ ለምተውና ተሸጋግረው የህብረተሰባችን ኑሮ ማሻሻል አንዱ መሆኑንም ጠቁመዋል ።

እንደ ዞኑ ብሎም እንደ እዣ ወረዳ በዚህ ዘርፍ በተለይም ከቅርብ አመታት ጀምሮ በርካታ ስራዎች እየተሰሩ ነው ያሉት አቶ ታሪኩ በቀጣይም በትምህርት ቤቶች ለፈጠራ ስራ የሚሆን ግብዓቶች እንዲሟሉ በማድረግ ሳይንስ እንደ ባህል የሚቆጥር ማህበረሰብ እንዲፈጠር መስራት ያስፈልጋል ብለዋል ።

የእዣ ወረዳ የትምህርት ፅ/ቤት ም/ ሀላፊ አቶ አስቻለው ወልዴ እንደተናገሩት ትምህርት የአንድ ሀገር እድገትና ስልጣኔ በር ከፋች መሳሪያ እንደሆነና ይህም ሊሆን የሚችለው በጥናትና ምርምር ፣ በፈጠራና በቴክኖሎጂ የተደገፈ ለሀገር እድገትና ስልጣኔ ሁለንተናዊ ፋይዳ ያለው መሆን እንዳለበት ገልጸዋል ።

ሳይንስና ቴክኖሎጂ በፈጠራ ስራዎች ዘርፍ የፈጠራ አቅም ያለቸውን ተማሪዎች በመደገፍ በማበረታታትና በማብቃት ለማህበረሰቡ አግልግሎት የሚሰጡ የቴክኖሎጂ ውጤቶች መፍጠር መቻሉንም ምክትል ሀላፊው አመላክተዋል ።

በትምህርት ቤት የሳይንስና የቴክኖሎጂ ዘርፍ በማጠናከርና ከሚመለከታቸው አካላት ጋር ተቀናጅቶ በመስራት ተመራማሪ ትውልድ እንዲፈጠር መረባረብ ይእንደሚገባም አቶ አስቻለው ተናግረዋል ።

የእዣ ወረዳ ሳይንስና ኢንፎርሜሽን ቴክኖሎጂ ፅ/ቤት ሀላፊ ወ/ሪት ራሂማ ሙህታጅ በበኩላቸው በት/ቤቶች ውስጥ የማህበረሰቡ ችግር ፈቺ የሆኑ የፈጠራ ሃሳብ ያላቸው እጅግ በርካታ ታዳጊና ወጣቶች እንዲሁም መምህራን የሳይንስና ቴክኖሎጂ ክበባትን በማቋቋም ተማሪዎች በአንድ ሀሳብ ያገኙትን እውቀት እና ማህበረሰብ ችግር ፈቺ የፈጠራ ሀሳቦች እውን የሚያደርጉ ምቹ ሁኔታዎች መፍጠር ፡ ማበረታታትና ማገዝ ይገባል ብለዋል።

እንደ ወረዳው 1ኛ እና 2ኛ ደረጃ ት/ቤቶች በእውቀት የበለፀገ ፡ በስነ ምግባር የታነፀ ሀገር ተረካቢ ዜጋ በማፍራት ሃላፊነታቸው እየተወጡ የሚገኙ ዘመናትን የተሻገሩ ብዙ ሙህራንን ያፈራና ለሀገር ያበረከተ ባለውለታ ትምህርት ቤቶች መኖራቸውንም ሀላፊዋ ጨምረው ገልፀዋል ።

በዛሬው ወረዳዊ የሳይንስ ሳምንት አከባበር በርካታ የፈጠራ ስራዎች ቀርበዋል ያሉት ወ/ሪት ራሂማ ይህም የእርስ በርስ ልምድ ልውውጥ በማድረግ ከፍተኛ ተነሳሽነት የፈጠረ በመሆኑ ለተዘጋጀበት የደጌ ሁለቱኛ ደረጃ ትምህርት ቤት መምህራንና ተማሪዎች ከልብ ምስጋና አቅርበዋል።

በእለቱም የተማሪዎች የፈጠራ ስራዎች ፡ የጥያቄና መልስ ውድድር ፡ ድራማና ስነፅሁፎች ለታዳሚ የቀረቡ ሲሆን በ2016 ዓም ወረዳዊ ውድድር ላይ የላቀ የፈጠራ ስራ ያቀረቡት መምህራንና ተማሪዎች ፡ በዛሬው ፕሮግራም የነቃ ተሳፎ ያደረጉ ተማሪዎች የማበረታቻ ሽልማት ተበርክቷል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

