“ጋበር” የበጎ አድራጎት ድርጅት ከወልቂጤ ዩኒቨርስቲ ጋር በመሆን ለ6 ተከታታይ ቀናት ሲሰጥ የቆየውን የመምህራን ስልጠና በዛሬው እለት ተጠናቋል ።

=====================

“ጋበር” የበጎ አድራጎት ድርጅት ከወልቂጤ ዩኒቨርስቲ ጋር በመሆን ለ6 ተከታታይ ቀናት ሲሰጥ የቆየውን የመምህራን ስልጠና በዛሬው እለት ተጠናቋል ።
የእዣ ወረዳ ምክትል አስተዳዳሪና የትምህርት ፅ/ቤት ሀላፊ አቶ ተጠምቀ በርጋ እንደገለፁት ይህ ስልጠና እንደ ሀገር የገጠመውን ከፍተኛ የሆነ የተማሪዎች ውጤትና ስነ -ምግባር ስብራት እንደ ወረዳው ለማካካስ ሚና የጎላ መሆኑን አላማ ተደርጎ የተሰጠ ነው ብለዋል ።
አብዛኛው በሚባል ደረጃ የተማሪዎች ውጤትና ስነ ምግባር እንዲሻሻል የአንበሳውን ድርሻ የሚይዘው መምህር ነው ያሉት ም/አስተዳዳሪው እንደ ወረዳው ዘላቂነት ባለው መልኩ ኢኮኖሚያዊና ማህበራዊ ጉዳዮች ለማሻሻል ትኩረት ሰጥቶ እየተንቀሳቀሰ የሚገኘውን ጋበር የበጎ አድራጎት ድርጅት ይህንኑ በመገንዘብ ከወልቂጤ ዩኒቨርስቲ ጋር በመሆን ለመምህራን የነበራቸውን እውቀት በሚያሻሻል መልኩ ያለመ ስልጠና ሰጥቷል ብለዋል።
ለዚህም ስልጠና ፅ/ቤት መሰረታዊ የሆኑ የትምህርት አይነቶች በመለየት በተለይም በቀጣይ ለተማሪዎች ውጤት መሻሻል እንዲያስችል ሰፊ የሆነ ስራ ተሰርቷል ያሉት አቶ ተጠምቀ ይህንን የተሰጠው ስልጠና መምህራኑ በአደራ መልክ መወጣት አለባቸው ብለዋል ።
በተለይም መምህራኖች ከአዲሱ መፅሀፍ ጋር ያላቸው መስተጋብር እንዲሻሻል በተለያየ መልኩ መዘጋጀት አለባቸው ያሉት ም/አስተዳዳሪው የአንዱን እውቀት ለሌላው በማካፈልና ያልገባንን ከገባው በመጠየቅ እንደ ወረዳው በዘንድሮ አመት በተወሰነ ደረጃ ውጤት በማሻሻል ለሌሎችም አካባቢዎች ተሞክሮ እንድንሆን ከመምህራን ብዙ የሚጠበቅ ነው ብለዋል።
ለዚህ ስልጠና መሳካት ከፍተኛ ድርሻ የተጫወቱት ጋበር የበጎ አድራጎት ድርጅት ፡ ወልቂጤ ዩኒቨርስቲ ፡ የወረዳው መንግስት ፡ የአገና ኮንስትራክሽንና ኢንዱስትሪያል ኮሌጅ እና ለሰልጣኝ መምህራን አቶ ተጠምቀ ምስጋናቸውን አቅርበዋል ።
የወልቂጤ ዩኒቨርስቲ ተወካይ ረ/ፕሮፌሰር አበበ ባበኬር በበኩላቸው አንድ ሀገር ምትገነባው በእውቀትና ስነ-ምግባር የተገነባ ትውልድ ስታፈራ በመሆኑ በትውልድ ላይ መስራት አማራጭ የሌለው ነው ብለዋል።
በጉራጌ ዞን እዣ ወረዳ በተወላጅ ባለሀብቶችና ማህበረሰቡ የተመሰረተ ጋበር በጎ አድራጎት ድርጅት እያደረገው ያለው ትውልድ የማነፅ ስራ እንደ ሀገር ተሞክሮ የሚሆን አርዕያነት ያለው ተግባር ነው ያሉት ረዳት ፕሮፌሰር አበበ ወልቂጤ ዩኒቨርስቲም እያደረገውን ያለው ድጋፍ አጠናክሮ የሚቀጥልም ነው ብለዋል።
የጋበር በጎ አድራጎት ማህበር የክትትልና ግምገማ ሀላፊ ዶ/ር ደርብ ወ/ዮሀንስ በበኩላቸው ጋበር የበጎ አድራጎት ድርጅት በእዣ ወረዳ ያሉ ኢኮኖሚያዊና ማህበራዊ ችግሮች በዘላቂነት ለመቅረፍ ከወረዳው መንግስት ጋር በመተባበር በወረዳው ተወላጆች የተቋቋመ ነው ብለዋል።
የጋበር አላማ ሰፊ በመሆኑ በተመሰረተበት አንድ አመት ገደማ እጅግ በርካታ ስራዎች መስራት ችሏል ያሉት ዶ/ር ደርብ በተለይም በትምህርት ላይ በርካታ የሆነ ስራ እየተሰራ ነው ብለዋል።
በዚህ ዙር በተሰጠው ስልጠና ከወረዳው ትምህርት ፅ/ቤት ጋር በመተባበር ከ9 – 12ኛ እንግሊዝኛ ፡ ሂሳብ ፡ ፊዚክስ ፡ ኬሚስትሪና ኢኮኖሚክስ የሚያስተምሩ መምህራን እንዲሁም ከ7-8ኛ የሚያስተምሩ እንግሊዝኛና ሂሳብ መምህራን ስልጠናው ያገኙ ሲሆን በአጠቃላይ 152 መምህራን በወልቂጤ ዩኒቨርስቲ 2ኛ ዲግሪና 3ኛ ዲግሪ ያላቸው መመህራን ስልጠናው በአግባቡ መከታተላቸውን አብራርተዋል።
በስጠናው የተካፈሉት መምህራኖች በሰጡት አስተያየትም ስልጠናው በራሳቸው ብሎም በተማሪዎች ውጤትና ስነ ምግባር ላይ ከፍተኛ ለውጥ ማምጣት የሚያስችል እጅግ አስተማሪ ስልጠና በመሆኑ በቀጣይም በተሰጣቸው ስልጠና መሰረት እንደ ወረዳ ለማምጣት የታሰበውን ውጤት እንዲመጣ የድርሻቸውን ለመወጣት መዘጋጀታቸውንም ተናግረዋል ።
በስልጠናው መጨረሻም ለሰልጣኝ መምህራን የእውቅና ሰርተፊኬት ተሰጥቶአቸዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው።

የጉራጌ ብሄረሰብ መገለጫ የሆኑ የጉራጊኛ ቋንቋ : የባህል እሴቶችና ሀገር በቀል እውቀቶችን ለትውልድ እንዲተላለፉ መላው ማህበረሰብ ሀላፊነቱ ሊወጣ እንደሚገባ በጉራጌ ዞን የእዣ ወረዳ ባህልና ቱሪዝም ፅ/ቤት ገለፀ ።

*==============================*

የጉራጌ ብሄረሰብ መገለጫ የሆኑ የጉራጊኛ ቋንቋ : የባህል እሴቶችና ሀገር በቀል እውቀቶችን ለትውልድ እንዲተላለፉ መላው ማህበረሰብ ሀላፊነቱ ሊወጣ እንደሚገባ በጉራጌ ዞን የእዣ ወረዳ ባህልና ቱሪዝም ፅ/ቤት ገለፀ ።
ፅ/ቤቱ በቱሪስት አገልግሎት ሰጪ ተቋማት እና በጉራጌ ብሄረሰብ ባህል ፡ ቋንቋና ሌሎችም እሴቶች ማጠናከር ላይ ትኩረት ያደረገ ለባለድርሻ አካላት ሰጥቷል ።
በእለቱም የእዣ ወረዳ አስተዳደር ፅ/ቤት ሀላፊ አቶ ይርጋለም ብዛ እንደገለፁት አንድ ቋንቋ ወይንም ባህል ሊያድግና ለቀጣይ ትውልድ ሊሸጋገር የሚችለው የዚህ ማህበረሰብ ውስጥ የሚገኝ የህብረተሰብ ክፍል በተለያዩ ማህበራዊ ጉዳዮች ወቅት ቋንቋውን ወይንም ባህሉን እራሱ ተናግሮ ለሌሌች ማስተዋወቅ ሲችል ነው ።
ለዚህም ስኬታማነት በዚህ ስልጠና የተሳተፉት ታዋቂ ሽማግሌዎች ፡ ተጠሪ መምህራንና ርዕሰ መምህራን የጉራጌ ብሄረሰብ መገለጫ የሆኑትን አኩሪ እሴቶች እንዲተዋወቁና ለትውልድ ተሻጋሪ እንዲሆኑ የድርሻቸው መወጣት እንዳለባቸውም አቶ ይርጋለም አስገንዝበዋል ።
ሌላው በወረዳችን ብሎም በሀገራችን ተስፋፍቶ የሚገኘው ድህነትና ስራአጥነት ለማስወገድ ከሚቻልባቸው ዋና ዋና መንገዶች አንዱ የሆነው የቱሪዝም ኢንዱስትሪ ልማት እንዲስፋፋ ማድረግ ተጠቃሽ ነው ያሉት አቶ ይርጋለም ህብረተሰቡ ከዚህ ዘርፍ ከኢኮኖሚ ተጠቃሚ እንዲሆን ማድረግ የሚቻለው ለቱሪስቱ ደረጃቸው የጠበቁ የመስተንግዶ አገልግሎት ሰጪ ተቋማት ባለቤቶች ሀላፊነት መወጣት እንደሚኖርባቸውም መልዕክት አስተላልፈዋል ።
የእዣ ወረዳ ባህል ቱሪዝም ፅ/ቤት ሀላፊ ወ/ሮ የሺተካ እንደገለፁት የጉራጊኛ ቋንቋ ብሎም ሌሎች እሴቶቻችን በትውልዱ የተሻለ ደረጃ ለጥቅም እንዲውሉ ከፍተኛ ሚና መጫወት ከሚችሉ ተቋማት አንዱ ትምህርት ቤቶች ተጠቃሾች መሆናቸው ገልፀው ለዚህም ክበባቶች በማጠናከርና የጉራጊኛ የቋንቋ ቀን በየሳምንቱ በማወጅ ተማሪዎች በዚህ ቋንቋ ብቻ የሚግባቡት ሂደቱ ተጠናክሮ መቀጠል አለበት ።
እነዚህ የብሄረሰቡ መገለጫ የሆኑት የባህል እሴቶችና ሀገር በቀል እውቀቶች ተጠቅሞ ለትውልድ እንዲተላለፉ ሁሉም ሀላፊነቱ መወጣት እንደሚገባ የገለፁት ወ/ሮ የሺ በተለይም ቀድሞ ማህበረሰቡ ሲጠቀምባቸው የቆዩ ውብና ቀልብ ሳቢ የነበሩትን የሰርግ ስነ-ስርዓት ፡ የቤት አሰራር ፡ የጀፎሮ አጠባበቅ ፡ ባህላዊ የዳኝነት ስነ-ስርዓትና ሀገር በቀል እውቀቶችን በመጠበቅና ለትውልድ እንዲተላወፉ ሁሉም የድርሻው ሊወጣ ይገባልም ብለዋል ።
ከዚህ በተጨማሪ እንደ ወረዳው የሚገኙ አገልግሎት ሰጪ ተቋማት ከሚመለከታቸው ባለድርሻ አካላት ጋር የጥራት ደረጃቸውና የአገልግሎት አሰጣጣቸው ለማሻሻል የድጋፍና ክትትል ስራ እየተሰራ ያለው ስራ ተጠናክሮ እንደሚቀጥልም ወ/የሺ ተካ ገልፀዋል ።
በፅ/ቤቱ የቱ/አ/ሰ/ተ/ ዋና ስራ ሂደት አስተባባሪ የሆኑት አቶ አብረሃም መላኩ የስልጠናው ሰነድ ያቀረቡ ሲሆን የጉራጌ ብሄረሰብ መገለጫ የሆኑትን የተለያዩ አኩሪ እሴቶች እንዲተዋወቁ እንዲጠቅሙና ከትውልድ ወደ ትውልድ እዲሸጋገሩ ፅ/ቤቱ የድርሻውን እየተወጣ ቢሆንም አሁን ከዞን ጀምሮ በተደራጀና በተጠናከረ መልኩ የብሄረሰቡ እሴቶች ወደሚፈለጉበት ደረጃ እንዲደርሱ ከማድረግ አንፃር ቀሪ ስራዎች ይጠይቃል ብለዋል ።
የቱሪስት አገልግሎት ሰጪ ተቋማት ማሟላት ከሚገባቸው ጉዳዮች መካከል የህንፃው ስነ-ውበት ማራኪና ሳቢ መሆኑን ፡ የተሟላ የንፅህናና የመፀዳጃ ቤቶች እንዲኖር ማድረግ ፡ የሰራተኛች አለባበስና ሥነ ምግባር እንዲኖራቸው ማድረግ የመግቢያ ቦታዎች ምቹና ንፅህናቸው የጠበቁ መሆን እንዳለባቸውንና የመሳሰሉት ተጠቃሾች መሆናቸውንም በሰነዱ አመላክተዋል ።
ተሳታፊዎቹም በሰጡት አስተያየትም ፅ/ቤቱ እነዚህን እሴቶች እንዲጠናከሩ እያደረገውን ያለው ስራ ከሚመለከታቸው አካላት ጋር አጠናክሮ መቀጠል እንዳለበትና የቱሪስት አገልግሎት ሰጪ ተቋማት የአገልግሎ አሰጣጥ ደረጃው ለማሻሻል ከስልጠናው ብዙ ግንዛቤ ያገኙ በመሆኑ በቀጣይ የድርሻቸውን እንደሚወጡም ተናግረዋል።
በስልጠናው መጨረሻም ግንባር ቀደም የቱሪስት አገልግሎት ሰጪ ተቋማት የማበረታቻ ሰርተፊኬት ተሰጥቷቸዋል ሲል የዘገበው የወረዳው መንግስት ኮሚኒኬሽን ጉዳዮች ፅ/ቤት ነው።