የእዣ ወረዳ ስፖርት ምክር ቤት የ2017 ዓም ጉባኤ አካሂዷል።

የስፖርት ዘርፉ ህዝባዊ መሰረት እንዲኖረው ባለድርሻ አካላት ትኩረት ሰጥተው መስራት እንዳለባቸው በጉራጌ ዞን የእዣ ወረዳ ወጣቶችና ስፖርት ፅ/ቤት አስታወቀ ።

ህዳር 30/2017 ዓም

የእዣ ወረዳ ስፖርት ምክር ቤት የ2017 ዓም ጉባኤ አካሂዷል።

በእለቱም የእዣ ወረዳ ዋና አስተዳዳሪ አቶ ዘውዱ ዱላ እንደገለፁት የስፖርት ልማቱ በማሳደግና በዘርፉ አቅምን በመጠቀም ህብረተሰቡ በስፖርቱ ተጠቃሚ ማድረግ ይገባል።

ስፖርት ለኢኮኖሚ እድገትና የህዝቡ አንድነትን የበለጠ ለማጠናከር ጉልህ ሚና ይጫወታል ያሉት ዋና አስተዳዳሪው ዘርፉም ለማሳደግ በትምህርት ቤቶች፡ በታዳጊ ፕሮጀክቶች፡ ከግል ተቋማት እና ከማህበረሰቡ ጋር በቅንጅት መስራት ያስፈልጋል ብለዋል ።

ዘርፉ ይበልጥ ለማሳደግ የማዘውተርያ ስፍራዎች እንደበራከቱ ማድረግ ይገባል ያሉት አቶ ዘውዱ ከዚህ በተጨማሪ ከተለያዩ አካላት ሀብትን በአግባቡ በመሰብሰብ በ2016 ዓም አፈፃፀም ላይ የታዩት ጉለቶችን በማረም ውጤታማ ስራ መስራት ይገባልም ብለዋል።

የእዣ ወረዳ ወጣቶችና ስፖርት ፅ/ቤት ሀላፊ አቶ ፍቅሬ ነሪ በበኩላቸው የስፖርት ልማት እድገት በተሻለ መልኩ የህዝባችና ሀገራችን ጥቅምና ፍላጎት ባስጠበቀ መልኩ መምራትና ወደ ተሻለ እድገት ማሻገር ያስፈልጋል።

ሀላፊው አክለውም ስፖርት ከልማቱ በተጨማሪ ዜጎች እርስ በርስ በማቀራረብ የተረጋጋና ሰላማዊ ማህበረሰብ በመፍጠር በዘርፉ የሚገኘው ጥቅም ብዙ እንደሆነ በመረዳት በረዳው በ2016 በጀት ዓመት በርካታ ስራዎች ሲሰሩ ቆይተዋል ብለዋል ።

በአመቱ የት/ት ቤቶች ውድድር ፡ የክላስተር ውድድር ፡ የወረዳና የዞን ልዩ ልዩ ሻንፒዮና የተደረጉ ቢሆንም በዘርፉ የሚጠበቀው ውጤት አንፃር ጉለት ያለበት ነው ያሉት አቶ ፍቅሬ በቀጣይ ይህንኑ ባረመ መልኩ የተለያዩ ባለድርሻ አካል በማሳተፍ የተሻለ ስራ መስራት ያስፈልጋልም ብለዋል።

የፅ/ቤቱ ም/ሀላፊና የስፖርት ዘርፍ አስተባባሪ አቶ ጠቅልል ትግስቱ የ2016 ዓም አፈፃፀምና የ2017እቅድ ቀርቦ ሰፊ ውይይት ተደርጓል።

ተሳታፊዎች በሰጡት አስተያየትም ዘርፉ በይበልጥ ለማጠናከር ከሀብት አሰባሰብ ባለፈ ትምህርት ቤቶች የስፖርት መፈልፈያ ከመሆናቸው አንፃር ትኩረት የሚፈልግ በመሆናቸው በትኩረት መስራት ያስፈልጋል።

በእለቱም ሰያ የቴኳንዶ ክለብ ሰልጣኞች የተለያዩ የስፖርት ትዕይንት ለተሳታፊው ያሳዩ ሲሆን በጉባኤው መጨረሻም እስፖርትን በመደገፍ የላቀ አስተዋፅኦ ያበረከቱ ድርጅቶችና ባለድርሻ አካላት የማበረታቻ ሰርተፊኬት ሽልማት ተሰጥቷል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።