ለህብረተሰቡ የተቀላጠፈ የጤና አገልግሎት በመስጠትና አሰራሩን በማዘመን የሆስፒታሉን ደረጃ ከፍ ለማድረግ እንደሚሰራ የቋንጤ የመጀመሪያ ደረጃ ሆስፒታል አስታወቀ፡፡

*======================*

የካቲት 2/2016 ዓ.ም [ቋንጤ]
ለህብረተሰቡ የተቀላጠፈ የጤና አገልግሎት በመስጠትና አሰራሩን በማዘመን የሆስፒታሉን ደረጃ ከፍ ለማድረግ እንደሚሰራ የቋንጤ የመጀመሪያ ደረጃ ሆስፒታል አስታወቀ፡፡
ሆስፒታሉ የ2016 ዓ.ም ሁለተኛ ሩብ ዓመት የማህበረሰብና የቦርድ ውይይትም አካሂዷል፡፡
የቋንጤ የመጀመሪያ ደረጃ ሆስፒታል ተገንብቶ ለህብረተሰቡ አገልግሎት መስጠት ከጀመረ አጭር እድሜ ያስቆጠረ ቢሆንም በፈጣን ለውጥ ውስጥ እያለፈ በመሆኑ በአገልግሎት አሰጣጥም ሆነ የውስጥ አሰራርን አዘምኖ ከመሄድ ጋር ይበል የሚያሰኝ ለውጥ በማስመዝገብ ላይ ያለ ተቋም ነው፡፡
ሆስፒታሉ በትናንትናው እለት ከአራት ቀበሌ ከተውጣጡ የማህበረሰብ ክፍሎች ጋር የወረዳው ዋና አስተዳዳሪ አቶ በህሩ ኸይረዲንና የወረዳው ጤና ጽ/ቤት ምክትል ሀላፊ አቶ አ/ላዚዝ ፋዲል እንዲሁም የሆስፒታሉ ሙሉ ማኔጅመንት በተገኙበት በሆስፒታሉ የውስጥ አሰራርና አገልግሎት አሰጣጡ ዙርያ ጥልቅ ውይይት ተደርጓል፡፡
በእለቱም ከተሳታፊዎች በርካታ ገንቢ የሆኑ ሀሳቦችና በቀጣይ ቢታረሙ ያሉዋቸውን ጉድለቶች ያነሱ ሲሆን የመዳኒት እጥረት፣ የአምቡላንስ ተደራሽነት ችግር፣ የጥቂት ባለሙያዎች የስነ-ምግባር ችግርና የጥርስ ሀኪም ያለመኖር የሚሉ ጥያቄዎችን ሰንዝረዋል፡፡
በዛሬው የቦርድ ስብሰባ ላይ የተገኙት የጉራጌ ዞን ረዳት የመንግስት ተጠሪና የሆስፒታሉ የቦርድ ሰብሳቢ አቶ አለማየሁ ገ/መስቀል እንዳሉት የጤና ተቋማት ከህክምና አገልግሎት አሰጣጥ ባልተናነሰ የተለያዩ አደረጃጀቶችን በተለይም የሴቶች ልማት ህብረት አደረጃጀቶችን በማጠናከር የቅድመ መከላከል ስራዎች ላይ ትኩረት ሰጥተው ሊሰሩ ይገባል ብለዋል፡፡
ሰብሳቢው አክለውም ሆስፒታሉ አሁን ያለበትን ደረጃ በማድነቅ በቀጣይ ራሱን በተለያዩ የህክምና መሳሪያዎችና የሰው ሃይል በማደራጀት እንዲሁም የአገልግሎት አሰጣጡን በማዘመን ደረጃውን ከፍ ለማድረግ መጣር እንዳለበት ጠቁመው በዚህም የዞኑ መንግስት አቅሙ በፈቀደ ለመደገፍ ዝግጁ መሆኑን አረጋግጠዋል፡፡
የጉራጌ ዞን ጤና መምሪያ ሀላፊ አቶ አየለ ፈቀደ በበኩላቸው ሆስፒታሉ አሁን ላይ ያሉበትን በርካታ ችግሮች ተጋፍጦ ለህዝቡ አገልግሎት እየሰጠበት ያለው መንገድ አድንቀው በቀጣይም በስሩ የሚገኙ ጤና ጣቢያዎችንና ጤና ኬላዎችን ደግፎ በማብቃት መጓዝ አለበት ብለዋል፡፡
ሆስፒታሉ በየጊዜው ከህዝብ የሚነሱ ቅሬታዎችን እየፈታ የመጣበት መንገድና አሰራሩን በማዘመን የህብረተሰቡን ርካታ ከመጨመር አንፃር ያመጣው ፈጣን ለውጥ በቀጣይ ደረጃውን ለማሻሻል በምናደርገው ርብርብ ተስፋ ሰጪ ነው ያሉት ደግሞ የወረዳው ዋና አስተዳዳሪና የሆስፒታሉ ምክትል የቦርድ ሰብሳቢ አቶ በህሩ ኸይረዲን ናቸው፡፡
ዋና አስተዳዳሪው አያይዘውም ወረዳው ሆስፒታሉ ከተመሰረተበት ጊዜ አንስቶ ከፍተኛ የሆነ የበጀት ድጋፍ ሲያደርግ እያደረገ እንደሚገኝ ጠቁመው በዘንድሮ አመትም ለነዳጅና መዳኒት ግዢ፣ ለተሽከርካሪና ማሽነሪ ጥገና እንዲሁም ለመዳኒት ክፍል ቁሳቁስ ማሟያ በጥቅሉ ከ2.4 ሚሊየን ብር በላይ በጀት ድጋፍ ማድረጉን አስታውሰው በቀጣይም አጠናክረው እንደሚቀጥሉ ገልፀዋል፡፡
የሆስፒታሉ ስራ አስኪያጅ አቶ ከበደ ግርማ በበኩላቸው ተቋሙ ምንም እንኳን በርካታ ውስጣዊ ችግሮች ቢኖርበትም የገጠሙትን ተግዳሮቶች በመቋቋም በህክምና ዘርፉም ሆነ በስሩ የሚገኙ የጤና ተቋማትን በመደገፉ ረገድ በርካታ ስራዎችን እየሰራ ይገኛል ብለዋል፡፡
በተለይ የእናቶችና ህፃናት ሞት ቅነሳ፣ ተኝቶ ህክምና፣ በሪፈር ለሚመጡ ታማሚዎችና ለድንገተኛ ክፍል ታካሚዎች ልዩ ትኩረት ሰጥቶ እንደሚሰራ አስረድተዋል፡፡
ይሁን እንጂ ተቋሙ ካለበት ከፍተኛ የሆነ የባለሙያዎችና የበጀት እጥረት፣ የህክምና ማሽነሪዎች ብልሽት (ማይክሮስኮፖች፣ ሲቢሲ ማሽን፣ ፍሪጆች፣የአንስቴዥያ ማሽን)፣ የመብራት መቆራረጥ፣ በኢትዮጵያ መዳኒት አቅርቦት ድርጅት (EPSA) የሚፈለጉ መዳኒቶች በብዛት ያለመገኘት ችግሮች ሆስፒታሉን እየተፈታተኑት ያሉ ተግዳሮቶች መሆናቸውን በአፅንኦት ገልፀዋል፡፡
በመጨረሻም የቦርዱ አባላት በህዝብ ውይይትና በቦርዱ ውይይት የተነሱ ችግሮችን በየደረጃው ያለ ባለድርሻ አካል ተቀናጅቶ በመስራት በፍጥነት እንዲቀረፉ አቅጣጫ ማስቀመጡንና የ2016 ዓ.ም የ2ኛ ግማሽ አመት እቅድ ላይ ተወያይቶ ማፅደቁን የዘገበው የወረዳው መ/ኮ/ጉ/ጽ/ቤት ነው፡፡

 

በዶ/ር መስፍን ሙሉጌታ የተጻፈ #ፍትሃዊ_ሪፐብሊክ_የተሰኘ መጽሐፍ በወልቂጤ ከተማ ተመርቆ ለንባብ በቅቷል።

*===================*

በዶ/ር መስፍን ሙሉጌታ የተጻፈ #ፍትሃዊ_ሪፐብሊክ_የተሰኘ መጽሐፍ በወልቂጤ ከተማ ተመርቆ ለንባብ በቅቷል።
መጽሃፉ በወልቂጤ ከተማ መመረቁ በአካባቢው አዳዲስ ደራሲያንና አንባቢያን ለማፍራት ከፍተኛ አስተዋጽኦ እንደሚያበረክት ተገለጸ፡፡
የመጽሐፉ ዝግጅት ያተኮረው ስለ ሰላም፣ ስለ ሀገረ መንግስት ግንባታ፣ ስለ አንድነት፣ ስለ ዜግነት ክብር፣ ስለ ፍትህ፣ ስለ አካታችነት፣ ስለ መልካም አስተዳደር እንዲሁም በመንግስትና በህዝብ መካከል ሊኖር ስለ ሚገባው ጤናማ ግንኙነት በአዲስ እይታ ይዞ ብቅ ያለ መጽሐፍ መሆኑን የወልቂጤ ዩኒቨርስቲ ምሁራን ገለጹ።
የወልቂጤ ዩኒቨርሲቲ የቋንቋና ስነ-ጹሑፍ መ/ር ካሚል ኑረዲን በመጽሐፉ ምረቃ ወቅት እንዳሉት ፍትሃዊ ሪፐብሊክ እውነትና ፍትህ ምን እንደሆነና የአለምን ጉድለት በደንብ የሚያሳይ ከወገንተኝነት ነፃ በሆነ መልኩ የተዘጋጀ ነው።
ደ/ር መስፍን ሙሉጌታ በመንግስትና በተለያዩ የግል ድርጅቶች በባለሙያነትና በአመራርነት በማገልገል በርካታ ልምድ ያካበቱ ናቸው። እነዚህም በቀድም የጉራጌ ልማት ማህበር በህዝብ ግንኙነት፣ በሀዋሳ ዩኒቨርስቲ በመምህርነት እንዲሁም ደቡብ ዲዛይንና ግንባታ ቁጥጥር ድርጅት በሲኒየር ኢኮኖሚስትነት አገልግለዋል።
ከሀገር ውጪ በጀርመን በዴካ ባንክ የማክሮ ኢኮኖሚ ባለሙያነት፣ በጀርመን ባንክ የአፍሪካ ግብርናና ኢንቨስትመንት አማካሪነት ያገለገሉ ሲሆን በሰሜን አሜሪካ፣ በጀርመን፣ በኔዘርላንድ፣ በፓርቹጋል፣ በጣሊያን፣ በቱርክ፣ በደቡብ አፍሪካ፣ በኬንያና በታይላንድ ዩኒቨርስቲዎች የተለያዩ የምርምር ስራዎቻቸውን በማቅረብ የሚታወቁ አለም አቀፍ ምሁር መሆናቸው ከዶ/ር መስፍን ሙሉጌታ ግለ ታሪክ ያገኘነው መረጃ ያመለክታል።
የመጽሐፉ በወልቂጤ ከተማ መመረቅ በአካባቢው አዳዲስ ደራሲያንና ተጨማሪ አንባቢያን እንዲፈጠሩ ከፍተኛ አስተዋጽኦ እንደሚያበረክት በምረቃው ወቅት ተገልጿል ሲል የዘገበው የጉራጌ ዞን የመንግስት ኮሚዩኒኬሽን ጉዳዮች መምሪያ ነው።

የመምህራን ስልጠና በይፋ ስለመጀመሩ:

*=============================*

የመምህራን ስልጠና በይፋ ስለመጀመሩ:

የካቲት 11-16 ድረስ ጋበር ከወልቂጤ ዩኒቨርሲቲ ጋር በመተባበር በተመረጡ የት/ርት ዘርፎች ላይ በአጠቃላይ ለ153 የመካከለኛና ከ/2//ደረጃ ት/ቤቶች መምህራን የሚሰጠው የአቅም ማጎልበቻ ሥልጠና በይፋ  ተጀምሯል። በመክፈቻውም የዩኒቨርሲቲው ተወካዮች ረ/ፕ አበበ ያበኬር (Industry linkage Director) እና ረ/ፕ ቸርነት ዘርጋ (Director for Community Service) እንዲሁም የኧዣ ወረዳ መስተዳድር፣ የት/ት ፅ/ቤትና የጋበር ሥራ አስኪያጅ በተገኙበት መምህራን ስልጠናውን በከፍተኛ ትኩረትና ጥብቅ ሥነ-ሥርአት ይከታተሉ ዘንድ በማሳሰብ በይፋ እንዲጀመር አድርገዋል። ሰልጣኝ መምህራንም የሚወስዱት ስልጠና ውጤት የሚታየው ተማሪዎቻቸው ላይ እንደሆነ የመክፈቻ ፕሮግራሙ ላይ ከአደራ ጭምር ተነግሯቸዋል ከዚህም በተጨማሪም አሁን ከሚሰለጥኑት መካከል ተመርጠው ወደፊት አቅም በፈቀደ መጠን ከ1-6 ክፍል ለሚያስተምሩ መምህራን ከጋበር ጋር በመተባበር የሸመቱትን እውቀት እንዲያወርዱት ጥረት እንደሚደረግም ተገልፆላቸዋል። በዚህ አጋጣሚ ስልጠናው የሚሰጥበትን ክፍሎችና ቁሳቁሶች ለአስልጣኞች የመጠጥ ውሐ ጭምር በማቅረብ ታላቅ ትብብር ያደረገልንን የአገና ኮንስትራክሽንና ኢንዱስትሪ ኮሌጅን እጅግ አድርገን እናመሰግናለን!!

ጋበር የበጎ/አ/ድ

ከሚያራርቁ የሚያቀራርቡ ጉዳዮች ላይ ትኩረት በመስጠት አንድነትና ሰላማችን ማስከበር እንደሚገባን ተገለፀ ።

**************************************

ከሚያራርቁ የሚያቀራርቡ ጉዳዮች ላይ ትኩረት በመስጠት አንድነትና ሰላማችን ማስከበር እንደሚገባን ተገለፀ ።

የእዣ ወረዳ ሰላምና ፀጥታ ፅ/ቤት በሀይማኖትና እምነት ጉዳዮች ለቀበሌ የሀይማኖት ተቋማት ጉባኤ አባላትና ለሌሎች ባለ ድርሻ አካላት ስልጠና ሰጥቷል ።

የእዣ ወረዳ ዋና አስተዳዳሪ አቶ ዘውዱ ዱላ ባደረጉት የመክፈቻ ንግግር ከቀድሞ ጀምሮ የነበሩትን የመከባበር ፡ የመቻቻልና የአንድነት እሴቶች ሰላም በማይፈልጉ አንዳንድ ሀይሎች እንዳይደበዝዙ በንቃት መሰራት ይገባል ።

ከሚያራርቁ የሚያቀራርቡ ጉዳዮች ላይ ትኩረት በመስጠት አንድነትና ሰላማችን ማስከበር እንደሚገባን የተናገሩት ዋና አስተዳዳሪው ለዚህም የሀይማኖት አባቶች ሃላፊነታቸው እጥፍ ድርብ መሆኑን በመገንዘብ አልፎ አልፎ በወረዳው የሚስተዋሉ የፅንፈኝነት እና የአክራሪነት እንዲሁም የተዛቡ አስተሳሰቦች ለማረም የጎላ ሚና መጫወት ይገባቸዋልም ብለዋል ።

ትብብርን ሳይሆን ፉክክክርን ማዕከል የሚያደርጉ ጉዳዮች መታረም አለባቸው ያሉት አቶ ዘውዱ በአንዳንድ ቤተ እምነት በሚስተዋሉ የአስተምሮ ችግሮች በፅኑ በመታገልና በማውገዝ የተጀመረውን የሰላም ሁኔታ እንዲዘልቅና እንዲፀና የሀይማኖት አባቶች ከመንግስት ጋር በመተባበር የበኩላችንን መወጣት እንደሚጠበቅባቸውም መልዕክት አስተላልፈዋል።

የእዣ ወረዳ ሰላምና ፀጥታ ፅ/ቤት ሀላፊ ደመቀ ሀብቴ በበኩላቸው የሀይማኖት ተቋማት ትውልድን በመቅረፅ ረገድ ትልቅ ሚና ያላቸው ሲሆን በዚህም የተገነባ ትውልድ ለወረዳው ብሎም ለሀገር ሁለንተናዊ እድገት ሚናው የጎላ ነው ብለዋል።

በወረዳው ለረጅም ጊዜ የቆየውን የማህበረሰቡ ሰላምና አንድነት በላቀ መልኩ እንዲቀጥል ርብርብ የሚያስፈልግበት ጊዜ ነው ያሉት አቶ ደመቀ በወረዳ አንዳንድ ጥቂት የራሳቸው ፍላጎት ያላቸው ግለሰቦች ከጥንት ጀምሮ የቆየውን የማህበረሰቡ አንድነትና ሰላም እንዳያዛቡ በተረጋጋ ሁኔታና በጥልቀት በመገንዘብ የሀይማኖት አባቶች ያላቸውን ትልቅ አደራና ሀላፊነት ሊወጡ እንደሚገባም አሳስበዋል ።

የፅ/ቤቱ ባለሙያ የሆኑት አቶ ቶፊቅ ሺፋ በወረዳው በሀይማኖትና እምነት ላይ ትኩረት ያደረገ ሰነድ ያቀረቡ ሲሆን የእምነት ተቋማት ከየትኛውም ፖለቲካ ሰለባ እንዳይሆኑ ነቅቶ በመጠበቅ የራሳቸውን አስተምሮት ብቻ ላይ በማተኮር ለወረዳው ብሎም ለሀገር ሰላምና ለህዝቡ አንድነት እንዲሁም መፈቃቀር ላይ ከመቼውም ጊዜ በላይ አጠንክረው መስራት እንዳለባቸውም በሰነዱ አመላክተዋል ።

በእለቱም የተሳተፉት የሀይማኖት አባቶች በሰጡት አስተያየትም በየቤተ እምነቱ ያሉት የሀይማኖት አባቶች አንዳንድ ችግሮች ሲኖሩ መግባባት እንዲፈጠር የተጣለባቸውን ሀላፊነት በአግባቡ መወጣት እንዳለባቸውም ተናግረዋል።

አስተያየት ሰጪዎች አክለውም በተለይም የሀይማኖት አባቶች በየቤተ እምነታቸው ለምዕመናኑ በሰላምና በአብሮነት ላይ አስተምሮት ላይ ጠንካራ ስራ መስራት እንደሚጠበቅም ተናግረዋል ።

በቀጣይም ለወረዳው ብሎም ለሀገር ፍፁም ሰላምና አብሮነት ላይ በመንግስት ደረጃ እየተከናወኑ ያሉ ስራዎች ውጤታማ እንዲሆኑ የሀይማኖት አባቶች የድርሻቸው እንደሚወጡም በአስተያየታቸው ተናግረዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

በቦዠባር ከተማ አዲስ መናኸሪ ግንባታው ተጠናቆ አገልግሎት መስጠት መጀመሩን በጉራጌ ዞን የእዣ ወረዳ ትራንስፖርትና መንገድ ልማት ፅ/ቤት አስታወቀ ።

****************************

በቦዠባር ከተማ አዲስ መናኸሪ ግንባታው ተጠናቆ አገልግሎት መስጠት መጀመሩን በጉራጌ ዞን የእዣ ወረዳ ትራንስፖርትና መንገድ ልማት ፅ/ቤት አስታወቀ ።
መናኸሪያው ተገንብቶ አገልግሎት መጀመሩን ለተለያዩ እንግልት ከሚዳርጉና ያለአግባብ ወጪዎች የሚቀርፍ እንደሆነም በከተማው ያነጋገርናቸው የህብረተሰብ ክፍሎች ተናግረዋል ።
የእዣ ወረዳ ትራንስፖርትና መንገድ ልማት ፅ/ቤት ሀላፊ አቶ ኢብራሂም አወል የአገልግሎቱ አሰጣጥ በተመለከቱበት ወቅት እንደገለፁት በከተማው የሚሰጠውን የትራንስፖርት አገልግሎት ህጋዊ ለማድረግ የመናኸሪያው መገንባት ፋይዳው የጎላ ነው ።
ቦዠባር ከተማ ለማደግ ብዙ ምቹ ሁኔታዎችና እድሎች አሉት ያሉት ሀላፊው ከነዚህም መካከል አንዱ ከፍተኛ የምርት አካባቢ በመሆኑ ብዙ የትራንስፖርት ፍሰት አለው ብለዋል ።
በመኑም በከተማው ህገ -ወጥ የትራንስፖርት እንቅስቃሴ ለአብነትም ከታሪፍ በላይ ማስከፈል ፡ ትርፍ ጭነት ፡ በፈለጉት አካባቢ መስራት እንዲሁም ማህበረሰቡ በዘርፉ ማግኘት ያለበትን አገልግሎት ያለማግኘት ችግሮች ተጠቃሽ እንደነበሩ ያስታወሱት አቶ ኢብራሂም ይህንን የመናኸሪያ አገልግሎት መጀመሩን እነዚህ ክፍተቶች ቀስበቀስ ለመቅረፍ የሚቻልበት ምቹ ሁኔታን ይፈጥራል ብለዋል።
ይህንን ተቋም ስራ ለማስጀመር ምንም እንኳ ካሳ ተከፍሎአቸው ቢሆንም የይዞታ ባለቤት ከሆነው አርሶአደር ጀምሮ የተለያዩ ባለድርሻ አካላት ተሳትፎና ትብብር አድርገዋል ያሉት ሀላፊው በተለይም የወረዳው መንግስት ከገንዘብ ድጋፍ በተጨማሪ ተገንብቶ አገልግሎት መስጠት እስከሚጀምርበት ሰዓት ድረስ ሙያዊ ድጋፍና ክትትል አድርጎአልም ብለዋል።
በአጠቃላይ ለዚህ መናኸሪያ ለባለይዞታዎች ካሳ ከመክፈል ጨምሮ እስከ ሙሉ ግንባታው ከ5ሚሊየን ብር በላይ ወጪ መደረጉንም አቶ ኢብራሂም አክለው ገልፀዋል ።
በቀጣይ የሚፈልገውን ጤናማ የትራንስፖርት አገልግሎት እንዲኖር የማህበረሰቡ ንቁ ተሳትፎ ይጠይቃል ያሉት ሀላፊው ህብረተሰቡም በመናኸሪያው ውስጥ በመሳፈር ፡ ትርፍ ባለመጫንና ከታሪፍ በላይ እንዳይከፍል ከተቋሙ ብሎም ከመንገድ ደህንነት ባለሙያዎች ጋር ተናቦ መስራት እንደሚገባውም መልዕክት አስተላልፈዋል ።
የቦዠባር ከተማ ማዘጋጃ ቤት ስራስኪያጅ አቶ ሲሳይ ሽምሳ በበኩላቸው በከተማው ከተሰሩ ዋና ዋና ተግባራት አንዱ ይህ የመናኸሪያ ግንባታ ሲሆን ይህም አገልግሎት እንዲጀምር ከፍተኛ ገንዘብና ሰፊ እርብርብ ተደርጎበታል ብለዋል ።
ይሆም እንዲሳካ የወረዳው መንግስት ከገንዘብ ድጋፍ አንስቶ እጅግ ከፍተኛ አስተዋፅኦ አድርጎአል ያሉት አቶ ሲሳይ የቦዠባር ማህበረሰብም የመናኸሪያ ቦታ ግንባታ ተጀምሮ እስኪጠናቀቅ በተለያየ መልኩ ተሳትፎ ማድረጉንም ጨምረው ተናግረዋል።
በቀጣይም መናኸሪያው ለማህበረሰቡ አስፈላጊውን ጥቅም እንዲሰጥ ከወረዳው ሚመለከተው ባለድርሻ አካላት ጋር በመቀናጀት በትጋት ይሰራል ያሉት አቶ ሲሳይ ህብረተሰቡም መናኸሪያው ያለው ከፍተኛ ጥቅም በመገንዘብ ከመናኸሪያ ውጪ ባለመሳፈርና ህገወጥ የትራንስፖርት እንቅስቃሴ ሲኖር ለሚመለከተው አካል ጥቆማ በመስጠት አገልግሎቱ በተፈለገው መንገድ እንዲሰጥ የድርሻውን መጫወት እንዳለበትም መልዕክት አስተላልፈዋል።
በከተማው ያነጋገርናቸው አንዳንድ አስተያየት ሰጪዎችም መናኸሪያው ተገንብቶ አገልግሎት መጀመሩ ለተለያየ ችግር ከሚዳርጉ እንግልትና ያላግባብ ወጪዎች የሚቀርፍ ነው ብለዋል።
በከተማው ከዚህ በፊት የትራንስፖቱ አገልግሎቱ የነበረው በአስፋልት ዳር መሆኑን ተከትሎ ለትራፊክ አደጋ ከፍተኛ ስጋት ነበር ያሉት አስተያየት ሰጪዎቹ መናኸሪያ መገንባቱ ዘርፈ ብዙ ጥቅሞች ያሉት በመሆኑ ለዚህም ስኬት የወረዳው መንግስትና ለከተማ ማዘጋጃ ቤቱ ምስጋናቸውን አቅርበዋል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

የመላው እዣ ወረዳ የልዩ ልዩ ስፖርቶች ሻምፒዬና ከዛሬ ጀምሮ እንደሚካሄድ ተገለጸ ።

*=============================*

የመላው እዣ ወረዳ የልዩ ልዩ ስፖርቶች ሻምፒዬና ከዛሬ ጀምሮ እንደሚካሄድ ተገለጸ ።
የእዣ ወረዳ ወጣቶችና ስፖርት ጽ/ቤት የወረደው የልዩ ልዩ ስፖርቶች ሻምፒዬና ከቀን 13/06/2016 አ/ም ጀምሮ ሁሉንም የወረዳው ት/ቤቶችንና ቀበሌዎች ባማከለ መልኩ የተለያዩ የስፖርት ውድድሮች የሚካሄድ መሆኑን ጽ/ቤቱ ገልፆአል ።
ፅ/ቤቱ ይህንን ውድድር ተጀምሮ እስኪጠናቀቅ ፍፁም ሰላማዊ እንዲሆን ከሚመለከተው አካላት ጋር በትላንትናዉ እለት ውይይት መድረጉንና አስፈላጊውን ቅድመ ዝግጅት መጠናቀቁን ከፅ/ቤቱ ያገኘነው መረጃ ያመላክታል ።
በዚህም ውድድር ወረዳውን ወክለው የሚሳተፋ ምርጥ ስፖረተኞችን በመምርጥ በዞን ለሚደረገው የልዩ ልዩ ስፖርትና ባህል ስፖርት ውድድር ተሳታፊ እደሚሆኑ ተገልጾል።

በጉራጌ ዞን እዣ ወረዳ በቆጠር ገድራና አካባቢው የሚገኙ ተወላጅ ባለሀብቶችና ማህበረሰቡ በትምህርቱ ዘርፍ እያደረጉት ያለው ተሳትፎ ለሌሎችም አካባቢዎች መነሳሳትን እየፈጠረ ይገኛል ።

=======================

በጉራጌ ዞን እዣ ወረዳ በቆጠር ገድራና አካባቢው የሚገኙ ተወላጅ ባለሀብቶችና ማህበረሰቡ በትምህርቱ ዘርፍ እያደረጉት ያለው ተሳትፎ ለሌሎችም አካባቢዎች መነሳሳትን እየፈጠረ ይገኛል ።
የአካባቢው ተወላጅ ባለሀብቶች ፡ በውጭና በሀገር ውስጥ የሚገኙ የቀድሞ ተማሪዎችና ማህበረሰቡ በቆጠር ገድራ 2ኛ ደረጃ ት/ት ፡ የሻመነ 1ኛ ደረጃ ትምህርት ቤት እና የቆጠር 1ኛ ደረጃ ትምህርት ቤቶች ላይ በርካታ ስራዎች እያከናወኑ መሆኑን በአካል መመልከት ይቻላል ።
በ3ቱም ትምህርት ቤቶች ከ20ሚሊየን ብር በላይ በጀት በመመደብ ተጨማሪ የመማሪያ ግንባታዎች ፡ የመምህራን መኖሪያ ቤቶች ግንባት ፡ የመማሪያ ክፍሎች እድሳት ፡ ውብና ማራኪ የሆኑ መግቢያ በር ግንባታ የላይበረሪ እና ሌሎችም ለትምህርት አስፈላጊ የሆኑ ግብዓቶች እንዲሟሉ በማድረግ ለተማሪዎች ምቹ የትምህርት አካባቢ እንዲፈጠርላቸው አድርገዋል።
የአካባቢው ተወላጆች ለረጅም አመታት የተለያዩ የልማት ስራዎች በተደራጀ መንገድ ከወረዳው መንግስት ጋር በመናበብ የሚያደርጉት እንቅስቃሴ ለሌሎችም አካባቢዎች መነቃቃት በመፍጠር እንደ ወረዳው አሻራቸው እየጣሉም ይገኛሉ ።
እዣ ወረዳ እነደዚህ አይነት የልማት ተሳትፎ የሚደርጉ ትውልዶች በአሁን ሰዓት በሰፊው በመንቀሳቀስ በቅርቡ ምናውቀው እንደ ” ጋበር ” ያለ ለህዝብና ለነገ ትውልድ አሳቢ ድርጅት ተቋቁሞ በአጭር ጊዜ ታምር የሚመስሉ ስራዎች እየተሰሩ መሆኑን እጅግ ይበል የሚያሰኝ ነው ።
የእዣ ወረዳ አስተዳደር እነዚህን አካላት መጥተው አካባቢያቸው እንዲደግፉ በማወያየትም ይሁን ተቀራርቦ በመነጋገር እና ለሚቸግራቸው ጉዳዮች የመፍትሄ አካል እንዲሆን እያደረገላቸው ያለው ትብብር ይበልጥ ለማህበረሰባቸው እንዲያስቡ መነሳሳት እንደፈጠረላቸውም ተወላጅ ባለሀብቶቹ በተለያየ ወቅት በሚኖሩ መድረኮች ላይ በአስተያየት ሲገልፁ መረዳት ይቻላል።
በአጠቃላይ ከተቀናጁ ፡ ከተወያዩ ፡ በጋራ ጉዳዮች ላይ መግባባቶች ከተፈጡሩ ማህበረሰቡ በቀላሉ ከድህነት ከማውጣት በተጨማሪ ነገን አካባቢው ሚለውጥ ፡ ሀገርን ሚያሳድግ ትውልድ ጭምር ማፍራት ይቻላልና በቆጠርገድራ ቀበሌና አካባቢው የሚገኙ ተወላጅ ባለሀብቶች ፡ የቀድሞ ተማሪዎችና መላው ማህበረሰቡ የልማት ተሳትፎ በሁሉም የወረዳችንና ከተማ አስተዳደሩ አካባቢዎች በማሳፋፋት ታሪክ እንስራ መልዕክታችን ነው ። መረጃው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።

በጉራጌ ዞን የእዣ ወረዳ ምክርቤት የላቀ አፈፃፀም ላስመዘገቡ የቀበሌ ምክር ቤቶች ፡ ስራስኪያጆችና የተቋሙ ግንባር ቀደም ባለሙያዎች የማበረታቻ ሽልማት አበረከተ።

=====================

ህዳር 25/2016 ዓም
በጉራጌ ዞን የእዣ ወረዳ ምክርቤት የላቀ አፈፃፀም ላስመዘገቡ የቀበሌ ምክር ቤቶች ፡ ስራስኪያጆችና የተቋሙ ግንባር ቀደም ባለሙያዎች የማበረታቻ ሽልማት አበረከተ።
ም/ቤቱ የ2016 ዓም 1ኛ ሩብ ዓመት 4ኛ ዙር 10ኛ ዓመት 34ኛ የቀበሌዎች ም/ቤቶች የጋራ የምክክር መድረክ/ፎረም / በዛሬው እለት አካሂዷል ።
የእዣ ወረዳ ም/ቤት ዋና አፈ ጉባኤ አቶ ሙከረም በደዊ በመክፈቻ ንግግራቸው በየደረጃው የሚገኙ ምክር ቤቶች የክትትልና ቁጥጥር አቅማቸው በማሳደግ የማህበረሰቡ ተጠቃሚነት በሚያረጋግጡ ጉዳዮች ላይ መስራት ይገባቸዋል ብለዋል ።
በቀበሌ ደረጃ አስፈፃሚ ሴክተሮች ስራቸው በምክር ቤት እያስገመገመ ያለበት አግባብ እና የመልካም አስተዳደር ችግሮች እየተቀአፉ የመጡበት አግባብ መጠናከር እንደሚገባውውም አፈ ጉባኤው ጨምረው ገልፀዋል ።
አሁንም በትኩረት መሰራት የሚገባቸው የቀበሌ ምክር ቤት ቋሚ ኮሚቴዎች የክትትልና ቁጥጥር ተግባር ስራ የሚጠይቅ መሆኑን ፡ የምክር ቤት ጉባኤ የሚያቆራርጡ ቀበሌዎች መኖራቸውና ሌሎች ትኩረት መሰጠቶ ያለባቸው ስራዎች በማረም የቀበሌ ምክር ቤቶች የህዝብ ውክልናቸው ማረጋገጥ እንደሚገባቸውም አቶ ሙከረም ጨምረው አስገንዝበዋል።
የቀበሌ ምክር ቤት ተግባራት የባለድርሻ አካላት ሚና ከፍተኛ እንደመሆኑ መጠን ከባለድርሻ አካላት ጋር በቅንጅት ሊሰሩ እንደሚገባ የተናገሩት አቶ ሙከረም ህዝቡን የጣለባቸዉን አደራ ለመወጣት የሚያጋጥማቸዉ ችግሮችን በመለየት በቀበሌዉ ለሚፈለጉ ልማቶች አፋጣኝ ምላሽ እንዲያገኙ ማድረግ እንዳለባቸዉ መልዕክት አስተላልፈዋል።
ምክር ቤቱ ባለሙያ አቶ ተስፋዬ ካሳ የተለያዩ ሰነዶች ባቀረቡበት ወቅት እንደዚህ አይነት የምክክር መድረኮች በቀበሌ ደረጃ የሚገኙ ምክር ቤቶች ካላባቸው ጉድለት በማላቀቅና ልምድ በመቅሰም ለወከላቸው ማህበረሰብ በተገቢው ለማገልገልና በቁርጠኝነት ለመስራት እንደሚያስችል እንደሆነም አመላክተዋል ።
ም/ቤቶች የህዝብ ጥቅምን ለማስጠበቅ ዋና አላማ በማድረግ የተመሰረቱ መሆናቸዉን ጨምረው የገለፁቶ አቶ ተስፋዬ ይህንኑ በመገንዘብ ድጋፍና ክትትል በማድረግ ፣የሚጋጥማቸዉን ችግሮችን በመለየት፣ጉባኤዎችን በወቅቱ በማከናወን፣ በየቀበሌው ህዝቡ የሚፈልገዉን ልማት የሚያገኝበት መንገዶች በመዘርጋት ከሚመለከታቸው አካላት ጋር በቅንጅት ሊሰሩበት እንደሚገባም አመላክተዋል ።
ም/ቤቱ የላቀ አፈፃፀም ላስመዘገቡ የቀበሌ ምክር ቤቶች ፡ ስራስኪያጆችና የተቋሙ ግንባርቀደም ባለሙያዎች የማበረታቻ ሽልማት አበርክቷል ሲል የዘገበው የእዣ ወረዳ መንግስት ኮሚኒኬሽን ጉዳዮች ፅ/ቤት ነው ።